8 com
ဟိုစပ်စပ် ဒီစပ်စပ် ယောင် ၆၀ လုပ်နေရင်း၊ ဟိုနေရာ ဒီနေရာ သွားရင်းလာရင်း နဲ့ ရလာတဲ့ လက်ကမ်းစာစောင်လေး ထဲမှ ကိုယ် မသိသေးတဲ့ အကြောင်းအရာ တချို့ ၊ ကိုယ့်လိုပဲ ဘာမှန်းမသိ ၊ ဘာကို ဘယ်လို ရှိမှန်းမသိ၊ ဘာလုပ်လို့  ဘာကိုရွေးရမှန်းမသိ ဖြစ်နေသူ များစွာ လည်း ရှိနေအုံးမယ် လို့  ထင်မိတယ် ။
ဒါ့ကြောင့် ဒါတွေက ဒီလို ရှိတယ် ၊ဆိုတာ မသိသေးတဲ့သူများ သိအောင် ထပ်ဆင့် ဝေငှ လိုက်ပါတယ် ။ မတရားသဖြင့် ခြောက်လှန့်ခံရခြင်းကြောင့် ကြောက်ရွံ့ နေရခြင်းမှ ကင်းဝေးကြပါစေ ။ 
►Posted by
:Khyl
:
at
10/30/2010 10:04:00 PM
ဒီနေ့ လည်း သွေးရောဂါဆေးရုံသို့  တခေါက်ရောက်ခဲ့ရပြန်ပါတယ် ။ ညီမလေးတယောက် ဆေးရုံတက်ရလို့ ပေါ့။ ဆေးရုံက မကြာခဏတက်နေရတော့ သူမအတွက်ကတော့ သိပ်ပြီးမထူးခြားလှပါ ။
သွေးမသွင်းခင်တရက် ပြင်ပလူနာဌာနကိုပြ ၊ သွေးရဖို့  စီစဉ်၊ နောက်တနေ့ မှာ ဆေးရုံတက်ပြီး သွေး ၂ အိတ်သွင်း၊ ဒါတွေက လုပ်နေကျ အစီအစဉ်လေးတွေပါ ။ သွေးသွင်းဖို့ အသွားမှာ လိုအပ်တဲ့ သွေးပိုက် ၊ ထိုးဆေး နဲ့ ဆေးထိုးအပ် ၊ လက်အိတ် ၊ ဂွမ်း ၊ အရက်ပျံ၊ ပလာစတာ ၊ အစရှိတာတွေကို အဆင်သင့် ဝယ်ယူပြင်ဆင်ထားရတယ် ။
ထိုးဆေးတမျိုးလိုနေလို့  ဆေးရုံကြီး ဝင်းအထဲမှာရှိတဲ့ ဆေးဆိုင်ကို အပြေးအလွှားသွားဝယ်ရတယ် ။ လိုအပ်တာတွေကို ဆေးရုံဝင်းအတွင်းမှာပဲ အလွယ်တကူ ဝယ်ယူနိူင်အောင် စီစဉ်ပေးထားတာကိုပဲ ကြံဖန် ကျေးဇူးတင်ရပေမယ် ။
အင်းလေ... ကျေးဇူးတင်လို့ တောင် မဆုံးသေးဘူး ဆေးကောင်တာက အရောင်းစာရေးမလေးက ဆေးတမျိုးကို ၂ ခါ ပြန်ယူပေးရလို့ ငြူစူစူ လုပ်ပြတာ ခံလိုက်ရသေးတယ် ။ ဩော်..... လောကကြီးက ပြောင်းပြန်ပါလား ။
ဖွားကိ တိုင်းတပါးမှာ လုပ်ခဲ့တုံးက ဆေးရုံရဲ့ ဆောင်ပုဒ်တခုကို ပြေးပြီး အမှတ်ရလိုက်မိပါသေးရဲ့  ။ လူနာ( စားသုံးသူ) တို့ သည် အမြဲတမ်း မှန်ကန်၏ ( Customer is always right )တဲ့ ။
ဒါ့ကြောင့် ဆေးရုံ ဝန်ထမ်းတွေက ( လူနာ/လူနာရှင် ) ဘက်က ဘယ်လောက်ပဲ မှားမှား သည်းခံရမယ် တဲ့ လေ ။ နေမကောင်းလို့  ဆေးရုံလာတက်ကြတာ မို့  လူနာ( လူနာရှင်) တို့ ရဲ့  စိတ်နှစ်လုံးမှာ ပူပင်သောက ရှိနေလေ့ရှိတာမို့  သူတို့ စိတ်အေးချမ်းသာအောင် ဝန်ဆောင်မှု ပေးရမယ် တဲ့၊ ဒါက အဲ့ဒီနိူင်ငံမှာ ရှိတဲ့ အစိုးရဆေးရုံတွေမှာ ရော ၊ ပုဂ္ဂလိက ကိုယ်ပိုင် ဆေးရုံတွေမှာပါ ကျင့်သုံးနေကြတဲ့ ဆောင်ပုဒ်များထဲက တခုပါ။ ထားပါတော့ သူများနဲ့ မယှဉ်တော့ဘူး ။ ကိုယ့်ပြည် ကိုယ့်ရွာ ရဲ့ ဓလေ့ ၊ ဆောင်ပုဒ်တွေ ၊ ကျင့်သုံးမှုတွေ ဘယ်လိုရှိမှန်းသေချာမသိတော့တာမို့  သူ ငြူစူတာကို ကိုယ်ကပဲ အပြုံးလေးနဲ့  ( မချိပြုံးလို့ ပြောရရင် ပိုမှန်ပါလိမ့်မယ် ၊ ကိုယ်ပိုက်ဆံပေးပြီးဝယ်ရတာတောင် ဒီလိုပဲ ပြုံုးပြရတယ်လေ) ကိုယ်လိုတဲ့ ဆေးကလေး မြန်မြန်ရအောင် ပြောရသေးတယ် ။
နောက်တော့ လူနာဆီ ပြန်လာပြီး သွေးသွင်းဖို့  အလှည့်ကျအောင် စောင့်နေပါတယ် ။ အဲ့ဒီ အချိန်မှာပဲ ဆရာဝန်ကြီးတိုင်းခန်းလှည့်လည် .. အဲ့လေ.. ward round တယ် ။ သူ့ နောက်မှာတော့ ထုံးစံအတိုင်း ဆရာဝန် လတ် ၊ ဆရာဝန်ငယ် ၊ ဆရာဝန်ပေါက်စ ၊ ဆရာမကြီး စိမ်း ၊ ပြာ၊ နီ တို့  များစွာ ပါရှိလေတယ် ။ ဒီအချိန်မှာ ကိုယ့် ညီမလူနာ နဲ့  တစ်ကုတင် အကျော်က လူနာ အဒေါ်ကြီးတယောက် အမောဖေါက်နေပါတယ် ။ သူ့ ညာဘက်လက်ဖျံမှာတော့ အငန်ရည် ဒရစ်ပ် တစ်ပုလင်းသွင်းထားတယ် ၊ နှာခေါင်းမှာလည်း အောက်စီဂျင် ပိုက်လေး တေ့ထားတယ်။
သူ့ ဘေးမှာ သူ့ ယောကျာင်္း နဲ့ သမီးလို့  ယူဆရတဲ့ ဦးလေးကြီး တယောက် နဲ့ မိန်းကလေးတယောက် စိုးရိမ်ပူပန်ခြင်းမျက်နှာများနဲ့ စောင့်နေကြပါတယ် ။ သူတို့ ကို လှမ်းကြည့်လိုက်တော့ လူနာရှင် ဦးလေးကြီးက ကိုယ်နဲ့ အကြည့်ချင်း အဆုံ ၊ သူက ကိုယ့်ကို အကူအညီတောင်းခံတဲ့သဘောနဲ့ လှန်းပြောပါတယ် ။ “ဟိုနားက ဆရာဝန်ကြီးကို ခဏလောက် ခေါ်ပေးပါ ”တဲ့
ကြောက်ရွံ့ ခြင်းများစွာ အလည်မှာ ကြီးပြင်းရှင်သန်လာရသူ တွေ အတွက် နေရာတကာမှာ မပြောရဲ မဆိုရဲ ကြောက်ရွံ့  သိမ်ငယ်နေကြသလိုမျိုးပါ။
လူနာ အဒေါ်ကြီး အသက်ငင်နေပြီ ။ Gasping ရနေပြီ၊ ဒီအချိန်က အရမ်း အရေးကြီင်္းနေတဲ့ အချိန်ပေါ့ ။ ဒါကြောင့် ဟို မလှမ်းမကမ်းမှာ ရောင်းလှည့်နေကြတဲ့ ဆရာမတယောက်ကို သွားပြောပေးလိုက်ပါတယ် ။ ဟိုလူနာ အမောဖေါက်နေတယ် ပေါ့လေ။ ဒီတော့ ဆရာမ အနီလေးက လူနာကိုလာကိုင်ကြည့်တယ် ။ အဒေါ်ကြီး အိပ်နေတယ် ထင်သလားမသိ ။ လှုပ်နှိုးလိုက်တယ် ။
နောက် ၂ မိနစ်လောက်ကြာတော့ ဆရာဝန်ပေါက်စလေး တယောက် ရောက်လာတယ် ။ ပုခုံးမှာ နားကြပ်လေး ချိပ်လို့  ဟန်ပါပါလေးနဲ့ပေါ့ ။ လူနာရဲ့  လက်ကောက်ဝတ်ကိုကိုင်ပြီး သွေးခုန်နှုန်း စမ်းကြည့်တယ် ။
ပြီးတော့ ပါးစပ်က တတွတ်တွတ် ။ မျက်နှာက အေးတိအေးစက် ။ လှုပ်ရှားမှုက နှေးနှေးကွေးကွေး ။ ဒီလိုနဲ့  နောက်ထပ်အချိန် ၃ မိနစ်လောက် ကုန်သွားပြီ ။ နောက်ထပ် ဆရာဝန် ပေါက်စနလေး တစ်ယောက် ရောက်လာတယ် ။သူ့ လက်ထဲမှာ BP cuff တခု ကိုင်လို့ ။ သွေးပေါင်ချိန်ဖို့  ပြင်ဆင်နေတယ် ။ ကုန်သွားပြန်ပြီ နောက်ထပ်အချိန် ၂ မိနစ် ။ သွေးပေါင်ချိန်က တိုင်းလို့ မရသေး ။ zero pressure ဖြစ်နေပြီ ထင်ပါရဲ့  ။သူမဘေးက အားကိုးတကြီး ကြည့်နေတဲ့ လူနာရှင် ဦးလေးကြီးကို တခွန်းလှည့်ပြောလိုက်တယ် ။ “ လူနာကို အိမ်ပြန်ခေါ်သွားချင်လား ” တဲ့ ။ “ ကားသွားခေါ်ပါ” တဲ့ ။
ဦးလေးကြီးကလည်း သဘောတူစွာ ခေါင်းငြိမ့်တယ် ။
လူနာ အဒေါ်ကြီ်း gasping ရနေတာ ၃ ချက်လောက် အသက်ငင်ပြီး ငြိမ်ကျသွားပြီ ။ ဆရာမ အနီလေးတယောက် လူနာဘေးမှာ အသင့်ဝယိထားတဲ့ ထိုးဆေး တစ်လုံး ထိုးပေးလိုက်တယ် ။ နောက်ထပ် အချိန် ၃ မိနစ်လောက်ကုန်သွားပြီ ။ ဆရာဝန်ကြီး တိုင်းခန်းလှည့်နေရာ လူနာကုတင် မှ တချက် လှန်းကြည့်လိုက်တယ် ။ မျက်စိအကြည့်သာ သေခါနီးလူနာဆီ ရောက်လာတယ် ၊ ခြေဦးမလှည့်တော့
ခြေလှမ်းလည်း မရောက်လာတော့ ။ သူ့  အဖွဲ့ တပြုံတမကြီင်္း ထဲက ဘယ်သူမှ ဒီကုတင်ဆီ ခြေဦးမလှည့်တော့ ။ ဘယ်လိုမှ ကယ်တင်လို့  မရတော့လောက်အောင် ရောဂါကျွမ်းနေပြီ ထင်ပါရဲ့ ။ဒါမှမဟုတ် တခန်းထည်းမှာပဲ သူ့ လူနာ ၊ ကိုယ့်လူနာ ခွဲထားတာမို့  သူ့ လူနာ မဟုတ်တဲ့ ဒီဘက်အခြမ်းကို သူလာမကြည့်တာလည်း ဖြစ်နိုင်ပါတယ် ။ ဆေးရုံ အထာ သိနေတဲ့သူတွေကတော့ ဘယ်ကုတင်က ဘယ်ဆရာဝန်နဲ့ ဆိုင်တယ်ဆိုတာ သိနိုင်ပေမဲ့ အထာမသိတဲ့ အပြင်လူတွေ ၊ လူနာရှင်တွေ အနေနဲ့ ဒီလိုအကြောင်းတွေကို သိနိုင်ပါ့မလား ။ တောသူတောင်သား မလည်မဝယ် သူတို့ ခမျာ မြို့ကြီးပြကြီးမှ ဆရာဝန်ကြီးတွေက မျက်နှာမွဲ လူနာတွေကို ဂရုမစိုက်လေဘူး လို့  များ ထင်မှတ်မှားသွားလေ မလား ။ ကိုယ့်အတွေးများက ဟိုရောက် ဒီရောက်ပေါ့။
ဒီလိုနဲ့  ဘာကိုစောင့်နေမှန်းမသိ ။ ဘယ်သူမှ အရေးပေါ် အသက်ကယ်ခြင်းကို မပြုလုပ်ကြတော့ ။ လူနာရှင်တွေကပဲ မလုပ်လိုတော့ တာလား မသိ ။နောက်ထပ် မိနစ် အနည်းငယ် ကြာတော့ အဲ့ဒီ ဆရာဝန်ပေါက်စလေး ၂ယောက် ထဲမှ တယောက်က အီးစီဂျီ ဆွဲတဲ့ စက်ကလေး တွန်းလာတယ် ။ လူနာရဲ့  မျက်လုံးကို( pupil dilate )သူငယ်အိမ် ကျယ်၊ မကျယ် သိရအောင် ထိုးကြည့်စရာ လက်နှိပ်ဓါတ်မီး က အဲ့ဒီ ဆရာဝန်ပေါက်စဆီမှာ အဆင်သင့် မရှိ ၊ ဘေးကုတင်က လူနာစောင့် ညရေးညတာ သုံးဖို့ ထားတဲ့ တရုပ်ဖြစ်လက်နှိပ်ဓါတ်မီးတခု ငှားယူပြီင်္း ငြိမ်နေတဲ့ အဒေါ်ကြီင်္း မျက်လုံးကို မီးထိုးကြည့်တယ် ။ Light Reflex မရှိတော့မှန်း ဘေးက နေ မှန်းကြည့် နေမိတယ် ။
အင်းလေ ။ သေမယ်ဆိုလည်း သေလောက်ပြီပဲ ။ အိုး.... ဒီင်္လောက်နဲ့ ဘယ်ရမလဲ ။ သေချာအောင် အီးစီဂျီ ဆွဲကြည့် တာပေါ့ ၊ ( လူနာ အသက် မငင်ခင်တည်းက တပ်ဆင်ထားသင့်တဲ့ အီးစီဂျီမော်နီတာ မရှိ ၊ ထားလိုက်ပါတော့ ဒီစက်မျိုးက ICU အခန်းက လွဲရင် ဆေးရုံက လူနာအခန်းတိုင်းမှာ ရှိချင်မှ ရှိပေမယ် ။ )
အီးစီဂျီမှတ်တမ်းလေးကို စာရွက်ချွေတာရေး သဘော နဲ့ အဖြစ်သဘော လက်တထွာ မရှိတရှိ အရှည်လေး ဆွဲယူ လိုက်တယ် ။ စပ်စုတတ်တဲ့ ကိုယ့်မျက်လုံးက အဲ့ဒီစာရွက်ကို လှမ်းကြည့်မိလိုက်သေးတယ် ။
လူနာ နှလုံးခုန်ချက် မပြတော့ ။ flat line ကလေး အထက်အောက် မျဉ်းပြိုင် ၃ ကြောင်းကို တွေ့ လိုက်မိတယ် ။ ဪ.. ခုတော့ ရှောသွားပြီ ပေါ့ ....... ။ ဆရာဝန်ပေါက်စလေးမှ ဆွဲထားတဲ့ အီးစီဂျီ အပိုင်းအစ အတိုလေးကို စက်မှဆွဲဖြတ်လိုက်ပြီး လူနာအသက်မရှိတော့ကြောင်း လူနာရှင်ဦးလေးကြီးကို ပြောပြလိုက်တယ် ။
ဦးလေးကြီးမှာ ဘာခံစားမှုမှ မရှိတဲ့ မျက်နှာမျိုး ၊ အံ့သြခြင်း ၊ ဝမ်းနည်းခြင်း ၊ပူဆွေးခြင်း၊ ယူကြုံးမရဖြစ်ခြင်း ၊ ဘာဆိုဘာမှ ပြောင်းလဲမှု မရှိတဲ့ မျက်နှာ နဲ့  ဆရာဝန်မလေးရဲ့ ပြောကြားချက်ကို နားထောင်နေရင်း ဘေးက ရှိသမျှ သူ့ အသုံးအဆောင် ပစ္စည်းလေးတွေ ကို သိမ်းဆည်းနေတယ် ။ လူနာရဲ့ သမီးမှလည်း မျက်ရည် တစ်စက်မှ မကျနိုင်တော့ ။ သူမ လုပ်စရာ သိမ်းစရာများကို သိမ်းနေတော့တယ် ။ ဒီအချိန်မှာ ပဲ ထမိန်အနီ ဆရာမလေးတယောက် ရောက်လာပြီး “ ဦးလေး ၊ လူနာကို အဖျားတိုင်းလိုက်ပါအုံး ” တဲ့ လေ ။ လူနာရှင် ဦးလေးကြီး ကတော့ ဘာမှ ပြန်မဖြေ ၊
ပြန်မပြောတော့ နောက်တခေါက် ထပ်ပြောပြန်တယ် ။ ဘေးကနေ ကြားနေရတဲ့ ကိုယ်တယောက် “ဗုဒ္ဓေါ”... လို့ သာ တ လိုက်ချင်တော့တယ် ။ ဪ ... လူအရှင် နဲ့  လူ အသေကိုတောင် ခွဲခြားပြီး မသိနိုင်ကြတော့တာလား ။ အလုပ်တွေ သိပ်ရှုပ်နေလို့  သေချာ မကြည့်ပဲ ပြောလိုက်တာလားတော့ မသိတော့ပါ ။ သေပြီးတာတောင် နာရီဝက်လောက်ရှိနေပြီ ။ အဖျားလာတိုင်းခိုင်းနေပြန်သေးတယ်
ဒီတော့ မနေသာတော့တဲ့ ကိုယ့်အကျင့် အတိုင်း ဆရာမလေးကို ပြောပြရတယ် ၊ ဒီလူနာက Expired ဖြစ်သွားပြီ လို့ ၊ ဒီတော့မှ ဆရာမလေးလည်း ရှက်ကိုး ရှက်ကန်း နဲ့ ဪ..ဟုတ်လား တဲ့လေ။
ဘေးကုတင်က လူနာစောင့်တချို့ ကတော့ ပြုံးစိစိ နဲ့ပေါ့ ။ ကိုယ့်မှာတော့ ငိုရမလား ရယ်ရမလား ပဲ ။ နောက်ထပ် တစ်နာရီလောက်ကြာတဲ့ အခါမှာတော့ လူ၂ ယောက်က ဒီအဒေါ်ကြီးရဲ့  ရုပ်အလောင်းကို ဘာ အဖုံး ဘာအကာမှ မပါပဲ တွန်းလှည်းပေါ် တင်သွားကြပါတော့တယ် ။
နောက်မှ သိရတာက ဒီလူနာ ဒီအခန်းမှာ တက်နေရတာ ၁၀ ရက်လောက်ရှိပြီ ၊ အရိုးဆေးရုံမှာ တက်နေတာက တစ်လ တဲ့ ၊ လူနာရှင်ရဲ့  အပြောအရတော့ ရိုးတွင်းချဉ်ဆီအားနည်းလို့  တဲ့ ။ အရိုး သို့မဟုတ် သွေးကင်ဆာ လား လို့  မေးကြည့်တော့လည်း မဟုတ်ဖူး တဲ့ ၊ ဒါဆိ်ု ဘာ ရောဂါလည်းတော့ မသိ ၊( ဆေးမှတ်တမ်းတွေ မှာတော့ ရေးထားမှာ ပေါ့ ။ ) ဘာရောဂါပဲ ဖြစ်ဖြစ်ပါ ။ ရောဂါကျွမ်းပြီးမှ ဆေးရုံပေါ်ရောက်လာရင်တော့ ဘယ်လိုမှ ကယ်လို့ ကုလို့  ရမှာ မဟုတ်ပါဘူး ။
ဒါပေမဲ့ အသက်ထွက်ခါနီး အချိန်မှာ လူနာရှင် အားကိုးတကြီးနဲ့ ခေါ်လိုက်တဲ့ အချိန်မှာ မရှင်နိုင်တော့တဲ့လူတယောက်ကိုလည်း လာပြီး ကြည့်ပေးဖို့  ၊ လူနာရှင်ကို ရှင်းပြဖို့ ၊ အားပေးဖို့  လိုအပ်တယ် လို့  ထင်ပါတယ် ။ သေပြီးသား ရုပ်အလောင်းကို ဆေးရုံ အတွင်းမှ သယ်ဆောင်တဲ့ အခါမှာလည်း အခြားသူများ မမြင်ရအောင် ဖုံးထား အုပ်ထားဖို့  လိုပါတယ် ။ ခုတော့........
ဆေးရုံ ဆိုတာက လူသေတာ အများဆုံး နေရာတခုပါ ။ လူနာတွေ အသက်ထွက်တာကို မြင်ရပေါင်းလည်း မနည်းလှပါ ။ ဒီတခါလောက် အေးအေးဆေးဆေးရှိလှတဲ့ မြင်ကွင်းမျိုးကတော့ ရှားလှပါတယ်။
လူနာရှင် အနေနဲ့ လည်း မရှင်တော့မဲ့ အတူတူ ဆက်ပြီး အချိန်ကုန် ငွေကုန် လူပန်း မဖြစ်ရလေအောင် လက်လျှော့လိုက်တာကမှ သူလည်း ဝဍ်ကျွတ် ကိုယ်လည်း ဝန်ပေါ့ ၊င်္ဒိလို အေးအေးဆေးဆေး မြန်မြန်ဆန်ဆန် သွားလိုက်တာကမှ သူ့ အတွက်ရော ကိုယ့်အတွက်ပါ ပိုကောင်းတော့မှာမို့  ဝမ်းနည်းရမှာလား၊ ဝမ်းသာရမှာ လား လို့ သာ.......
►Posted by
:Khyl
:
at
10/18/2010 12:00:00 AM
ကိုယ့်ရပ် ကိုယ့်ရွာ ပြန်ရောက်တာ ၃ လကျော်ကြီးများတောင် ရှိနေပေမဲ့ နေသားက မကျ တကျ ဖြစ်လို့  နေဆဲ ။ တနေ့  တနေ့  ယောင်လည်လည် နဲ့  ဘယ်ကစပြီး ဘာလုပ်လို့  ဘာကိုင်ရမှန်း မသိသေး ။
ကြွေးတင် ဝက်မွေး ဆိုလို့့ဝက်ပဲမွေးရတော့ မလိုလို ( ကြာရင် ကြွေးတင်တော့မှာ မို့ ) ၊ ကြက်ပဲ မွေးရတော့ မလိုလို ၊ငါးတွေပဲ မွေးရတော့မလိုလို၊ ခရမ်း သုံးခွ ဖက် လျှောက်ကြည့် ဖြစ်ခဲ့သည် ။သမ္မာ အာဇီဝ အလုပ်တော့ အလုပ် ပါပဲ ။ ဪ .. အကုသိုလ် အလုပ်တွေ မလုပ်ကောင်းပါဘူးလေ လို့  စိတ်မှာ မှတ်ပြီး မွေးမြူရေး ဘက် မလှည့် လိုတော့။( လူကြား ကောင်းအောင် ပြောတာပါ ၊ တကယ်ဆိုရရင်တော့ ကြက်ချီး ဝက်ခ ဒီတော့ စိုက်ပျိုးရေး ပဲ လုပ်ရကောင်းမလားပေါ့ ။ မှော်ဘီ ဘက်မှာ နှင်းဆီခြံ တွေ ၊ သရက် ခြံတွေ နဂါးမောက်သီးခြံ တွေ ၊ နှစ်တို နှစ်ရှည် စားပင် ပန်းပင် ခြံတွေ အမျိုးမျိုး ။သူများတွေ စိုက်ထားကြတာ အားရစရာမို့  မိုးရွာကြီးထဲမှာ အားကျစွာဖြင့် သူများခြံတွေဆီ လိုက်ကြည့်ဖြစ်သေး ။ တကယ် လုပ်ကြည့်မှ တယ်မလွယ် လှကြောင်း ၊ အလုပ်သမား ထိန်းရ သိမ်းရသည်များ ၊ အလေအလွင့် တွေ နဲနိူင်သမျှ နဲအောင် စနစ်တကျ လုပ်ရသည့်  ဦးနှောက်ခြောက်ဖွယ် အရာများ ၊ သူငယ်ချင်းဖြစ်သူပြောပြတာ သိရမှ အင်တင်တင် နဲ့ ရှေ့ ဆက် မတိုးဝံ့ သေး ။
နောက်တဦးက အကြံပေးသည်က ကိုယ်ပိုင် ဆေးခန်း ဆေးရုံဖွင့်ရန် ၊ ဒါလည်း တယ် မလွယ်လှ အရင်းအနှီး က အင်မတန်များ ။ ဒီထက် အရေးကြီးသည်က တရားဝင် လိုင်စင်ရဖို့  သူတို့  အမျိုး အနွယ်များနှင့် ပါတ်သက်မှု ရှိမှ အဆင်ပြေ မည် ၊ ပေါင်းသင်းဆက်ဆံရေး မကောင်းလှသည့် ဖွားကိ ၊ ဟို ကောင့်ကပ် ဒီကောင့် ကပ် ဖို့ ဝေးစွ ဒစ်စ်ကောင့် ကဒ်တောင် မရှိသမို့  ဒီ အကြံပေးချက်များကိုလည်း ဥပက္ခာ ပြုထားလိုက်ရပါသည်။
ဒါဆိုရင်လည်း စားသောက်ဆိုင် ဖွင့်ပါလား တဲ့ ။ဘီယာစတေရှင်ဖွင့်ပါလားတဲ့ ၊ ကော်ဖီရှော့ပ် လေး ဖွင့်ပါလား၊ ကာရာအိုကေ ဆိုင်ပါ တွဲ ဖွင့်ပါလား တဲ့  ၊ လူဆိုတာ မဝတ်ရင်သာ နေလို့ ရတယ် ၊ မစားလို့  မရဘူး တဲ့  ၊ ဂလို ဆို ပြန်တော့လည်း ဟုတ်တုတ်တုတ် ၊ သတိထား ကြည့်လိုက်မိတော့ မှ ရက်စတောရင့် ကြီင်္းတွေ ၊ ခမ်းနားကြီင်္းကျယ်စွာ ဖွင့်ထားကြတာ မြင် မိသည် ၊ နာမယ်ကြီး စားသောက် ဆိုင်ကြီးများ မှာ လူ တွေ အပြည့် စားနေ သောက်နေကြတာ တွေ့ လိုက်ရသည် ။ ဘယ်လို လူတွေပဲ ဒီလို နေရာမျိ်ုးမှာ စားသောက် နိုင်ကြကြောင်းကို တော့ တွေးကြည့်စရာတောင် မလို လှ ၊ ဆိုင်ရာ ပိုင်ရာ များကို အချိန်မှန် ဆက်သ နေမှသာ ဒီလုပ်ငန်းများ အဆင်ပြေ ချော မော စွာ လည်ပါတ်နိူင်ကြကြောင်း သိလိုက်ရသည် ၊ J ဒိုးနပ်ကြီးတွေ က နှစ်ပေါင်းများစွာ အလုပ်ဖြစ်နေကြပေမဲ့ အခွန်တောင် ဆောင်စရာ မလိုဘုးတဲ့ ၊ ပိုင်လိုက်ပုံများ နော် ။ အင်း ၊ My Garden အဲ့လေ .. ယောင်လို့  ၊ Oh My God ! ..ဒါလည်း မဖြစ်သေးပါဘူး ။
နောက်တယောက်... တလောကလုံးကို အဖြူရောင် ဆိုးချင်နေသော အဖြူလေး ဆိုသူက အကြံဥာဏ်ပေးလာပါသေးသည် ။ အင်တာနက်ဆိုင် ဖွင့်ပါလား တဲ့ ။ ဒါဆို တချက်ခုတ် အချက်ပေါင်းများစွာပြတ်ပေရော့မည် ။ ဟိုကလာ စစ် ။ ဒီကလာ စစ်နဲ့ ဖွားကိ ဇာတ်ရှုပ်တွေ ပေါ်ကုန်မှဖြင့် ၆၅ နှစ် နဲ့ တိုးနေမှာစိုး၍ ဤ အကြံပေးသူကို အမဲရောင်သာ ဆိုးပစ်လိုက်ချင်ပါသည် ။ အနှီသကောင့်သားအား ၁၁/၇ မတိုင်မီ ရွှေပြည်ကြီးဆီပြန်လာပြီး အသဲကြားက ပဲ တပြားလောက် ထုတ်ပြီး ပေးစေချင်လှပါသည် ။း))) ။ ယခုထက်တိုင် ဖွားကိတယောက် ဘယ်သူ့ ကို ဘာအပြား ပေးရမှန်းမသိ ။ နဝေတိမ်တောင် ဖြစ်လို့ နေဆဲပါပေ ။ သို့ ပေမဲ့လည်း ကိုယ့်လို ဘဝတူများစွာ ရှိနေမည် ဆိုတာတော့ သေချာလှပါသည် ။ ဒီတော့လည်း တပျော်တပါးကြီး ပဲ သွားပေး ဖို့  ၊ မပေးဖို့့အသာထား ၊ ပဲ များပြလိုက်တာကမှ ကောင်းလေအုံးမည် ။ လိပ်နှုန်း နဲ့ ပြေးနေသော ကိုးနတ်ရှင် တွေ ၊ လာတချက် မလာနှစ်ချက် ဖြစ်နေတဲ့ လျှပ်စစ်မီးတွေ ၊ ကြောင့် ဆိုင် စရိတ်တွေ တက်ပြီး မကြာခင် ကိုယ့် ဖျာ ကိုယ် လိပ် ပြီး ပြန်ရမဲ့ ကိန်း ဆိုက်ရောက်မှာ ကို ကြိုသိနေလို့  ဒီအကြံကိုလည်း လက်မခံဖြစ်ပါလေ ။
ဒီလို နဲ့  ဟိုယောင်ယောင် သည်ယောင်ယောင်ဖြင့် သတင်း သန့် သန့်  ကြားလိုက် မိတာမို့  စပ်စပ်စုစု လုပ်ဖြစ်သေးသည် ။ Without ကားတွေ တရားဝင် လိုင်စင် ထုတ်ပေးနေပြီ ဆိုပဲ ။ ဘာပါလိမ့် Without ကား ဆိုတာ .... ဩော် ရှင်းရှင်းလေး ကိုတောင် နားမလည် ဘူး ဆိုတော့ နားလည်သလို ပဲ ပြန်ရှင်းပြလိုက်ချင်သည် ။ within ဆိုတာ“ အတွင်း” လို့  အဓိပ္ပါယ် ရလျှင် without ဆိုတာ “အပြင်” လို့  ဆိုလိုမည်လား ။ အင်း ... ဒီလိုကြီး တိုက်ရိုက် ဘာသာပြန်လို့ လည်း မရသေးပါဘူး လေ။ With ဆိုတာ “ နှင့်  / ဖြင့် ” ဆိုတော့ Without ဆိုတာ“ မနှင့် /မဖြင့် ” လို့ ပဲ ပြောရမည်လား ။ နောက် မှ သိရသည်က တရားဝင် လိုင်စင် မရှိသော ( သို့ မဟုတ် ) လိုင်စင်မဲ့သော ကား များ ကို ကား လော က မှာ အတိုကောက် ခေါ် ဆို နေကြသော အသုံးအနှုန်း ဖြစ်ပါကြောင်း ။ အနှီ without ကားများကို လူဂျီးသားသမီး များ နဲ့ နီးစပ်ရာ အသိုင်းအဝိုင်း မှ မှန်မဲမဲ ကြီးများပိတ်ကာ ၊ မီးတဖြတ်ဖြတ် ထွန်းကာ စီးနေ ရမ်းနေကြသည် မှာ နှစ်ပေါင်း အတန်ကြာနေခဲ့ရာ မှ ခုတော့ တရားဝင် လိုင်စင် ထုတ်ပေးနေပြီ ဖြစ်ပါသတဲ့ ။ ဒါကလည်း သူ တို့  စားကွက် သူတို့ ထွင်ထား မှန်း ကလေးရော ခွေးပါ သိ နေကြသမို့  မျက်နှာမွဲ ကျောပြဲ ၊ အပြင်လူ တွေဘယ်လိုများ ဝတ်သ် နိူင်ကြပါမည်လည်း ။ ရှိစု မဲ့စု ကားအို ကားစုတ် ကလေးများ နယ်နှင်ခံ ၊ ဖျက်သိမ်းခံရခြင်းများ မဖြစ်ပါစေ နဲ့  ဟုသာ ဆုတောင်းနေကြရပါတော့မည် ။ ဖြစ်နိုင်ရင်တော့ဘားအံ ၊ မြဝတီ ၊ တာချီလိတ် ဘက်တွေ သွားပြီး တောင်ကျော်ကားများ ၊ ပင်လယ်ကျော်ကားများ ၊ စိတ်ကြိုက်ရွေးဝယ်ကြလျှင် ၊ သို့မဟုတ် ရေလိုသုံးနိူင်ကြလျှင် ၊ ဝါးတားတွေ ပါဝါတွေ အာဏာတွေ ရှိသူများအတွက်တော့ ကောင်းလေစွ ။ သေချာစွာ အလုပ်ဖြစ်နေကြသူများကတော့ “ အခွန်ဦးစီးမှူးများ” “ရာဖြတ်ကြီးများ ” ပင် ဖြစ်လေသည် ။ ထိုသူများကို ခွန့်လိုက်ပါက နှစ်ဦးနှစ်ဖက် အကျိုးရှိကြလေသည် ။ ဒီတော့ ရာပဲ ဖြတ်စားရမလား ၊ ထောင်ပဲဖြတ်စားရမလား ။ ထောင်ထဲမှာပဲ သွားစားရရင်ကောင်းမလား လို့  မစဉ်းမစား ဖြစ်မိသေးသည် ။ ဒီင်္ ဟာ မျိုး လေး လုပ်ရ ကောင်းမလား လို့  စဉ်းစား တွေ ဝေ နေတုံး မှာ ပဲ ....... ဟော... အခု ဒီ အခွန်ဆောင်တဲ့ ကိစ္စတွေမှာ လုပ်စားနေကြသူများ အကြောင်း အတော်အတန် သတင်းကြီးသွားပါသဖြင့် လောလောဆယ်မှာ ပိတ် ထား လိုက်ပြန်ပါပြီတဲ့ ။ ရှုံ့ ချည် ပွချည် လုပ်နေကျ ထိုသူ တို့  အကြောင်း နောကျေနေကြတဲ့ ဒို့ ရွှေပြည်သား တွေကတော့ ခပ်ပျော်ပျော်ပါပဲ ။ ပိတ် ပြီးရင် ပြန်ဖွင့် မှာ ပေါ့ လို့  ဆိုနေကြပါသေးသဖြင့် မကြာမီ ( ဘယ်လောက် ကြာမည် မသိ ) အချိန် အတွင်း လုပ်ကွက်လေးတွေ ပေါ်ထွက်လာ တဲ့ အချိန်ကို စောင့်မျှော် နေကြပါသည် ။
ဒီကြားထဲမှာ သတိထားမိလိုက်တာကတော့ ကားပွဲစား ၊ ငွေကြေး အရင်း အနှီးစိုက်စရာ မလို ၊ ပါးစပ်တခုပါလျှင် လေ အရင်းအနှီင်္းစိုက်ထုတ်ရုံဖြင့် မြက်မြက်ကလေး စားနိုင်ဝါးနိုင်နေကြသည် ။ ထို့ အတူ အိမ် ခြံမြေ ပွဲစား ၊ စိန်ပွဲစား ၊ ပတ်စပို့  ပွဲစား ။ အလိုလေး .. များ ပြားလိုက်ပါတဲ့ ပွဲစားများ ။ ယုတ်စွ အဆုံး လူ ပွဲစား ဆိုတာတွေတောင် ရှိသေး ။ ဒါတွေကရော သမ္မာ အာဇီဝ အလုပ် လား ၊ အရောင်း အဝယ် လေးဖြစ်အောင် ဟိုဖက် တမျိုးပြော ဒီဖက်တမျိုးလှည့်ပြော ၊ အစုတ်ကို အကောင်း ဖြစ်အောင်ပြော ၊ အဟောင်းကို အသစ်ဖြစ်အောင်ပြော ၊ အမှန်အတိုင်းပြောရင် ဈေးတွက် မကိုက်မစိုးလို့  မှန်တာတွေရော မမှန်တာတွေရော ပြော ၊ ဂျိုးပြော မိုးပြော ၊ ဂျပိုးကို လိပ်ဖြစ်အောင် ကြံဖန်ပြော ၊ မိုးလုံးပြည့်မုသာဝါဒါ တွေ မဟုတ်ပေမဲ့ သူ့ မှာလည်း လကာင်္ချော အောင် ပြော၊ ဒီလို ပြောပြီး စား နေကြရသူများ မို့  ပွဲစား ဆိုတာလည်း ဒယ်အိုး ရောက်မဲ့ သူများ လို့  ဒယ်အိုးဆရာတော်ကြီးက ဟောကြားဖူးတာ အမှတ်ရမိတာမို့  အင်း ... ဒါလည်း မဖြစ်သေးပါဘူး လေ ။
ဒီလို နဲ့ နောက်ဆုံးတော့လည်း ဖွားကိတယောက် ဟိုမရောက် ဒီမရောက် ယောင်၆၀ ( တနေ့ တခြား အစစ အရာရာ ဈေးတွေတက်နေတာမို့  ၁၀၉/ ၁၁၀ အပြင် ယောင် ၁၂၀ တောင် ဖြစ်နေလောက်လေပြီ ) ဘဝမှာ ပဲ ခြာလည်လည်ဖြင့် ကြာရင် မလွယ်ဘူး ၊ ရူးချင်တယ် ရယ် လို့  ဘယ်သူ့ ကိုမှ အပြစ်မတင်နိူင်တော့ပဲ ကိုယ့် အပြစ် နဲ့ ကိုယ် ဖြစ်နေရကြောင်းတင်ပြအပ်ပါသည် ။
ဒါ့ကြောင့် .... လုပ်စား ရမလား ၊ ရိုက်စားရမလား ၊ လိမ်စားရမလား ၊ ညာစားရမလား၊ ဖါးစားရမလား ၊ ဝါး စားရမလား ၊ ပွဲစားရမလား ၊ ဆွဲစား ရမလားးးးးးးး
►Posted by
:Khyl
:
at
10/02/2010 12:59:00 AM
Subscribe to:
Posts (Atom)
