8 com
“ပျက်အစဉ်၊ ပြင်ခဏ” ဆိုတဲ့ စကား ဟာ အမျိုးမျိုး အဓိပ္ပါယ်ဖေါ်ယူလို့ရနေသလိုပါပဲ ။ပျက်စီးနေတဲ့ အရာတခု ကို ဒီအတိုင်းထားလိုက်ရင် ဘယ်လိုမှ ပြန်မကောင်းလာနိုင် ။ပြုပြင်ယူလိုက်မှပြန်လည်ကောင်းမွန်လာနိူင်မယ် လို့  ဆိုလိုရင်း ဖြစ်ပေမဲ့ ၊ တချို့ က မှားယွင်းစွာ နဲ့ တမျိုးတွေးတတ်ကြတယ် ။ အစဉ်အမြဲ ပျက်နေတဲ့ အရာတခုဟာ ၊ ပြင်လိုက်တော့လည်းခဏပဲ ခံ သတဲ့ ။“ သေချင်တဲ့ကျားတောပြောင်း ”ဆိုတဲ့ စကားနဲ့ ဆန့်ကျင်ဘက် “ တရွာမကောင်း သူကောင်းမဖြစ် ” ဆိုတာလည်း ရှိသေးတယ် ။ ဘယ်ဟာ မှန်တယ် ၊ ဘယ်ဟာမှားတယ် လို့ တထစ်ချ မှတ်ယူထားလို့ မရတဲ့ အရာတွေ ရှိနေတတ်ပါတယ် ။ အခြေအနေ အချိန်အခါနဲ့လိုက်ပြီး ပြောင်းလဲ ယူဆရမဲ့ အခေါ်အဝေါ်တွေ များစွာရှိနေပါသေးတယ်။ ဒီအချိန်မှာ ဒီစကားက မှန်နေပေမဲ့ နောင်တချိန်ကျတော့ မှားနေတတ်ပါတယ်။
“ မမှားသောရှေ့ နေ ၊ မသေသော ဆေးသမား ” ဆိုရာမှာလည်း ယခု ပြောပြမဲ့ ဒီအဖြစ်လေးကိုကြည့်ပြီး မမှားသော တရားသူကြီး ၊ မသေသော ဆေးသမား ” လို့ ပဲ ပြောင်းပြီး ပြောရတော့လေ မလား ..။
ကြေကွဲစရာကောင်းတဲ့ တကယ့်အဖြစ်လေးပါ ။ ဇာတ်ကြောင်း ပြန်ပြော ရမယ် ဆိုရင် လွန်ခဲ့သော ၁၅ နှစ် ဆိုတဲ့ အတိတ်ကာလက ဆိုပြီး အစပျိုးရပါလိမ့်မယ် ။
၁၉၉၇ ခုနှစ် နွေလယ်ကာလ အတိအကျ ဆိုရရင်သြဂုတ် လ ၁၃ ရက်နေ့ ။ ထိုင်ဝမ်နိုင်ငံ ထိုင်ပေမြို့ရဲ အကျဉ်းစခန်းတခု မှာ အသက် ၂၁ နှစ်အရွယ် လေတပ်သားလေး Chiang Kuo-ching ( 江國慶 )ကို မုဒိန်းမှု ၊ လူသတ်မှုနဲ့ သေဒါဏ် အပြစ်ပေးခဲ့ကြပါတယ် ။ သူဟာ သာမန် အလယ်အလတ် စီးပွားရေး လုပ်ငန်းရှင် မိဘနှစ်ပါးမှ မွေးဖွားလာတဲ့ သားအငယ်ပါ။ သူ့ ကို ထိုင်ဝမ်နိုင်ငံရဲ့ အထွဋ်အမြတ် နေ့ ထူးတခုဖြစ်တဲ့ ၁၀ ရက် ၁၀လ အမျိုးသားနေ့ မှာ မွေးခဲ့တာမို့  သူ့ နာမယ် ကိုတောင် မောင်အမျိုးသား 江國慶 ဆိုတဲ့ အမည် ရွေးချယ် မှည့်ဆို ခဲ့တာပါ ။ သူ့ ကို စွဲချက်တင်တဲ့ အမှု ကတော့ ၊ ၁၉၉၆ ခုနှစ် စက်တင်ဘာလ ၁၂ ရက်နေ့ က ဖြစ်ပွားခဲ့တဲ့ ၊ ထိုင်ပေမြို့ သအမ်း ရပ်ကွက် လေတပ်စခန်းတခု တပ်တွင်း သက်သာချောင်ချိရေးဆိုင် အနားရှိ ရေမြောင်းထဲမှာ ၅နှစ်အရွယ် မိန်းကလေးတယောက်အလောင်းကို တွေ့ ရပြီး မုဒိန်းကျင့် အသတ်ခံထားရတဲ့ အထောက်အထားတွေ စစ်ဆေးတွေ့ ရှိရပါတယ် ။ ဒီ အမှု နဲ့ ပါတ်သက်ပြီး မသကာင်္သူ ၄ ဦး ကို ဖမ်းဆီး စစ်ဆေးခဲ့ကြတယ်။ ၄ ဦးထဲမှာ 江國慶 လည်း ပါတယ်ပေါ့ ။ မုသားစစ်စက် နဲ့ စစ်တဲ့ အခါမှာ ကျန်တဲ့ ၃ ဦးက လွတ်သွားပြီး 江國慶 တယောက်သာ မုသားစစ်စက်ကို မကျော်လွှားနိုင်ခဲ့ပါဘူး ။ အဲဒါနဲ့ တာဝန်ရှိတဲ့ စစ်ဆေးရေး အဖွဲ့ ကလည်း သူ့ ကို အမျိုးမျိုး ညှင်းပန်း နှိပ်စက်ပြီး နောက်ဆုံး မခံနိုင်တဲ့ အဆုံး တပ်သားလေး က ဝန်ခံလိုက်ရပါတော့တယ် ။
ဒီကြားထဲ မှာ ထောင်ဝင်စာ လာတွေ့ တဲ့ သူ့  မိဘ ၂ ပါးကိုတော့ ဒီကိစ္စမှာ သူ အပြစ်မရှိကြောင်း၊ သူ မုဒိန်းမကျင့် လူမသတ်ခဲ့မိကြောင်း အကြိမ်ကြိမ်ပြောဆိုခဲ့တယ် ။ သူ့ မိဘ ၂ ပါးကလည်း သူ့ သား မှာ အပြစ်မရှိကြောင်း စွဲစွဲမြဲမြဲ ယုံကြည်ခဲ့ကြတယ် ။
ဒါပေမဲ့လည်း ဒီအမှု ကို စစ်ဆေးလာတဲ့ တလျှောက် တခြား သံသယဖြစ်စရာအကြောင်းများ ရှာမတွေ့ ။သူသာလျှင် တရားခံ အစစ်အမှန် ဟုဆိုပြီး ၁၉၉၆ /၁၂လ/၂၉ ရက်နေ့ မှာ စစ်ခုံရုံး မှ တရားသူကြီး က သူ့ ကို သေဒါဏ်ချမှတ်ခဲ့တယ် ။ အယူခံတွေ ဝင်ပေမဲ့လည်း ရှုံးနိမ့်ခဲ့တယ် ။ နောက်ဆုံးမှာ တော့ ၁၉၉၇/၈/၁၃ ရက်နေ့မှာ သူ့ ကို သေနတ်ဖြင့် ပစ်သတ်ပြီး သေဒါဏ်အပြစ်ပေး စီရင်ခဲ့ပါတယ် ။သူဟာ နောက်ဆုံးအချိန်ထိ သူ့ မိဘ နှစ်ပါးကို ပြောသွားခဲ့တဲ့စကားကတော့ သူပြစ်မှု မကျူးလွန်ခဲ့ဘူး ဆိုတာပါပဲ။
ဒီလိုနဲ့ပဲ ကျန်ရစ်ခဲ့တဲ့ သူ့ မိဘ နှစ်ပါးဟာ သားအတွက် စိတ်မကောင်ခြင်းကြီးစွာ ဖြစ်ရတဲ့ အပြင် ၊အရှက်ကြီးရှက်ရပြီး လူတော သူတော့ မတိုးဝံ့ ၊ အလုပ်အကိုင် တိတိကျကျ လုပ်ကိုင်လို့ မရပဲ မျက်နှာငယ် စွာနဲ့ သူတို့ ရဲ့ ဘဝ နေဝင်ချိန်များကို ဖြတ်သန်းခဲ့ရတယ် ။ ဒါပေမဲ့ သူတို့သား မှာ အပြစ်မရှိဘူး ဆိုတာကိုတော့ ယုံကြည်လျှက်ပါပဲ ။ဒီတပ်သားလေးရဲ့ ဖခင်ဟာ သားရဲ့ နာမယ်ဆိုးနဲ့ အဖြစ်ကို မချိတင်ကဲခံစားရင်းနဲ့ပဲ မနှစ်က ကင်ဆာရောဂါနဲ့ ကွယ်လွန်ခဲ့ရပါတယ် ။ သူ မသေခင် မှတ်တမ်းစာအုပ်ထဲမှာ ရေးမှတ်ထားတာက သူ့သားကို မတရားသေဒါဏ်ချခဲ့တဲ့ စစ်ခုံရုံးတာဝန်ရှိသူ ၁၈ဦးနာမယ်တွေနဲ့အတူ ၊ တန်ပြန် ခံစားရပါစေ ဆိုတဲ့ စာတမ်းတခုအပါအဝင် ပါပဲ ။
မကောင်းမှုသည် ဆိတ်ကွယ်ရာမရှိ ဆိုတဲ့စကားက မှန်လွန်းလှပါတယ် ။ မိန်းကလေးငယ် ၂ ဦး သေဆုံးခဲ့ရတဲ့ အလားတူ လူသတ်မှု ရဲ့ တရားခံ Hsu Jung-chou (許榮洲)ဆိုသူကို ဒီနှစ် ၂၀၁၁ ခုနှစ် နှစ်ဦးပိုင်းမှာ ဖမ်းဆီးမိရာ မှ ၊ DNA စစ်ဆေးရင်းနဲ့ အထက်ပါ လေတပ်သားလေးရဲ့ အမှု မှ တရားခံ အစစ်ဟာ (許榮洲) ဖြစ်တယ် ဆိုတာ သိရပါတော့တယ် ။
အဲဒီအချိန် မတိုင်မှီ လပေါင်းများစွာကတည်းက အမှုကိုပြန်စစ်ဆေးပေးဖို့  လေတပ်သားလေးရဲ့ မိဘနှစ်ပါးကတောင်းဆိုထားခဲ့ကြပေမဲ့ ၊ အယူခံ ဝင်ရင်း နဲ့ မရေမရာပဲ အချိန်တွေ ကုန်နေခဲ့ရပါတယ်။ ဒီတော့မှ နောက်ကြောင်းပြန်ပြီး လွန်ခဲ့တဲ့ ၁၅ နှစ် ခန့်က အဆိုပါလူသတ်မှု ကို အစအဆုံးပြန်လည်စစ်ဆေးခဲ့ကြတယ် ။ အဲဒီအချိန်ကျမှ အရင်ကအမှုစစ်ခဲ့တာ အဓိကျတဲ့ တချို့နေရာတွေမှာ မှားယွင်းခဲ့ကြောင်း ၊ ဥပမာ အချင်းဖြစ်ပွားရာမှာ တွေ့ ရှိခဲ့ရတဲ့ သက်သေခံပစ္စည်း သွေးစများ၊ စက္ကူစမှာ ပေကျံနေတဲ့ သုတ်ရည်ဟာ နှာရည်ပြစ်ပြစ်ဖြစ်နေကြောင်း ၊ DNA စစ်ဆေးချက်မှာလည်း လိမ်ညာ ပြင်ဆင်ရေးသားထားကြောင်းကို စစ်ဆေးတွေ့ ရှိရတယ်။ ဒါကြောင့် ဒီအမှုမှာ တရားခံအစစ် ဟာ လေတပ်သားလေး 江國慶 မဟုတ်ကြောင်း အဖြေထွက်လာပါတော့တယ် ။
ဒီလို မှားယွင်းစွာ တရားစီရင်ချက်ချခဲ့လို့ အပြစ်မဲ့ တပ်သားတဦး အသက်ဆုံးရှုံးခဲ့ရတဲ့ သတင်းပေါ်ထွက်လာပြီးနောက် လူအများ က ထိုင်ဝမ်နိူင်ငံရဲ့ ဟာကွက် များစွာ ရှိနေတဲ့ တရားစီရင်ရေး ကို ပြစ်တင်ဝေဖန်ခဲ့ကြတာ ပြင်းပြင်းထန်ထန်ပါပဲ ။ လက်ရှိ သမ္မတကြီင်္း မာယင်းကျို ကိုယ်တိုင်ပဲ 江國慶 ရဲ့  ကျန်ရှိနေတဲ့ မိခင်အား အိမ်တိုင်ယာရောက်သွားရောက် တောင်းပန်ပြီး သေဒါဏ်အပြစ်ပေးခံလိုက်ရသူရဲ့ အမှတ်တရ ဓါတ်ပုံ ရှေ့ မှာလည်း တောင်းပန် ဆုတောင်း ခဲ့ပါတယ် ။ ထို့ အတူ ဒီအမှုကို စီရင်ချက်ချခဲ့တဲ့အဖွဲ့ ခေါင်းဆောင် (ထိုစဉ်အခါက လေတပ် စစ်ဖက်ဆိုင်ရာ စုံစမ်းစစ်ဆေးရေး အဖွဲ့ (air force counterintelligence official ) အကြီးအကဲ Ko Chung-ching (柯仲慶)ဆိုသူက သွားရောက် တောင်းပန်တာကိုတော့ သူ့ မိခင်က လက်မခံခဲ့ပါဘူး ။
ပြီးခဲ့တဲ့လ ၂၀၁၁/၉/၁၃ ရက်နေ့ မှာ မှ လေတပ်သား 江國慶 မှာ ပြစ်မှု ကျူးလွန်ခဲ့ခြင်းမရှိကြောင်း နိူင်ငံတော် တရားရုံးချုပ်မှ တရားဝင် ထုတ်ပြန်ကြေငြာခဲ့ပါတယ် ။သေဆုံးသွားပြီ ဖြစ်တဲ့ သားရဲ့ စင်ကြယ်မှု ၊ မတရားသေဒါဏ်ပေးခံရမှုတွေကို ၁၅နှစ် အကြာ မှာမှ ဖေါ်ပြနိုင်ခဲ့ပါတော့တယ်။
၂၀၁၁/၁၀/၂၁ ရက်နေ့ မှာ တော့ နိုင်ငံတော်ရဲ့ မှားယွင်းစွာ ပြစ်မှူစီရင်ခဲ့မှု ၊ မှားယွင်းစွာ သေဒါဏ်ပေးခဲ့မှုတွေ အတွက် လျော်ကြေးငွေ ထိုင်ဝမ်ငွေ一億三百一十八萬五千元- သန်းပေါင်း ၁၃၀ ကျော်( အမေရိကန်ဒေါ်လာ 4.3 million US$ ) ) ခန့်ကို ကျန်ရစ်သူ မိခင်ဖြစ်သူအားပေးအပ်ခဲ့ပါတယ်။
အဆိုပါ လျော်ကြေးငွေဟာ ထိုင်ဝမ်နိုင်ငံရဲ့ သမိုင်းမှာ အများဆုံး ဖြစ်တဲ့ နိုင်ငံတော်လျော်ကြေးပေးမှု ဖြစ်ပါတယ် ။
ဒါပေမဲ့ သေဆုံးခဲ့သူ သားအတွက် ခံစားခဲ့ရတဲ့ မိခင်မှာ ဖြေမဆည်နိုင်ပါဘူး ။ ကွယ်လွန်သွားပြီဖြစ်တဲ့ သူ့ခင်ပွန်း နဲ့ သားတို့ အား နောက်ဘဝအထိ နာမယ်ဆိုးတခု ကပ်ငြိမသွားစေပဲ စိတ်ဖြေဖျောက်နိုင်ဖို့ နဲ့ မှားယွင်းခဲ့တဲ့ တရားစီရင်သူတွေ အား သင့်တော်တဲ့ အပြစ်များပြန်လည် ခံစားရစေလိုကြောင်း ပြောခဲ့ပါတယ်။
ခုတော့ အမှု မှန် ပေါ်ပေါက်လာခဲ့ပါပြီ ။ ဒါပေမဲ့ အပြစ်မဲ့ သေဆုံးခဲ့ရတဲ့ တပ်သားလေးရဲ့အသက်ကို ဘယ်လောက်ပဲများပြားလှတဲ့ ငွေကြေးပမာဏနဲ့မှ အစားထိုး လဲလှယ်လို့  ရမှာ မဟုတ်ပါဘူး ။သူကိုယ်တိုင် နဲ့ မိဘနှစ်ပါးရဲ့ ကျဆင်းခဲ့ရတဲ့ ဂုဏ်သိက္ခာ ၊ ပျက်ခဲ့ရတဲ့ မိသားစု ဘဝ ကိုလည်း အစားထိုး အသစ်ပြန်ဖြစ်စေလို့ မရနိုင်တော့ပါဘူး ။
ဒီအကြောင်းနဲ့ပါတ်သက်ပြီး တိုင်းသူပြည်သားတွေ အချင်းချင်း ဆွေးနွေးပြောဆိုနေကြတဲ့ အဓိက အချက်တခုကတော့ နိုင်ငံတော်ရဲ့ များပြားလှတဲ့ လျော်ကြေးငွေ အတွက်ပါပဲ ။ နစ်နာသူ ရသွားတာကို မနာလို လို့ ပြောနေကြတာမျိုးတော့ မဟုတ်ပါဘူး ။ ဒီငွေတွေကို ဘယ်ကနေ ထုတ်ပေးတာလည်း ။ နိုင်ငံဘဏ္ဍာဆိုတာ က နိုင်ငံသားတွေ ဆီက ကောက်ယူထားတဲ့ အမြတ်ခွန် အခွန်ငွေတွေသာ ဖြစ်တဲ့ အတွက် ၊ တရားစီရင်တဲ့ သူများရဲ့  မှားယွင်းမှု အတွက် ဘာအကြောင်းကြောင့် ပြည်သူ့ အခွန်ငွေကို အသုံးချရသလည်း ဆိုတဲ့ အကြောင်းတရပ်ပါပဲ ။ အမှားပြုမိသူ စစ်ဖက်ဆိုင်ရာ တာဝန်ရှိသူတွေကို လည်း အရေးယူ ဆောင်ရွက်သင့်ကြောင်းလည်း ပြောဆိုနေကြပါတယ် ။
ဒီလို အမှားကြီးမှားခဲ့ ပြီးခါမှ ဘယ်နည်း ဘယ်ပုံ တောင်းပန် အလျော်ပေး ပေမဲ့ လူတဦးရဲ့ ဘဝ နှင့် အသက် ဆိုသည်မှာ ပြန်လည် အစားထိုး၍ ရတော့မည် မဟုတ် ဟုသာ ထင်မှတ်မိပါတော့တယ်။
---------------------------------------------------------------------------------------------------------------
ဒီ အဖြစ်မှန် သတင်းကို ကြားလိုက် ဖတ်လိုက်ပြီးတဲ့နောက် စိတ်ထဲမှာ တွေးစရာ အတွေးတွေလည်း အများကြီး ရှိလို့လာပြန်ပါတယ် ။ ကိုယ့်တိုင်းပြည်နဲ့ နှိုင်းယှဉ်မိတဲ့ တူညီမှု နဲ့ ကွာခြားမှု များ အကြောင်းပါ ပဲ ။
တူညီချက်များ -
-စစ်ဖက်ဆိုင်ရာ တရားစီရင်ရေးဆိုတာ.. ၊ လိုရာဆွဲပြီး ပြီးစလွယ် ပြု ၊ တရားခံ အစစ်အမှန် ဟုတ် မဟုတ်က အရေးမကြီး ။ အမှု မြန်မြန် စစ်ပြီး ရေးသာ အဓိက ၊ တသွေး တသံ တမိန့် ထဲ ။ပြောသလိုလုပ် ပြန်မပြောနဲ့ ။
-တရားခံ စစ်ရာမှာ နည်းမျိုးစုံသော ညှင်းပန်းနှိပ်စက်မှု များ ပြု ပြီး အတင်းအကျပ် ဖြောင့်ချက်ပေးစေခြင်း ။
- လိမ်ညာ လှည့်စားသောနည်းမျိုးစုံဖြင့် သက်သေနှင့် သက်သေခံ ပစ္စည်း များကို လိုချင်သလို ပြောင်းလဲပြုလုပ်ခြင်း ။
( ယခုအခါတွင် ဤမျှ တင်းမာမှုများ မရှိတော့ ၊ )
-ကွာခြားချက်များ
-အမှားကို ဝန်ခံ တောင်းပန်ခြင်း ။( ကျွန်ူပ်တို့တိုင်းပြည်တွင် စစ်အာဏာရှင်များ မှားမြဲမှားနေကြသော်လည်း ဘယ်သောအခါတွင်မျှ တောင်းပန်ခြင်း မရှိခဲ့ )
- အများအတွက် အတတ်နိင်ဆုံး ပြန်လည် ပြုပြင် ပြီး လိုအပ်သည်ကို လျှင်မြန်စွာဆောင်ရွက်ပေးခြင်း။(ကျွန်ုပ်တို့ တိုင်းပြည်တွင် ပျက်အစဉ် ပြင်မရ ဟူသော စကားဖြင့်သာ ဖြေသိမ့်ရပါမည် )
- နစ်နာမှုများအတွက် မျှတ လုံလောက်စွာ လျော်ကြေးပေးခြင်း ။ (အမေရိကန်ဒေါ်လာ ၄.၃ သန်းဆိုသည်မှာ သာမန်လူတန်းစားများအတွက် တသက်စာမက..၁၀ သက်စာပင် ဖူလုံလောက်သည် ။ ကျွန်ူပ်တို့တိုင်းပြည်တွင် စစ်အာဏာရှင်များကြောင့် အသက်ဆုံးရှုံးရသူများစွာ ရှိခဲ့သော်လည်း .... လျော်ကြေး..လျော်ကြေး... လျော်ကြေး...
ဪ ... မျှော်မနေပါနဲ့ ဝေးမှ ဝေး ..)
ပြီးခဲ့သော ရက် အနည်းငယ်က ပခုက္ကူရေဘေးတွင် သေဆုံးခဲ့ရသူများအတွက် လူကြီးတဦးလျှင် ကျပ်ငွေ တစ်သိန်း၊ ကလေးတဦးလျှင် ကျပ်ငွေ ငါးသောင်း လျော်ကြေးပေးသည် ဟု သတင်းကြားမိပါသည် .. လူတဦး၏ အသက် တန်ဘိုးသည် ဆန် ၃ အိတ်ဘိုးမျှသာ ရှိပါကြောင်း ..သို့ပါသော်လည်း တသက်နှင့်တစ်ကိုယ် မကြုံစဘူး လျော်ကြေးဟူ၍ ရလိုက်သော ထိုငွေ အတွက် ဝမ်းသာရမလို ဝမ်းနည်းရမလို ဖြစ်နေကြရပါကြောင်း.. )
ကိုးကား ။ ။
http://www.jrf.org.tw/newjrf/RTE/myform_detail.asp?id=3319
http://tw.nextmedia.com/applenews/article/art_id/33773753/IssueID/20111028#
http://zh.wikipedia.org/zh-tw/%E6%B1%9F%E5%9C%8B%E6%85%B6%E6%A1%88
လူတယောက်ရဲ့ မြတ်နိုးစရာအရာ တွေကို အသည်း နှလုံးနဲ့ တင်စားခေါ်ဝေါ်လေ့ရှိသလို ၊ မုန်းတီး ရွံရှာဘွယ်ရာတွေကိုတော့ အော့နှလုံးနာတယ် ။ အသည်းနာတယ် ဟု ပြောဆို သုံးနှုန်းလေ့ရှိကြပါတယ် ။ အဲဒီ အသည်းတွေ နှလုံးတွေမှာလည်း ခံစားချက်တွေ ရှိကြပါတယ် ။ ခု ပြောချင်တာကတော့ နှလုံးနာရတဲ့ အကြောင်းတွေပါ ။ အော့နှလုံးနာတာတော့မဟုတ် ။ တကယ့် နှလုံးသားလေး နာရခြင်း ပါ ။နှလုံးနဲ့ သွေးကြော ၊ သွေးလှည့်ပတ်ခြင်းစနစ် ဟာ လူတယောက် အသက်ရှင်သန်နေရေးအတွက် မရှိမဖြစ် အရေးကြီး ပါတယ်။ နှလုံးခုန်ရပ်၊ အသက်ရှုရပ် သွားခြင်းကို သေဆုံးခြင်း လို့  သတ်မှတ်ထားကြပါတယ် ။ ဒီတော့ အသက်ရှင်နေဖို့အတွက် နှလုံး မှန်မှန်ခုန်နေဖို့ လိုပါတယ် ။
ဒီလိုအရေးကြီးလှတဲ့ နှလုံးနာခြင်းအကြောင်းကို ရေးပြချင်တာကတော့ လွန်ခဲ့တဲ့ ရက် အနည်းငယ်က ဘလော့ဂါ မိတ်ဆွေတယောက်က အွန်လိုင်းမှာ မေးလာလို့ ပါ ။ နှလုံးနာပြီး ပုတ်တဲ့ အခါ ဘာဖြစ်လို့ ပေါင်မှာဆေးသွင်းကြည့်ရတာလည်း၊ နှလုံးနဲ့ ပေါင်နဲ့ ဘယ်လို ဆက်စပ်နေတာလည်း။ ဆရာဝန်ကတော့ ခွဲခိုင်းနေတယ် ၊ ခွဲရမလား မခွဲရဘူးလား၊ မခွဲရင် ဘယ်လိုဖြစ်လာနိုင်လည်း။ ခွဲပြီးရင် ပြန်မဖြစ်တော့ဘူးလား။ အစရှိတဲ့ မေးခွန်းများ အတွက် ၊ မသိသေးသူများ သိလိုသူများ အားလုံး သိစေရန် မျှဝေရေးသား မိပါတယ်။ အခြေခံ အကြောင်းအရာများကိုသာ အလွယ်တကူ နားလည်စေလိုတဲ့ အတွက် ၊ ဆေးဘက်ဆိုင်ရာ ပညာရပ်များကို တတ်သိနားလည် ကျွမ်းကျင်ပြီး သူများ အတွက် မရည်ရွယ်ပါ ။
နှလုံးရဲ့  အရေးကြီးပုံ --
နှလုံးရဲ့  အဓိက တာဝန်ကြီးက တော့ ခန္ဓာကိုယ်အတွက် လိုအပ်နေတဲ့ အောက်စီဂျင်ဓါတ်၊ အဟာရဓါတ်တွေ ကို သွေးသန့်  အနေနဲ့ လိုတဲ့နေရာရောက်အောင် နဲ့ မလိုအပ်တဲ့ ကာဘွန်ဒိုင်အောက်ဆိုက်၊ နဲ့ အညစ်အကြေးတွေကို သွေးညစ်အနေနဲ့ စွန့်ထုတ်တဲ့နေရာတွေဆီသို့ သယ်ယူပို့ ဆောင်ပေးနေတဲ့ ယာဉ်ကြီးနဲ့တူပါတယ် ။ အဲဒီယာဉ်ကြီး လည်ပါတ်နိုင်ဖို့  အတွက်လည်း သူ့ အတွက် စွမ်းအင် လောင်စာ အောက်စီဂျင်ဓါတ် လိုအပ်ပါတယ် ။နှလုံးကြွက်သားအတွက် သွေးကြောတွေလည်း အတားအဆီးမရှိလည်ပတ်စီးဆင်းနေမှ ကျန်းမာတဲ့ နှလုံးအနေနဲ့ ရှိနေမှာဖြစ်ပါတယ်။ ကျန်းမာတဲ့ နှလုံး ဖြစ်ဖို့  စည်းချက် မှန်ကန်တဲ့ နှလုံးခုန်ချက်၊ လုံလောက်တဲ့ နှလုံးသွေးညှစ်အား၊ သန့်စင်တဲ့ သွေးပမာဏလုံလောက်မှု အစရှိတာတွေလည်း လိုအပ်ပါတယ်။
တည်ဆောက်ပုံ----
ကြွက်သားထူ အခန်း ၄ ခန်း ရှိပြီး ဘယ်ဘက် ညာဘက် တခြမ်းစီ မှာ အပေါ်အောက် တခန်းစီ ရှိကြတယ်။ အပေါ်ခန်းနဲ့ အောက်ခန်းကို တံခါးဖွင့်ပိတ်သလို အဆို့ ရှင် များနဲ့ ကာရံထားတယ် ။ညာအပေါ်ခန်းမှာ နှလုံး ဆီသို့  ဝင်လာတဲ့ သွေးပြန်ကြောမကြီး နဲ့ ဘယ်အောက်ခန်းမှာ နှလုံးမှ ထွက်သွားတဲ့ သွေးလွှတ်ကြောမကြီး ရှိတယ် ။နှလုံးကြွက်သားများအတွက် အောက်စီဂျင် သယ်ပို့ပေးတဲ့ နှလုံးသွေးကြောမကြီးဟာလည်း ဘယ်အောက်ခန်း အထွက် ဝ နားမှာ ရှိတယ်။
နှလုံး နဲ့ သွေးလှည့်ပါတ်စနစ်။
နှလုံးရဲ့ ဘယ်အောက်ဖက်ခန်းမှ သန့်ရှင်းတဲ့သွေးတွေကို ရင်ခေါင်း နှလုံးသွေးလွှတ်ကြောမကြီးမှ တဆင့် ဦးခေါင်း ခြေ လက် ခန္ဓာကိုယ်အင်္ဂါအစိတ်အပိုင်းများသို့  ပို့ဆောင်ပေးပြီး ၊ သွေးညစ်တွေကိုလည်း သွေးပြန်ကြောများမှ အဆင့်ဆင့်ဖြတ်သန်းကာ နှလုံး ညာဖက် အပေါ်ခန်း အောက်ခန်းများသို့ ပြန်လည် စီးဆင်းစေတယ် ။ ထို သွေးညစ်တွေကို အဆုပ်သွေးလွှတ်ကြောမှ တဆင့် အဆုပ်သို့  ပို့ ပေးပြီး သွေးသန့် ဖြစ်အောင် လဲလှယ်စေတယ်။ အဲဒီသွေးသန့် တွေကို အဆုပ်သွေးပြန်ကြောမှ တဆင့် နှလုံး ဘယ်အပေါ်ခန်းသို့  ပြန်ပို့ဆောင်ပေးတယ် ။ အဲဒါကို သွေးလှည့်ပါတ်စနစ်လို့ ခေါ်ပါတယ်။
ပုံမှာပြထာသလို နှလုံးမှ နေပြီ ခန္ဓာကိုယ်တခုလုံးသို့  သွေးသန့် တွေ သယ်တဲ့ လမ်းကြောင်း ( သွေးလွှတ်ကြော- အနီရောင် ချယ်ထားသည် ) နဲ့ သွေးညစ်တွေသယ်တဲ့ လမ်းကြောင်း ( သွေးပြန်ကြော - အပြာရောင်ချယ်) တွေ ရှိပါတယ်။သွားတဲ့ လမ်းကြောင်းတလျှောက် မပိတ်ပဲ မကျဉ်းပဲ ပုံမှန်ရှိနေရင် သွေးလည်ပတ်စီးဆင်းမှု ဟာချောမွေ့ ပြီး အဆင်ပြေနေတာပေါ့ ။ဘာမှ ရောဂါ လက္ခဏာ မပြတတ်ပါဘူး ။ဒီပုံထဲက အတိုင်း ခြေ လက် မှာ ရှိတဲ့ သွေးကြောတွေကနေ တဆင့် လိုက်သွားရင် နှလုံးသားဆီသို့ ရောက်တာ မို့ ၊ နှလုံးအတွင်းမှာ စစ်ဆေးမှု ပြုလုပ်လိုတဲ့အခါ ခြေ လက် သွေးကြောတွေမှာ ပိုက်တပ်ပြီး ဆေးဓါတ်မှန်ရိုက်နိုင်ပါတယ် ။
အကယ်၍ နှလုံးကြွက်သားတွေမှာ သွေးကောင်းကောင်း မလျှောက်၊ သွေးကြောကျဉ်း/ ပိတ် ပြီး အောက်စီဂျင် မလုံလောက်ရင် Myocardial Ischemia လို့ခေါ်ပါတယ်။ ဒီထက် ပို၍ အခြေအနေဆိုးပြီး အောက်စီဂျင်ပြတ်လပ်သွားတဲ့ အချိန်မှာ နှလုံးအောင့် နှလုံးနာခြင်း( Angina) နှလုံးပုပ်ခြင်း ( Myocardial Infarction) အစရှိတာတွေ ဖြစ်လာတတ်ပါတယ် ။အဲဒါကို Heart Attack ရတယ် လို့  အများက ခေါ်ဆို ကြပါတယ် ။ Atherosclerosis လို့ခေါ်တဲ့ နှလုံးသွေးကြော ကျဉ်းစေ ပိတ်စေတဲ့ အကြောင်းတွေ အများကြီးရှိပါတယ် ။ ရေမြောင်းထဲမှာ အမှိုက်တွေ ပိတ်သလိုပဲ နှလုံးသွေးကြောနံရံမှာ အမှိုက်နဲ့ အလားတူတဲ့ အဆီတွေ( အများအားဖြင့် ကိုလက်စထရော (Cholesterol) နဲ့ .ထရိုင်ဂလစ်ဆရိုက် (Triglyceride ) တို့ ကြောင့် ပိတ်ရတာ များပါတယ် ။ ဒီ့အပြင် lipoproteins ခေါ် အဆီဓါတ် ထဲမှ VLDL,LDL အစရှိတဲ့အဆီဟာ ကိုလက်စထရော သွေးအဆီခဲ ခြင်းကို ပိုမိုဖြစ်စေတဲ့ ဆိုးသော အဆီဓါတ်ဖြစ်တယ်။ HDL ဟာ အဆီခဲခြင်းကို လျော့နည်းစေတဲ့ ကောင်းသော အဆီဓါတ် ဖြစ်ပါတယ် တချို့ ကြတော့လည်း thrombus လို့ခေါ်တဲ့ သွေးခဲလေးတွေ ကြောင့် ပိတ်တတ်ပါတယ် ။ ဒါ့အပြင် ဆီးချို ၊ သွေးတိုး၊ ဆေးလိပ်သောက်ခြင်း တို့ကြောင့်လည်း သွေးကြောနံရံ ကျဉ်းပြီး ပိတ်လာတတ်ပါတယ် ။
လူအများ ပြောနေကြတဲ့ Heart attack ဆိုတာ...
နှလုံးကြွက်သားသွေးကြော ရဲ့ ၅၀ မှ ၇၀ % လောက် ကျဉ်းသွား ပိတ်သွားခဲ့ရင် သွေးလျှောက်မှု လည်း နဲပါးလာပြီး လေ့ကျင့်ခန်း သို့မဟုတ် လှူပ်ရှားမှု နဲနဲပြင်းထန်လိုက်တာနဲ့ နှလုံးမှာ လိုအပ်တဲ့အောက်စီဂျင် အပြည့်မရတော့ပဲ ရင်ဘတ်အောင့်လာတတ်ပါတယ် ။ အဲ့ဒီ အောင့်တဲ့ Chest pain ခေါ် Angina မှာလည်း ပုံသဏ္ဍန် အမျိုးမျိုးရှိတတ်ပါတယ်။ ရင်ဘတ်တခုလုံး ပြုတ်တူနဲ့ ဆွဲညှစ်ခံရသလိုမျိုး ၊ ဇောချွေးပြန်တဲ့အထိ အောင့်တတ်ပါတယ် ။ ရင်ဘတ် အပြင် လည်ပင်း မေးရိုး လက်မောင်း ကျောပြင် တို့ မှာပါ တွဲပြီးအောင့်တတ်ပါတယ် ။ တချို့ လည်း အတိအကျ ပြောလို့ မရပဲ အစာအိမ်နာသလိုပုံစံမျိုးနဲ့ နာတတ်ပါတယ်။ နှလုံး သွေးကြောပိတ်တဲ့ နေရာနဲ့ ဆိုင်ပါတယ် ။ တချို့ကျတော့ လည်း အောင့်ခြင်း နာခြင်းမျိုးမရှိပဲ နဲ့ နှလုံးကြွက်သား ပုပ်သွားတတ်ပါတယ် ။
အမေရိကန်နိူင်ငံမှာ တနှစ်မှာ လူ တသန်းလောက် Heart Attack ရတတ်ကြပြီး ၄ သောင်းလောက် အသက်ဆုံးရှုံးကြရပါတယ် ။ ဒါကြောင့် နှလုံးရောဂါ ထ လာရင် ပေါ့ပေါ့ဆဆ မနေပဲ ကုသမှု ခံယူသင့်ပါတယ် ။ နှလုံးသွေးကြောမှာ ကျဉ်းပြီး ပိတ်ပြီး သွေးမလျှောက်ပါက မိနစ် ၂၀ မှ ၄၀ မိနစ် အတွင်း သွေးပြန်လျှောက်အောင် ပြုလုပ်ပေးရပါမယ် ။ မပြုလုပ်နိုင်ပါက နှလုံးကြွက်သားပုပ်ခြင်း စတင်ဖြစ်လာနိုင်ပါတယ် ။ ဒီထက်ကြာကြာအချိန်ဆွဲ ထားရင်တော့ ၆ နာရီမှ ၈ နာရီ ကြာသွားပါက သွေးမလျှောက်တဲ့ နေရာမှ နှလုံးကြွက်သားများ လုံးဝ အပြီးတိုင် ပုပ်သွားပြီ ဖြစ်ပါတယ် ။ ပြန်မကောင်းနိုင်တော့ပါ ။ ထိုနေရာရှိ ကြွက်သားများမှာ အနာရွတ်ဖြစ်ကျန်ခဲ့မှာ ဖြစ်ပြီး aneurysm ကြွက်သားပွလာကာ နောင်တချိန်တွင် ပေါက်ထွက်သွားနိုင်ပါတယ် ။
သင် သို့မဟုတ် သင့် အိမ်သား မိတ်ဆွေ များ၊ ရုတ်တရက် နှလုံး အောင့်လာပြီဆိုပါတာ့ ဘာလုပ်နိုင်မလည်း ။
-လေဝင်ထွက် ကောင်းတဲ့နေရာမှာ ငြိမ်သက်စွာ အနားယူရပါမယ် ။ တင်းကျပ်နေသော အဝတ်အစားများကို ဖြေလျှော့ပေးပါ ။
-အလွန်အမင်းနာနေပါက နှလုံးသွေးကြောချဲ့တဲ့ ငုံဆေး ( Nitroglycerine ,NTG ,Nitrostat) အစရှိတာကို လျှာအောက်မှာ ထားပြီး ငုံပေး ရပါမယ် ။ ဒီငုံဆေးကိုလည်း တကြိမ်မှာ အများကြီး မငုံသင့်ပါဘူး ။ သွေးပေါင်ကျစေနိုင်ပါတယ်။ အထူးသတိပြုရန် -ငုံဆေးကို မိမိဘာသာ တကြိမ်လျှင် တပြားနှုန်းဖြင့် ၃ကြိမ်ထက် ပိုပြီး အသုံးမပြူသင့်ပါ ။
ငုံဆေးရဲ့ ဘေးထွက် ဆိုးကျိုးတွေမှာ ခေါင်းကိုက်၊ခေါင်းမူး၊ ပူရှိန်း( flushing)၊ ပျို့ အန် ခြင်း အစရှိသဖြင့် ၊ အလွန်ဆိုးဝါးပါက သတိလစ်ခြင်း။ ဆေးမတည့်လျှင်အနီကွက်ထွက် ယားယံ ခြင်း စသဖြင့် ။
-၅ မိနစ်မျှခြားပြီး တတိယ အကြိမ် ဆေးငုံပြီးပေမဲ့ ရင်ဘတ်အောင့်တာ မသက်သာရင်တော့ ဆေးခန်း ဆေးရုံ သို့  အမြန်သွားပြီး ကျွမ်းကျင်သူ ဆရာဝန်များ၏ စမ်းသပ် ကုသ မှုကို ခံယူသင့်ပါတယ် ။
ဘာတွေကို ဘယ်လို စမ်းသပ်စစ်ဆေး မလည်း။-------
ရင်ဘတ်အောင့်လို့ ဆေးရုံ ဆေးခန်းသွားတဲ့ အခါ ၊ ရှိနေတဲ့ ပစ္စည်းကရိယာ ပေါ်မူတည်ပြီး စမ်းသပ်ပေးနိုင်တာ အဆင့်ဆင့်ရှိပါတယ် ။ အဲဒါတွေကတော့ -
၁- ECG ( EKG ) - ဂရပ်လိုင်းများ ဆွဲကြည့်ပြီး နှလုံးကြွက်သား အောက်စီဂျင် ပြတ်လပ်မှု ရှိ မရှိ ၊ နှလုံးပုပ်ခြင်း ရှိ မရှိ ကို ခန့်မှန်းနိုင်ပါတယ်။
၂- Cardiac Enzyme ( CPK< LDH,CK-MB , Troponin Test စသဖြင့် သွေးဖေါက်ပြီး စမ်းသပ်လို့ ရပါတယ် ။နာရီပိုင်း အလိုက် ပြောင်းလဲ မှု တွေ ကြည့်ပြီးအမှန်တကယ် နှလုံးကြွက်သား အောက်စီဂျင် ပြတ်မှု ရှိ မရှိ။ ရောဂါ ပြင်းထန်မှု ၊ အသုံးပြုတဲ့ ဆေးကို တုန့်ပြန်မှု ကောင်း မကောင်း သိနိုင်ပါတယ်) ။
၃-Cardiac Echo - ultrasound နဲ့ အလားတူပါတယ် ။ နှလုံးကြွက်သားပုပ်တဲ့နေရာကို တွေ့ နိုင်ပါတယ်။
၎--angiogram ဆေးဓါတ်မှန်ရိုက်ပြီး နေရာအတိအကျ နဲ့ ပြင်းထန်မှုကို သိနိုင်တယ်။
ပေါင်ရင်း သို့မဟုတ် လက်မောင်း သွေးကြော မှ တဆင့် ဆေးထိုးပြီး နောက် နှလုံးအား ဗွီဒီယိုမှန်သားဓါတ်မှန်ရိုက်ကြည့်ပါက နှလုံးသွေးကြော ပိတ်မှု အခြေအနေကိုတိကျစွာ သိနိုင်ပါတယ် ။(Cardiac Catheterization )လို့ခေါ်ပါတယ်၊
။ နှလုံး သွေးကြောကျဉ်းခြင်း / ကြွက်သားပုပ်ခြင်းတို့  ဖြစ်ပြီ ဆိုပါက ဆက်လက်၍ လုပ်ဆောင် ကုသရာတွင်
- နှလုံးသွေးကြောချဲ့သော ဆေးများဖြင့်ကုသခြင်း အပြင် ၊
-CoronaryAngiogram and Stenting လို့ခေါ်တဲ့ ၊ကျဉ်းနေတဲ့နှလုံး သွေးကြောများကို ဘောလုံးငယ်ဖြင့် ပြန်ချဲ့ခြင်း ၊ ပိတ်နေတဲ့နေရာကို ပြန်ပွင့်အောင် လုပ်ပြီး ပြန်ပိတ် မသွားအောင် ဝါယာမျှင် ဇကာကွက်ပါတဲ့ ပြွန်ချောင်းလေး ထဲ့သွင်းထားခြင်း၊ အစရှိတဲ့ ကုသမှုမျိုး ပြုလုပ်ပေးနိုင်တယ် ။ ဒီနေရာမှာဗီဒီယို ကလစ် ကြည့်နိုင်ပါတယ် ။
ဒီနည်းလမ်းက ပိုမို လွယ်ကု အဆင်ပြေပါတယ်။ အသက်အရွယ် အလွန်ကြီးသောသူများ အတွက် ဒီနည်းကို ပိုပြီး အသုံးပြုကြပါတယ်။
၅-Atherectomy - ပိတ်နေတဲ့ ဂျီး( အဆီဖတ် ၊ ထုံးဓါတ်ဖတ် များကို ခွာချ ဆေးကြော နိုင်တယ်။
တချို့  ပြင်းထန်သော သွေးကြောပိတ်/ကျဉ်း မှု များ မှာ အထက်ပါနည်းတွေ နဲ့ ကုသလို့ မရတော့လျှင် ရင်ခေါင်း ကိုခွဲပြီး နှလုံးသွေးကြောလမ်းလွှဲရန်၊ အခြား နေရာမှ သွေးကြောများဖြင့် အစားထိုးခွဲစိတ်ကုသခြင်း (Coronary Artery Bypass Graft Surgery (Heart Bypass Surgery, CABG ) ကို ပြုလုပ်နိူင်ပါတယ် ။ များသောအားဖြင့်တော့ လူနာရဲ့ ပေါင် သို့ မဟုတ် ခြေသလုံး သွေးပြန်ကြော တစိတ်တပိုင်းဖြင့် အစားထိုးပါတယ်။ ခွဲစိတ်မှု အကြီးစား ဖြစ်တဲ့အတွက် အသက်အရွယ်အလွန်ကြီးနေသူများအတွက် အဆိုပါနည်းကို အသုံးပြုခြင်း သိပ်မရှိကြတော့ပါ ။
အချိန်မှီ စစ်ဆေး ကုသမှု များဖြင့် သက်သာနိုင်ပေမဲ့ ကံအကြောင်းမလှ သူများ အဖို့တော့ အသက်ဆုံးရှုံးရမှုတွေလည်း ရှိပါတယ် ။ ဒါကြောင့် ကာကွယ်ခြင်းသည် ကုသမှုထက် ပိုကောင်း၏ ဆိုတဲ့ အဆိုကို လက်ကိုင်ထားရင် အချိန်ကုန် ငွေကုန် လူပင်ပန်းခြင်းတို့မှ သက်သာစေမှာမို့ ကာကွယ်ခြင်း ကို အလေးထားသင့်ပါတယ်။
ဒီရောဂါ ဖြစ်စေတဲ့ အကြောင်းရင်းတွေကို ရှောင်ရှား နိုင်ရင် ကာကွယ်နိုင်ပြီပဲ ဖြစ်ပါတယ် ။
ဒါကြောင့် ရှောင်သင့် ဆောင်သင့်တဲ့အချက်တွေ ကို ကြည့်လိုက်ရအောင် ။
-အဆီဓါတ်( ဆိုးတဲ့ ကိုလက်စထရော LDL ,VLDL၊ ထရိုင်ဂလစ်ဆရိုက်) များပြားတဲ့ အစားအစာကို ရှောင်ပါ -ဥပမာ ဂျုံ သကြားဓါတ်များသော အဆီအဆိမ့် အချို များ။ ပြည့်ဝဆီများသော- နို့ နှင့်နို့ ထွက်ပစ္စည်းများ ။တိရစ္ဆာန် အဆီများ။
-ကောင်းတဲ့ ကိုလက်စထရော (HDL) များတဲ့ အစာများ ရွေးချယ်စားသုံးပါ ။ HDLကြွယ်ဝတဲ့ အစာများ ဥပမာ -
သံလွင်ဆီ( Olive Oil)၊ canola oil and grapeseed oil ။ အိုမီဂါ ၃ ဓါတ် ပါတဲ့ ငါးအဆီများ ။ သစ်အယ်သီး သစ်ချသီး သစ်ကြားသီး အစရှိတဲ့ အခွံမာ အစေ့များ။ မုယော Oatmeal နဲ့ အမျှင်များသော အစားအစာများ၊ ဟင်းသီးဟင်းရွက်စိမ်း ၊ ပဲ ၊အရည်ရွှမ်းသစ်သီးများ ကို ရွေးချယ်စားသုံးပါ
-ဆေးလိပ် အရက် ကို ရှောင်ပါ ။
-ဆီးချို ၊ သွေးတိုး ကို ထိန်းပါ ။
-အားကစား လေ့ကျင့်ခန်း ကိုယ်လက်လှုပ်ရှားမှု များ အချိန်မှန် လုပ်ပါ ။စိတ်တည်ငြိမ်မှု ရအောင် ။ စိတ်ဖိစီးမှူ နဲအောင် ကျင့်ပါ ။
ဒါဆိုရင် အသက်လည်းရှည် အနာလည်းကင်း ငွေကုန်လည်းသက်သာစေမှာ ဖြစ်ပါတယ် ။
စကားချပ်။ ။ Coronary angioplasty and stents ပိုက်ထဲ့ပြီးကုသဖို့ အတွက် ကျပ်ငွေ ၂၅ သိန်းမှ သိန်း ၃၀ မျှ ကုန်ကျမှာ ဖြစ်ပါတယ် ။( ပြည်ပတွင် သွားရောက် ကုသမယ်ဆိုရင် ဒီထက်မကပဲ သိန်းရာကျော် ကုန်ကျမည် ဟု ပြောဆိုသံကြားရပါတယ်။) ။ ဖြစ်လာနိုင်တဲ့ ကောင်းကျိုး ဆိုးကျိုးများကို မခွဲစိပ်မှီ ဆရာဝန် ထံ သေချာ မေးမြန်း စုံစမ်းပါဟု လည်း အကြံပေးလိုပါတယ် ။
Ref:
http://www.innerbody.com/image/cardov.html
http://www.medicinenet.com/cardiac_catheterization/article.htm
http://emedicine.medscape.com/article/155919-overview#a0101
http://www.ehow.com/list_6021848_foods-rich-hdl.html
ကြီးသူကို ရိုသေ၊ ငယ်သူကို သနား၊ ရွယ်တူကိုလေးစား ၊ဆိုတဲ့ စကားလက်ကိုင်ထားရမဲ့ အပြင် ၊မေတ္တာ ဂရုဏာ မုဒိတာ တွေ ပွားများနေနိုင်ကြမှ မင်္ဂလာ တရားနဲ့ ပြည့်စုံမယ် ဆို တော့ ဒီင်္တခါ ကောင်းတာလေးတွေပဲ တွေး မယ် ရေးမယ် လို့ စိတ်ကူးပါတယ် ။ ဒီတော့ မေ့ကွက်ကိုရှာ.. အဲ.. ကောင်းကွက်ကိုရှာဖို့ အနီးအနား ပတ်ဝန်းကျင် နဲ့ တမျှော်တခေါ် ကမ္ဘာတခွင် ကို အင်တာနက်ထဲကနေ လျှောက်ကြည့်ရင်းနဲ့ မြင်တွေ့ ရတာလေးတွေကို ပြန်ပြီး ဖေါက်သည်ချကြည့်ပါမယ် ။ အကောင်းမြင်ဝါဒလေးနဲ့ မုဒိတာ ပွားကြည့်ကြတာပေါ့ ။
ဦးစွာပထမ ကိုယ့်လတ်တလော စားဝတ်နေရေး ဖြေရှင်းပေးလို့ နေထိုင် နေရတဲ့ ဒီ နိုင်ငံ က ကိုယ်နဲ့တိုက်ရိုက် ပတ်သက်တဲ့ သတင်းလေး အတွက် ကောင်းချီးပေးပါရစေ။ စားဝတ်နေရေး ဆိုတဲ့ စကားလုံး အစီအစဉ် အတိုင်း စားဖို့ က အတော်လေး အရေးကြီးတယ် မဟုတ်လား ။စားကုန်သောက်ကုန် စရိတ်စကတွေလည်း ကမ္ဘာနဲ့ အဝှမ်း ဒီရေလို တရိပ်ရိပ်တက်နေကြတာ အားလုံးအသိပါပဲ ။ လစာတွေ သာ မတက်ရင်နေမယ် ။ စားသောက်ကုန်ဈေးနှုန်းတွေကတော့ တက်ပြီးရင်းတက်ပဲ ။
နောက်တခု .. ဒီနိုင်ငံ အပြင်ဘက် မျှော်ထွက်ကြည့်မိလိုက်တော့ နိုင်ငံရပ်ခြားသတင်းများ အထဲမှ Hot News တခု ။ ... လစ်ဗျား ခေါင်းဆောင်ကြီး မွန်မာ ဂဒါဖီ ..မနေ့က ပဲ အသတ်ခံလိုက်ရပြီတဲ့၊ ကောင်းလိုက်ထှာ.....။ အို ..သူများ အသတ်ခံရတာ ဘာလို့ များ မုဒိတာ ပွားနေရတာလည်း လို့ တော့ မထင်လိုက်ကြပါနဲ့ အုံး ။ ဒီလူကြီး က သူ့ နိုင်ငံကို စစ်အာဏာသိမ်းပြီး အုပ်ချုပ်လာတာ ၄၂ နှစ်တောင်ဆိုတော့ သူ့ ရဲ့တိုင်းသူပြည်သားတွေကို ဘယ်လောက်များ အနိုင်ကျင့် ဖိနှိပ်ချုပ်ချယ် ထားသလည်း ဆိုတာ ရွှေမြန်မာများ ကိုယ်ချင်းစာကြည့်လို့ ရနိုင်ပါတယ် ။ ဗီဒီယို သတင်းတွေ ထဲမှာ မြင်နေရတာ က တိုင်းသူပြည်သား လူအများတို့ ရဲ့ ပျော်ရွှင်မှု ပေါ့။သူတို့တတွေ ပြုံးပျော်ပြီး ကခုန်နေကြတာ လမ်းမတွေပေါ်က နေရာတိုင်းလိုလိုမှာ ပါပဲ ။ လူတယောက်သေတာ ဘာလို့ လူ အများက ပျော်ရွှင်နေကြတာလည်း ဆိုတာကိုတော့ ရှင်းပြနေစရာတောင် မလိုဘူးလို့ ထင်ပါရဲ့။ အင်း.. ကောင်းလိုက်ထှာ ...။ ဖွားကိတို့  ရွှေနိုင်ငံကြီးမှာလည်း ဒီလို ပျော်ရွှင်စရာ ရက်ကလေးများ ရှိစေချင်လိုက်တာ ။ဒါပေမဲ့ ဒီလို သတ်ဖြတ်ပြီးမှ ပျော်ရမဲ့ အပျော်မျိုးတော့ မဖြစ်စေချင်ပါဘူး။ ဒီကိစ္စအကြီးကြီး အတွက် မုဒိတာ သေးသေးလေး ပွားလိုက်မိတယ် ။ ဒါပေမဲ့ သံဝေဂ တရား လည်း ရမိတာပေါ့ ။ အနိစ္စ ဒုက္ခ အနတ္တ ၊ ဘယ်အရာမှ မမြဲဘူး မဟုတ်ပါလား ။ ဝဋ်ဆိုတာလည်း နောင်ဘဝထိ မကူးဘူး ။လက်ငင်းကို ပြန်ဆပ်ကြရတာပဲ ။
နောက် တွေ့ မိတဲ့ ဗွီဒီယို ကလစ် ထဲမှာ - ၅နှစ်သမီးလေး က သူ့ အဖေ နှလုံးရောဂါထ လို့ အိမ်ထဲမှာ ဒုက္ခရောက်နေတဲ့အချိန် အရေးပေါ် 911 ဆီ ဖုံးဆက်ပြီးနောက် စကားမပြောနိုင်လောက်အောင် ဖြစ်နေရာမှာ ကလေးက လိုအပ်တဲ့ အချက်အလက်တွေ ပြောပြ အချိန်မှီ ကူညီ အကြောင်းကြားပေးလို့  သူ့ အဖေ အသက်ကို ကယ်တင်လိုက်နိုင်သတဲ့ ။ သူတို့တွေဆီမှာ ဒီအရွယ် ကလေးလေး ကအစ ပိုင်းခြား နားလည်နေကြပြီ ။ ဒါကိုကြည့်ပြီး သုံးသပ်မိတာကတော့ ကလေးတိုင်းလိုလို မှာ စူးစမ်းလေ့လာချင်စိတ်တွေ ၊ သူတို့တတ်တာကို လုပ်ပြချင်စိတ်တွေ ၊ အတုမြင် အတတ်သင်စွမ်းအားတွေ ရှိနေကြတယ် ။ အဲဒါကို ပါတ်ဝန်းကျင် အသိုင်းအဝိုင်းက သင့်တော်သလို သွန်သင်ပြသပေးရမယ်။ ထိန်းကျောင်း ပြုပြင်ပေးရမယ် ။ သူတို့လေးတွေရဲ့ စူးစမ်းချင်စိတ်လေးတွေကို ပိတ်ပင်မထားသင့်ဘူး ။ စိတ်ဓါတ်ကောင်းလေးတွေကို ရိုက်မချိုးသင့်ဘူး ။ ဒီလို သွက်လက်ချက်ချာတဲ့ ကလေးလေးတွေလည်း ဖွားကိတို့  ရွှေပြည်ကြီးမှာ အများကြီးရှိတာပဲ ။ ဒါ့ပေမဲ့ အဲလို ကမ္ဘာကျော်သွားအောင် ပြသနိုင်ဖို့  အခွင့်အရေးမျိုး မရှိကြတာများပါတယ်။ အနီးဆုံး ဥပမာ ပြောရမယ်ဆိုရင် ခုနေများ ရွာငယ်ဇနပုဒ် မီးမှိတ်တုပ်မှတ်တုပ်မလုပ်နိုင်တဲ့ နေရာမျိုး၊လူတွေနဲ့ အလှမ်းဝေး လယ်ကွင်းထဲက အိမ်တလုံးထဲမှာ လယ်သမားကြီး ဦးဘမောင် နှလုံးရောဂါထလို့ လဲနေပြီဆိုပါတော့ ၊ ဘေးက ရောင်ပေစူးလေးနဲ့ သွက်သွက်လက်လက် ၅ နှစ်သမီးလေး က သူ့ အတွက် ဘာလုပ်ပေးနိုင်ပါ့ မလည်း ။ ဆက် စရာ ဖုံး လည်း မရှိ ။ ဆက်လို့ ရတယ် ထားအုံး ။ ခုလိုဂရုတစိုက် ပြန်လည် ပြောကြား အကြံပေးမဲ့ ၊ အရေးပေါ်ကားနဲ့ လာခေါ်ပြီး ဆေးရုံတင်ပေးမဲ့သူတွေ ရှိပါ့မလား။ ဆေးရုံ မှာ ရော .. ရောဂါကုသဖို့  အခြေအနေရှိပါ့မလား။ အင်း.. အဲဒါကို တွေးမိတော့ ကောင်းလိုက်ထှာ.. ။ ရွှေပြည်ကြီးမှာလည်း ဒီလို အခြေအနေတွေ အမြန်ဆုံး ရောက်စေ ရှိ်စေချင်လိုက်တာ လို့  ကိစ္စသေးသေးလေး ကို ကြည့်ပြီး မုဒိတာ အကြီးကြီး ထပ်ပွားမိလိုက်တယ် ။
ဗီဒီယိုကလစ်လေး ဒီနေရာမှာ ရှိပါတယ်
ဆက်ပြီးတော့ ပြည်တွင်းထဲ မှ ၊ မုဒိတာပွားလို့ ရမဲ့ သတင်းဟောင်းလေးတွေ ရှာဖတ်ကြည့်မိတယ် ။ ပြီးခဲ့တဲ့ စက်တင်ဘာ လကုန်မှာ ရွှေပြည်ကြီးမှာ တိုးတိုးတိတ်တိတ်လုပ်နေရာမှ ဟိုးလေးတကျော်ဖြစ်သွားပြီး တိုင်းသူပြည်သားလူအများ ဆန္ဒ အရ ခေတ္တခဏ ( ၅နှစ်တာကာလ ) ရပ်ဆိုင်း ထားလိုက်တယ် ဆိုတဲ့ “ဧရာဝတီမြစ်ဆုံဆည်ရေအားလျှပ်စစ်စီမံကိန်းကြီး”အတွက် ဆုံးဖြတ်ချက်ကို လည်း ကောင်းလိုက်ထှာ လို့ ကောင်းချီးသြဘာပြုပါရစေ ။ ဧရာဝတီမြစ်တလျှောက် ဆောက်လုပ်နေကြတဲ့ အခြားသော ဆည်ကြီးများရဲ့ စီမံကိန်းတွေကိုပါ ရပ်ဆိုင်း( ဖျက်သိမ်း) ပေးလိုက်ရင် ဒီထက်ပိုပြီး ကောင်းလိုက်ထှာ ကောင်းလိုက်ထှာ ကောင်းလေစွ ကောင်းလေစွ လို့  သာဓု အခါခါ ခေါ်မိမှာပါ ။
ပြီးခဲ့တဲ့ သီတင်းကျွတ်လပြည့် နေ့မှာလည်း ယုံကြည်ချက်ကြောင့်အကျဉ်းချထားခြင်းခံနေကြရသူ ( နိုင်ငံရေးအကျဉ်းသား ဟူသော ရှေးက အသုံးအနှုန်း မသုံးကြတော့ပါ။ နိုင်ငံရေးအကျဉ်းသားများ တယောက်မျှမရှိပါ ဟု ပြတ်ပြတ်သားသား ကြေငြာထားပြီးကာမှ ဟိုးတနေ့ကပဲ နိုင်/ကျဉ်း ၆၀၀ မျှသာရှိပါတယ် ဟု မတော်တဆ ဖေါ်ပြသွားလို့ တောင် အံ့အားသင့်မိရသေး.. )များထဲမှ အနည်းအကျဉ်းမျှ ကို အမှန်တကယ်ပြစ်မှုကျူးလွန်ခဲ့သူ ရာဇဝတ်သားများ များစွာနှင့် အတူ သမ္မတကြီးမှ စေတနာဖြင့် လွတ်ငြိမ်းချမ်းသာခွင့်ပြုခဲ့ခြင်းအကြောင်းကိုလည်း ကောင်းပါ၏ ဟု မုဒိတာပွားမိပါတယ်။ အကယ်၍များ ကျန်ရှိနေသေးသော ယုံ/ကျဉ်း သမားများအားလုံးကို တယောက်မကျန်ရလေအောင် စေတနာစစ်မှန်စွာဖြင့် လွတ်ငြ်ိမ်း ချမ်းသာခွင့် ပေးခဲ့ပါလျှင်၊ ကောင်းလိုက်ထှာ.. ကောင်းပေစွ ဟု သာဓု အကြိမ်ကြိမ် ခေါ်လိုက်ပါအုံးမယ်။
ကားအို ကားစုတ်လေးများကိုသာ စီးနင်းနေကြရတဲ့ တိုင်းသူပြည်သား လူအများတို့ အတွက် ကားကောင်း ကားသစ် ကားတပါတ်ရစ် ဂွတ်စက္ကန်းဟန်းတွေ စီးစေချင်တဲ့စေတနာ နဲ့  ကားသွင့်ခွင့် ပါမစ်တွေ ချပေးနေတယ် ဆိုတဲ့ သတင်းအတွက်လည်း ကောင်းလိုက်ထှာ လို့ မုဒိတာပွားမိတယ် ။ ကားဟောင်းတွေကို ပြန်အပ်ဖို့ စလစ်လေးတရွက် ရဖို့ အရေး ၃ရက် ၃ ည တိုင်တိုင် စောင့်စားနေကြရတဲ့ ကားအိုပိုင်ရှင် ပြည်သူများအတွက် ဒီထက် အဆင်ပြေ ချောမွေ့ အောင် ဆောင်ရွက်ပေးနိုင်ကြရင်ဖြင့် ပိုပြီး ကောင်းလိုက်ထှာ ပေါ့ ။
ကားသစ်တွေ လာတော့ မယ် ဆိုတော့ တမိုးတွင်းလုံးပစ်ထားလို့  ပျက်စီးနေတဲ့ ကျောက်ပေါက်မာ ဗလပွ ကတ္တရာ လမ်းတွေကိုလည်း တစ်ပါတ်ပဲခံခံ နှစ်ပါတ်ပဲခံခံဆိုသော နည်းလမ်းသစ်တွေ အသုံးပြုပြီး ပြန်လည် ပြင်ဆင် လမ်းခင်းပေးနေကြောင်း သတင်းတွေ ဖတ်လိုက်ရတော့လည်း ကောင်းလိုက်ထှာ ပေါ့ ။ ဒီထက်မက ကြာကြာခံ၊ အရည်အသွေးကောင်းမွန်တဲ့ လမ်း၊ ပလက်ဖေါင်းတွေ ။ ရေနှုတ်မြောင်းတွေ နဲ့သာ ဆိုရင် ဖြင့် သာလို့ တောင် ကောင်းပေအုံးမယ် လို့ ကြိုပြီး ကောင်းလိုက်ထှာ ကောင်းပေစွ လို့  မုဒိတာ ဆင့်ပွား ပွားထားလိုက်ပါသေးတယ် ။
ကျန်းမာရေးအတွက် ကိုယ်ထူကိုယ်ထ စေတနာ ၊ အခမဲ့ ဆေးပေးခန်းများ ၊ ပညာရေးအတွက် စေတနာ ဘုန်းတော်ကြီးစာသင်ကျောင်းများ၊ စာဖတ်ခန်းများ ။ လူမှုရေး အတွက် နာရေးကူညီမှု အသင်းများ၊ ဘိုးဘွားရိပ်သာများ ..စသဖြင့် လိုအပ်ချက်များကို ဖြည့်ဆည်းပေး တည်ထောင် ဖွင့်လှစ်လုပ်ဆောင်ပေးနေကြသူများ အကြောင်း မြင်ရ ကြားရ တာမို့လည်း ကောင်းလိုက်ထှာ ဟု အကြိမ်ကြိမ် သာဓုခေါ်မိပါသေးတယ် ။ အကယ်၍များ ခေတ်မှီဆေးရုံသစ်ကြီးများ မှာ ဆေးအပြည့်အစုံ ၊ ဆရာဝန် ဆရာမ ကျန်းမာရေးဝန်ထမ်း အပြည့်အစုံ တွေ ဖြင့် ပြည်သူ့ ကျန်းမာရေးစောင့်ရှောက်မှု လုပ်ငန်းများအတွက် ။ ကျောင်းသူ ကျောင်းသားများ အဖို့  အမှန်တကယ် အသုံးကျမဲ့ အသက်မွေးဝမ်းကြောင်းမှု ခေတ်မှီနည်းပညာရပ်များအတွက် ဘတ်ဂျက်ငွေတွေ ကို တိုးမြှင့်သုံးစွဲပေးလိုက်မယ် ဆိုရင်လည်း ကောင်းလိုက်ထှာ ကောင်းပေစွ ဟု အခါခါ ကောင်းချီင်္းပေးဖို့ အဆင်သင့်ပါပဲ ။
ပင်စင်စားကြီးတွေ အတွက် ပင်စင်လစာငွေ တိုးမြှင့်ပေးဖို့ သတိတရ ဆောင်ရွက်ပေးလိုက်တဲ့ အတွက်လည်း ကောင်းလိုက်ထှာ ပေါ့ ။ အဲဒါထက်ပိုပြီး ၊အခြေခံစားသောက်ကုန်တွေကို ဈေးကျအောင်လုပ်ပေးလိုက်ရင် ..အကယ်၍များ ဆန် တစ်ပြည် ကို ၁၀၀ ကျပ်၊ဆီ တပိသာ ၁၂၀ ကျပ် ။ ကြက်တပိသာ ၁၅၀ ကျပ် စသဖြင့်. အဲ့လိုလေးများ ဈေးချပေးလိုက်နိုင်မယ် ဆိုရင်..ဆိုရင်.. လခတွေ မတိုးပေမဲ့လည်း အရေးမကြီးပါဘူး၊ လူအများ စိတ်ချမ်းသာစွာနဲ့ ဝဝလင်လင် စားသုံးကြရမှာမို့ .. ကောင်းလိုက်ထှာ ကောင်းလေစွ လို့  အားရပါးရကြီးကို ပြောအုံးမှာ ။
ကဲ.. ဖတ်မိကြားမိသတင်းတွေထဲက ကောင်းနိူးရာရာသတင်းကောင်းလေးများကို ခုလို မုဒိတာပွားမိလိုက်ရတာ ဘယ်လောက်တောင် ကြည်နူးစရာ ကောင်းမိပါသလည်း နော် ။ သင်တို့လည်း ကြံဖန်ပြီး မုဒိတာပွားများကြည့်လိုက်ကြပါ လား ။ စိတ်ချမ်းသာ စေရမယ် လို့  အာမ အကြီးကြီး ခံလိုက်ပါရဲ့ ..
ခုတလော ရွှေပြည်ကြီး ရဲ့  အကြောင်းများ၊ မြင်နေ ကြားနေ ဖတ်နေ ရတဲ့ သတင်းတွေ အတင်းတွေ ကြားထဲ ရွှေပြည်သူ ရွှေပြည်သား လူအများလည်း ပျော်ရွှင်ကြည်နူးလိုက်ကြ၊ စိတ်ချမ်းသာလိုက်ကြ၊ ဝမ်းနည်းကြေကွဲလိုက်ကြ၊ ဒေါသထွက်လိုက်ကြ၊ မကျေမနပ်ဖြစ်လိုက်ကြ နဲ့ မို့ မယ်ရီဂိုးရောင်း..ချားရဟတ်ကြီး စီးနေရသလို နိမ့်လိုက် မြင့်လိုက် စိတ်ဓါတ်တွေ တက်လိုက် ကျလိုက် ၊ရင်ဘတ်ထဲ ဟာကနဲ ဟင်ကနဲ ဖြစ်သွားလိုက်၊ အေးကနဲ နွေးကနဲ နဲ့ တနေ့ ထဲကို ဥတု သုံးပါးအပြောင်းအလဲတွေ ခံစားနေကြရသလိုလိုပါပဲ ။တချိန်ထဲ တပြိုင်ထဲမှာ ပူလိုက် အေးလိုက် ရာသီဥတု အပြောင်းအလဲ တွေ မြန်လွန်းတာကြောင့် လူအများမှာလည်း တုပ်ကွေးရာသီ နဲ့ အတူ တုပ်လိုက်ကြ ကွေးလိုက်ကြ ဖြစ်နေကြပြန်ပါတယ် ။ “လူအချင်းချင်းလှည့်ပတ်ခြင်း ကင်းဝေးကြပါစေ ”လို့  မေတ္တာပို့ဝေ ပွားများနေသူများ ရှိသလိုပဲ ၊ လူအချင်းချင်းမှ မလှည့်ပတ်ရရင် အိပ်မပျော် စားမဝင်ဖြစ်တတ်သူများလည်း အများအပြားပါပဲ ။
လိမ်ညာ လှည့်စား တယ် ဆိုတဲ့ ဝေါဟာရ မှာ လိမ်ညာတာ(Lie) နဲ့ လှည့်စားတာ(Trick)ကို အတူတူ တွဲထားပေမဲ့ သဘောသဘာဝချင်းတော့ လုံးဝဥဿုံ တူလှတယ် မထင်မိပါဘူး။ကိုယ့်အယူအဆ ကိုယ်ပြောပြရရင်တော့ လိမ်ညာတယ်ဆိုတာက မရှိတဲ့အရာတခုကို ရှိသယောင်နဲ့ တဖက်သားကို အယုံသွင်း ကလ်ိမ်စေ့ငြမ်းဆင် ကိုယ့်အတွက် ရသလို ရအောင် လုပ်ယူတာ ကြံဆောင်တာမျိုး ၊ လှည့်စားတယ် ဆိုတာ ရှိနေတဲ့ အရာတခုကို ထင်ယောင်ထင်မှား ဝိုးတဝါးဖြစ်အောင် ကြံဆောင်ပြီး လှည့်ပတ် သွားတာ မျိုး လို့  ထင်တာပဲ ။ဘယ်လိုပဲ ဖြစ်ဖြစ် လိမ်ညာ ဟန်ဆောင် လှည့်စား တယ် ဆိုတာ ဘယ်တခုမှ မကောင်းပါဘူးး။
ဒီလပိုင်း ရက်ပိုင်တွေ အတွင်းမှာ ကိုယ်တို့တတွေ လူတဦး ၊ အဖွဲ့ အစည်းတခု ရဲ့ လှည့်စားခြင်းကို ခံနေရတယ်လို့ ထင်ပါတယ် ။ သူ မလိမ်မညာပါဘူး ။ ပြောတော့ ပြောပါတယ် ။လုပ်တော့ လုပ်ပါတယ် ။ဒါပေမဲ့ အများ မျှော်လင့်တောင်းတနေသလိုမျိုး အပြည့် အဝ လုပ်မပေးခဲ့ပါဘူး ။ ပြောသလို မလုပ်ဘူးပေါ့ ။ ၆၃၅၉ ဂဏန်း အတိတ်စိမ်းပေးထားပြီး တကယ့် ဖွင့်ဂဏန်းက ၂၁၈ လိုလို၊၂၀၇ လိုလို ဖြစ်သွားတဲ့ လှည့်စားမှုတမျိုး ကျတော့ နားလှည့်ပါးရိုက်သလို မျိုးမို့  သိသိကြီးနဲ့ အောင့်သက်သက် ခံရခက်လှတယ် ။ဒုစရိုက် နဲ့ သုစရိုက် သမားတွေ အချိုးချကြည့်ရင် ဘယ်သူပိုများမလည်းဆိုတာ တွေးကြည့်ရုံနဲ့  သိသာပါတယ် ။ ထားပါတော့ ။ ဒါက သူတပါးက ကိုယ့်အပေါ် လှည့်စားချက်တွေ ။ခံရခက်ပေမဲ့လည်း ခံကြပေအုံးတော့ပေါ့ ။ အချိန်တန် နပိန်ကန် မယ် ဆိုတော့ ၊ နွားပိန်လေး လာကန်မဲ့ အချိန်ကိုပဲ မျှော်တလင့်လင့်နဲ့ စောင့်ကြပေရအုံးမယ်။
သူတပါး ကိုယ့်အပေါ် လှည့်စားသွားတော့ ခံရခက်ကြီးတဲ့ ။ ဒီလိုဆိုတော့ ကိုယ့် ဖာသာကိုယ် လှည့်စားနေကြတာများရော မရှိကြတော့ဘူးလား ၊ ခံရခက်ကြီး မဖြစ်ကြတော့ဘူးလား ။ ဟင့်အင်း ၊ မဖြစ်မိပါဘူး ။ ဘာလို့လည်းဆိုတော့ မသိလိုက်လို့ပေါ့ ။
တခါတရံတော့လည်း သိနေသားပဲ ၊ဒါပေမဲ့ ကိုယ့်ဟာကိုယ်လှည့်စားပြီး ကျေနပ်သလိုတောင် ဖြစ်နေသေးတယ် ။
နားရှုပ်အောင် ပြောလိုက်လို့ နားရှုပ်သွားမယ် ။ ဒီလိုပါ ။ ဥပမာ ပေးရရင် ၊ အလွန်ဝသော အမျိုးသမီးတယောက် တနေ့ တခြား ပို ပို ဝ လာ တယ် ။သူများတွေက ..ဟယ် ၊ မတွေ့ တာကြာပြီ ၊ နဲနဲ ပိန်သွားသလိုပဲ နော် ... ဆိုတော့ ကျေနပ်လို့ပဲ ။ကြည်နူးလို့ပဲ ။ ညာပြောမှန်း မြှောက်ပင့်ပြောမှန်း သိပေမဲ့ နဲနဲ တော့ ကျေနပ်မိသွားမှာပဲ ။ ( တချို့တလေကျတော့ ဒါ ငါ့ကို သက်သက် ရွဲ့ပြော စောင်းပြောနေတာပဲဆိုပြီး မကျေမနပ်ဖြစ်မိမှပါပဲ ) ။ ဒီတော့ သူ ဘာလုပ်သလည်း ။ ဝိတ်ချမယ် ..ဝိတ်ချမယ် ပေါ့ ...တချို့ စိတ်ဓါတ်ခိုင်မာသူတွေကတော့ မဖြစ်မနေ ဝိတ်ချလို့ ရတယ် ။တကယ်လည်း အောင်မြင်သွားတယ် ။( ပြတ်သားတဲ့ သူတွေများ ဘယ်လောက်ထိ ပြတ်သလည်း မပြောနဲ့ ၊ ပုပ်သွားတဲ့ အသီး၂လုံး နဲ့ ပျက်သွားတဲ့ ဂေါ်တပြား ကို ချက်ချင်းပဲ ပြတ်စဲပလိုက်တယ် ။ ဒါမျိုး စိတ်ဓါတ် သဘောကျလို့ မဆုံးဘူး )။ တချို့ ကျတော့ ပါးစပ်ကသာ ပိန်ချင်တယ်၊ ဝိတ်ချမယ် ပြောပြီး .. အင်း..ဇွဲမရှိတော့ ဘယ်လိုလုပ်ပြီး ဒီဝိတ်ကြီး ကျ ပါ့ မလည်း လေ ။ ဒီတော့ သူ့ ဟာသူပဲ စိတ်ဖြေတဲ့နည်း သုံးတယ် ။ကိုယ့်စိတ်ကိုယ် လှည့်စားပြီး ကျေနပ်လိုက်ကြတယ် ။ပြီးခဲ့တဲ့ တလ ကထက်စာရင် ၁ပေါင်လောက်ကျလာတာပဲလေ... တဲ့ ။ လွန်ခဲ့တဲ့ ၄ လ အတွင်း ၁၀ ပေါင် တက်လာတာကိုတော့ မသိကျိုးကျွန်ပြုထားလိုက်တော့ ဘယ်လောက် စိတ်ချမ်းသာဖို့ ကောင်းလည်းနော် ။ဒီတရက်တော့ စားချင်တာလေး ဆက်စားလိုက်အုံးမှ ၊ နောက်တော့မှ ချတာပေါ့ ..တဲ့ ။ (လွှတ်တော်တက်သူတွေထဲက ဒီစိတ်ဓါတ် ဘယ်နှစ်ယောက် ပါမလည်း ။ သိဘူး ၊ လာမမေးနဲ့  ) ဒီလိုပါပဲ ။ လောကကြီးမှာ နေတတ်ရင်ကျေနပ်စရာတွေပဲပေါ့ ။
ထားပါတော့ ။ ဒီဥပမာကလည်း သိပ် မကောင်းသလိုပဲ ။ပြောချင်တာလည်း ဒါရိုက်ဟစ် မပြောရဲ..အဲလေ.. မပြောချင်တော့တာမို့  ကိုယ့် ကိုယ်ကိုယ် လှည့်စားခြင်း ဆိုတဲ့ အကြောင်းအရာ ကို ပဲ ဆက်ကြရအောင် ။
Illusion “ အီလူးရှင်း”ဆိုတဲ့ ဝေါဟာရ ၊ မြန်မာလို အတိအကျ ပြောရတာတော့ ခက်သလိုပဲ၊ အနီးစပ်ဆုံးပြောရရင်တော့ “ထင်ယောင်ထင်မှားဖြစ်ခြင်း ”ပေါ့။ အဲ့လို ထင်ယောင်ထင်မှားဖြစ်အောင်ပြုလုပ်တဲ့သူကိုတော့ Illusionist လို့ခေါ်ပါသတဲ့ ။ မျက်လှည့်ဆရာ ပေါ့ ။ David Copperfield ဆိုသူကတော့ ကမ္ဘာကျော် illusionist သို့မဟုတ် magician တယောက်ပေါ့ ။ သူ့ အတတ်ပညာ မျက်လှည့်ပြကွက်တွေ ဟာ အံ့သြဘွယ်ကောင်းလောက်အောင် သေသပ်လှတာမို့ သူ့ ကို လူလိမ်လူညာ လို့  ဘယ်သူမှ မပြောနိုင်ကြဘူး ။ သူ့ ရဲ့ လှည့်စားမှု ပြကွက်တွေကိုတောင် ခံစားကြည့်ချင်လွန်းလို့  ငွေကုန်ကြေးကျခံပြီး ကြည့်ကြရတယ် ။သူဟာ လစ်ဘာတီ ရုပ်တုကြီးကို ပျောက်သွားအောင် လုပ်ပြနိုင်သတဲ့။ ဂရိတ်ဝေါကြီးကို ထိုးထွင်း လျှောက်ပြနိုင်သတဲ့ ။ ဒါကတော့ ချွင်းချက်တခုအနေနဲ့ ထားရပေလိမ့်မယ် ။ သူက ပညာရှင်ကြီးကိုး ။ဘယ်သို့ ဘယ်ပုံ လုပ်လိုက်သနည်းဟုတော့ ကျွန်ုပ် မသိ ။ အခွေတွေထဲမှာ ကြည့်ရတာတော့ အလွန်ကောင်းပေ၏။ သူ့အကြောင်း အသေးစိတ်သိလိုရင်တော့ အွန်လိုင်းမှာ ရှာကြည့် ။ ဒီနေရာမှာတော့ သူ့ ရာဇဝင် ရှိလေ၏ ။
သူ့ လို လျှမ်းလျှမ်းတောက် မဟုတ် ကမ္ဘာမကျော် ပေမဲ့ မြန်မာကျော်တဲ့ အီလူးရှင်းနစ် တွေလည်း မြန်မာပြည်မှာ တပုံကြီး ရှိ တယ် ။ ဧရာဝတီကြီးကို အသွင်ပြောင်းပြီး အိပ်ထောင်ထဲ ထဲ့ထားလိုက်တာတို့ ၊ နာဂစ်တုံးက အသက်မဲ့သွားတဲ့သူတွေ မဲ ထပြီးပေးကြတာတို့  ။ အဲ့လို စွမ်းဆောင်နိုင်ကြသူတွေ တပုံကြီးပါ ။ ဘာလို့ ကမ္ဘာမကျော်ကြတာလည်း ၊ ကိုယ့်ဦးနှောက် သေးသေးလေးနဲ့ စဉ်းစားလို့ကို မရဘူး ။
ဒါလည်း ထားလိုက်တော့ ဦးနှောက်သေးလို့  မစဉ်းစားချင်တော့ဘူး ။ ဒီတော့ ထင်ယောင်ထင်မှား မြင်တတ်တာတွေကိုပဲ ပုံလေးတွေနဲ့ ဥပမာ ပြ တော့မယ် ။ “မျက်စိအကြည်” အခံဓါတ် နဲ့  “အဆင်း” အတိုက်ဓါတ် တို့ တိုက်တော့ “ မြင်စိတ်” အပွင့်ဓါတ် ဖြစ်တယ်လို့  တရားသဘောမှာ ရှင်းပြထားတာ သိကြပါလိမ့်မယ် ။ လောကဓါတ် သိပ္ပံသဘောအရလည်း အရာဝတ္ထု တခုပုံရိပ်ဟာ ၊ အလင်း အမှောင် အပေါ်တည်ပြီး ၊ မျက်စိ မြင်လွှာပေါ် ကျရောက်လို့ ပုံရိပ်ကို မြင်ကြရတယ်လို့ သတ်မှတ်ထားကြပါတယ် ။ပုံရိပ်မှာလည်း ပုံရိပ်အစစ်နဲ့ ပုံရိပ်ယောင်ဆိုတာတွေ ရှိကြပါသေးတယ် ။ အဲဒီအထဲကမှ“Optical Illusions” ပုံရိပ်ယောင်တွေကို ဘယ်ပုံဘယ်နည်း မြင်ကြရသလည်း၊ ဘယ်လိုပုံနဲ့ မြင်ကြရသလည်း၊ ဘာကြောင့် မြင်ရတာလည်း ဆိုတာတွေကို စာအနေနဲ့ ရှင်းပြထားကြတာတွေလည်း အများကြီးရှိပေမဲ့ ရူပဗေဒ သဘောတွေကို သိပ်တော့ နားမလည်လှဘူး ။ ဒီတော့ ရုပ်ပုံလေးတွေ အနေနဲ့ ကြည့်ကြရအောင် ။ အပျင်းလည်းပြေ ပညာလည်းရ ပေါ့ ။ ဒါပေမဲ့ မျက်စိညောင်းမှာ တော့ သေချာတာမို့  တကြိမ်တခါထဲ နဲ့ အားလုံးကို မကြည့်ကြစေလိုပါ ။
ကဲ.. စ မယ်..။ ပုံတွေ မကြည့်ခင် မျက်စိကို အနားပေးတဲ့ အနေနဲ့ ခပ်ဝေးဝေးတနေရာကို ခဏလောက် အရင်ကြည့်လိုက်ပါ ။
ဒီအောက်က ပုံတွေကတော့ ပန်းချီဆွဲသူရဲ့ စိတ်ကူးကောင်းပုံ လက်ရာမြောက်ပုံများကို ပြထားတဲ့ ပုံရိပ်တွေ ဖြစ်ပြီး သင့်မျက်စိ ဘယ်လောက် လျှင်သလည်း ဆိုတာ စမ်းသပ်လို့ ရပါတယ်။
ပုံတွေကြည့်ပြီး မျက်စိလည်း အတော်ညောင်းလောက်ပြီ ။ သင့်မျက်စိ တကယ်ပဲ ညောင်းသွားပြီလား ဆိုတာ ဒီအောက်က ပုံအနည်းငယ်ဆက်ကြည့်ပြီး စမ်းသပ်လို့ရပါတယ် ။
တကယ်လို့ မမောသေး မညောင်းသေးဘူး ထင်ယောင်ထင်မှားတွေ ဆက်ပြီး မှား..အဲ.. ဆက်ပြီးကြည့်ချင်သေးသပ ဆိုရင်တော့ ဒီနေရာကို သွားကြည့် လို့  ရ ပါတယ် ။ခေါင်း မူး ၊ မျက်စိညောင်း၊ ဇက်ကျောတက်လာရင်တော့ သင့်တာဝန်သာ ဖြစ်ပါသည် ပေါ့ ။
လူအချင်းချင်း လှည့်ပတ်ခြင်း ကင်းဝေးကြပါစေ ။
မိမိကိုယ်ကို လှည့်စားခြင်းလည်း ကင်းဝေးကြပါစေ ...
Subscribe to:
Posts (Atom)
