အရင် အတိုင်းပဲ သူငယ်ချင်း

:kiki

: at 12/02/2010 05:57:00 PM

သူငယ်ချင်းရေ...
မင်းတို့ငါတို့ တတွေ အားလုံး စောင့်မျှော်နေခဲ့ကြရတဲ့ ၊အသာစံသူတွေရဲ့ လိမ်ညာမှုကြီးကို သိရဲ့နဲ့ အညာခံလိုသူတွေ လည်စင်းခံပြီး အလိမ်အညာခံခဲ့ကြတဲ့ ပွဲကြီးလည်း ပြီးခဲ့ပြီ ။ ကလေးရော ခွေးပါသိနှင့်ကြတဲ့ အတိုင်း ထွက်လာတဲ့ အဖြေ ဟာ စာမေးပွဲတွေ မစခင်တည်းက မေးခွန်းရထားပြီး ဖြေစရာတောင် မလိုပဲ အလိုလိုအောင်ပြီးသားသာ မက ဂုဏ်ထူးပေါင်းမြောက်များစွာ ရရှိကြတဲ့ အခွင့်ထူးခံ ဖြေဆိုသူများရဲ့  အလိုဆန္ဒတွေ အတိုင်း ၊ အတိုင်းထက် လွန်ပြီး ရာနှုန်းပြည့်ယုံ မက ရာနှုန်း ၁၀၂ တောင် ကျော်သွားလို့  နဲနဲ အရှိန်ပြန်သတ်ပြီး connection error တက်တတ်တဲ့ အတိုင်း အကျင့်ပါနေကြ မို့ လား ၊ typing error တက် သလိုလိုနဲ့  ၊ ပေါင်း နှုတ် မြှောက်စား ဂဏန်းသချာင်္ မကျွမ်းသူတွေ ပြန်လည် ပြင်ဆင် ကြော်ငြာ ခဲ့တဲ့ ဗြောင်လိမ့် ဗြောင်လိမ် ပွဲကြီးလည်း ပြီးခဲ့ပြီ ။ ဒီနောက်ပိုင်းဘာတွေ ထူးခြားလာသလည်း လို့ အွန်လိုင်းမှာ ငါ နဲ့ တွေ့ တိုင်း အမြဲမေးနေတတ်တဲ့ နင့်ရဲ့  မေးခွန်းတွေကို ဖြေနေကျ အတိုင်းပဲ ပြန်ဖြေလိုက်မယ်ကွာ ။ ဘာမှ မထူးဘူး သူငယ်ချင်းရေ ၊ အရင် အတိုင်းပဲဟ .. လို့ ပေါ့ ။

မထူးတဲ့ အကြောင်းတွေ မပြောခင် ထူးတာလေး အရင် ပြောမယ် ၊ ထူးခြားတာတခုတော့ ရှိတယ်ကွ။ ၂၀၁၀ နိုဝင်ဘာ ၇ ရက်နေ့  အပြီး အများသိကြတဲ့ အတိုင်း ထွက်လာတဲ့ ရလာဒ်ကြီး အကြောင်းတော့ မပြော လိုတော့ဘူး ။ ၁၃ ရက် နေ့ မှာ ငါတို့ လေးစား ချစ်ခင်ကြတဲ့ ငါတို့ ရဲ့ ခေါင်းဆောင်ကောင်း သူရဲကောင်း အမေ ဒေါ်စု ကို ဆက်လက် ထိန်းသိမ်းထားဖို့  အကြောင်းရှာ မရလို့ လားတော့ မသိ၊ အမှန်တကယ်ပြန်လွှတ်ပေးလိုက်တာရယ် ၊ နိုဝင်ဘာ ၂၂ ရက် မှာ အမေစုနဲ့ ၁၀ နှစ်ကျော် ကွဲကွာနေတဲ့ သားငယ် Kim Aris ကို အကြိမ်ပေါင်းများစွာ ပယ်ချထားခဲ့ပြီးမှ စိတ်ကောင်းဝင်လာသလိုလို နဲ့ ပြည်ဝင်ခွင့် ဗီဇာ ပေးလိုက်တာ ရယ် ၊ ဒါတွေကတော့ ထူးခြားသလိုပဲ ဟေ့ ။ ထိုးမဲ့ဆင် နောက်တလှမ်းဆုတ် ဆိုသလို မျိုး ဘာအကြံ အစည် ထောင်ချောက်တွေ ရှိနေမလည်း မသိဘူး ကွ ။

ငါလည်း အဲ့ဒီ ၁၃ ရက် နေ့ ကို ၇ ရက်နေ့ ထက် ပိုပြီး စိတ်ဝင်စား မျှော်လင့် တကြီးစောင့် နေပြီးခါမှ ၊ အဲ့ဒီနေ့ ကျရင် အမေစု ခြံရှေ့ ၊ ပိတ်ထားတဲ့ သံဆူးကြိုးတွေ ရှေ့ မှာ မနက်စောစောတည်းက စောင့်ကြည့် ကြဖို့  ငါ့ အကိုတွေ နဲ့ တိုင်ပင်ထားပြီးခါမှ အရေးပေါ် အခြေအနေတရပ်ကြောင့် ရွာအပြင်ကိုခဏ ပြန်ထွက်လာခဲ့ရလို့  အမေစု လွတ်လာတဲ့ ပျော်ရွှင်စရာ ငိုချင်စရာ အချိန်လေးကို ကိုယ်တိုင်ကိုယ်ကျ မမြင်လိုက်ရတာ ရင်ထဲ ကလိကလိ နဲ့ ရွစိထိုးနေသလိုပဲ ။ အဲဒီနေ့  အဲဒီ အချိန်က နင့်ရဲ့ အိမ်မှာ ငါတို့  နှစ်ယောက်သား ဘယ်မှ ထွက်မလည် နိုင်ပဲ ခေါင်းချင်းဆိုင်ပြီး အင်တာနက်သတင်းတွေ အသည်းအသန် လိုက်ရှာ လိုက်ဖတ် လိုက်ကြည့် နေကြတာကို ခုထိ ပြန်မြင်ယောင် နေသေးသဟ ။

တခုတော့ တော်သေးတယ် လို့ ဆိုရမယ် ။ အမေစုကို ကိုယ်တိုင်ကိုယ်ကျ မမြင်လိုက်ရပေမဲ့ အင်တာနက်တွေ ကောင်းမှု ၊ မီဒီယာသမားတွေရဲ့ ကျေးဇူးတွေကြောင့် အချိန်တိုတို အတွင်းမှာ ပြည်တွင်းက အခြေအနေတွေ ၊ အမေစု ရုပ် နဲ့ အသံတွေကိုလေလှိုင်းကနေ တဆင့် ကြားရ မြင်ရတယ် ။ သံဆူးကြိုး ဂိတ်ကို ဖွင့်ပေးလိုက်တဲ့ အချိန်မှာ အပြေးတပိုင်း အငိုတပိုင်း တိုးဝင်လာကြတဲ့ ဒို့  ပြည်သူတွေကို တွေ့ လိုက်ရတဲ့ အချိန်မှာ ငါ့ရင်ထဲမှာ တစ်ဆို့ ဆို့ ကြီးနဲ့ အမျိုးအမည်ဖေါ်မပြနိုင်တဲ့ ဝေဒနာ တမျိုးခံစားလိုက်ရတယ် ။

ဝမ်းနည်းဝမ်းသာ လို့ ပဲ အလွယ်ကူဆုံး ပုံဖေါ်ရတော့ မှာ ပဲ ကွာ ။
ထူးမခြားနား ဒုံရင်း ဒုံရင်း အဖြစ်တွေထဲက လတ်တလော အဖြစ်တခုကို နင်သိအောင် ပြောရအုံးမယ် ။ ပြီးခဲ့တဲ့ ဇွန်လတုံးက ၊ ပြည်သူလူထုကို ယာဉ်သုံးလောင်စာဆီ၊ လွယ်လွယ်ပြောရရင် ဓါတ်ဆီတို့ ဒီဇယ်ဆီတို့ကို ဈေးနှုန်း မမြှင့်တင်ပဲ လိုသလောက် ကြိုက်တဲ့ဆိုင်မှာ လွတ်လပ်စွာ ဝယ်ယူ ထည့်ယူလို့ ရပြီ ဆိုတော့ ငါတို့တတွေ အတော်လေး စိတ်ချမ်းသာ ခဲ့ရတယ်ကွ ။ ကိုယ်လို သလောက်ပဲ သွားထဲ့ ကြတာပေါ့ ။ အပြင် မှောင်ခိုဈေးက ပိုပြီးနဲနေ လို့  ဓါတ်ဆီထုတ်ပြီး ပြန်ရောင်းစားကြတဲ့သူတွေလည်း မရှိကြတော့ပါဘူး ။

လွန်ခဲ့တဲ့ နှစ် ၂၀ ကျော် က ဈေးနှုန်းတွေ နဲ့ပြန် မယှဉ်နိုင်ပေမဲ့ လွတ်လပ်စွာထည့်လို့ရနေတာကိုပဲ ကြံဖန် ကျေးဇူးတင်မိလိုက်သေးတယ် ။ ဒါပေမဲ့ ခုတော့လည်း အရင်အတိုင်းပဲ သူငယ်ချင်းရေ ။ ဓါတ်ဆီဆိုင်တွေမှာ တန်းစီ စောင့်နေကြတဲ့ ကားတန်းရှည်ကြီးတွေကို ရွေးကောက်ပွဲ အပြီးမှာ ပြန်ပြီး မြင်နေကြရပြီ ။ ဘယ်လို ဖြစ်ကြတာလည်း လို့  စပ်စုမိတော့ သူတို့ နဲ့နီးစပ်ရာ အသိုင်းအဝိုင်းတွေကိုပဲ လုပ်ပိုင်ခွင့်ပေးထားတဲ့ ဒီလောင်စာဆီ လုပ်ငန်းတွေကို လုပ်ခွင့်ရနေကြတဲ့ ဒီရလေလိုလေ အိုတစ္ဆေအမျိုးတွေက လူထုအတွက် ရောင်းချပေးရမယ့် ဆီတွေကို အပြင်မှောင်ခိုတွေဆီမှာ တဂါလံ ၂၀၀ ကျပ် အမြတ်နဲ့ ရောင်းလိုက်ကြလို့ ပြည်သူတွေ အတွက် ဆီတွေ မလုံမလောက်ဖြစ်နေကြရတာတဲ့ လေ ။ တနေ့ တနေ့  သူတို့  ခွဲတမ်းရတဲ့ ဆီတွေ ဘယ်လောက်တောင်ရှိမလည်း ဆိုတာ မှန်းကြည့် ပေါ့ ကွာ ။

သတ်မှတ်ဈေးနှုန်းက ရိုးရိုးဓါတ်ဆီ တဂါလံ ၂၅၀၀ ကျပ်၊ (အဆင့်မြင့်ဆီ ဆိုလား သူတို့ အခေါ် )Octane ဆီက ၃၂၀၀ ကျပ်ဆိုတော့ ငါတို့ လို ကားအအို အဟောင်း စီးသူများအတွက် ရိုးရိုးဆီပဲ ထည့်ချင်တာပေါ့ ။ ဒါပေမဲ့ အောက်တိန်းဆီ နဲ့ တွဲ ထည့် မှ ရတယ် တဲ့ သူငယ်ချင်းရေ ။

ဒီလို အရော အနှောတွေကို မင်းတို့  ဆီမှာရော ကမ္ဘာတဝှမ်းမှာပါ ကြားဖူးကြရဲ့လား ဟ ။ ဒါတင်မက ဓါတ်ဆီထည့်ရဖို့  မနက်စောစော ၄ နာရီတည်းက ထပြီး တန်းစီနေကြရပြန်တယ် ကွ ။ ဒီဇင်ဘာအားကစားလ ဆိုတော့ စောစောထ လို့ စောစောတန်းစီလို့ .. လို့ပဲ သီချင်းအော်ဆိုချင်လိုက်တာ ကွာ ။ ဓါတ်ဆီရိုးရိုးတမျိုးထဲ ရောင်းတဲ့ဆိုင်တွေမှာတော့ ကားတန်းရှည်ကြီးက ပိုပြီးဆိုးသကွ ။

လူတွေကလည်း လူတွေပဲကိုး ၊အရင်လို ဆီခွဲတမ်းစာအုပ်နဲ့ မဟုတ်တော့ပဲ ကြိုက်တဲ့ဆိုင်မှာ ကြိုက်သလောက် ထည့်နိုင်တယ် ဆိုတော့၊ တနေ့ လုံး ရန်ကုန်တမြို့ လုံးမှာ ရှိတဲ့ဓါတ်ဆီဆိုင်တကာကို လှည့်ပတ်ထည့်ပြီး တစ်ဂါလံ ကို ၅၀၀ - ၆၀၀ -ကျပ် အသားတင် အမြတ်နဲ့ ပြန်ရောင်းစားနေကြတဲ့ သူတွေကြောင့် အမှန်တကယ် သုံးစွဲသူတွေ ဒုက္ခရောက်ကြရတယ် ။ မင်းတို့ ကြိုက်သလောက် ထည့်စမ်းကွာ လိုသလောက်ရောင်းပေးမယ် ဆိုရလောက်အောင်ကလည်း ဆီတွေက အလုံအလောက်မှ မပေးနိုင်တာကြောင့် ခုဆိုရင် ဆီစာအုပ်နဲ့ မဟုတ်ပေမဲ့ wheel tax ကဒ်လေးပြမှ ဆီထည့်ခွင့်ရတယ် တဲ့ဟေ့ ။ နောင်မကြာခင်မှာတော့ အရင်အတိုင်းပဲ စာအုပ်နဲ့ ကန့်သတ်ချက်နဲ့ ထည့်ရတဲ့ အခြေအနေ ပြန်ရောက်မှာသေချာတယ် ။

လမ်းတွေခင်းထားတာကလည်း တဝက်တပျက် နဲ့ ဒီအတိုင်းပဲ ကျန်ရစ်သဟေ့ ။ ဒါကြောင့် လူတွေက ပြောနေကြတာ “လမ်းတခြမ်းခင်း အောင်သိန်းလင်း” တဲ့ ။ ပြောမယ်ဆိုလည်း ပြောသင့်တယ်ကွ ။ ရွေးကောက်ပွဲ မတိုင်ခင်က ၊ ရွေးကောက်ပွဲတွေ နီးလာတဲ့ အချိန်က သူတို့ တွေ အာဘောင်အာရင်းသန်သန်နဲ့ လျှာအရိုးမရှိ်တိုင်း ပြောခဲ့ကြတာ ၊ သူတို့  ဖွတ်တွေကို မဲထဲ့ရင် အဲ့ဒီရပ်ကွက်ကို လမ်းခင်းပေးမယ် ဆိုပဲဟ ။ ဒီတော့လည်း လူတွေက ယုံကြသပေါ့ ။ တချို့  အရပ်ကျတော့ မယုံကြဘူးပေါ့ ။ ယုံတဲ့သူတွေ ရဲ့ လမ်းတွေကို ခင်းတော့ ခင်းပေးလိုက်တယ် ၊ ဒီ ပုံတွေမှာ မြင်ရတဲ့ အတိုင်း တဝက်တပျက် တွေ လေ ။

ခုတော့ သူတို့ဖွတ်တွေရဲ့လိုအင်ဆန္ဒတွေ တလုံးတဝတည်း ပြည့်စုံသွားကြပြီ ၊ ပေးထားတဲ့ ကတိစကားတွေလည်း ဘေးချိတ်ထားလိုက်ကြပြီ ။ ငါတို့ ရပ်ကွက်မှာ ကြိုတင်မဲတွေ ကူတာတောင် ဖွတ်တွေ အနိုင်မရတော့ လမ်းကို ဒီအတိုင်းပဲ ထားရစ်ခဲ့ကြသဟေ့ ။ ပြင်နေတာ ခုဆို ၂ လ ကျော်သွားပြီကွ ။

အရပ်ထဲက လူတွေက ပြောကြတယ် ၊ “အရင်အတိုင်းပဲ မြေကြီးလမ်းလေးပြန်ထားပေးရင် သိပ်ကောင်းမှာပဲ ”တဲ့ ။“ ခုတော့ ကျောက်တုံး ချွန်ချွန်တွေပေါ် လမ်းလျှောက်ရတာ ခြေထောက်လည်းနာ ၊ ကားတွေလည်း ဘီးပေါက် နဲ့ ဒုက္ခပါပဲ” တဲ့ ဟာ ။ ရန်ကုန်မြို့ ပျက်ကြီးရဲ့ လမ်းမကြီးတွေ ဆိုလည်း အရင်အတိုင်းပဲ ချိုင့်ခွက်ပေါင်းများစွာနဲ့ ပေါ့ ။ ခုဆို မိုးတွင်း မဟုတ်လို့  တော်သေးတယ်လို့  ဆိုရမယ် ။ နို့ မို့  ဆို မိုးနဲနဲ ရွာလိုက်တာနဲ့ လမ်းမပေါ်မှာ ရေကူးလို့  ရတယ် သူငယ်ချင်း ။ ဗွက်ရေဆိုတော့လည်း ဘယ်သူမှတော့ ကူးချင်မှာ မဟုတ်ဘူး ။ “စပါးတောင်လိုပုံ” ဆိုတဲ့ စကားက ငါတို့ ငယ်ငယ်တုံးက ဟိုးဘက်ခေတ်မှာကျန်ခဲ့ပြီ ။ ခုတော့ အရင်အတိုင်းပဲ လမ်းတွေမှာ “အမှိုက်တောင်လိုပုံ” လို့ ပေါ့ ။

မပြော မပြီးတဲ့ ကုန်ဈေးနှုန်းတွေ အကြောင်းတော့ မပြောချင်တော့ပါဘူး ကွာ ။ တက်ပြီးရင် ပြန်မကျတတ်တဲ့ အရာ ထဲမှာ စားသောက်ကုန် ၊ကုန်ဈေးနှုန်းက ထိပ်ဆုံးကပေါ့ ။ ရွှေဈေးတွေ ၊ ဒေါ်လာဈေးတွေ၊ ကားဈေးတွေ ပြုတ်ကျသွားပေမဲ့ ဒီခေါင်းမာလှတဲ့ စားသောက်ကုန်ဈေးနှုန်းကတော့ ပြန်မကျ ဘူး ဟ ။အရင်အတိုင်းပဲ တက်မြဲ တက်လျှက်ပါ ပေါ့ ကွာ၊ဘာတွေ ဘယ်ဈေးလည်း သိချင်ရင်တော့ “ဈေးကွက်”စာစောင်သာ ဝယ်ဖတ်ပေတော့ ။

နောက်တခုက မီး နဲ့ ရေ။ မီးတွေကလည်း အရင်အတိုင်းပဲ မကြာခဏ ပြန်ပျက် နေပြီ ။ မီးနဲ့ ရေ ဟာ အမြဲ ဒွန်တွဲနေတတ်တာ မို့  မီးပျက်တော့ ရေပါမလာဘူး ပေါ့။ လာမဲ့ နွေရာသီဆို ဘယ်လို ဖြစ်ကြအုံးမယ် မသိပါဘူးကွာ ။ အပူချိန်တွေ မတရားတက် ၊ မီးနဲ့ရေတွေ မတရားပျက် လို့ ပြီးခဲ့တဲ့ နွေမှာ လူတွေ အတော် သေကြေ ဒုက္ခရောက်ခဲ့ကြရတယ် မို့လား ။ ဒါကြောင့် တချို့ လူတွေက ပြောတယ် ။ မီးမှန်မှန်လာတဲ့ပါတီ ရယ် ၊ ရေမှန်မှန်လာတဲ့ ပါတီရယ် ၊ ကုန်ဈေးနှုန်းကျစေမဲ့ ပါတီ ရယ် ၊တွေ ရှိရင် အဲဒီပါတီတွေကို မဲ ထည့် မယ် တဲ့ ကွ ။ ငါလည်း အဲ့လို ယူဆလို့  ....း))

ကျန်နေသေးတဲ့ ကျန်းမာရေးစောင့်ရှောက်မှု ညံ့ဖျင်းနေသေးတာတို့ ၊ ပညာရေးစနစ်နိမ့်ကျနေသေးတာတို့ ၊ အလုပ်အကိုင် ရှားပါးနေသေးတာတို့ ၊ စစ်တပ်အသိုင်းအဝိုင်းကလွဲလို့ ကျန်ပြည်သူလူထုရဲ့ စီးပွားရေး အခြေအနေချွတ်ချုံကျနေသေးတာ တို့ .. အဲ့တာတွေ အားလုံးလည်း အရင်အတိုင်းပဲ သူငယ်ချင်းရေ ။ “ခုရေတွင်းတူး ၊ခု ရေကြည်သောက်ချင်လို့ ဖြစ်မလား ” မင်း စောဒကတက်မယ်ဆိုလည်း တက်စရာပါပဲ ။ တူးလိုက်တဲ့ ရေတွင်းက ရေမြေ မကောင်းတဲ့ နေရာ မှာ တူးမိတာမို့  ထွက်လာတဲ့ ရေဟာလည်း ရေဆိုး ရေညံ့ တွေပဲ ပေါ့ ၊ တိုးတက်နေတဲ့ ခေတ်ကြီးမှာ ဒီရေဆိုးရေညံ့တွေကို ခေတ်မှီနည်းပညာ နဲ့ ရေကောင်း ရေသန့်တွေ ဖြစ်အောင် ပြောင်းလဲပေးနိုင်တယ် ဆိုပေမဲ့ စိတ်စေတနာပညာကောင်းတွေ မရှိပဲ ဘယ်လိုမှ မပြုပြင်နိုင်ဘူးး ဆို တာ လက်ခံ မလား။

လောလောဆယ်မှာ မြင်တွေ့ ကြားသိနေရတဲ့ အထဲက ဥပမာ တခုပေးရမယ်ဆိုရင် ဒီမိုကရေစီနဲ့ လူ့ အခွင့်အရေးကို ဖေါ်ဆောင်ပေးမယ့်ဆီ ဦးတည်မနေဘူုး ဆိုတာ ၊ သတင်းနဲ့ဂျာနယ်တွေ စာစောင်တွေမှာ အမေစု လွတ်တဲ့ အကြောင်းကိုဓါတ်ပုံကြီးနဲ့တကွ တခမ်းတနား ဖေါ်ပြပေးခဲ့တဲ့အတွက် ဂျာနယ် ၉ စောင်ကို ထုတ်ဝေခွင့် ၂ ပါတ် ပိတ်ပင် လိုက်တယ် ။ AIDS ရောဂါသည်တွေကို အားပေးကူညီ ခဲ့ကြတဲ့ အနုပညာသည်တွေကို အနုပညာ လုပ်ခွင့် ပိတ်လိုက်တယ် ။ မကြာခင်လုပ်မဲ့ လွှတ်တော်ထဲ မှာ သူတို့ကို ဝေဖန်ပြောဆိုတဲ့ ဆန္ဒပြတဲ့ လွှတ်တော်ကိုယ်စားလှယ်ကို ထောင် ၂ နှစ်ထိ ချနိုင်တယ် ဆိုတဲ့ အကြောင်းအရာ ကန့်သတ်ချက်တွေကို ကြည့်ခြင်းအားဖြင့် သိနိုင်ပါတယ် ကွာ ။ ဒီတော့ အရင်မဆလ အစိုးရ ၊နအဖ အစိုးရ တို့ နဲ့ဘာများကွာခြားသေးလည်းဟ ။ အရင်အတိုင်း ဒုံရင်း ပဲပေါ့ ။

ဒီတော့ကွာ ငါတို့ဆီမှာ ၂၀၁၀ ရွေးကောက်ပွဲအပြီး ဘာတွေ ထူးသလည်း မမေးနေနဲ့တော့ ။ ဘာမှ မထူးဘူးကွ ။ ငါတို့  ရွာသားတွေ အတွက်က အရင် အတိုင်းပဲ သူငယ်ချင်း ရေ ။ ဒီလိုနဲ့သာ မိုးကြီးချုပ်တော့မှာလား...လို့  တွေးနေမိတယ် ။ နောက်တကြိမ် နင်နဲ့ပြန်တွေ့ ကြ မဲ့ အချိန်ဟာ ငါတို့ အားလုံး မျှော်လင့်နေကြတဲ့ လွတ်လပ်တဲ့ တရားမျှတတဲ့ တိုးတက်တဲ့ စည်းကမ်းရှိတဲ့ ငါတို့  ရွှေနိုင်ငံကြီး ဖြစ်ဖို့  ဆိုတာ အိပ်မက်လေလား တကယ်လား ပေါ့ ကွာ ။

နင်ဖတ်ချင်တယ် ဆိုတဲ့ ရယ်စရာ တွေ ရေးဖို့  အင်အားမရှိတော့တာမို့  မောစရာ တွေပဲ ရေးဖြစ်သွားတယ် သူငယ်ချင်းရေ ။ နင့်ဆီ လာလည်တဲ့အချိန်တိုလေးအတွင်းမှာ လိုလေသေးမရှိ ပြုစုခဲ့တဲ့ အတွက် ကျေးဇူးတင်ပါတယ် ။

( သူငယ်ချင်း ခြင် သို့အိတ်ဖွင့်ပေးစာ )

12 comments:

ahphyulay said... | Thursday, December 02, 2010 7:03:00 PM: အမား..
သိပ်ဆန္ဒစောနေတာပဲကိုး..၊
ကျွန်တော်တို့ မွေးကတဲကစောင့် လာတာ
အဖေတောင်ဆုံးသွားပြီလေ၊
လှန်ပြ အဲ လမ်းပြမြေပုံအတိုင်းသွားနေတဲ့ ဥစ္စာ..၊
မကြာခင်ပေးတော့ မှာပါ ..
ဆန္ဒမစောပါနဲ့  မစောင့် နိုင်တော့ ဘူးလား။
နှင်းနဲ့မာယာ said... | Thursday, December 02, 2010 8:47:00 PM: ဖွားကိ
စိတ်လျှော့
စိတ်လျှော့....

နှင်း
Anonymous said... | Thursday, December 02, 2010 9:41:00 PM: ကိကိရေ

ထူးမခြားနား အရင်အတိုင်းဘဲလေ မောပြီလား

ချစ်တဲ့
ရွှေစင်ဦး
ချော(အစိမ်းရောင်လွင်ပြင်) said... | Friday, December 03, 2010 12:41:00 AM: အစ်မကိရဲ့ စာရေးကောင်းပုံကတော့ လက်ဖျားခါတယ်
ကွက်ကွက်ကွင်းကွင်း မြင်ယောင်မိတယ် အစ်မရေ...
အခြေအနေ အားလုံးကို သိလိုက်ရတဲ့အတွက်ကျေးဇူးတင်မိတယ်.. ဘယ်တော့များမှ ပြောင်းလဲမလဲ မသိနိုင်ဘူးနော်...
လူတွေအများစုဟာ ကိုယ့်အတွက်ကလွဲလို့ တစ်ခြားဘာကိုမှ မစဉ်းစားတော့ဘူး... ကိုယ်ကျိုးဘဲကြည့်ကြတော့တယ်... စိတ်မကောင်းစရာ
ခြောင်ဒဂင် said... | Friday, December 03, 2010 1:04:00 AM: ကိရေ.... တို့ကတော့ ကြာလေ ပါးစပ်ပိတ်လေးပဲ သူငယ်ချင်းရေ.... ဘာမှ ကို မပြောတော့တာ ကြာပေါ့.... ပြောလဲ အမြှုတ်ထွက် လျှာ အလျားလိုက် ထွက်ပြီး ဟတ်လျားထိုး.... အဲလေ... ဘယ်ရောက် သွားပါလိမ့်....

ပီးပီ...

;P
...အလင်းစက်များ said... | Friday, December 03, 2010 1:39:00 AM: အင်း....... အရင်အတိုင်းပါပဲလေ..... ပြောစရာစကားမရှိလောက်အောင် ရွံရှာစက်ဆုတ်တယ်..
ကိုဇော် said... | Friday, December 03, 2010 1:44:00 AM: စိတ်ကူးပေါက်ရာ လျှောက်တွေးရင်း..
ငါ အိမ်ပြတင်းပေါက်ကို မှီထားရင်း . .
...........................
...........................
အရင်လိုပါပဲ ..................
အရင်လိုပါပဲ ..................
အရင်လိုပါပဲ ..................
ဝက်ဝံလေး said... | Friday, December 03, 2010 4:45:00 AM: ဟင်းးးးးး ခနဲ သက်ပြင်းချသွားတယ်
ကြားလိုက်တယ် ဂျာနယ်တွေ ပိတ်ခံထိတာ
အနုပညာသည်တွေ တော့မသိဘူး
ဒါပေသိ မောင်မျိုးမင်းက တော့ပေါ်တင်ပဲနော် ထာဝရ နှင်းဆီ နေတိုးတို့ လူရွှင်တော် လုပ်တဲ့ဟာလေ အဲဒါ သူတို့ ဘာဖြစ်တုံး သိချင်တယ်
Anonymous said... | Friday, December 03, 2010 9:35:00 AM: တန်းစီတဲ့ထဲမှာ ကားမဲမဲလေးဘယ်ပျောက်နေပါလိမ့်...

ဟိုသီချင်းထဲကလိုပေါ့ အမရယ်.... ရန်ကုန်မြို့ကြီးလည်း ... အရင်အတိုင်းပဲ.....။

အနမ်း
Anonymous said... | Friday, December 03, 2010 3:29:00 PM: Developed Union of Myanmar..

COMING!!! COMing!!! Coming!!! coming!! After retired of president U THAUNG, U Thaung, Lu Thung, Mu Thung, Aung Thung, Maung Thung, Aung Kaung, Maung Kaung......

Hpew!!!! woo.. woo....
အဖြူရောင်နတ်သမီး said... | Friday, December 03, 2010 9:12:00 PM: ဟင်းးးးးးးးးးးးး
ဟင်း ဟင်းးးးးးး
ဟင်း ဟင်း ဟင်းးးးးးးးး

သက်ပျင်းချသွားတယ်...မကိရေ...
မြစ်ကျိုးအင်း said... | Saturday, December 04, 2010 12:18:00 AM: ဘာမှမထူးတဲ့ အကြောင်းတွေ ရေးပြီး
ကိုယ့်အမ ထူး သွားမှာ မဖြစ်စေချင်ဘူးနော်။
အစစအရာရာ ဂရုစိုက်။
ဘာမှမထူးတဲ့အထဲမှာ အရင်လို ဆတ်ဆတ်ထိ အပြောမခံတာလည်း ပါသေးတယ်။