13 com
ဒီတခေါက်တော့ ရောဂါသည် ဖွားကိက သူများတွေလို ဆန္ဒန်ဆင်မင်းဇာတ်ခင်းပြီး ငိုချင်းလည်း မချလိုပါ။ တချို့တွေ ပြောသလို ဒါး ဒါးချင်း ။ ဒုတ် ဒုတ်ချင်း လည်း မဖြေရှင်းလိုပါ ။ အခြေအနေပေးတဲ့အတိုင်း ခွေးဇာတ်ခင်းပြမှာပဲ ဖြစ်ပါတယ် ။ ခွေးဇာတ်ခင်းတယ် ဆိုလို့  တမျိုးတမည်တော့ မထင်ကြစေလိုပါ ။ စာအကြောင်းပေအကြောင်း ၊ကျန်းမာရေးအကြောင်း၊ ဆေးအကြောင်း၊မပြောချင်လို့ မပြော ။ လူတွေအကြောင်းလည်း မပြော ချင်လို့ မပြော၊ ပြောချင်နေတာက ခွေးတွေအကြောင်း၊ ခွေးဇာတ်လမ်း ကို တင်ပြမှာဆိုတော့ ခွေးဇာတ်ခင်းတယ် လို့ ပဲ လွယ်လွယ်ခေါ်လိုက်ကြရအောင် ။
အရှင်မွေးတော့ နေ့ချင်း ဆိုသလို ကျွန်ုပ်ရဲ့ ဇာတ်လိုက်ကျော်ကြီး အောင်နက်တကောင် စိုင်ကော်လို့ ခြုံပေါ်ရောက်ရုံတင် မက ရွှေဘုံရွှေနန်းပေါ်ရောက်လာခဲ့ပါပြီ ။ ခွေးအောင်နက် ဆိုတာ အရင်ခေတ် .အဲလေ..အရင် စာမျက်နှာ ဟောင်းများ အပေါ်မှာ နေစရာမရှိ စားစရာ နတ္တိ ဂလေဂချေ အလေဝတော ခွေးဝဲစားလေး တကောင်ပါ ။ သူ့ အိမ်သူသက်ထား ခွေးမယားက အနုပ်စုတ် ဂုတ်စုတ် ဂုတ်ကျားမ ။ သားတော်မောင် မိုက်ခဲဖိုးလပြည့် နဲ့ သမီးတော် ခင်ကလျာထွန့် ထွန့် လူး တို့ ခွေးမိသားတစု မြို့ ပြင် ရပ်ကွက်တခုမှာ နုံချာချာဘဝ နဲ့ နေခဲ့ကြရတယ်ပေါ့ ။
ဒီလိုနဲ့ ကံဇာတာတက် လန်ကာထွက် လာတဲ့အချိန် အကြံအဖန်ကောင်းလှတဲ့ သူ့ ယောက်ဖတကောင် ရဲ့ စောင်မကြည့်ရှုမှုကြောင့် အာနာပါန မကျင့်ဖူးပေမဲ့ ဗေဒင် ယတြာ ဓါတ်ရိုက်ဓါတ်ဆင်တွေ တန်ခိုး ကြောင့် အောင်နက်ကြီးခမျာ အာဏာပါဝါတွေ ရရှိလာခဲ့ပါတော့တယ် ။
အောင်နက်ကြီးက ပညာသာမတတ်တာ၊ ဟန်အမူအရာကတော့ မှင်သေသေမို့  အကြောင်းမသိသူတွေ ကို ဟိတ်ဟန်တလုံးနဲ့ ရိုက်စားတတ်ပါသေးရဲ့ ။ ဟန်ကိုယ့်ဖို့ ၊ မဟုတ်ပေလား ။လူရိုသေ၊ရှင်ရိုသေ မတန်မရာ မပြောတာမို့ ၊ ခွေးရိုသေ ခြင်္သေ့ရိုသေဖြစ်အောင် သူ့ ရဲ့ အမည်နာမကို အရင်ပြောင်းကြဦးစို့ ရဲ့လို့  စဉ်းစားမိတယ် ။ ခွေးဝဲစား ကို အောင်နက် လို့  ခေါ်ရတာ အဆင်ပြေပေမဲ့ ခုလို မင်းစာရင်းဝင် ဖြစ်လာတော့လည်း၊ ပြည်တော်ကြီးရဲ့ ထုံးစံအတိုင်း အမည်ပြောင်းရတော့တာပေါ့ ကွယ်။ အထွဋ် အညွန့် ကို “ဇော်” တပ်ခေါ်ရမဟဲ့ ဆိုပြီး ၊ “မင်း”ဆိုးရာဇာ အဲ..မင်းစိုးရာဇာ နာမည်လေးလည်း ပါရလေအောင် သူ့ နာမည်ကို “ အောင်ဇော်နက်မင်း” လို့ ပြောင်းလိုက်တယ်ပေါ့ ။ ထို့အတူပဲ ဝန်ကတော်သေရင် တကျပ် ၊ ဝန်မင်းသေတော့ တမတ် ဆိုတဲ့ စကားအတိုင်း(ဆိုင် ဆိုင် မဆိုင်ဆိုင် ထဲ့ရေးလိုက်သည်) ၊ ဝန်ကတော်နာမယ် ကိုလည်း ဝန်မင်းထက် ပိုတန်အောင် ဂုတ်ကျားမ ကို လေဒီမစ်ရှဲလ်ဂုတ်ကျား လို့ အမည်တွင်စေလိုက်တယ် ။လမပြည့်ပဲ မွေးထားတဲ့ သားတော်မောင် ကတော့ ဆက်မိုက်မြဲမို့  “မိုက်ခဲလကွယ်” ပေါ့။ ကျပ်မပြည့်တဲ့ သမီးတော် ခင်ကလျာနုနုထွတ် ကလည်းခေတ်စားနေတဲ့ ဘာမှန်းမသိတဲ့ ရောဂါဆန်း နဲ့ အတူ နာမည်ပြောင်းချင်လှပါရဲ့ဆိုလို့  ရှကီရာဂါဂါထွန့်လူး လို့ အမည်ပြောင်းပွဲကြီးကို မိုးလုံးပြည့်မုသာဝါဒါ သတင်းစာထဲမှာ ခွန်နှစ်ရက်တိုင်တိုင်ထဲ့သွင်းကြော်ငြာမောင်းခတ်လိုက်ကြလေတယ်။ ပလို့ဂျိ ..
ဘဝင်လေဟပ်သွားပေတဲ့ ဇာတ်လိုက်ကျော်ကြီး အောင်ဇော်နက်မင်း တကောင် မှာ အရင်က အမြှီးကုပ် ဝဲကုပ် ပြီး အမှိုက်ပုံတိုးစားနေရသလောက် ခုတော့ တပြည်လုံးကို လုပ်ကျွေးနေရတဲ့ ပုံစံ နဲ့ ခေါင်းမော့လည်ကျော့ အမြှီး တထောင်ထောင်ဖြစ်လာရပြီပေါ့ ။ရထားတဲ့ ရာထူးက မဖြစ်ညစ်ကျယ်ရပ်ကွက် ထဲက ဖြတ်ညှစ်(၁)ဝံမင်း ပေါ့ကွယ် ။ရပ်ကွက်တိုင်းမှာ ဝံမင်းတစ်ပါးစီရှိကြလေတော့ အများနဲ့ မတူ တမူးပိုရှူချင်တဲ့ ဇာတ်လိုက်ကြီးက သူ့ အရပ်နဲ့ မဆိုင်လည်း ဝင်ပါချင်နေတဲ့ အကျင့်လေးက ပိုပြီးတိုးလာသတဲ့။ သူ့ အပိုင် အရပ်ထဲက ရေပုတ်မြောင်းကြီး ၂ ခု ကို ရေညှာအရပ်က ပိတ်ပြီး အထဲက ဖါးတပိုင်း ငါးတပိုင်း တွေ၊ ဓါတ်ထုတ်တတ်တဲ့ ငါးရှဥ့်တွေကို အရမ်းကာရော လိုက်ဖမ်းစေပြီး လက်ဝေခံနဲ့တဆင့် ရောင်းစားတဲ့ အပြင် ရေပုတ်မြောင်းက ထွက်လာတဲ့ အမိုးနီးယား ဓါတ်ငွေ့ တွေကိုလည်း အိမ်နီးချင်း ရပ်ကွက် ကိုလက်ညှိုးထိုးပြီး ရောင်းစားလိုက်သေးသတဲ့ ။ သို့ပေသော်လည်း စားသုံးသူတွေအတွက် စေတနာရှေ့ ထားပြီး သူ့ အတွက် ပွဲခ ၁၀% လည်း ခွဲဝေယူပါသတဲ့ ။ ခုအချိန်မှာ ခေတ်စားနေတဲ့ ၇၀း၂၀း၁၀ အချိုးအတိုင်းပေါ့ကွယ် ။ သူက ရေထဲက ထွက်တဲ့ အဟွာတွေသာ ရောင်းစားချင်တာ၊ “ဂဏန်း” ကိုတော့ မကျွမ်းရှာလေတော့ ဟိုအရပ်က လူလည်ကြီး..အဲ ..ခွေးလည်ကြီးများနဲ့ အဖွဲ့ ရဲ့ လိမ်ညာလှည့်ပတ်ခြင်းခံလိုက်ရတာကို မသိရှာပဲ အတွက်အပေးမှာတော့ စက်သူဌေး ဖြစ်နေတာပေါ့ ကွယ်..
“ကိုအောင်နက် ၊ ရှင့်မလည်း တနေ့ တနေ့ ဓါတ်ငါးတွေ ဖမ်းနေရတာနဲ့ မအားရပါလား။ကျုပ်တို့ အိမ်အတွက် ဟင်းစားလေးများ ချန်ပါအုံးလား တော်။အလှူလဖက်နဲ့ မျက်နှာလုပ်၊ ခြေရင်း ခေါင်းရင်းအိမ်တွေလည်း ဝေရတာ ပေါ့။”
“ မင်းဘာသိလို့ လည်းကွ ၊ ခုအချိန်မှာ ငါ့ထက်တတ်တဲ့ သိတဲ့ကောင် ဘယ်သူမှ မရှိဘူး ။
ငါ့အရပ်က အဲဒီရေမြောင်းကြီးကလည်း ထိန်းသိမ်းတဲ့သူမရှိလို့ ပျက်စီးနေတာ ၊ သူ့ ဖါသာ သူ စီးချင်သလို လျှောက်စီးနေတာပဲကွ ။ ငါနဲ့မဆိုင်ဘူး ။ ငါက စေတနာနဲ့လည်း မြောင်းထိပ်က ပိတ်ပေးရသေးတယ် ။ဘာမှားလို့လည်းဟ။ ရတဲ့ ဟာတွေလည်း ငါ့အိမ်မှာ ပိုနေလို့  ရောင်းစားတာ ကွ.. နေစမ်းပါအုံး မင်းကိုပြောရအုံးမယ်.. လူရှေ့ အဲ..ခွေးရှေ့ မှာ ငါ့ကို အောင်နက်လို့ မခေါ်နဲ့ ၊ ခွေးရိုသေ ကြောင်ရိုသေ ငါ့နာမည်“ အောင်ဇော်နက်မင်း” ၊ မှတ်ထား ”
”အင်းပါတော် ၊ကျုပ်ကလည်း ခု ၊ အိမ်ထဲမှာ ဘယ်သူမှ မရှိလို့  ရှင့်နာမယ်အရင်းကိုခေါ်တာ၊ အကျင့်ပါနေလို့ပါတော်။”
လေဒီမစ်ရှဲဂုတ်ကျား ခမြာ လင်တော်မောင် အရှိန်ကိုကြောက်ပြီး လေပြေထိုးလိုက်ရလေတော့တယ်။ နို့မို့ဆိုရင် ဘာပြောကောင်းမလည်း ကတ်ကတ်လန်ပြီး ပြန်ရန်တွေ့ လိုက်တာ ကြာပြီပေါ့ ကွယ် ။ ခုတော့ စိန်နားကပ်ကြီးပန်ရမလို သီချင်းလေး စိတ်ထဲမှာဆိုပြီး အောင်နက်ကြီးကို စကားနည်း ရန်စဲ အဆင်ပြေအောင် နေပြလိုက်ရပါလေတယ်တဲ့ကွယ် ။
........................................................................
“ကိုကိုမောင်မောင်အောင်ဇော်နက်မင်း... ရေ ။ အံမလေး ရှင့်နာမည်ကြီးခေါ်နေရတာ ကျွန်မ အသက်ထွက်တော့မယ်...ကအောင်နက်ရေ ကအောင်နက်ရဲ့ ဒီဘက်ခန လာစမ်းပါအုံး ”
“ စောစောစီးစီး ဘာဖြစ်နေပြန်တာလည်း ဒီမိန်းမတော့ တယ်လေ၊ ငါ့အလုပ်တွေ ရှုပ်နေရတဲ့အထဲ မင်းကတမှောင့်”
“ရှင့်မှာ ဘာအလုပ်များရှုပ်စရာ ရှိလို့တုံး ။ လက်ညိုးညွန်ပြီး ဟိုခွေးခိုင်းလိုက် ဒီခွေးခိုင်းလိုက် နဲ့ အချိန်ကုန်နေတာပဲဟာ။ ဒီမှာလာကြည့်ပေးအုံး ။ မီးဖိုထဲက ဂက်စ်အိုး ပျက်နေပြီ ။ အဝတ်လျှော်စက်လည်း မလည်တော့ဘူး။”
“ ဟ..မင်းက ဒါလေးတောင် မလုပ်တတ်ဖူးလားကွ ။ ဂက်စ်အိုးပျက်တာမဟုတ်ဖူး ဟ ၊ အထဲမှာ ဂက်စ်ကုန်နေတာ ။ မှန်းစမ်း ..ဒီ အဝတ်လျှော်စက်.... အာ.. မင်းကလည်း တုံးပါ့ ၊မီးမှမလာတာကြီး ဘယ်လည်မတုံးဟ။ မင်းလည်းခက်တာပဲ ။ ဘာမှ ငါ့လောက် မသိဘူး မတတ်ဘူး ”
“ဟမ်.. ကျုပ်က ဘာသိမှာတုံး ကဖိုးသိရဲ့ ၊ရှင်ပဲနေရာတကာ သိနေ တတ်နေတာလေ ။ သူများကြားရင် ရယ်စရာ ဖြစ်နေအုံးမယ် ။ ဖြတ်ညှစ်ဝံဂျီးအိမ်မှာ ဂက်စ် မရှိတာ ၊ဝံဂျီးရပ်ကွက်ထဲ မီးပြတ်တာ လေ”
“ အိုးးးး အဲဒါတော့ ငါ့အိမ်ပိုနေတယ် ထင်ပြီး ရောင်းစားထားမိတာကိုးကွ ။ငါပေသီးချ တွက်ကြည့် တုံးက ပိုနေပါတယ် ။ ငါသေသေချာချာ တွက်ထားတာပါကွ ၊ အတွက်မှားမစိုးလို့ ဟို အေဘီစီဒီ အဖွဲ့က ကောင်တွေကိုတောင် သန်း၂ ကောင်ပေးပြီး တွက်ထားခိုင်းလိုက်သေးတယ် ။ ”
“ကဲ..ဘယ်သူအတွက်မှားမှား အခုလောလောဆယ် ဘယ်လိုလုပ်ကြမလည်း ။တော်မြိုဖို့ ထမင်းဟင်းချက်ရအုံးမယ် ။ အဝတ်လျှော် မီးပူတိုက်ရအုံးမယ် ။”
“ လွယ်ပါတယ်ကွာ ။ဖုံးဆက်ပြီး ငါ့ ရုံးက အကောင်တွေ ကို လာပို့ခိုင်းလိုက် ။ ”
“ ဂက်စ်ကတော့ အိုးနဲ့ထဲ့လာလို့ရတာပေါ့ရှင့်.. ၊ ရှင့်မီးက ကွန်တိန်နာနဲ့ထဲ့လာလို့မှ မရတာကြီး ”
“ မင်းကလည်း တယ်အ သကိုး ။ အီးပီစီက အကောင်တွေ ကိုပြောလိုက် ။ ငါပြောတယ် လို့ မပြောနဲ့.. အဲ.ငါခိုင်းတယ် လို့ ပြော.. သွား ၊ မြန်မြန်”
အောင်နက်ကြီး စိတ်မရှည်တော့တာနဲ့ သူ့ လေဒီဂုတ်ကျားကို ဖိဟောက်နေပါလေရောတဲ့ကွယ် ။
............................................................................
“မောင်အောင်နက်ရေ ..ဟေး မောင်အောင်နက် ရှိသလား ဟေ့”
မနက်စောစော အိမ်ရှေ့ မှ အော်ခေါ်သံကြားလို့ အောင်နက်တကောင် မျက်မှောင်ကုပ်သွားမိတယ် ။ စိတ်ထဲမှာလည်း မကြည်လင်တော့ ။ ဒီအသံကြီး ဘယ်အချိန်ကြားကြား ဘယ်နေရာမှာကြားကြား အသည်းထဲ စွဲနေအောင်မှတ်မိနေရတဲ့ ယောက္ခထီးကြီး “အော်စတင်ဆော်ရှောက်ဖန်” မှန်း ပြေးမကြည့်ပဲ သိလိုက်တာပေါ့ကွယ် ။ယောက္ခထီးကြီးကလည်း ခေသူမဟုတ် ၊ ခေတ်ရေစီးကြောင်းနဲ့အတူ ရောဂါဆန်း ရနေတဲ့ ရောဂါသည် တယောက်မို့  နာမည်ပြောင်းခြင်းအမှုကို ပြုပြီးသား။ သာမာန်ခွေးဘဝက “ လေးလုံး” အမည်ကို ပြိန်းတယ်ဆိုပြီး အကြံအဖန်လုပ် တရန်ဆုပ် ဖို့  အဲ..တရုပ်ဆန်ဖို့ အထက်ဖေါ်ပြပါ အမည်သစ်နဲ့ အဆီရစ်နေသူပါပဲ ။
“ဟေ ။ မောင် အောင်နက် ဪ မေ့လို့  မောင်အောင်ဇော်နက်မင်း ရေ ။ မင်းဆီ တောင်းစရာ ရှိသေးလို့ လာတာပဲကွ။ လုပ်စမ်းပါအုံး ကားပါမစ်လေး ”အလကားရ သွားဖြဲကြည့် ကောင်းတာအကုန်ယူ အာဂလောက် အသံကြီးနဲ့ ပြောလိုက်သူကတော့ အောင်နက်ရဲ့  ယောက္ခထီင်္းကြီးပဲပေါ့ ကွယ်
“ ဟာ.. အဖေ ၊ ဒီကိစ္စ ကျွန်မယောကျာင်္းနဲ့ မဆိုင်ဘူးလေ ။ သူက ဖြတ်ညှစ်(၁) ဝံဂျီးပဲဟာ ၊ ဒါပေမဲ့ ခုလောလောဆယ်မှာတော့ ဖယောင်းတိုင်နဲ့ လက်နှိပ်ဓါတ်မီးဝံဂျီး အဖြစ်ပါ တွဲဘက် တာဝန်ယူနေရတာလေ အဖေရဲ့ ။သူ့ အလုပ်တွေက များကများ နဲ့ ။”
လေဒီမစ်ရှဲဂုတ်ကျားမ က သူ့ ယောကျာင်္း အမျက်တော်ရှမှာစိုးလို့ ကာကာကွယ်ကွယ် ရှောင်ပြော ပြောလိုက်တယ်တဲ့။
“ ဘယ်သူပြောလည်း ၊ငါနဲ့ မဆိုင်ဘူးလို့ ။ ဟေ့ဒီမှာ အောင်ဇော်နက်မင်း တဲ့ကွ ၊ တမင်း ထဲ ရှိတယ် ။ နှစ်မင်းရှိရင် တဂူထဲ မအောင်းဘူး ကွ ။ ငါ ခြင်္သေ့ ။ သိတယ် မလား ။ခုခေတ်မှာ ငါပဲတတ်တာ ။ ငါ့ထက်တတ်တဲ့သူ တောင် ငါ့လောက်မတတ်ဘူးကွ ။”အောင်နက်ကြီးက ဂုတ်ကျားမကို ဟိန်းဟောက်လိုက် သတဲ့ ။
ပြီးတော့မှ ယောက္ခကြီးဖက်လှည့်ပြီး “ ကဲ.. ပြောပါ အဖေ ၊ ကားပါမစ်က ရပါတယ်။ ၄၀ ကျော်နေတဲ့ အိုမင်းရွတ်တွ အဟောင်းတွေ အသစ်ပေးမလိုလို နဲ့ ဂွတ်စက္ကန်းဟန်းတွေသွင်းလာဖို့  ဂွင်ရိုက်ပြီးသား ပဲလေ။အရောင်းပြခန်းတွေလည်း ချိတ်ထားပြီးသား၊ စိတ်ချ အဖေရဲ့။ ဒီသတင်းကြောင့် ဒေါ်လှအပြားကြီးတောင် ဈေးတွေ တက်လာပြီ မဟုတ်လား ။ဟဲဟဲ ။ ကျွန်တော် သိပ်သိတာပေါ့ ။ဟဲဟဲ”
ယောက္ခမရှစ်ခိုးသွားမကျိုး ဆိုတော့၊ အောင်နက်ကြီး အတွက်“ ယောက္ခထီးဂွင်ထွင်၊ ရောဂါစင်” လို့ ပြောလို့လည်း ရမယ်ထင်ရဲ့။
သူ့ စကားကြောင့် ယောက္ခထီးကြီး ဆော်ရှောက်ဖန် တကောင် အူမြူးသွားတော့တယ် ။ သူ့ လက်ထဲမှာ အောက်ဈေးနဲ့ ဆွဲထားတဲ့ ၄၀ ကျော် အအိုကြီးတွေ တန်းစီလို့  နေပြီပဲဟာ ။ ၃၅၀၀ ပြ ဖို့လောက်ကတော့ မိုင်နာ တွေပဲလေ ။ ဒီတချီလည်း ဆော်ရှောက်ဖန်တို့ ဝဲစွဲ အုံးမယ် ။ အဲ.. ပျားစွဲ အုံးမယ်ပေါ့ ။ပိညှက်သွားရာ ဓါတ်ပါ ဆိုသလို သူ့ နာမယ်ရွေးတာမှန်သွားရခြင်း အတွက်လည်း မျက်နှာမှာ အဆီတဝင်းဝင်းနဲ့ ကြံဖို့ဖန်ဖို့ အကွက်ချပြီးသားပဲပေါ့ ။
.........................................................................
“ ကအောင်နက် ရေ ။ ရှင့် သားတော်မောင် ကို ဘာခိုင်းထားသတုံး ။ ကျုပ်သားလေး မတွေ့ တာတောင် အတော်ကြာနေပြီ ”
“ မင်းတို့ မိန်းမတွေ နေရာတကာ တယ်စပ်စုတာပဲ ။ ငါ တတ်လို့ ငါလုပ်နေတာ ငါ့သား ငါခိုင်းနေတာ ။ ဟိုမေး ဒီမေး မလုပ်နဲ့ ”
“ ရှင့် သား ကို ရှင်တယောက်ထဲ ပိုင်တယ် ထင်နေသလား ။ ကျုပ်ဗိုက်ထဲကနေ မွေးထားရတာ တော့်၊ ကျုပ်သားဘာလုပ်နေတယ်ဆိုတာ ကျုပ်လည်း သိထားရမှာ ပေါ့ “
“အေး ။ မင်းသိချင်ရင် ငါပြောမယ် ။ ဒီကောင့်ကို ဟိုမြောင်းပုတ်ပိတ်ပြီး ငါရောင်းစားထားတဲ့ နေရာမှာ ဟိုဘက်က ကန်ထရိုက် ဟောင်ကောင်သားတွေနဲ့ ရှယ်ယာလဲလုပ် ပွဲစားလဲ လုပ်ဖို့  ခိုင်းထားတယ်ကွ ။ နှစ်ဖက်ခွစားလို့ ရအောင်ပေါ့ ။ခွေးထီးပဲကွာ ဘယ် ရောက်ရောက် အမြီး မပျောက်ပါဘူး ။စိုးရိမ် မနေနဲ့ ”
“ ဟင် အဲဒီ ကန်ထရိုက်တွေက ဟောင်ကောင်ကနေလာကြတာလား ။”
“ မင်းကလည်း အတော်ပိန်းတာပဲ ။ ငါတို့ ထက် ပိုဟောင်တတ်တဲ့ အကောင်တွေမို့  ဟောင်ကောင်သား လို့ ခေါ်ကြတာကွ ။ ခုဆို နေရာတကာ သူတို့ အမျိုးတွေချည်းပဲ လေ။ သဟာကြောင့် ဒင်းတို့ ကို ဖါးတတ်ရင် မြိုးမြိုးမျက်မျက် စားရ ဝါးရတာပေါ့ကွာ ။ ”
အဲဒီအချိန်မှာ အောက်နက်ကြီးက ပီတိနှလုံး ဖုံးပြီးပြုံးဖြီးဖြီးကြီးနဲ့ ပေါ့ ကွယ်။
“ အေးပါတော် ကလူသစ်..အဲလေ ကလူတတ်ကြီး ၊ ရှင့်ကို ဒါကြောင့် ကျုပ်ကလည်း တနေ့တခြား....ခစ်ခစ်ခစ် ”
လေဒီမစ်ရှဲဂုတ်ကျားမကလည်း ခေသူမဟုတ်တော့ စိန်နားကပ် စိန်ခြေကျင်းတွေ မျက်စိထဲ မြင်ယောင်လာပြီး တခစ်ခစ် ပေါ့ ကွယ် ...။ နောက်ဆုံးမတော့ သားအကြောင်းမေးရင်းကနေ ကတော်တို့  ထုံးစံအတိုင် ရတနာစိန်ကျောက် ဇယ်တောက်လို့ ကစားချင်တဲ့အကြောင်းနဲ့ အဆုံးသပ် စိတ်ကူးယဉ်မိနေပါတော့တယ် တဲ့ကွယ်။
....................................................................
“ လေဒီ ရေ ၊ အိုးမိုင် လေဒီ ရဲ့ ။ ဘယ်ရောက်ပြီး ဘာတွေလုပ်နေတာလည်းကွဲ့ ”
အောင်နက်ကြိးတကောင် စိတ်ကောင်းဝင်နေချိန် စိတ်ကြည်နေချိန်တွေမှာ သူ့ ဂုတ်ကျားမကြီးကို ခုလို ပဲ သာယာပျော့ပြောင်း နှာဘူးလောင်းလေသံနဲ့ ခေါ်တတ် ကြည်စယ်တတ်လေသတဲ့ ။
“အို.. ကိုကို ဇော်နက်ရယ် ၊ ကျွန်မ ဒီအခန်းထဲမှာ ရှိနေတယ်လေ ။ ဘော်ဒါတွေ စုံနေတာနဲ့  ထုံးစံအတိုင်းပေါ့ ကိုကိုရယ် ”
ဂုတ်ကျားမကလည်း ဘယ်ခေလိမ့်မလည်း၊ကတော်တွေ စုမိတိုင်း ဝိုင်းတတ်ကြတဲ့ ပိုကာဝိုင်းကနေ မထပဲ ဒီကွေ့ ရောက်တော့ ဒီတက်နဲ့ လှော်တာ ကျွမ်းပြီးသားပဲမို့ ကနွဲ့ကရလေသံနဲ့ ပြန်ဖြေလိုက်လေတယ် ။
“ဪ.. အေးပါကွာ ၊ မင်းစိတ်ချမ်းသာရင် ပြီးတာပါပဲ။ ကဲ..အားလုံးပဲ စားရင်းသောက်ရင်း နဲ့ ဆက်ကစားကြပါဗျာ ။ ”
ခွေးကြီးခွေးကောင်း ခွေးဝံကတော် အပေါင်းတို့  ရှေ့ မှာမို့  အောင်နက်ကြီးမှာ မချိသွားဖြဲ နဲ့ အဆင်ပြေအောင် ဆက်ပြောနေရပါတယ် ။ အင်း ။ အထက်ကိုဖါးလို့  အောက်ကိုပြားအောင်လုပ်ရတဲ့ အထာတွေ နောကျေနေပြီပဲလေ ၊ဇော်အောင်နက်မင်းပဲ ဘာရမလဲ။
အောင်နက်ကြီးတကောင် သူ့ လေဒီကို စကားပြောဖေါ်ရှာမရတော့ ရှုမငြီးတဲ့ ချစ်သမီးဆီသွားပြီး အလာပ္ပ သလာပ္ပ ပြောဖို့ အတွက် ရှကီရာဂါဂါထွန့် လူး အခန်းဆီသို့  တက်လာခဲ့တယ် ။သမီးတော်အခန်းပေါက်ရောက်တော့ တံခါးကို ခေါက် ၊ ဘာသံမှ မကြားတာနဲ့ တံခါးကိုဖွင့်ပြီး ဝင် ။ အထဲမှာ ဘယ်ခွေးတကောင် ကြောင်တမြီး မှ မရှိ ။ဪ ။ သူငယ်ချင်းတွေ နဲ့ ကာရာအိုကေများသွားကြလေသလား ၊ စပါး( SPA) ထဲသွားပြီး အကြောအချဉ်လျှော့နေလေသလား ။ရှော့ပင်းစင်တာစုံအောင်ပတ်ပြီး တွေ့သမျှဝယ်နေကြလေသလား ။ အင်းလေ ငါရှာသမျှ သူတို့ အတွက်ပဲ ဟာ သုံကြပစေ ဖြုန်းကြပစေ ။ ဒီလောက်လေးများ ဘာအရေးလည်းပေါ့ ။ သမီးတကောင် ကျားတထောင် အဲလေ နွားတထောင် ပေမဲ့ စိတ်တော့ မပူလှ ။ မပူဆို သမီးတော် အနားမှာ ဘော်လီကပ် ..အဲ.. ဘော်ဒီကပ် ၂ယောက်က အမြဲ ရှိနေမင့်ပဲ ဟာ။
အဲသလိုနဲ့ စကားပြောစရာ မိန်းမ ကလည်း အနားမှာ မရှိ ။ သားတော် နဲ့ သမီးတော်တွေကလည်း အပြင်ထွက် လမ်းသလားနေကြတာနဲ့ အောင်နက်ကြီးတကောင်ထဲ ငေါင်စင်းစင်း ဖြစ်လာသမို့  အခန်းထဲက သူ့ ပန်းသီး လက်ပတုတ်လေး အသာဆွဲပြီး ဗီအိုင်ပီ အမြန်နှုန်းနဲ့ဆက်ထားတဲ့ အိမ်သာနတ်ကိုသုံးလို့ ခေတ်နဲ့အပြိုင် ကမ္ဘာ့ ရွာကြီးထဲ လည်ရအောင် အဖေ့ဘုတ် စာမျက်နှာထဲ ဝင်လိုက် ထွက်လိုက် နဲ့ ရွာလည်နေတာပေါ့ကွယ် ။ အဲသလိုနဲ့ ရုတ်တရက်
“အံမာလေး သောက်ကျိုးနဲ ၊ ငါ့ မျက်နှာကြီးထဲ ဝင်ဆဲသွားလိုက်ကြတာတွေ မနည်းပါကလား ကွယ်ရို့  ။”လို့ ထဟောင်မိလိုက်သတဲ့ကွယ်။
အဖြစ်ကတော့ ဒီလိုပါ ၊ အောင်နက်ကြီးရဲ့  ဖဘမှာ ရှိရှိသမျှ သူတွေ ဝင်ပြီး ရှစ်.. တွေ တထောကြီး ၊ မအေပေးပြီး နှမယူ၊ ..ချီးမြှင့်ဂုဏ်ပြုခြင်းခံရတဲ့ အကြောင်းကတော့ ငါသိ ငါတတ် ဘယ်သူ ဘာပဲပြောပြောလုပ်မှာပဲလို့ ခွေးရူးခွေးတမ်း ရမ်းမိခဲ့သမျှ ၊ မြင် မြင် သမျှ သူတွေကို ဖရင်းလုပ်ထားမိသမျှ ခုတော့ ပယ်ပယ်နယ်နယ် အတွယ်ခံလိုက်ရတာပဲ ပေါ့ကွယ်။
ဒီလိုနဲ့ အောင်နက်ကြီးတကောင် အမြှီးညပ်ခံနေရသလို အီလည်လည်ကြီး နဲ့ ပဲ ညနေစောင်းပါလေရော ။ ဝိုင်းနေကြတဲ့ မဒမ်ကတော် ဘော်ဘော်တွေ အဖွဲ့ လည်း အသီးသီး ပြန်ကြလေပြီရောပေါ့ ။ လေဒီဂုတ်ကျားကလည်း ရေမိုးချိုး အလှပြင်နဲ့ မပြီးနိုင်တော့။ မိုးကလည်း တစ တစချုပ်လာ ။ သားတော်မောင်တယောက်လည်း အပြင်မှာ သောက်လာတဲ့ အရှိန်ကြောင့် အိမ်လည်းပြန်ရောက် မှောက်လည်းမှောက် ။ သူ့ အခန်းသူဝင်သွားတော့ တော်ကီပွားချင်နေတဲ့အောင်နက် နေရခက်နေတယ်တဲ့ ။
သမီးတော် တယောက် အိမ်ပြန်မရောက်သေးပါလား ။သူမ လက်ကိုင်ဖုံးကိုဆက်တော့လည်း လူကြီးမင်းနှင့်သာ တွေ့ နေရ။ လေဒီဂုတ်ကျားမ ကိုမေးကြည့်တော့လည်း ဘာမှမသိ ။ ခက်တာပဲ ။မိုးကြီးတစတစ ချုပ်လာတာနဲ့ အမျှ အောင်နက်ကြီး ရင်တွေ တစတစ ပူလောင်လာတော့တယ် ။တညလုံး အိပ်မရ ။ သမီးလေး တယောက်ထဲမို့  ဖူးဖူးမှုတ်ချစ်ရလေတဲ့ ဖခင်မေတ္တာတော့ ရှိပါလေရဲ့ ။ ညသန်းကောင်ကျော်ပြီ မဖြစ်ချေဘူး လို့ သမီးတော် အိပ်ခန်းကို ဝင်ပြီး သေချာကြည့်တော့မှ စားပွဲပေါ်မှာ တင်ထားတဲ့ စာရွက်တရွက် တွေ့ လို့ ကမန်းကတမ်း ဖတ် အပြီး မှာ တော့...အောင်နက်ကြီးတကောင်လည်း အသားတွေ တဇတ်ဇတ်တုန် ၊ မျက်စိမျက်နှာပျက် ၊ဇက်ကြီးလိန် လို့ ၊ နေရာမှာတင် ဗိုင်းကနဲ လဲကျသွားရလေသတဲ့ကွယ်။
စာထဲမှာရေးထားတာလေးကတော့...
သို့  ချစ် ဒယ်ဒီနဲ့မာမီရှင့်
သမီး ချစ်သူ “ကိုပေါချောင်ကောင်း” နောက်ကို လိုက်သွားပါပြီရှင့် ။ သူနဲ့သမီး မေတ္တာမျှနေကြတာ ကြာပါပြီ။ ဒယ်ဒီ မိတ်ဆက်ပေးတဲ့ သဘောတူတဲ့ ဒယ်ဒီ့မိတ်ဆွေ ရေပုတ်မြောင်းပိတ် စီမံကိန်းက သဌေး “စတီဗင်ဖင်ရန်း” အသက်ကြီးကြီးကို သမီး မချစ်ပါဘူး ရှင့်။ သူတို့အလုပ်ဆီ ခေါ်လည်တုံးက တွေ့ ခဲ့ရတဲ့ မြောင်းတူးအလုပ်သမား ကိုအချောင် နဲ့ သမီးတို့ လူငယ်ချင်း မေတ္တာမျှနေတာကို ဒယ်ဒီတို့ သဘောမတူမှန်း သိတဲ့အတွက် ခုလို လိုက်သွားရတာပါ ။သမီးတို့ ချစ်ခြင်းကိုမခွဲပါနဲ့နော် ။ သမီးတို့ ကိုလိုက်မရှာပါနဲ့ ။
မှ/ ချစ်သမီးမိုက် ရှကီရာဂါဂါထွန့် လူး..
ဪ.. ခွေးတတ်ကြီး အောင်ဇော်နက်မင်းတကောင် သူ့ အတတ်သူစူး လို့ မတော်ချင်ပဲ တော်ရတော့မဲ့ တရက်သမုတ်၊ တရုပ်သမက်လေး ပေါချောင်ကောင်းရဲ့ ပြီတီတီ မျက်နှာပေးကို အခါခါ မြင်ယောင်ရင်းဖြင့် တောက်ခေါက်ရင်းနဲ့ တဥတည်းသော သမီးတော်အရင်းခေါက်လေးအား ယူကြုံးမရ နှမြောတသစွာ ဖြင့် နောင်တတွေ တလှေကြီးရလိုက်ချိန်မှာတော့ အရာရာဟာ နောက်ကျသွားခဲ့လေပြီပေါ့ကွယ်...
(ခုတလော ခေတ်စားနေတဲ့ ရောဂါဆန်းကြီးတခုရဲ့လှိုင်းကို အမှီလိုက်စီးရင်းနဲ့ ရေးမိရေးရာ ရေးလိုက်ပါတယ်။ တိုက်ဆိုင်မှုများရှိပါက တမင်တိုက်ဆိုင်မှုများသာဖြစ်ပါကြောင်း ..း))
ဤစာပိုဒ်ထက် အဆ တစ်ထောင်တစ်သောင်းမက ကောင်းမွန် ထိမိတဲ့ စာကဗျာကို ရှုစားလိုပါက ဤနေရာတွင် ဖတ်ရှုအားပေးနိုင်ပါကြောင်း အသိပေးအပ်ပါသည်။
ခွေးတတ်ကြီးပုံအား ဂူဂယ်မှ ရှာပြီး ထပ်ဆင့်ဖျက်ဆီးထားပါသည်..
ပြောရအုံးမယ် သမ္မတကြီးရေ ။ သားသမီးမကောင်း မိဘခေါင်းပေမို့  မိဘဖြစ်သူ သမ္မတကြီးထံပဲ တိုင်ရပြောရပါအုံးမယ် ။ ဟို မိမဆုံးမ ဘမဆုံးမသား ဝန်မင်းဆိုသူတွေ “ဘယ်သူတားတား လုပ်မှာပဲ” ၊“ ကျွန်တော့်လောက်တတ်တဲ့သူမရှိတော့ဘူး ”၊ “ဒါးဒါးချင်း ဒုတ်ဒုတ်ချင်းဖြေရှင်းမယ်” အစရှိသဖြင့် ပြောချင်သလို ပြောသွားကြလို့  ၊ အဖေ့မျက်နှာ အိုးမည်းသုတ်ခံ နေရတယ်လို့များ မထင်မိဘူးလား သမ္မတကြီးရယ် ။ မတီးရင်မမြည်ဘူး အထင်နဲ့ ဘယ်သူမှ မသိအောင်တိတ်တိတ်ကြိတ်လုပ်နေခဲ့ကြပြီး ခုလို ချိန်ခါကျမှ ပေါက်ကွဲသံ စုံလင်စွာနဲ့ အုံးအုံးကြွက်ကြွက် ဖြစ်သွားရလောက်အောင် ၊ အမိ ဧရာဝတီ ရဲ့ အရေး ကို မပြော မပြီး မို့  ၊ ပြည်သူတွေထဲက ပြည်သူတယောက် အနေနဲ့ ရင်ဖွင့်ချင်တာလေးတွေ ရေးချပြပါရစေ ။
ဘူမိ ၊ ဆည်မြောင်း ၊ အင်ဂျင်နီယာ၊ စီးပွားရေး၊သစ်တော၊ သဘာဝ ပါတ်ဝန်းကျင် ထိန်းသိမ်းရေး၊ အစရှိတာတွေနဲ့ပါတ်သက်တဲ့ ပညာရှင်တယောက် မဟုတ်တဲ့ အတွက် ပညာပိုင်း ဆိုင်ရာတွေကို မဆွေးနွေးတတ်ပါ ။ မသိ မတတ်တဲ့ အရာများကို မပြောလိုပါ ။ နိုင်ငံသားတိုင်းဟာ ကိုယ့်မွေးရပ်ဇာတိမြေ ကို ချစ်မြတ်နိူးတတ် တန်ဖိုးထားတတ် ကြပါတယ် ။ မွေးရပ်မြေ အမိမြန်မာပြည်ကြီးရဲ့ သည်းပွတ်နှလုံး မြစ်ကြီးဧရာဝတီကိုလည်း ထပ်တူထပ်မျှ ချစ်မြတ်နိုး တန်ဖိုးထားတတ်ကြပါတယ် ။ နိုင်ငံ အတွင်းမှာမှီတင်း နေထိုင်ကြတဲ့ မြန်မာပြည်ဘွား တိုင်းရင်းသားအားလုံး ဧရာဝတီမြစ်ကြီးကို ချစ်မြတ်နိုး ကြသလိုပဲ ၊ အကြောင်းအမျိုးမျိုးကြောင့် အမိမြေကိုစွန့် ခွာသွားရပြီး ပျော်ရာမှာ မနေ၊ တော်ရာမှာ နေ နေကြရတဲ့ ပြည်ပရောက် နိုင်ငံသားများသည်လည်း ဧရာဝတီမြစ်ကြီးကို ချစ်မြတ်နိုးတတ်ကြပါတယ် ။ဒါကိုတော့ သံသယ ရှိစရာ မလိုပါ ။
ဒါပေမဲ့..“ဧရာဝတီမြစ်ကြီးကို ခင်ဗျားတို့ ချစ်သလို ကျွန်တော်တို့ လည်း ချစ်ပါတယ်ဗျာ ” လို့ လွယ်လွယ်လေး ပြောထွက် လိုက်ကြတဲ့ ခင်ဗျားရဲ့ သား ဝန်မင်းများရဲ့  ချစ်ပုံချစ်နည်းကို သိလိုလှပါတယ်။ ရှင်းရှင်းပြောရရင် မျောက်ပြ ဆန်တောင်း ။ ကိုယ့် အမေ ကိုယ်ပြန်ရောင်းစား နေကြတဲ့ အဖြစ်မျိုး ဖြစ်နေကြပြီဆိုတာ သိသိကြီးနဲ့ မသိယောင်ဆောင်နေတာ ဆိုရင်တော့ အင်မတန် ဟန်ဆောင်ကောင်းသူများ လို့ ပဲ ခေါ်လိုက်ပါရစေ။
ဆွေမျိုးပေါက်ဖေါ် အိမ်နီးချင်း နိုင်ငံကြီးရဲ့ ယန်စီနဲ့မြစ်ဝါကို ဥပမာထား ၊ သင်ခန်းစာယူလို့ ရနေရဲ့သားနဲ့ မျက်တောင်တမွှေးသာကြည့်ပြီး တိုးတိုးတိတ်တိတ် အလျင်စလိုဆုံးဖြတ် ၊ လုပ်နေကြ အကျင့်ဆိုးကြီးမဖျောက်နိုင်ပဲ ကိုယ့်အိတ်ထဲ ထဲ့ကြ ၊ သူစား ကိုယ်စား နှစ်ဖက်ခွစား ကြားပွဲစား အကြောင်းပြ ၊မတရား ညှစ်ယူထားကြတဲ့ ဝိသမ လောဘနဲ့ ရောယှက်နေတဲ့ ဒီငွေတွေ စည်းစိမ်တွေ နဲ့ ဧရာဝတီကြီင်္းကို ရောင်းစား ရအောင် ၊ ဧရာဝတီကို ခင်ဗျားတို့ လူလည်ကြီးသားသမီးတွေ ပိုင်တာမဟုတ်ဘူး ၊ ငွေလိုနေရင် ခင်ဗျားတို့  မိဘ သားသမီးတွေကို လဲစားလို့ရတယ် ရောင်းစားလို့ရတယ်။ ကျုပ်တို့  ကျေကျေနပ်နပ်ကြီး သဘောတူတယ် ။ ဒါပေမဲ့ အားလုံးနဲ့ဆိုင်တဲ့ ဧရာဝတီကို ရောင်းစားတာတော့ ကျုပ်တို့ ပြည်သူတွေ လုံးဝ သဘောမတူဘူးလို့ ပြောချင်တယ် ။ ခုတော့ ခြေလွန် လက်လွန်စားပြီးဝါးပြီး ဖြစ်နေပြီမို့  ဇွတ်အတင်း ဆက်လုပ်မယ် ဆိုရင်လည်း ၊ ကျုပ်တို့ ပြည်သူတွေ အားလုံး ရတဲ့နည်းနဲ့ တွန်းလှန် ကြမှာပါပဲ ။ ခင်ဗျားတို့ လည်း ဆွေစဉ်မျိုးဆက် နာမည်ပျက် နာမည်ဆိုးနဲ့  ရာဇဝင်တွင်ကျန်ရစ်ခဲ့တော့မှာပါပဲ ။
သိချင်တာ တခုရှိပါသေးတယ် ။ သမ္မတကြီးတို့  အားကိုးအားထားပြုနေတဲ့ တရုပ်ပြည်ကြီးလုပ် ပစ္စည်း ဘယ်နှစ်မျိုးလောက်များ သမ္မတကြီးတို့ အိမ်မှာ သုံးစွဲ စားသောက်နေကြပါသလည်း ။ (သမ္မတကြီးရဲ့ ရှေ့မှ ဆရာ့ ဆရာကြီး အိမ်မှာဆို ပရိဘောဂ တွေ က အစ ဥရောပ နဲ့  အမေရိက နိူင်ငံလုပ်တွေ ဖြစ်တယ်ဆိုတာ ကြားသိရပါတယ် )။အလွယ်ဆုံးပြောရရင် ဇိမ်ခံပစ္စည်းတွေ၊ တရုပ်ပြည်တွင်းဖြစ် မော်တော်ကား ၊ အစားအသောက်၊ အဝတ်အထည် ၊အသုံးအဆောင် ၊ ဆေးဝါး စသဖြင့်ပေါ့ ။( စစ်တပ်သုံးနေတဲ့ ယာဉ်တွေကတော့တိုင်းပြည်သယံဇာတတွေ နဲ့ လဲလှယ်ထားတဲ့ တရုပ်လုပ်တွေပါ ။ ဒါက သမ္မတကြီးစီးနေတဲ့ကား မဟုတ်လို့ ဒီစာရင်းထဲ ထဲ့လို့ မရပါဘူး )။ သမ္မတကြီးတို့ကိုယ်တိုင်တောင် မှ တရက်စုတ်တဲ့တရုပ်စက်တွေ ယုံကြည်စိတ်ချစွာ သုံးစွဲခြင်းမပြုပဲနဲ့ ဧရာဝတီကို တရုပ်လက်ထဲ ဝကွက်အပ်လိုက်တဲ့ သမ္မတကြီးတို့ရဲ့ စေတနာမေတ္တာဆိုတာတွေကို ဘယ်လိုမှ နားလည်ပေးလို့ မရနိုင်ပါဘူး ။
နှစ်စဉ် ဘတ်ဂျက်ရှင်းတမ်း လုပ်တိုင်း လိုငွေတွေချည်းပဲပြနေပါတယ်တဲ့ ၊ ၂၀၁၁-၁၂ ရှင်းတမ်းမှာလည်း လိုငွေ ကျပ်ဘီလီယံပေါင်း ၂၃၀၀ ကျော်ပြနေတယ်လို့ ဆိုပါတယ် ။နှစ်စဉ် ရောင်းလို့်ရတဲ့ ကျောက်မျက်ရတနာတွေ ၊ သဘာဝဓါတ်ငွေ့ ကမ်းလွန်ရေနံတွေ၊ ကျွန်းသစ်တွေ ၊ဘီလီယံထောင်သောင်းပေါင်းများစွာတို့ ဘယ်ရောက်ကုန်ကြပြီလည်း ။ ချွတ်ခြုံ ကျနေတဲ့ တိုင်းသူပြည်သားတွေ ကျန်းမာရေး ပညာရေး လူနေမှုဘဝ တိုးတက်မှု တွေ အတွက် ကုန်ကျခံလိုက်လို့ လား ။ ရှင်းလင်းပြောပြပေးစေချင်တယ် သမ္မတကြီးရေ ။
မိုးကြိုးပစ်တာ ထန်းရွက်နဲ့ကာ၊ ငွေလိုနေလို့  ၊လျှပ်စစ်ဓါတ်တွေ ပိုနေလို့ ဆိုပြီး ၊ ဧရာဝတီကို အသေသတ်ပြီးရောင်းစားဖို့  ကြံစည်နေကြတဲ့ ပြည်ဖျက်စီမံကိန်းကြီးကို ရပ်တန်းက ရပ်ပါရန် ဒီနေရာမှ တောင်းဆိုချင်ပါတယ်။
မြစ်ပျက် လို့  ပြည်ပျက် လူမျိုးပျက် ယဉ်ကျေးမှုပျက် အဖက်ဖက် က ပျက်စီးယိုယွင်းသွားရမဲ့ အကျိုးဆက်တွေကို မြင်ပြီး ၊ ၈၅ ရာခိုင်နှုန်း အဖြစ်နဲ့ သူတို့ ယူစားသွားမဲ့ အချိုး ကိုပြောင်းပြန် အချိုးချပြီး ရမယ်ဆိုရင် တောင်မှ ၊ ကျုပ်တို့ မမျှော်လင့်ပါဘူး ။ ဒီငွေတွေ စည်းစိမ်တွေ နဲ့ ဧရာဝတီကြီင်္းကို လဲ ရ အောင် ၊ ကျွန်ုပ်တို့ ပြည်သူတွေ လုံးဝ သဘောမတူဘူးလို့့ပြောချင်တယ် ။ လျှပ်စစ်မီး ကို ၂၄ နာရီ မရ ၊ တသက်လုံးမရ ပဲ နေသားကျ ကျင့်သားရနေကြပြီဖြစ်တဲ့ မြန်မာပြည်သားတွေ အတွက် ဧရာဝတီကိုသတ်ပြီးမှ လဲလှယ် ယူလို့ ရမဲ့
လျှပ်စစ်ဓါတ်အား ရှိ၏မရှိ၏၊ မှန်၏ မမှန်၏ ၊ ဆိုတာ အသေးအဖွဲ ကိစ္စလေးပါလူကြီးမင်းတို့  ။ လူကြံရင် ထရံတောင် ဖျာဖြစ် ။ သဘာဝဓါတ်ငွေ့ တွေ ပေါကြွယ်နေလျှက်သား နဲ့ ဆည်တွေတမံတွေ တုတ်ပြီး ဧရာဝတီကို လည်ပင်းညှစ် ပြီးမှ ဒီလျှပ်စစ်ဓါတ်ထုတ် ဖို့  ကြိုးစားနေကြတဲ့ တိုင်းပြည်အုပ်ချုပ်သူ ၊တာဝန်ရှိသူဆိုတဲ့ လူကြီးမင်းများကို အံ့လည်းသြမိပါရဲ့ ၊
အထင်လည်းသေးမိပါရဲ့ ၊ နောက်ဆုံး ကုန်အောင်ပြောလိုက်မယ် ။ ရွံ့ မုန်း နဲ့  ရွံမုန်း ဘယ်လိုပဲမုန်းရမုန်းရ မုန်းမိပါရဲ့  ။
မြစ်နဲ့ချောင်းတောင် ကွဲပြားအောင်မသိတဲ့ ဝန်မင်းဆိုသူရဲ့ ပေါ့ပျက်ပျက် အတွေးနဲ့ အမိန့်စကားကြောင့် ဂုဏ်သိက္ခာ ဘယ်လောက်ကျဆင်း ခဲ့ရပြီလည်းဆိုတာရော စဉ်းစားမိပါရဲ့ လား။(နဂိုကတည်းက ဂုဏ်သိက္ခာတစ်ပြားသားမှ မရှိသူတွေအတွက်ကတော့ ဒီထက်ကျဆင်းစရာလည်း မရှိတော့ပါဘူး လို့ တမျိုးလှည့်တွေးလည်းရပါတယ်) ။ လူတွေမှာ သက်တမ်းရှိသလို ဆည်ကြီးတွေမှာလည်း သက်တမ်းရှိသတဲ့ ။ တကြိမ်ဆောက်ထားရုံနဲ့ တသက်လုံး လုပ်စား ထုတ်စားလို့ မရဘူး တဲ့၊စာချုပ်မှာ နှစ် ၃၀ ၊နှစ် ၆၀ ၊ ဘယ်လိုပဲ ကိန်းဂဏန်းတွေပြပြ ချုပ်ချုပ် ၊ စာချုပ်နှစ်စေ့လို့ ပြန်ရရင် ပုတ်သိုးဆွေးမြေ့ နေတဲ့ သုံးမရတဲ့ ဆည်ကြီး အဖြစ်ပဲ ကျန်နေခဲ့မှာ .. လို့  နားလည်တဲ့ ပညာရှင်တွေ ပြောပြ ထောက်ပြကြတာကို မှ နားမဝင် ၊ ကိုယ့်ထက်တတ်တာတောင် ကိုယ့်လောက်မတတ်ဖူးလို့ ကိုယ်သိကိုယ်တတ် အထင်ပေါက်နေကြတဲ့ သက်ဆိုင်သူဝန်မင်းများ ၊ ကိုယ့်မြင်းကိုယ်စိုင်းလို့  စစ်ကိုင်းလည်း မရောက်ဘူး၊ကိုယ့်လှေ ကိုယ်ထိုးလို့  ပဲခူးလည်း မရောက်ဘူး ။ လက်တဆုပ်စာ အာဏာရှင်အသိုင်းအဝိုင်းတို့  မတရားစံစားနေကြတာတွေကြောင့် တိုင်းသူပြည်သား လူအများ သာမက နောင်လာမဲ့ မျိုးဆက်ပေါင်းများစွာ ၊ သယံဇာတ တောတောင် ပျက်သုဉ်းလို့  အတိဒုက္ခရောက်ကြရတော့မယ် ။ မျိုးမစစ်တွေ ဖျက်လို့  အမျိုးကောင်း သားသမီးတွေ ပျက်စီး ဆုံးရှုံးကြရတော့မယ် ။ယဉ်ကျေးမှုတွေ အဖျက်ခံကြရတော့မယ် ။ ဒီ အကျိုးနဲ့ အကြောင်း ဆက်စပ်နေကြတာတွေကြောင့် ပြည်ချစ်သူလို့ သံကောင်းဟစ်ပြီး ပြည်ဖျက်သူ ဖြစ်နေကြတဲ့ သမ္မကြီးနဲ့ ဝန်မင်းများရဲ့ ဧရာဝတီ နဲ့ ပြည်ဖျက် ဆည် စီမံကိန်းကို ကျုပ်တို့ ပြည်သူတွေ လုံးဝ သဘောမတူဘူးလို့ ပြောချင်တယ် ။ လုံးဝ ကန့်ကွက်တယ် ။
နှစ်ပေါင်း ၅၀ ကျော်လောက် ပြည်သူတွေကို မျက်စ်ိပိတ် နားပိတ် ပါးစပ်ပေါက်တွေ ပိတ်ပြီးနေကြရအောင် ဖိနှိပ်ထားကြလို့  ပြည့်သူ့ ရင်ထဲကအော်သံတွေ ခင်ဗျားတို့ မကြားနိူင်ကြတာလား ၊ ကြားရဲ့နဲ့ မကြားချင်ယောင်ဆောင်နေကြတာလား ဆိုတာ ခင်ဗျားတို့ ပဲ အသိဆုံးဖြစ်ပါမယ် ။ ခုဆိုရင် တရားမျှတတဲ့ ဒီမိုကရေစီနိုင်ငံတော်သစ်ဆီသို့ ချီတက်မယ်ဆိုတဲ့ သမ္မတကြီးနဲ့ ဝန်မင်းများအဖွဲ့ ရဲ့ ဒီမိုကရေစီသရုပ် ဖေါ်ဆောင်ပုံတွေကို ကျုပ်တို့ပြည်သူအများက စောင့်ကြည့်ပြီး ရလာဒ်ကောင်းတွေကို မျှော်လင့်နေကြပါပြီ။ တရားနည်းလမ်းကျကျနဲ့ ဖြေရှင်းဆောင်ရွက်ပေးစေချင်ပါတယ် ။ စကားလက်လွန်သွားတဲ့ ဝန်မင်းတယောက်လည်း လေသံ နဲနဲပျော့လာပြီလို့  ထင်မိပါတယ်။ ဒါပေမဲ့ မြစ်ဆုံစီမံကိန်းကို လွှတ်တော်မှာ ဆုံးဖြတ်မယ်ဆိုတာလောက်နဲ့ မကျေနပ်နိုင်သေးပါဘူး ။ ဘာလို့လည်းဆိုတော့ ခု လွှတ်တော်ထဲမှာ ဝင်ရောက်ဆွေးနွေးခွင့်ရနေသူတွေ ရဲ့ ထက်ဝက်ကျော်မျှဟာ ပြည်သူ့ဆန္ဒအစစ်အမှန်နဲ့ ရွေးချယ်တင်မြှောက်ထားသူများ မဟုတ်ကြလို့ ပါပဲ။ (ဒါကိုလည်း သမ္မတကြီး အသိဆုံး ဖြစ်မှာပါ ၊ ကိုယ့်ကိုယ်ကိုယ်လိမ်ညာ နေသူဆိုရင်တော့ ဘာမှ မပြောလိုတော့ပါ )။
ဒီတော့ တတိုင်းပြည်လုံး ပြည်သူ့ အသံ အစစ်အမှန်ကို ဖြည့်ဆည်းပေးမ၊ဲ့ ဒီမိုကရေစီ အပြည့်အဝကို ဖေါ်ဆောင်ပေးမဲ့ သမ္မတကြီး အနေနဲ့  ဒီ မြစ်ဆုံစီမံကိန်းအတွက် ပြည်သူ့ ဆန္ဒခံယူပွဲ တရပ် ကျင်းပပေးစေချင်ပါတယ် ။ ဒီပြင်ဆင်နေရတဲ့အချိန်အတွင်းမှာလည်း စီမံကိန်းကြီးကို ရပ်ဆိုင်းပေးထားစေချင်ပါတယ် ။ ၂၀၀၈ နာဂစ်ဥပဒေ နဲ့  ၂၀၁၀ရွေးကောက်ပွဲ ကဲ့သို့  မဲလိမ်မှုတွေ မပါပဲ ပြည်သူ့ ဆန္ဒ အစစ်အမှန်နဲ့ အညီ ထွက်လာမဲ့ ရလဒ် အတိုင်း ဆောင်ရွက်ပေးစေချင်ပါတယ် သမ္မတကြီးရေ ။
အကျဉ်းချုပ်ပြန်ပြောရမယ်ဆိုရင်.....
-မြစ်ဆုံစီမံကိန်း ရဲ့ အစီရင်ခံစာ ၊ အကျိုးနဲ့ အပြစ်တွေကို ပြည်သူအများသိအောင် ဘက်မလိုက်ပဲ ထုတ်ပြန်ပေးပါ။
-မြစ်ဆုံစီမံကိန်း ဆက်လက် အကောင်အထည်ဖေါ်သင့်/မဖေါ်သင့်ဆိုတာ ကို ပြည်သူ့ ဆန္ဒ( အစစ်အမှန်) ဖြင့် ဆုံးဖြတ်ဖို့ အတွက် လုပ်ဆောင်ပေးပါ။
-ဖြစ်ပေါ်လာမဲ့ နောက်ဆက်တွဲ အပြစ်များ အတွက် ဘယ်ပုံဘယ်နည်း ဘယ်မျှ အာမခံချက် ပေးနိုင်မလည်း/ပေးမလည်းဆိုတာကို တိတိကျကျ ရှင်းလင်းဖေါ်ဆောင်ပေးပါ။
ဒါပေမဲ့ ဒီအချက်အလက်တွေ လုပ်စရာတပုံတပင်တွေ ကို အချက်တခုထဲနဲ့ ပြီးပြတ်အောင်လုပ်ဆောင်နိုင်ပါတယ် ။ ရှည်ရှည်ဝေးဝေး ပြောနေရတာ သမ္မတကြီးရဲ့ အဖိုးတန် အချိန်တွေ အလဟဿ ကုန်မစိုးလို့ ရှင်းရှင်းပဲပြောပါမယ်။
“မြစ်ဆုံဆည်စီမံကိန်းကြီးကို ချက်ချင်းရပ်တန့် ပြီး အကြွင်းမဲ့ဖျက်သိမ်းပေးပါ” ။ နောက်တခါ ထပ်ပြောပါအုံးမယ် ။
“ မြစ်ဆုံဆည်စီမံကိန်းကြီးကို ချက်ချင်းရပ်တန့် ပြီး အကြွင်းမဲ့ဖျက်သိမ်းပေးပါ” ။
အကယ်၍များ .. အကယ်၍များ ပေါ့ ...ပြည်သူ့ ဆန္ဒ အစစ်အမှန် အတိုင်းသာ ဆောင်ရွက်ပေးခဲ့မယ်ဆိုရင် မြန်မာ့သမိုင်းမှာ နာမယ်ကောင်းနဲ့ အစဉ်အမြဲ ရှင်သန်နေမဲ့ ဗိုလ်ချုပ်အောင်ဆန်း နဲ့ထပ်တူ သမ္မတကြီးကို တမျိုးသားလုံးရဲ့ စစ်မှန်သော ခေါင်းဆောင်ကောင်းတယောက် အနေနဲ့ သမိုင်းစဉ်ဆက်မှာ မှတ်တမ်းရေးထိုးပေးကြမှာပဲ ဖြစ်ပါတယ် ။
သမ္မတကြီးနဲ့ တကွ မ တစ်ရာသားများအားလုံး... ၊ ဧရာဝတီ၊ မြန်မာပြည်ကြီး နဲ့တကွ မြန်မာပြည်သား အပေါင်းတို့အား အပြောနဲ့မဟုတ် အလုပ်နဲ့သက်သေပြပြီး အမှန်တကယ် ချစ်တတ်လာကြပါစေ ။
အဲ့သလို သာဆို “ကျွန်မတို့ ကလည်း သမ္မတကြီးကို ချစ်ပါတယ်ရှင်” လို့ နေ့ စဉ်ပြောဖို့ ၊ သမ္မတကြီး ကျန်းမာရွှင်လန်းပါစေ လို့ နေ့စဉ်ဆုတောင်းပေးဖို့  ဝန်မလေးပါဘူး ။
ကျေးဇူးတင်ပါတယ် ။ လူကြီးသူမ ကို ပြောတဲ့ စကားတွေ ရိုင်းပြသလို ဖြစ်သွားခဲ့မယ်ဆိုရင်လည်း ၊ ဘာကြောင့်လည်း ဆိုတာ နားလည်ပေးနိုင်မယ်လို့ ထင်ပါတယ်။ တတိုင်းပြည်လုံး ပြောင်သလင်းခါနေရပြီဖြစ်တဲ့ နိုင်ငံတော်ကြီးကို အုပ်ချုပ်နေသော သမ္မတကြီင်္း ဘဝဆက်တိုင်း ဆက်လက် မပြောင်ပါစေနဲ့ ။ (မျက်နှာမပြောင်စေဖို့) ဆုတောင်းပေးလိုက်ပါတယ် ။
သမ္မတကြီး ရဲ့ ငယ်စဉ်ဘဝ အမှတ်ရစရာ အဖြစ်၊ တခေတ်ထဲ မွေးဖွားလာခဲ့ကြတဲ့ ပြည်သူချစ်တဲ့ အနုပညာသည် ဒေါ်မြင့်မြင့်ခင် ရဲ့ “ မြစ်ကြီးဧရာဝတီ ”ဆိုတဲ့ သီချင်းလေးကို နားဆင်ရင်းနဲ့ ချမ်းမြေ့ နိုင်ပါစေ..
ဒီနေ့  တနင်္ဂနွေ ။ အလုပ် အားရက် ရတယ် ။ တပါတ်စာ စားဖို့သောက်ဖို့ လိုတဲ့ပစ္စည်းလေးတွေ ဝယ်ဖို့  ထုံးစံအတိုင်း ရှော့ပင်းစင်တာ ထဲ သွားဖြစ်တယ် ။ အဲလိုဆိုင်တွေမှာ က အမြဲတမ်း ပစ္စည်း တမျိုး မဟုတ် တမျိုးကို ဈေးချရောင်းတာတွေ ရှိတတ်တယ်လေ ။ ကိုယ်သုံးနေကျ ပစ္စည်းဆို ဈေးချတာနဲ့ ကြုံရင် ဝယ်ထားရတာပေါ့ ။ ဒါဆို ပိုသက်သာတယ်မလား။ စီးပွားရေးမျက်စိ မရှိပေမဲ့ ဒီလောက်တော့ တွက်ချက်တတ်တာမို့  ကြုံသလို ဝယ်ဖြစ်တာများပါတယ်။ စီးပွားရေး ဆိုလို့  ဘာမှ ကြီးကြီးကျယ်ကျယ် ပြောချင်တာ မဟုတ်ပါဘူး၊ ပြောလည်း မပြောတတ်ပါဘူး ။ လူပြိန်းအတွေးနဲ့ တွေးမိသလောက် ပြန်ပြောပြချင်တာ တခုထဲပါ ။
ဒီကနေ့  ဈေးဝယ်ထွက်ရင်း မှတ်သားစရာ သင်ခန်းစာတခု ရလိုက်တယ် ။ ကိုယ့်ကိုယ်ကို ဒီလောက်တုံးရသလားလို့  တွေးမိပြီးတော့လည်း ကြိတ်ပြီး ပြုံးဖြစ်သွားပါတယ် ။
နေရတဲ့တိုင်းပြည်က ဒီမှာဆိုတော့ ဒီကလူမျိုးတွေနဲ့ မပတ်သက်ချင်လို့လည်း မရပါဘူး ။ တရုပ်တွေ ဟိုးရှေးကတည်းက အတွက်အချက်တော်ကြတယ် ဆိုတာ ပေသီး ကို တီထွင်သုံးခဲ့ကြတဲ့ အချက်ကိုကြည့်ပြီး သိသာနိုင်ပါတယ် ။ ဒါ့ကြောင့်မို့လားမသိ တရုပ်တွေ အထဲမှာ ပေသီး ခေါက်၊ အခေါက် ကျွမ်းသူများလည်း အများကြီးရယ် ။
ဒီမှာ လျှော့ဈေးချပုံ ချနည်းတွေ အများကြီး ရှိပါတယ် ။
ဥပမာ - ပစ္စည်းတခုကို တဝက်ဈေး ဒါမှမဟုတ် ရာခိုင်နှုန်းဘယ်လောက် ဆိုပြီး ချတာမျိုး 50% off (打五 折)- ဒါကရှင်းပါတယ် ၊ တဝက်ဈေး ပေါ့ ။
30 % off(打 七 折)- ဆိုရင် ကိုယ်က ပစ္စည်းမူလတန်ဘိုးရဲ့ ၇၀% ကို ပေးရမယ် ။
Buy one , get one free ( 贾一 送一)- တခုဝယ်ရင် တခု အလကားပေးတယ်ပေါ့ ။ ဒါပေမဲ့ ပစ္စည်း ၁ခု ရဲ့ ဈေး အပြည့်နဲ့ ဝယ်ပြီး ၂ခု ရ မယ်ပေါ့ ။ စဉ်းစားကြည့်ရင် ဒါလည်း တဝက်ဈေးပါပဲ ။ဒါပေမဲ့ 50% off လို တဝက်ဈေးနဲ့ တခုထဲဝယ်ချင်သူများ အတွက်တော့ သိပ်မကိုက်ဖူးပေါ့ ။
Buy two , 50 % off of second one ၊( 贾 二 , 第二件半价) - ဒါကျတော့ ပစ္စည်း ၁ခုကို ဈေး အပြည့်ပေးဝယ် နောက်တခုကျတော့ တဝက်ဈေး တဲ့ ။ သေချာ ပြန်တွက်ကြည့်လိုက်ရင် ပစ္စည်းတခုချင်းစီ အတွက် 35%ပဲ ဈေးလျှော့ပေးတာပေါ့။ 七五 折 ခေါ်တယ်ပေါ့ ။တချို့ က သေချာမကြည့်ပဲ တဝက်ဈေးအထင်နဲ့ မှားဝယ်တတ်ကြတယ် ။( ခံလိုက်ရပြီး မို့  ဦးနှောက်ထဲ စွဲအောင် မှတ်မိနေတာ ပါး))))
ထားပါတော့ .. ဒါတွေက သူ့ ဒေသ နဲ့သူ့ အခေါ်အဝေါ်တွေ အပေါ်တည်ပြီး ဈေးတွက်တွက်ကြည့်လို့ ရအောင်ပါ ။ ကိုယ်တိုင်ကတော့ များများစားစား မှ မဝယ်တာကြီး ဦးနှောက်ခြောက်ခံပြီး မစဉ်းစားချင်တော့လို့ ၊ လိုတာတွေ့ ရင် ကောက်ဝယ်လေ့ရှိတာများပါတယ်။ ကဲ.. လူတတ်ကြီးလုပ်ပြီး ဟိုလူကြီးလို market ... market သဘောတွေ ပြောနေရတာနဲ့ လိုရင်းမရောက်တော့ဘူး ။
ကိုယ့်ဇာတ်လမ်း ကိုယ် ပြန်ဆက်ပါမယ် ။ ကိုယ့် ရှေ့ နားမှာ တရုပ်မကြီး အသက်တော့ကြီးပါပြီ ၇၀ လောက်ရှိမယ် ။အဲဒီ တရုပ်မကြီး နံပတ် (၁) က ခေါင်းလျှော်ရည်ဗူး တတွဲကို ကိုင်ကြည့်တယ် ။ လျှော့ဈေး အမျိုးအစားထဲမှ ( 贾 二 , 第二件半价) တဲ့ ။ ခေါင်းလျှော်ရည် က family ဆိုဒ်ကြီး ဗူးကြီး ဆိုတော့ သူလည်း သိပ်မ မ နိုင်ဘူး နဲ့ တူပါတယ် ။ အရောင်းကောင်တာက စာရေးမ ကို ခေါ်မေးတယ် ။ ခေါင်းလျှော်ရည် တဗူးနဲ့ ဆံပင်ပျော့ဆေး တဗူး စီ ယူလို့ မရ ဘူး လား တဲ့ ။ ဟိုစာရေးမကလည်း ပြန်ဖြေပါတယ် ။ မရဘူး ပေါ့ ။အမျိုးတူတာ ၂ ခု တွဲထားတဲ့ အတိုင်းပဲ ယူရမှာ တဲ့ ။
တရုပ်မကြီး ၁ က ပြောတယ် ။ နင်တို့ က ဘာလို့လျှော်ဆေးနဲ့ပျော့စေး တမျိုးစီ တွဲမထားတာလည်း ပေါ့ ။ ဖြေတဲ့သူကလည်း ပြန်ဖြေတယ်။ဒါကတော့ အထက်က ဒီလိုပဲအတူတူချင်း တွဲရောင်းခိုင်းတာကိုး တဲ့ ။ လျှော်ဆေး နဲ့ ပျော့ဆေး တဗူးစီလိုချင်တဲ့ တရုပ်မကြီး (၁) က လျှော်ဆေး ၂ဗူးတတွဲကို သူ့ လှည်းထဲ ထဲ့လိုက်တယ် ။
သိပ်မကြာဘူး။ အဲဒီနားကို တရုပ်မကြီးနံပါတ်(၂) ရောက်လာတယ် ။ အတူတူပဲ မေးတယ် ။ ဖြေတဲ့သူကလည်း ထူးမခြားနားပဲ ပြန်ဖြေတယ် ။ လျှော်ဆေးနဲ့ ပျော့ဆေး တဗူးစီလိုချင်နေတဲ့ တရုပ်မကြီး(၂) က ပျော့ဆေး၂ဗူး တတွဲကို သူ့ လှည်းထဲ ထဲ့လိုက်တယ် ။
ကိုယ်ကတော့ ဒီပစ္စည်းတွေ မလိုသေးလို့  မဝယ်ပါဘူး ။ လိုတာလေးတွေ လှည့်ပတ်ဝယ်ခြမ်း အပြီး ကောင်တာ မှာ ငွေချေဖို့  တန်းစီစောင့်နေတုံး ကွိကျိ ကွကျိသံတွေကြားလို့  ရှေ့ က လူနှစ်ယောက်ကို သေချာကြည့်လိုက်တော့ ဟို တရုပ်မကြီး (၁) နဲ့(၂) စကားပြောနေကြတာ တွေ့ ပါတယ် ။ခုမှ တွေ့ တဲ့ သိတဲ့ လူနှစ်ယောက် ပြောစရာစကားတော့ သိပ်မရှိပါဘူး ။ လိုရင်းတိုရှင်းပါပဲ ။
တရုပ်မကြိး(၁) အလှည့် အရင်ရောက်တော့ သူ့ ကျသင့်ငွေ သူရှင်း ပေါ့ ။ ဒါပေမဲ့ သူ ထွက်မသွားသေးဘူး ။တရုပ်မကြီး(၂) ငွေရှင်းလို့ ပြီးတဲ့ အချိန်ထိ စောင့်နေတယ် ။ ပြီးတော့ မှ သူတို့ အချင်းချင်း လျှော်ဆေး နဲ့ ပျော့ဆေး တဗူးချင်း စီ လဲယူပြီး ကိုယ့်လမ်း ကိုယ်ဆက်သွားလိုက်ကြပါတယ် ။ ခုနက အမေးခံရတဲ့ အရောင်းစာရေးမလေးကလည်း အဖွားကြီး နှစ်ယောက်ကို ပြုံးပြီးကြည့်နေလိုက်ပါတယ် ။ မြင်လိုက်ရတာကတော့ဒီလောက်လေးပါပဲ ။
ကဲ.. ကြည့်တော့သာ အူတူတူ အဖွားကြီး နှစ်ယောက် ။ ကိုယ်လိုချင်တာ၂မျိုးစလုံးလည်းရ ၊ သက်သာတဲ့ဈေးနဲ့လည်း ရအောင်ယူတတ်ကြတဲ့ တရုပ်တွေ များ တယ်တော်ကြပါ့လား ။...
အင်း.. ကိုယ့်ကိုယ်ကိုယ် လည်လှပြီ ထင်ပြီး ပေသီးခေါက်နေတဲ့ ကိုယ်လည်း နောက်ဆို ဒီလိုမျိုး အကြံလေး အဖန်လေး လုပ်အုံးမှပါပဲလို့  သင်ခန်းစာ ယူထားလိုက်မိတယ် ။ ခုတလောမှ သတိထားမိတယ် ။ တရုပ်ဆိုတဲ့လူမျိုးက မွေးရာပါ စီးပွားရေးမျက်စိရှင်ကြသူများပါလား လို့  ။ ဒါပေမဲ့ ကိုယ့်အကျိုးအတွက်ပဲကြည့်ပြီး သူများအကျိုးပျက်အောင် လုပ်တတ်ကြတဲ့ ဗီဇမျိုး ပါသူများလည်း လောကကြီးမှာ ရှိမှာပါ ။ တရုပ်ရယ် ဗမာရယ် လို့  ခွဲခြားလို့တောင် ရမယ် မထင်ပါဘူး ။ ဗီဇ ဆိုတာက လူမျိုးနဲ့ ရာနှုန်းပြည့် မဆိုင်ဘူး မလား ။
ကိုယ်တိုင်လည်း ရောဂါဆန်းတွေရနေတဲ့ ရောဂါသည် ဖြစ်နေတာမို့  ကိုယ့်ရောဂါ ကိုယ်ပြန်ဆန်းစစ်နေမိပါတယ်။ ဗီဇ နဲ့ ပတ်သက်ပြီးတော့ ပြင်ရတာတွေ မလွယ်ပါဘူး ။ ဗီဇကောင်းလေးတွေ ပြန်ရဖို့  အတော်လေးကျိုးစားကြရအုံးမှာပါ ။
အမှန်တကယ် ဆိုရရင်တော့ လူလည်ကျတာဟာ လူမျိုး၊ ဗီဇ တို့ နဲ့ ဆိုင်သလား မဆိုင်ဘူးလား၊ မှန်လား မှားလား၊ သေချာ မသိပါဘူး ။ ဆိုင်တယ်ထင်လို့ ဆက်စပ်ရေးလိုက်ပါတယ် ။ မဆိုင်ဘူး ထင်သူများလည်း မဆိုင်သလို တွေးကြပါလေကုန်။
Subscribe to:
Posts (Atom)
