31 com
“အစားအစာ ဝါးစားပါ” တဲ့ ၊ ငယ်ငယ်တုံးက မြန်မာ သင်ပုန်းကြီး ဖတ်စာမှာ သင်အံ ခဲ့ရဖူးပါတယ် ။ဒီတော့ ဝါးတာ ရယ် ၊ စားတာရယ် ဝေါဟာရ နှစ်မျိုးကို တူသယောင်ယောင် နဲ့  ကွဲပြားနေလေမလားလို့ တွေးကြည့်မိလိုက်တယ်။မတူဘူး လို့  ဆိုရမယ် ။“ စား” တယ် ဆိုတာက “ဝါး” ပြီးနောက်ပိုင်း “ မြို ”ချရတဲ့ သဘောပါဆောင်နေတယ် ။(မဝါးပဲ မြိုချတာကျတော့ သောက်တယ် ပေါ့လေး) ) ။ တချို့  အရာ များကျတော့ ဝါးပဲ ဝါးပြီး မြိုချ စားသုံးခြင်း မပြုကြပါဘူး။ ဥပမာ - ကွမ်းဝါးခြင်း ။ ပီကေ ဝါးခြင်း ။ ဒါတွေကိုကျတော့ အဟာရဖြစ်အောင်မှီဝဲခြင်းမျိုး မဟုတ်ပါ ၊ အာသာပြေ အနေနဲ့ သုံးစွဲကြခြင်းလို့ သာ ထင်ရပါတယ် ။ မြန်မာစကားလုံးများမှာလည်း တိမ်မယောင်နဲ့ နက် ကြတာတွေ အများကြီးရှိပါတယ်။
အစားအစာ ဆိုရာမှာ သက်ရှိတို့ ခန္ဓာကိုယ် ကြီးထွား ရှင်သန်ရေး၊ ဇီဝကမ္မလုပ်ငန်းများ ပုံမှန်လုပ်ဆောင်ရေးအတွက် လိုအပ်သော စွမ်းအင်ဓါတ်များရရှိစေရန် မှီိဝဲဖြည့်တင်းပေးရသော အဟာရ မျိုးဖြစ်ပါတယ်။ အစာ ကို အခြေခံအားဖြင့် ကစီဓါတ် (Carbohydrate ) ၊ အဆီဓါတ် ( Fat)၊ အသားဓါတ် (Protein ) စသဖြင့် အုပ်စုကြီး ၃ စု ခွဲခြား ထားပြီး အခြား ဓါတ်သတ္တု နှင့် ဗီတာမင်များ ( Mineral & Vitamins ) လည်း အနဲငယ်မျှ စီ ပါဝင်ကြပါတယ် ။ ထိုအစားအစာ များကို လိုအပ်တဲ့  အချိုးအဆ အလိုက် မျှတအောင် စားသုံးပေးပါက ကျန်းမာရေးအတွက် အထောက်အကူ ရစေမှာ ဖြစ်တဲ့ အကြောင်း လူတိုင်းလိုလို သိကြမှာပါ ။ ဒါပေမဲ့ ဒီလို အစားအစာ စာရင်းထဲ မှာ ထဲ့သွင်းလို့ မရတဲ့  အရာများကို စားသုံးနေကြတဲ့  လူ နဲ့ သတ္တဝါ များ လည်းရှိကြပါတယ် ။ ဒီလို မစားသင့် မစားအပ်တဲ့ အစားအစာမဟုတ်တဲ့  အရာများ ၊ ဥပမာ ၊ မြေကြီး ၊ ထုံးကျောက်၊ ကျောက်ခဲ၊ မြေဖြူခဲ ၊ ကျောက်မီးသွေးတုံး၊ စက္ကူ ၊ ဖန်စ မှန်စ ၊ သံတိုသံစ ၊ ဒင်္ဂါးစေ့ ၊ ကျင်ကြီး ကျင်ငယ်၊ အညစ်အကြေး အစရှိတဲ့  အရာများကို ထူးထူးဆန်းဆန်း ချဉ်ခြင်းတပ်ပြီး စားခြင်း ဟာ ရောဂါ တမျိုးကြောင့် ဖြစ်ပါတယ် ။ ဒါကို PICA လို့ ခေါ်ပါတယ် ။
ပိုးဟပ်များ ဟာ စာအုပ်တွေ ၊စက္ကူတွေ ၊ကို စားကြတယ် ။ ဝက်များက မစင်ကို ကြုံရင်ကြုံသလို နှစ်ခြိုက်စွာ စားတတ်ကြတယ် ။ ဒါတွေက သူတို့ အများသူငါ စားနေကြပါ ၊ ဒီအရာတွေဟာ အစာအဟာရ မဟုတ်ပေမဲ့ ဒီ ပိုးဟပ် တို့ ၊ ဝက်တို့  မှာ Pica ခေါ်တဲ့  စားသောက်မှုဆိုင်ရာစိတ်ရောဂါ ဖြစ်နေပြီလို့  မဆိုနိုင်ပါဘူး ။
ရှမ်းပြည်နယ်မှာ တွေ့ ဖူးတာ က ပအိုးဝ် ၊ လီရှော ၊လီဆူး ၊ အခါ စတဲ့ တိုင်းရင်းသား လူမျိုးတချို့ မှာလည်း မြေကြီး တမျိုးကို စားလေ့ရှိကြတယ် ။ မြေကြီးနံ့  သင်းသင်းလေး နဲ့ ကျွတ်ဆတ်ဆတ် အတုံးအခဲ တွေကို ဈေးမှာ ရောင်းကြတာလဲ ရှိပါတယ် ။ ဒီလို ပုံစံမျိုး တွေပေါ့ ။ kaolinite ခေါ်တဲ့ ဓါတ်ပေါင်းတမျိုးပါဝင် တဲ့  မြေကြီးခဲပါ။
ပုံမှန် လူတွေကျတော့ ဒီလို ပေါက်တတ်ကရ အစားအစာတွေကို စားလေ့မရှိကြပါဘူး ။ ပတ်ဝန်းကျင်အခြေအနေအရ ၊ ဓလေ့ထုံးစံအရ ဒီလို မြေကြီးခဲများကို တခါတရံမှာ စားကြ သူတွေကိုလည်း ဒီရောဂါ ရှိတယ်လို့ တထစ်ချ သတ်မှတ်လို့ မရပါဘူး ။ ဘာလို့ လည်း ဆိုတော့ ပြီးခဲ့တဲ့ ရက်သတ္တပါတ် အနည်းငယ်က မြေငလျင်ဒါဏ်ကြောင့် သေကြေပျက်စီး ဆုံးရှုံးမှု တွေအများကြီး ဖြစ်ခဲ့ တဲ့ ဟေတီ နိုင်ငံရှိ ဒုက္ခသည်များ မှာလည်း ကယ်ဆယ်ရေးများ မရောက်နိုင်တဲ့ နေရာတွေမှာ စားစရာပြတ်လတ် ငတ်မွတ်နေကြတာမို့  ဒီိလို မြေကြီးတွေကို အချပ်ပြားလေးများ ဖြစ်အောင်လုပ်ပြီး ဘီစကွတ်မုန့်သဖွယ် အစားထိုး မှီဝဲနေကြရကြောင်း သတင်းထဲမှာ မြင်လိုက်ရပါတယ် ။ ဒါမျိုးကျတော့လည်း pica ရောဂါလို့  သတ်မှတ်လို့  မရပြန်ဘူးပေါ့ ။
မစားသင့်တာ စားခြင်း ရဲ့  အခေါ်အဝေါ်များ -
* ကစီဓါတ် အစားလွန်ခြင်း ( Amylophagia )
* မစင် အညစ်အကြေး စားသုံးခြင်း ( Coprophagia )
* မြေကြီး၊ ရွှံ့ ၊ ထုံးကျောက်၊ မြေဖြူခဲ ၊ မြေဖြူချောင်း chalk , စားခြင်း ( Geophagia )
* ဖန်စ ၊ မှန်စများ စားခြင်း ( Hyalophagia )
* ချွဲ သလိပ် စားသုံးခြင်း (Mucophagia )
* ကင်ညာ နိုင်ငံ ရှိ ကိုယ်ဝန်ဆောင်များ မှာ မြေအပျော့ တမျိုးကိုစား လေ့ရှိတယ် (Odowa ) လို့ခေါ်ပါတယ်
* ရေခဲတုံး အလွန်အကျွံစားခြင်း ( Pagophagia )
* ဆံပင် ၊ အမွှေး အမျှင် များကို စားခြင်း (Trichophagia )
* ဆီး အညစ်အကြေး စား သောက် ခြင်း ( Urophagia)
* သစ်သားစများကို စားသုံးခြင်း (Xylophagia )
* မိမိကိုယ်ခန္ဓာ အစိတ်အပိုင်း ကို ပြန်စားခြင်း (Self-cannibalism ) Lesch-Nyhan syndrome ခေါ် ရောဂါတမျိုး မှာ တွေ့ ရပါတယ် ။
* ဖီဂျီကျွန်းမှာ ရှိခဲ့ဖူးတဲ့ လူမျိုးစု တွေ မျိုးစုမတူသူများကို သတ်ဖြတ် စားသုံးခြင်း (anthropophagy ) ( ဇာတ်တူသား စားခြင်း လို့  ခေါ်ဆိုရမယ် ထင်ပါတယ် )
ကြားဖူးနားဝ ရှိအောင် တင်ပြပေးခြင်းမျှသာပါ ။
( ပြည်သူ့  ဘဏ္ဍာငွေများမတရား ဝါးမြိုခြင်း ။ မြေပေါ် မြေအောက် သယံဇာတ များ ဝါးမြိုခြင်း ။ စိန် ရွှေ ငွေ ကျောက်သံပတ္တမြား ၊သဘာဝဓါတ်ငွေ့ များ ၊ များအား မတရား ဝါးမြိုစားသောက်ခြင်း ။ ရှိရှိသမျှ စီးပွားရေးလုပ်ငန်းများ ၊ ပါမစ်များ ကို တဦးတည်း သိမ်းကျုံးဝါးမြိုခြင်း ၊ အစရှိသည်တို့၏ အခေါ်အဝေါ် တွေကိုတော့ ရှာလို့ မတွေ့ သေးပါဘူး ။ သိလျှင် ဖေါက်သည်ချ ဝေမျှပေးခဲ့  နိုင်ပါတယ် ။ လောလောဆယ်တော့ ဝိသမဖေးဂျီးယား - Withama- greed phagia လို့ ပဲ ကိုယ့်ဟာကိုယ် အမည်ပေးထား လိုက်ပါတယ်း) ။
[ ဖွားကိ ကို ကီရိပျံချီ ဘွဲ့ ကြီး ပေးလိုသူများ ရှိပါက အားနာစွာ နဲ့ လက်ခံပါမယ် :))...]
အဲ့ဒီလို မစားသင့်တဲ့ အရာတွေကို စားတတ်တဲ့  ရောဂါကို Pica Syndrome လို့ ခေါ်ပါတယ်။ စိတ်ရောဂါ (Physiological Disorder ) တမျိုးကြောင့် ဖြစ်ရတာပါ ။အဲ့ဒါတွေကို ကိုယ်ဝန်ဆောင် မိခင်များ နဲ့ အရွယ်မရောက်သေးတဲ့ ကလေးငယ်လေးတွေမှာ အများဆုံးတွေ့ ရပြီး သတ္တုဓါတ် တခုခု ချို့ တဲ့ လို့  ဖြစ်မယ် လို့  ထင်ရပါတယ် ။ သူ တို့ တွေမှာ သံဓါတ် ချို့ တဲ့သော သွေးအားနဲ မှု ၊ အဟာရဓါတ် ချို့ တဲ့ မှုများ ၊ အစာလမ်းကြောင်း ပိတ်ဆို့ မှု များ။မာကျောတဲ့ အရာတွေကို ကိုက်ဖြတ်စားသုံးမှုကြောင့် သွား နှင့် ခံတွင်း ၊အစာလမ်းကြောင်းများ မှာ ထိခိုက် ဒါဏ်ရာရမှုများ ကို တွေ့ရှိ့ ရ တတ်ပါတယ် ။ တချို့့ သူတွေဆို ခဲဓါတ် ( Lead ) ပါတာတွေ ကို ရေရှည်စားသုံးကြလို့  ခဲဆိပ်သင့် ပြီး ဦးနှောက်ကို ထိခိုက်စေတတ် ပါတယ်။ ဒါ့အပြင် အုလမ်းကြောင်းမှာ သံကောင်များ တွယ်ခြင်းတို့ လည်း ဖြစ်တတ်ပါတယ် ။
ကိုယ်ဝန်ဆောင် နေစဉ်မှာ ဒီလို မစားအပ်တဲ့ အရာတွေ စားသုံးခြင်းကြောင့် လည်း မိခင်လောင်းရော ၊ရင်သွေးငယ်မှာပါ အဟာရချို့ တဲ့ပြီး ကိုယ်ဝန်ပျက်ကျခြင်း ၊ ပေါင်မပြည့် လ မစေ့ပဲ စောမွေးခြင်း တို့  ဖြစ်တတ်ပါတယ်။
ဒါကတော့ ၂၀၀၄ ခု အောက်တိုဘာလ မှာ အမေရိကန် Philadelphia ပြည်နယ်ဆေးရုံတခုကိုရောက်လာတဲ့ ဗိုက်နာတဲ့  လူနာ တဦးထံမှ အရေးပေါ်ခွဲစိတ်ထုတ်ယူလိုက်ရတဲ့၊ ဆံပင်မွှေးများ ပြည့်နေတဲ့ အစာအိမ်ထဲမှ အလုံးတခုပါ၊ ၁၃၅၀ ဂရမ် အလေးချိန်ရှိ်ပါတယ် ။ ဒီအလုံး ပိုင်ရှင် Anna လို့ အမည်ရတဲ့  လူနာ မိန်းကလေး က အသက် ၁၆ နှစ် သာ ရှိပါသေးတယ် ။ အဲ့ဒီအချိန်ကျတော့မှ သူ့ မှာ စိတ်ရောဂါ ခံစားနေရကြောင်း သိရတော့တာပါ ။ Trichophagia ပေါ့လေ ။သူမဟာ ၃ နှစ်သမီးအရွယ်မှ စလို့  လူသူမရှိချိန် ည အချိန်များမှာ သူမရဲ့  ဆံပင်မွှေးများကို နှုတ်ယူလေ့ရှိခဲ့တယ် ၊ တဝက်မျှသော နှုတ်ပြီးသားဆံပင်တွေကို ဝါးစားလေ့ ရှိခဲ့တာကို ဘယ်သူမှ သတိမပြု မိပါဘူးတဲ့ ။ သူမရဲ့ ထိပ်မှာတဖြေးဖြေး ပြောင်လာတာကိုတော့ မိဘ သူငယ်ချင်းတွေက သတိထားမိပေမဲ့ အမှတ်တမဲ့ ပဲပေါ့ ။ အစာမကြေ ဝမ်းဖေါ ဝမ်းလျှောခြင်းများ တော့ မကြာခဏ ဖြစ်လေ့ရှိပေမဲ့ ဒီလို ရောဂါ ဆိုတာ မထင်မိကြပါဘူးတဲ့  ။ ဒီ လိုနဲ့ ၁၆ နှစ်အရွယ်ရောက်တော့ တနေ့ မှာ ဝမ်းဗိုက် အကြီးအကျယ် နာပြီး ဆေးရုံရောက်တော့ ဓါတ်မှန် ၊ အာလ်ထရာဆောင်း ၊ ကွန်ပြူတာ ဓါတ်မှန် ။ အစရှိတာ တွေ ရိုက်ကြည့်တော့မှ ဗိုက်ထဲမှာ အလုံးရှိကြောင်းသိရတော့တာပါ တဲ့ ။ ဒီလိုနဲ့ပဲ အရေးပေါ်ခွဲစိတ်လိုက်ရတာပါ ။ ဪ .. တလွဲ ဆံပင်ကောင်း သူတယောက် ပါပဲလား ။
ဒီနေရာမှ ရတဲ့ အကြောင်းအရာပါ။
ကုသခြင်း
စိတ်ကြောင့်ဖြစ်ရတဲ့ ရောဂါမျိုးဆိုတော့ စိတ်ကို ကုရမှာပါ ။ ဆေးအနေနဲ့ ကတော့ စိတ်ကျရောဂါကုဆေးအနေနဲ့ အသုံးပြုလေ့ ရှိတဲ့ -Selective serotonin reuptake inhibitors or serotonin-specific reuptake inhibitor (SSRIs)
အမျိုး အစားတွေကို သုံးရပါတယ်။
ပြီးတော့ စိတ် ကို စိတ် နဲ့ ပြုပြင်ယူရ မှာပါ ။ ပတ်ဝန်းကျင်မှာ ဤသို့  မစားသင့်သော အရာများ အလွယ်တကူ မရရှိနိုင်အောင်ပြုခြင်းဖြင့် ဒီ ရောဂါကုသရာမှာ အထောက်အကူဖြစ်စေပါတယ် ။ ဒါအပြင် သူတို့ ရဲ့  အရသာခံခြင်းအလေ့အကျင့်ကို တခြားသောအနံ့  အရသာ တွေနဲ့ အစားထိုးပေးခြင်းဖြင့်လည်း သက်သာရာ ရစေပါတယ် ။
စာလာ ဖတ်သူ ပရိသတ်ကြီးများ အစားအစာ ကို မှန်ကန်အောင် စားတတ်ကြပါစေ ။ ဝါးချင်သူများ ဝါးမယ် ဆိုလျှင်လည်း ကြာကြာဝါးမဲ့သွား အရိုးကြည့် ရှောင်ကြစေလိုပါတယ် ။
စားကြမယ် ကောင်းကောင်း ၊ ဝါးကြမယ် ကောင်းကောင်း ဆိုသူများလည်း ၊ တပါးသူများဝါးစားဖို့  အတွက်ပါ စဉ်းစား စာနာကြစေလိုပါတယ် ။
၂၀၁၀ မှာ အဟာရပြည့်ဝစွာ စားသုံးနိုင်ကြပါစေ ။
အချက်အလက် တွေကို ဒီနေရာ မှ ရယူပါတယ် ။
ကိုယ့်ပြည် ကိုယ့်ရွာက လှလှပပ မြင်ကွင်းများကို မလွမ်းပဲ ဘာလို့ များ အနိဌာရုံနီးပါး အော်ဂလီဆန် မြင်ကွင်းများကို ရွေးချယ် လွမ်းနေရတာလည်း ဆိုတာ ပြန်စဉ်းစားကြည့်မိတယ် ။ လွမ်းတာကို နာတာ နဲ့ဖြေရတယ် လို့ ကြားဖူးနားဝ ရှိတာမို့  နာစရာမြင်ကွင်းများကို ဆက်လက် ဖေါ်ပြချင်မိတယ် ။ ရင်နာတာရယ် စိတ်နာတာရယ် ဘယ်လိုခွဲခြား စိတ်ဖြာ ရမယ်မှန်း မသိလို့  ရောပြီး တင်ပြလိုက်ပါတယ် ။လွမ်းချင်သူများ၊ နာချင်သူများ ဆက်လက်ကြည့်ကြပါရန် ။
ရန်ကုန်မြို့ လည် အမှိုက်ပုံဝယ် ။ ဗဟိုတရားရေးရှေ့ နေ ရုံးချုပ်ကြီးနဲ့  မနီးမဝေး ။ ဘဏ်တိုက်ကြီး ရဲ့ ဘေး၊ လမ်းမတိုလေး တခု ၊( ဟိုဘက် ဒီဘက် ကားလမ်း မပေါက် ၊ကားဖြတ်ကူးလို့ မရ ။ ဒီကားတွေ ဒီနေရာ မှာ ဒီလိုရပ်ထားပြီး ဒီအလုပ်တွေ လုပ်ကြရတယ်။
နိုင်ငံတခုရဲ့  တိုးတက် ဖွံ့ ဖြိုးမှုကို ဘာနဲ့ တိုင်းတာ မလည်း ။ စီးပွားရေး ၊ ပညာရေး ၊ ကျန်းမာရေး ။ အစရှိတဲ့  အရေးတွေ က အဓိက ကျပါလိမ့်မယ် ။အဲဒီအချက်တွေ မပြေလည် မပြည့်စုံသ၍ ကျန်တဲ့ အခြေခံ အဆောက်အအုံ ဖြစ်တဲ့  လူမှုရေး ၊ ယဉ်ကျေးမှု ဆိုတာ တွေ ဘယ်လိုမှ တိုးတက် မြင့်မားမယ် မထင်မိပါ ။ တိုင်းသူပြည်သားတွေရဲ့  ဝင်ငွေ ၊ အနိမ့်ဆုံး ဝင်ငွေ ရရှိ စားသောက်နေကြရသူ ပြည်သားများ ရွာသားများရဲ့  ဘဝတွေ ဒီလို အခြေအနေထိ ဖြစ်နေကြရတယ် ။ အမှိုက်ထဲက ရွှေ ဆိုတာ သူတို့  လေးတွေ အတွက်များ ရည်ညွှန်းထားလေသလား ။
မယုံ မရှိနဲ့  ။ ဒါက ရန်ကုန်မြို့ လည်ခေါင် ။ အနော်ရထာ လမ်းမကြီး ပေါ်မှာ ။ လမ်း ၄၀ ထိပ်မှာ ။( အနော်ရထာ မင်းကြီး သာ၊ခုလို မြင်ကွင်းကို တွေ့ မိရင် ..ရင်ကျိုးမလား မသိ )။ မြူနီစီပယ်( ခုခေတ်တော့ စည်ပင်သာယာ ပေါ့) မှ လူတွေ အလုပ် မလုပ်ကြဘူး လို့  ဘယ်သူပြောမလည်း ။ လုပ်နေကြပါတယ် ။ မိုးလေးနဲနဲ ရွာတာနဲ့  ရွှေဂုံမြို့ လမ်းမကြီးတွေ ရေလျှံတယ် လို့ ပြောကြလွန်းလို့  ပိတ်နေတဲ့  ရေမြောင်းတွေကို လာပြီး ဖေါ်ပေးသွားခဲ့ကြပါတယ် ။ သူတို့ ဌာနက ရေမြောင်းဖေါ်ရုံပဲလေ။ဒီတော့ မြောင်းဖေါ်ပေးပြီးရင် တာဝန်ကျေပြီပေါ့ ။ လမ်းပလက်ဖေါင်းပေါ်က ကိစ္စ သူတို့ နဲ့ မဆိုင် ။ နောက်တမျိုး ဖြစ်နိုင်ပါသေးတယ် ။ မြေ ဆွေး မြေသြဇာ ရအောင်များစေတနာနဲ့ ပြုလုပ်ထားပေးလေသလား ။ ဝိုင်းဆုခိုင်သိမ်း ရဲ့ “ လမ်းမကြီးရဲ့ ဘေး ” သီချင်းလေး ကို သတိရလိုက်မိတယ် ။ အနီးအနားရှိ လဖက်ရည်ဆိုင်လေးများကတော့ အိနြေ္ဒမပျက် စည်ကားလျှက်ပါပဲ ။
ဒါလေးများ ။ ဒီခလုပ်ကန်သင်း နဲ့ အမှိုက် တွေ လောက်ကတော့ ရိုးနေပါပြီ ။ ခုန်ပျံကျော်လွှား အားကစား လ မို့ ချွေးလေးစို့မှ နေတတ်ကြတဲ့ ရွာသူရွာသားများ ။
ရုံးကိစ္စများကို စိတ်ရှည်လက်ရှည် စောင့်နေကြရတဲ့ တို့ ရွာသားများ ။ သည်းခံခြင်း ခန္တီပါရမီ အပြည့် အဝရှိနေကြပါပြီ ။ ဒီထက်မက အရေးကြီးလှတဲ့  အရေးတွေကိုတောင် နှစ်ပေါင်းများစွာ အောင့်အည်းစောင့်စား နေခဲ့ကြတာပဲလေ ။ အနေတတ်ရင် မြတ်ပါတယ် ။ ဖြေးဖြေးပေါ့ ။ ဆန္ဒတွေ မစောကြစေချင်ပါ ။
ရာစု နှစ် တစ်နှစ် ကို အံတုကျော်ဖြတ်လာခဲ့တဲ့  ဂန္ဓီရုံးကြီး ။ ဒုတိယထပ် ။ စာချုပ် ၊ စာရွက် စာတမ်း အမျိုးစုံကို တရားဝင် စာချုပ်အဖြစ် မှတ်ပုံတင်ပေးတဲ့  ဌာနကြီး တခု ။ ရှေးခေတ်အဆောက်အဦးမို့  ကျွန်းသစ် အစစ်တွေနဲ့ ဆောက်လုပ်ထားခဲ့တာမို့  ဒီလောက်ထိ တောင့်ခံ နေနိုင်တာ ။ လမ်းလျှောက်လိုက်ရင်တော့ ကြမ်းပြင်က သိမ့်သိမ့် ငြိမ့်ငြိမ့်လေး နဲ့  အရသာတမျိုးပေါ့ ။ ခေါင်မိုးကမလုံတော့ .... အင်း ဒီလိုလဲ ပြောလို့ မရသေးပါဘူး ။ အပေါ်ထပ်ရဲ့ကြမ်းခင်း( ဒီအထပ်ရဲ့ အမိုးက မလုံတော့ ) သဲတွေ ဖုန်တွေ အမှိုက်တွေက ဘယ်လောက်တောင်များ ကျနေသလည်း ဆိုတာ အခန်းထဲမှ ခေါင်မိုး နောက်တထပ်ကိုကြည့်တာ နဲ့ သိသာလှပေါ့ ။ မတတ်နိုင်ပါဘူး ။ရှေးဟောင်း အဆောက်အဦ ဆိုတော့ ပုံမပျက် ထိန်းသိမ်းကြရမယ် မဟုတ်ပါလား ။ ဒီလိုပဲ ကြည့်ကျက်လုပ်ကြရတယ် ။
မှတ်သားဘွယ်ရာ ဆောင်ပုဒ်များ
ဆောင်ရန် ရှောင်ရန် များ က ဒီလို ရှိပါတယ် ။ ပွဲစားရန်မှ ကင်းရှင်းရလေအောင် ဤစည်းကမ်းချက်များကို လိုက်နာကြရမယ် ဖြစ်ပါတယ် ။ အမှန်တကယ် အစဉ်အလာ အရ စာချုပ်တခု ကို တရားဝင် မှတ်ပုံတင်ရန် အချိန် ၂ ရက်မျှ ပေးရမည် ဖြစ်ပါတယ်။ အရေးတကြီး လိုအပ်သူများ အခါခါ မလာရောက်နိုင်သူများ ( ကြားပွဲစား နှင့်လုပ်ပါက အမြန်ဆုံး နေ့ တဝက် နဲ့ ကိစ္စပြီးပြတ်နိုင်ပါတယ် ။ ငွေ ၃ သောင်းလောက်ပဲ အပိုကုန်ပါလ်ိမ့်မယ် )း) ။
တရားဝင် သတ်မှတ်ထားတဲ့ စာချုပ်စာတန်း ၊တံဆိပ်ခေါင်း ။ အဖိုးအခတွေကတော့ ဒီအတိုင်း ၊ ဒီလောက်လေးပါပဲ ။(ဘယ်တော့ ဈေးလိုက်တက်မယ် မသိ .. မသာစရိတ်တွေ ၊ ဖုံးခေါ်ခတွေတောင် ဈေးတက်ပေးလိုက်ပြီ ဆိုတော့ )
(စာလုံးပေါင်းမှားနေတာ မျက်စိလျှင်လို့  တွေ့ လိုက်မိသေး..ကွားရှင်း စာချုပ် တဲ့း) ၊။အောက်နားမှ အိတ်ဖွင့်သေတမ်းစာချုပ်ဆိုတာ ကတော့ တန်ဘိုးငွေပါအောင် မရိုက်မိလိုက်ပါ ။ ဈေးတွေမတက်မှီ လုပ်စရာရှိတာ လုပ်ထားကြပါ ။ ခုလောလောဆယ် ၂၅ ကျပ် ၊ ၃၀ ကျပ်တို့  နဲ့  အလုပ်ဖြစ်သေးတယ် ၊ မှတ်ပုံတင်ခ ၄ကျပ် ထဲ ရယ် ။)
ဝန်ထမ်းတွေ စာရိတ္တပျက်နေကြတာ ဒါကြောင့် ပါ တဲ့ လေ။ “လပ်ပေးလပ်ယူ ဒို့ ရန်သူ” ပေါ့ ။ “ ပေးသူယူသူ လွန်ကြည်ဖြူ ”မှ အလုပ်တခု ပြီးမြောက် အောင်မြင်မှာပါ ။
“ဝန်ထမ်းကောင်းမှ နိူင်ငံကောင်းမည်” တဲ့ ။ ခေါင်းဆောင်ကောင်းဖို့  မလိုအပ်ဖူးလို့ များ ဆိုလိုချင်ပါသလား မသိပါ ။
တာဝန်ကိုယ်စီရှိကြပါသည် ။ ဆရာဘဲဥ တို့ လည်း အနားမယူနိုင်ကြရှာပါ ။ဆောင်းတွင်း နေပူပူအောက်မှာ တာဝန်ထမ်းဆောင်လျှက် ... မီးပွိုင့်တွေတိုင်း လိုလို မီးပျက်နေကြ၍ ပိုပြီး ပင်ပန်းကြရသည်လေ ။ဟိုအဝေးမှ ထရိတ်ဒါး ဟော်တယ်ကြီးကတော့ သူပိုင်တာမို့  ဘယ်သောခါမှ မီးမပျက်ပါ ။
ဆရာ ရဲ တို့ တတွေလည်း အတော်ပင်ပန်းကြပါသည် ။ အပ်တိုတချောင်းမျှ မရှိသူ ဣတ္တိယ တဦးအား စောင့်ရှောက်ပေးနေကြရ၍ အလွန် ပင်ပန်းနွမ်းနယ်နေကြရ ပြီဖြစ်ပါသည်။
စက်မှုနိုင်ငံတော်ကြီးဆီသို့ လှမ်းတက်မြန်းရန် အရင်းအနှီးများစွာ လိုပါသည် ။ ဤနေရာတွင် မြှုပ်နှံ နိုင်ပါသည်။
mad road ( Road Map) ကြီးအား ဤသို့ ရေးဆွဲ၍ ချီတက်ကြပါစို့  ။
မပြောမပြီး ပြောလည်းမပြီး ၊ ပြောပြန်တော့လည်း ပြောသူလွန်ရာကျပါတယ် ။ သိသာသိစေ မမြင်စေနဲ့ ဆိုတဲ့ အထဲမှာ ဒီလိုကိစ္စမျိ်ုးတွေလည်းပါ ပါလိမ့်မယ် ။ အားလုံး သိနေပြီးသား အရာတွေပါပဲ ။ မြင်ဖူးတဲ့သူတွေလည်းရှိကြမှာပါ ။ ဒါပေမဲ့ မမြင်ဖူးသေးတဲ့ သူများ ရှိကောင်းရှိပါလိမ့်မယ် ။ မြင်လိုက်ရလို့ ရော ဘာတွေ အကျိုးရှိသွားမလည်း လို့ ဆိုချင်သူများ ရှိပါလိမ့်မယ် ။ ဘာမှတော့ အကျိုး မရှိသွားပါဘုး ။ အပြစ်ပြောချင်စရာတွေ သာဖြစ်လာနိုင်ပါတယ် ။ ဘာလို့ လည်းဆိုတော့ ဒီတခါ လွမ်းရတဲ့  ပုံရိပ်တွေက ဘာတခုမှ မျက်စိပသာဒ ရှိစရာတွေ မဟုတ်လို့ ပါပဲ ။အမေကျော် ဒွေးတော်လွမ်း တာ မဟုတ်ရပါဘူး ၊ တကယ်ပါ ။ ကိုယ့်ပြည် ကိုယ့်ရွာမှာ ဒီလို မြင်ကွင်းတွေ တွေ့ နေရတာ စိတ်မကောင်းစရာပါ ။ ၂၁ ရာစု နှစ်ကြီးထဲမှာ ကမ္ဘာနဲ့ ရင်ဘောင် တန်း မလိုက်နိုင်တာ တောင်မှ နောက်မှာ သိပ်ပြတ်ပြီး ကျန်မနေသင့်တော့ ဘူး လို့  စဉ်းစားမိလို့  ၊ဒီမြင်ကွင်းလေးတွေကို အားမလို အားမရ နဲ့  ဖြစ်မိ ရတာပါ ။ နှစ်ပေါင်းများစွာ ကြာနေခဲ့တဲ့ အတိတ်က ပုံရိပ်များနဲ့  ယှဉ်ကြည့်ပြီး တိုးတက်မှု နဲ့ ဆုတ်ယုတ်မှုတွေ ကို ရေချိန်ထိုးပြီး ကြည့်လိုက်မိလို့  လွမ်းရတဲ့  ပုံရိပ်များ ကို ခုလက်ရှိ ပုံလေးများ နဲ့ တွေးမြင်ကြည့်လိုက်ကြရအောင် ...(ပုံရိပ်ဟောင်းတွေကတော့ စုဆောင်းထားတာ မရှိလို့  ၊ ကိုယ်သိထားခဲ့ တဲ့  ပုံရိပ်ဟောင်းတွေကိုပဲ တွေးကြည့်ကြစေလိုပါတယ် ).
ဆွေမျိုး နဲ့  မိတ်ဆွေ တချို့  မကျန်းမာကြလို့  ဒီတခါ ရွာအပြန်မှာ နေ့ တိုင်းလိုလို ဆေးရုံတွေ ဆေးခန်းတွေ ပဲ ရောက်ခဲ့တာ များတယ် ။
ရန်ကုန် ပြည်သူ့ ဆေးရုံကြီး။
ကျောင်းသားဘဝက နေ့ စဉ်ဝင်ထွက် ပညာ ဆည်းပူးခဲ့ ရတဲ့  နေရာ တခုထဲမှာ အရောက်ဖြစ်ဆုံး နေရာပေါ့ ။ သူကတော့ နှစ်တစ်ရာကျော်ခဲ့ပေမဲ့  ကျားကုတ်ကျားခဲ အသက်ဆက်နေရဆဲပါ ။ ဆေးကုန် ဆေးမစုံ နေကြတဲ့ ဆေးရုံတွေထဲ တခုအပါအဝင်ပေမဲ့  အသပြာ ခန်းနေကြတဲ့  ကျောမွဲတွေ အတွက် ကောက်ရိုးတမျှင်ပေါ့ ..ဒီနေရာက အကွက်ကောင်း နေရာကောင်းဆိုတော့ သူလည်း မျက်ခုန်းတလှုပ်လှုပ်ပဲတဲ့လေ ။ ပြည်သူ့ ဆေးရုံ ဆိုတဲ့  အမည်မှ “ပြည်” ဆိုတဲ့ စာလုံးတလုံး ဖြုတ်ခံရနီးနေပြီလား မသိ ။
ဦးနှောက်နှင့်အာရုံကြောဆိုင်ရာဆေးရုံကြီး။
ဒီခေတ်ကြီးမှာ ဦးနှောက်ဖေါက်စားကြသူများ နဲ့  ဖေါက်စားခံရသူများ အတော်လေးပိုများ လာကြလို့  ရွှေရွာကြီးက ဒီနေရာလေးဟာလည်း အတော် အရေးပါတယ် ။အဲ့ဒီက အထူးကုကြီးက အလွန်တော်တယ် ဆိုကြတယ် ။
အမျိ်ုးသားတီဘီရောဂါတိုက်ဖျက်ရေးဌာန ။ ရွှေပြည်သားများ အဖြစ်အများဆုံး ကူးစက် ရောဂါကြီးတခု ။ သေဆုံးမှုတွေလည်း ကြောက်ခမန်းလိလိပဲ ။ ခေတ်မှီဆေးဝါးတွေ ပေါ်ပေါက်နေပြီ ဖြစ်လို့  ကမ္ဘာ့ နိုင်ငံတော်တော်များများ မှာအောင်မြင်စွာကုသ ထိန်းသိမ်းစောင့်ရှောက်ပေးနိုင်ပြီ ဖြစ်ပေမဲ့ ...ရွှေနိုင်ငံတော်က တာဝန်ရှိသူများက အားထုတ် ကူညီသော်လည်း အားလုံးကို မစောင့်ရှောက်ပေးနိုင်သေး ။ တီဘီကုဆေးတွေက ဈေးကြီးလွန်းတာကြောင့် ထုတ်ပေးထားတဲ့  ဆေးများက မှောင်ခိုဈေးကွက်သို့  ရောက်ပြီး ဆီ ဆန် ဆား ဟင်းစားများအဖြစ် အသွင်ပြောင်းလိုက်ကြရတဲ့  ကျောမွဲများ ရောဂါပျောက်ချင်ကြပေမဲ့  လောလောဆယ် ဝမ်းစာက ပိုအရေးကြီးနေကြလို့ ဆေးမသောက်ဖြစ်ကြ ..ရောဂါ ပိုပွားကြ နဲ့  သံသရာ လည်နေဆဲ။
သွေးရောဂါ အထူးကုဌာန ၊ ဗဟို အထူးအရေပြားရောဂါ အထူးကု ဌာန ။
ဒီရောဂါများတွေလည်း များပါတယ် ။ လူနာတွေ များတယ် လို့ ဆိုချင်တာပါ ။ အဆောက်အဦးကိုကြည့်ပြီး အမြင်မသေးကြစေလိုပါ ။ အသက်ပေါင်းများစွာ ကယ်တင်ပေးနေတဲ့  နေရာတခု ပါပဲ ။ စေတနာ မှန်မှန်နဲ့  ကုသပေးနေကြတဲ့  ဆရာဝန်၊ ဆရာမ ၊ဆေးရုံဝန်ထမ်းတွေ ရှိနေကြဆဲပါ ။ အမြင်စုတ်ပေမဲ့  ရွှေထုပ်တဲ့  မြပုဝါ ထဲမှာ သူလဲ ရွှေတွေ ထုပ်ပေးနေလျှက်ပါ ။ တခြားရွှေထုတ်စားကြသူများကတော့ ဒီလိုနေရာမျိုး ကြာကြာ နေနိုင်မယ် မထင်ပါ ။
ဆရာမလေးတွေ အမှန်တကယ် အလုပ်လုပ်နေကြတယ် ။ 
ဆရာဝန်မမကြီးတွေလည်း ကိုယ့်တာဝန်ကိုယ်ထမ်းဆောင်နေကြတယ် ။
ဆရာဝန်မမက မှန်ကန်တဲ့  ကုသမှု order ပေး ၊ ဆရာမ ညီမလေးက တသွေမတိမ်း လုပ်ကြပေါ့။ တဦးကောင်း တယောက်ကောင်းရုံနဲ့ လုပ်ငန်းတခု မပြီးမြောက် မအောင်မြင်နိုင်ပါ ။ စနစ်တကျ ပူးပေါင်း လုပ်ဆောင် ကြရမှာပါ ။ ငါတော်တယ် ငါတတ်တယ် ဆိုပြီး လူနာကုလို့ မရ ။ သူ့ နေရာ နဲ့ သူ တော်ကြသူတွေကြီး ပါပဲ ။
(မှတ်မိပါသေးတယ် .. ကိုယ်ဟောက်ဆာဂျင်ဘဝက သွေးသွင်းဖို့  အပ်တုတ်တုတ်ကြီးနဲ့  ဦးဆုံးထိုးပေးရမဲ့ လူနာ ရှေ့ မှာ လက်တွေ တုန်လို့  အတွေ့ အကြုံအများကြီးရင့် တဲ့  ထမိန်ပြာနဲ့  ဘလူးစတပ်ဖ်ကြီး ဒေါ်သန်းမြင့် ဆီ မျက်နှာငယ်နဲ့  အကူအညီတောင်းရသေးတယ် ။ ဘဝတသက်မှာ ပထမဦးဆုံး IV ထိုးတဲ့ အတွေ့ အကြုံ ကို အဲ့ဒီ ဆရာမကြီး ဆီက သင်ယူခဲ့ရပါတယ် ။ ခွဲစိတ် အဆောင် ၁၇-၁၈ မှ ဆရာမကြီးကို ခုထိ ကျေးဇူးတင်နေဆဲပါ ။ ခုတော့ သူလည်း စစ်စတာကြီးဘဝ နဲ့  အငြိမ်းစားယူသွားပါပြီ ။ ကြာတောင်ကြာခဲ့ ပြီပဲလေ )
ဒါကတော့ဗဟိုသွေးလှူဘဏ်ကြီးပါ ။ ဆယ်တန်းအောင် တဲ့နှစ်ရယ် ၊ ဒုတိယနှစ်ဖြေအပြီးရယ် မှာ လုပ်အားသွားပေးခဲ့ဖူးပါတယ် ။အဲ့ ဒီ အချိန်တုံးက ပျော်စရာ တခု က သွေးလာလှူတဲ့ သူတွေကို သွေးပေါင်ချိန်ပေး၊ ကိုယ်အလေးချိန်ပေး ၊သွေးကူဖေါက်ပေး နဲ့  ပြီးတော့ နေ့ ခင်းနေ့ လည် မောရင်၊ သွေးလှူ တဲ့သူတွေ နဲရင် အပေါ်ထပ် အခန်းထဲမှာ သွေးလှူရှင်တွေကို ကျွေးတဲ့ နို့ နဲ့  ကြက်ဥ တခါတလေ ဘီစကစ်မုန့် တွေ သွားပြီး တောင်းစားခဲ့ ကြ တာတွေပါ ။ ကရင် ဆရာမကြီး နဲ့ ဆရာမလေးတွေကလည်း သဘောကောင်းကြတယ် ။
သင့်သွေးဖြင့် အသက်ကယ်ပါ ။
သွေးတစက် အသက်တချောင်း ။ တန်ဘိုးဖြတ်မရနိုင်တဲ့  သွေးတစက်ပါ ။ ဒီတော့ ဒီသွေးတွေကို တန်ဘိုးမဖြတ်ပါဘူး။နိုင်ငံတော်ကြီးမှ ပြည်သားများကို အခမဲ့  ပေးဝေကုသ အသက်ဆက်ပေးနေပါတယ် ။ ဒါပေမဲ့  သွေးပဲ ရှိပြီး သွေးအိတ်မရှိလို့  မရပါဘူး ။ ဒါကြောင့် ထူးဆန်းထွေလာ ရွှေပြည်ရွာမှာ သွေးအိတ်က သွေးထက် ပိုပြီး အဖိုးတန် နေပါပြီ ။ သွေးဘိုး ပေးရန် ( လုံးဝ ) မလိုပါ ။ သွေးအိတ်ဘိုး ပေးရန် သာလိုအပ်ပါတယ် ။ သွေးအိတ် ၂ အိတ် တသောင်းခွဲထဲ ပါတဲ့  ။ အဲ့ဒီထဲမှာ ဘီပိုး စီပိုး နဲ့ ဟိုပိုး တွေ ပါ၊ မပါ စစ်ပေးတဲ့  စရိတ်စက ပါပြီးသားပါ ။ သွေးအိတ်ဘိုး ထက်စာရင် အသက်တချောင်း က ပိုပြီး အဖိုး တန်ပါတယ် ။ ဒါကြောင့် သွေးအိတ်ဘိုးကို အသက်ရှိသူ လူနာတိုင်း က ကြည်ဖြူစွာပဲ ပေးကြပါတယ် ။း(
သွေးလှူ ဘဏ်မှ သွေးကို အဆင့်ဆင့် ထုတ်ယူ ၊ သွေးအမျိုးအစား မှန် မမှန် စစ်ဆေး ၊ ဆရာဝန် နဲ့  ဆရာမတို့ လက်မှတ်ထိုး ၊ စာရင်းသွင်း ပြီးရင် သွေးသွင်းဖို့  ဒီလို အရင် ပြင်ဆင်ကြတယ် ။ လက်အိပ် ကို လူနာ မှ ဝယ်ပေးရတယ် ။ ကျန်တာတွေ ပလပ်စတာ ၊ အရက်ပျံနဲ့  ဂွမ်းက အစပေါ့ ။း) ။ စရိတ်မျှပေး ကျန်းမာရေးလို့  ဆိုပေသကိုး ။
မှတ်သားဘွယ်ရာ ဆောင်ပုဒ်များ ..။
ဒါက ကျန်းမာရေးဌာနကြီးရဲ့ ရည်မှန်းချက် နဲ့ အကောင်အထည် ဖေါ်ဆောင်နည်းများ ။ အလွန် ကောင်းပါ၏ ။ ဖြစ်တာ မဖြစ်တာတော့ ကိုယ့်ထိုက်နဲ့  ကိုယ့်ကံပေါ့ လေ ။ ရည်မှန်းချက် ကြီးကြီး ကို အကောင်အထည် ဖေါ်နေတာ ဘယ်လောက် အချိန်တွေ ကြာနေပြီလဲ ။ဆိုင်းဘုတ်ကြီးတောင် အရောင်မှိန် ကွဲပြဲ နေပြီပဲ လေ ။အောင်မြင်ဖို့ တော့ မနေ့ ကထက်စာရင် တရက် ပိုနီးလာပြီ လို့  သဘောထား မိပါတယ် ။ တနေ့ နေ့ တော့ ဖြစ်လာရမည်မှာ မလွဲပါ ။
သူ့ သဘောထား နဲ့  တို့ တာဝန် ။
ဒီ သင်တန်းကျောင်း နေရာ လေးက အရင်တုံးက ဆရာမတွေ အဆောင် ။ ပြီးကာစကတော့ အတော်လေးသစ်လွင်ပါတယ် ။ ဖရက်ရှာ နပ့်စ် လေးတွေ နေကြတယ်။ သူနဲ့  ဘေးချင်းကပ်ရက် မှာ အဆောင်ဟောင်းတခု ။ နဲနဲ ပိုကြီး (ရင့်) တဲ့  နပ်စ့် တွေ နေကြတယ် ။ ဒီတော့ ဒီအဆောင်တွေကို နာမည် အလှလေးတွေ ပေးထားကြတာ ပုလဲကျွန်း နဲ့  ဟိုင်းကြီးကျွန်း .. တဲ့  ။ စည်းကမ်းကတော့ အတော်လေးကြီးခဲ့ ကြပါတယ် ။ အဆောင်မှူးအဖြစ်နဲ့  ဟိုင်းကြီးကျွန်းသူ တွေက အုပ်ချုပ်တယ်ပေါ့ ။ ညနေ ဧည့်သည်ချိန်ဆို စည်ကားပါတယ် ။ည အချိန်တော့ ဒီဝင်းဘေးမှ သိပ်ဖြတ်မလျှောက်ရဲကြဘူး။ ( ည ည ဆို ဆေးရုံ အလုပ်သမား အိနြ္ဒိယလူမျိုး တွေ က အရက်မူးမူးနဲ့  လူသေတင်ထားတဲ့ ထော်လီလေး တဂျိန်းဂျိန်းတွန်းပြီး သီချင်း တကြော်ကြော် ဆိုပြီး အလောင်းပို့ လေ့ရှိကြတယ် ) ။ နာမည်ကျော် မော်ကျူရီ ကြီး ရှိတယ်လေ ။သူရဲခြောက်တယ် တဲ့  ။ နာမည်ကြီး အသုဘရှိတဲ့  နေ့ တွေ ဆို ကားတွေ တန်းစီလို့  ။ လူတွေ ကြပ်လို့  ပေါ့ ။ အဲဒီ နေရာ ခုတော့ သင်တန်းကျောင်း ဖြစ်နေပြီ ။
စည်းကမ်းချက်များ ၊ မေတ္တာရပ်ခံချက် ။
စည်းကမ်းသည် လူ၏တန်ဘိုး ။ စည်းကမ်းလိုက်နာ ဘေးကင်းကွာ တဲ့  ။
ဒီတော့ လူနာများ ၊ ဧည့်သည်များ ၊ ဆေးကိုယ်စားလှယ်များ အားလုံး စည်းကမ်းရှိကြရပါမယ် ။
ဒါကတော့ ပြည်သူ့ ဆေးရုံ မဟုတ် တဲ့  သူ့ ဆေးရုံတွေ ထဲမှ တခုပါ ။ (ကွာခြားပုံများ ကတော့ ဈေးပိုကြီး၏ ဆိုတာ ပြောဖို့  လိုမယ် မထင်ပါ )
နား ..နား ပြီး ပြောပါမယ် ၊ ဒီနေ့ တော့ ဒီလောက်ပဲ ။( ပုံတွေ ထဲမှ စာလုံးများ သေချာစွာ မြင်လိုက ပုံကို ကလစ်လုပ်ကြည့်ပါလို့  ပြောနေစရာတောင် မလိုဘူး ထင်ပါတယ် ... အားလုံး သိပြီးသားတွေ ပဲလေ ..း))
ခုတလော အကြောင်း ကြောင်းတွေကြောင့် စာရေးဖို့ စိတ် သိပ်မရှိတဲ့အတွက် ပို့ စ်အသစ်လည်း မတင်နိုင်ပါ ။ အစတည်းက ယဉ်သကို လို့ဆိုရမဲ့ ၂၀၁၀ ခုနှစ် ရဲ့  နှစ်ဦးပိုင်းမှာ စိတ်မရွှင်စရာတွေနဲ့ နှုတ်မဆက်ချင်တာမို့  ရွာအပြန် အလွမ်းပုံရိပ် ကလေးများကို ပဲ အမှတ်တရ ရေးလိုက်မိပါတယ် ။ ရွာမှာ နေခဲ့ရတဲ့  တပါတ်ဆိုတဲ့ အချိန်တိုတိုလေးမှာ အပျော်ခရီး သက်သက် မဟုတ်ခဲ့တာကြောင့်  ပျော်စရာ အကြောင်းများနဲ့ သိပ်မသက်ဆိုင်လှတဲ့ အကြောင်းအရာတွေသာ ပိုများနေပါလိမ့်မယ် ။ နားလည်ပေးကြ စေလိုပါတယ် ။
အမိမြေကြီးပေါ်ရောက်ရောက်ချင်း ခရီးဦးကြိုပြုနေကြတဲ့ လေယာဉ်ပျံကြီးများ တန်းစီ စောင့်ဆိုင်းနေကြလေရဲ့  ။ဆရာ မြစ်ကျိုးအင်း ရဲ့  ဘလော့ဂါ အငြိမ့်ထဲက တေးသွားလေး ပြန်ငြီးမိလိုက်တယ် ။ ဒါတို့ ပြေ ဒါတို့ မြေ တို့ မပိုင်တဲ့ လေ..(ပျံ ) ။ ဒီလေယာဉ်ကြီးတွေ ဘယ်သူပိုင်သလည်း ဆိုတာ ၊ အားလုံးသိကြမယ် ။ ဒါကြောင့် ထင်ပါရဲ့  ၂၀၁၀ လွတ်လပ်ရေးနေ့ မှာ တိုင်းပြည်ဂုဏ်ဆောင် သီရိပျံချီဘွဲ့ ကြီး ချီးမြှင့်ခြင်းခံ ခဲ့ရသူ တယောက်ဖြစ်လာတယ် ။(မမသီရိ သတိထားနေပါ .. ပြန်လာရင် အချီခံနေရမှာစိုးပါတယ် ) ။ဒီ စွမ်းဆောင်မှု ဆိုင်ရာ ဂုဏ်ထူးဘွဲ့ ကြီးအကြောင်း သိချင်ရင် ဒီမှာ ဆက်ကြည့် လို့ ရပါတယ်
တခုသော အာရုံတက်မှာ ဒီလို ဆွမ်းလောင်းကြသူများ နှင့်အတူ လှူခဲ့ရတဲ့ ကုသိုလ်လေးအတွက် ချမ်းမြေ့  ပျော်ရွှင်မိခဲ့ရတယ် ။ မမြင်ရတာ အတော်ကြာလှပြီဖြစ်တဲ့ ဒီမြင်ကွင်းလေးမှာ ရင်ထဲ စွဲစေမိပါတယ် ။အေးချမ်းသာယာလှတဲ့  ဒီဇင်ဘာနံနက်ခင်းတခုပဲပေါ့ ။
ဒီဇင်ဘာနံနက်ခင်း နေမထွက်မီ ကန်ဘောင်ပေါ်မှာ ကျန်းမာရေးအတွက် ကိုယ်လက်လှုပ်ရှားအားကစားသူများ ရှိကြတယ် ။ ဟို ခပ်လှမ်းလှမ်းမှာတော့ ဆရာ ဘဲဥ တယောက် မလှုပ်ရှားနိုင် ငုတ်တုတ်ထိုင်လို့ ပေါ့။စောစောစီးစီးဆိုတော့ ခမျာမှာ လဖက်ရည် မသောက်ရရှာသေး တဲ့ အတွက် ထိုင်မှိုင်နေတာတော့ ဟုတ်ဟန် မတူပါ ။ ရွှေပြည်ရွာ အမှတ်တံဆိပ် ကြွတ်ကြွတ် အိတ်များ ကလည်း နေရာအနှံ့  ပျံ့ ကျဲ လို့ ရယ် ။ ပတ်ဝန်းကျင် ထိန်းသိမ်းမှု က သူတို့ နဲ့ လားလားမျှမဆိုင် သလိုများ သဘောထားနေကြတာလား ရွှေရွာသားများရယ် ။
ဆောင်းတွင်းရဲ့  နေလုံးပူပူကြီး မထွက်မှီ မြင်ရတဲ့ အင်းယားအလှ ။ ဟိုးအဝေးမှာ မှုံပျပျ နဲ့  ရွှေတိဂုံစေတီတော်ကြီး ကို လှမ်းမျှော် ပူဇော်ခဲ့ရတာ လည်း ကြည်နူးစရာ ပါပဲ ။ ချွေးထွက်များမှ သွေးထွက်နည်းအောင် လျှောက်ရ ပြေးရ ဝိတ်လည်းမကျ နဲ့  ၊ စိတ်ဓါတ်သာ ကျ သွားခဲ့တယ် ။ အားကစားလုပ်တယ် ဆိုရာဝယ် နဲနဲ လှုပ်ပြီး များများတုတ်တော့ ဝိတ်မကျတာ မလွန်ပါဘူး ထင်ပါတယ် ။
ရွှေတိဂုံစေတီတော်ကြီးကိုလည်း မနက်စောစော ဖူးခဲ့ ရတယ် ။ အဝေးက မှုံပျပျ ရခြင်း အကြောင်းရင်းက စေတီတော်ကြီးရဲ့  ခြေရင်း အောက်အရစ်မှာ ငြမ်းတွေဆင်ပြီး ရွှေသားအတိပြီးတဲ့  ရွှေပြားအချပ်များကို ပြန်လည် ပြုပြင်ရေး လုပ်နေတာကြောင့် ဖြစ်ပါမယ် ၊( ဘုရားပြီး ငြမ်းဖျက်ဆိုတော့ ငြမ်းမဖျက်တာကြာတဲ့ အကြောင်းကို တွေးယူနိုင်ပါတယ် )
ကမ္ဘာတလွှားမှာ မြန်မာပြည်မှာသာ တွေ့ မြင်ရမဲ့  ကြည်နူးဘွယ်ရာ မြင်ကွင်းလေး တခုပါ ။ စေတီတော်ကြီးသန့် ရှင်းရေးအတွက် အသင်းအဖွဲ့ အလိုက် တံမျက်လှည်းပြီး ကုသိုလ်ယူ နေကြသူများ အား လေးစားမိပါတယ် ။ သာဓုခေါ်မိပါတယ် ။ရွှေတွေ ငွေတွေ ပုံအောပြီးလှူမှ ကုသိုလ်ရတာ မဟုတ်ပါဘူး ။ စိတ်အားထက်သန် လုပ်အားအမှန်နဲ့  ဖြူဖြူစင်စင် လုပ်အားအလှူ ကလည်း စိတ်ထားတတ်ရင် မြတ်ပါတယ် ။ ဒီလို တက်ညီလက်ညီနဲ့  လှည်းကျင်း လိုက် ကြတော့ အမှိုက်တွေ တခဏအတွင်းရှင်းလင်းနိုင်ပါလားလို့  တွေးမိလိုက်တယ် ။ အင်းလေ .. အမှိုက်တွေ ..အမှိုက်တွေ က ရှင်းတဲ့ သူတွေထက်များနေကြတော့လည်း ...ခက်တာပါပဲ ။
ကြံ့  နဲ့ ဖွတ် တွေ လည်း ၊ ဒီင်္လို မျိုး လုပ်ပေးကြရင် ရွာသားများ ကျေးဇူးတင်ကြမစိုးလို့  မလုပ်ကြတာ ဖြစ်ပါမယ် ။ဒါပေမဲ့ ခုဆို ၂၀၁၀ အတွက် ၊ တစ်လကို ငွေ ကျပ်တစ်ရာ နှုန်းနဲ့ ပဲ ပြန်ဆပ်ရမဲ့  သိန်း ၇၀ တန် ၊ တန်ဘိုးနည်းအိမ်ယာ စီမံကိန်း နဲ့ ရွှေရွာသားတွေ နေဖို့  ခါတော်မှီ အိမ်ယာတွေ ဆောက်ပေးနေကြတယ် လို့ လည်းသိရတယ် ။ ခုချက်ချင်း အလုံးအရင်းလိုက် ပေးချေစရာ မလိုပဲ နောင်နှစ်ပေါင်းများစွာ .. နှစ်ပေါင်း ၆၀၀မျှ ကြာ တဲ့အထိ ဖြေးဖြေးချင်း ပြန်ဆပ်ရမှာ ဆိုတော့ ရွာသားတွေ ပျော်ကြမယ် ထင်ပါရဲ့ ။း) ။ ဖွားကိ ဂဏန်းသချာင်္မှာ အလွန်ညံ့ ပါတယ် ။ ဒါကြောင့် ကူညီပြီးတွက်ပေးကြပါအုံး ။ ဘယ်နှစ် နှစ်ကြာမှ အရစ်ကျ ဆပ်တဲ့ အကြွေးကျေနိုင် မလည်း ဆိုတာ ပါ ။ လူတယောက်ရဲ့  သက်တမ်းဟာ ဘယ်လောက်ကြာကြာရှိမှာမို့ လည်း လို့ တောင် မစဉ်းစားရဲလောက်အောင်ပါပဲ ။ ဘိုးသက်ရှည် ဘွားသက်ရှည် တို့ နေကြတဲ့  ရွှေတိုင်းပြည်မို့  ၆၅ နှစ်တို့ ၊ ၁၀၄ နှစ်တို့  ချ ကြတာလည်း မထူးခြားတော့ဘူးလို့  တွေးယူလိုက်ပါတယ် ။
ဪ .. ဘုရားဖူးရင်းနဲ့ လည်း ဒီအတွေးဂယက်က ရိုက်ခတ်နေရသေးတယ် ။ မောဟ တွေ မောဟတွေ ပဲလို့ အတွေးစကို အမြန်ဖြတ် လိုက်ရပါတယ် ။ နောက်မှပဲ ....
လူ့ ဘောင်လောက အသင်းအဖွဲ့ တွေ မပြောနဲ့ ၊ သတ္တဝါတွေ မှာတောင်မှ အအုံအဖွဲ့  နဲ့ နေကြသူတွေမှာ ခေါင်းဆောင်ဆိုတာ ရှိရတယ် ။ နောက်လိုက်တွေကလည်း စည်းကမ်းတကျ နဲ့ စည်းလုံးကြရင် အလုပ်တခု ဟာ လျှင်မြန်စွာ အောင်မြင်မယ်၊ ပြီးဆုံးမယ် ။ ပျားအဖွဲ့  ပျားအုံ မှာ ပျားဘုရင်မကြီး ရှိပြီး ပျားလုပ်သားတွေ အားကြိုးမာန်တက် အလုပ်လုပ်ကြတယ်၊ တပင်မှ တပင် လူးလာဆန်ခတ် ကူးခပ်ပျံသန်းရင်း ဝတ်ရည် စုဆောင်းကြတယ် ။ပျားအုံ ထဲမှာ သိုမှီးထားကြတယ် ။ ပုရွက်ဆိတ် အဖွဲ့ လည်း အတူတူပါပဲ ၊ပုရွက်ဆိတ် အကြီးအကဲ နဲ့  ရှေ့ ပြေးအဖွဲ့ တွေ ၊ ဆက်သွယ်ရေး အဖွဲ့ တွေ နဲ့  အစာရှိရာ ကို ရှာတွေ့ တယ် ။ သူတို့ ခန္ဓာကိုယ်ထက် အဆပေါင်း များစွာ ကြီးမား လှတဲ့  အစာတွေကို ခရီးဝေးဆီ သယ်ဆောင်ယူနိုင်တယ် ။ အစာ ဖူလုံအောင် သိုလှောင်ထားနိုင်ကြတယ် ။ ဒီလိုဆိုတော့ သူ တို့ ထက် ညာဏ်ရည် ထွန်းကားတဲ့  လူတွေ မှာ ၊ ဒီထက် ပိုတိုးတက်ကောင်းမွန်တဲ့  လူ့  အဖွဲ့  အစည်းတခု ၊နိုင်ငံ တခု ဖြစ်ဖို့  အရည်အချင်းရှိတဲ့ ၊ စေတနာ မှန်ကန်တဲ့၊ ရဲရင့်တဲ့ ခေါင်းဆောင်ကောင်းနဲ့  စည်းကမ်းရှိတဲ့၊ ညီညာတဲ့၊ သတ္တိရှိတဲ့ နောက်လိုက် တွေ ရှိဖို့  ပိုပြီး လိုတယ် ဆိုရင် မှားမယ် မထင်ပါ ။
လင်းယုန်ဌက်ဟာ သူ့ရဲ့မျိုးရင်းထဲက စွန်ဌက်၊ သိမ်းဌက်စတဲ့ ဌက်မျိုးတွေထဲမှာ အသက်အရှည်ဆုံး နေထိုင် ရှင်သန်နိုင်တဲ့ သတ္တ၀ါ ဖြစ်ပြီး အနှစ် ၇၀ အထိ အသက်ရှည် နေနိုင်တယ်။ဒါပေမဲ့ သည်လို အသက်ရှည်ရှည်နေနိုင်ဖို့ လင်းယုန်ဌက်ဟာ အလွန်ခက်ခဲတဲ့ ဆုံးဖြတ်ချက်တစ်ရပ်ကို မဖြစ်မနေ ချမှတ်ရပါတယ်။
သူ့အသက်အနှစ် ၄၀ ကို ရောက်တဲ့အခါ သူ့ရဲ့အသက်အရွယ်အလိုက် ရှည်လျှားပျော့ပျောင်းလာတဲ့ ခြေသည်း ကောက်ကောက်တွေဟာ သူ့ရဲ့အစာဖြစ်တဲ့ သားကောင်တွေကို မဖမ်းနိုင်တော့ပါဘူး။ သူ့ရဲ့တချိန်က ရှည်လျား ချွန်ထက်ခဲ့တဲ့ နှုတ်သီးတွေဟာလည်း ခုတော့ သားကောင်ကို မစားနိုင်လောက်အောင် ကွေးညွတ်လာခဲ့တယ်။
သူ့ရဲ့ အိုမင်းလာတဲ့ အသက်အရွယ်အလိုက် တောင်ပံတစ်စုံပေါ်က ဌက်မွေးတွေဟာလည်း ပိုမိုထူထပ်လာတဲ့အတွက် လေးလံလာပြီး တောင်ပံအစုံကို မဖြန့်ကားနိုင်တော့ဘဲ ရင်အုပ်မှာကပ်နေရတယ် ။
ဒါကြောင့်အရင်လို ပျံသန်းနိုင်ဖို့တော်တော်ကိုခက်ခဲလာနေပါပြီ။ဒီအချိန်မှာ သူ့အတွက် ရွေးချယ်စရာ နှစ်လမ်းသာ ရှိပါတော့တယ်။ ပထမ တစ်လမ်းက အသေခံမလား ၊။ ဒါမှမဟုတ် ရက်ပေါင်း ၁၅၀ ကြာမဲ့ နာကျင်မှုတွေနဲ့ ပြည့်နှက်နေမဲ့ ပြောင်းလဲခြင်းဖြစ်စဉ်ထဲကို ၀င်ရောက်ဖြတ်သန်းမလား ဆိုတာပါပဲ။
သည်ပြောင်းလဲခြင်း ဖြစ်စဉ်မှာ လင်းယုန်ဟာ တောင်ထိပ်ကိုရောက်အောင်ပျံသန်းပြီး တောင်ထိပ်က သူရဲ့အသိုက်ထဲမှာ နေထိုင် နေဖို့လိုပါတယ်။ ပြီးတော့ သူနှုတ်သီး ပြုတ်ထွက်သွားတဲ့အထိ ကျောက်တုံးကို နှုတ်သီးနဲ့ခေါက်နေဖို့ လိုပါတယ်။ နှုတ်သီးအဟောင်း ပြုတ်ထွက်သွားပြီးတဲ့နောက် နှုတ်သီး သစ် ပြန်ပေါက်တဲ့အထိ လင်းယုန်ဟာ သူ့ရဲ့အသိုက်ထဲမှာ နေရပါတယ်။
နှုတ်သီးအသစ် ပေါက်လာတဲ့အခါမှာ လင်းယုန်ဟာ သူ့ရဲ့ခြေသည်းဟောင်း တွေကို သူ့နှုတ်သီးသစ်နဲ့ဖြုတ်ထုတ် ရပါတယ်။ ခြေသည်းသစ်တွေ ပြန်ပေါက်လာ တဲ့အခါမှာ သူ့တောင်ပံတစ်စုံပေါ်က ငှက်မွေးတွေကို သူ့နှုတ်သီး သစ် နဲ့ ဆွဲနှုတ် ပစ်ရပါတယ်။
သည်လိုနဲ့ငါးလကြာတဲ့အခါမှာ လင်းယုန်ဟာ သူရဲ့ကျော်ကြားလှတဲ့ ပြန်လည်မွေးဖွားခြင်း ပြီးနောက် ပျံသန်းခြင်း ကိုစတင်ပါတော့တယ်။ဒီလိုမှသာ နောက်ထပ် နှစ်၃၀ ဆက်၍ အသက်ရှည်နိုင် မှာဖြစ်တယ်။
ဘာကြောင့်ပြောင်းလဲခြင်းကို လိုအပ်ကြသလဲ။
အသက်ရှင် ရပ်တည်နိုင်ဖို့အတွက် ရုန်းကန်ကြရတဲ့နေရာမှာ လူသားတွေဟာ သည်လို ပြောင်းလဲခြင်း ဖြစ်စဉ်တွေကို အကြိမ် များစွာ တွေ့ ကြုံ ဖြတ်သန်းကြရပါတယ်။ တခါတရံ..လိုအပ်လာတဲ့အခါမှာ အကျင့် အဟောင်းတွေ နဲ့ထုံးတမ်းစဉ်လာ အဟောင်းတွေကို ပြောင်းလဲ ဖယ်ရှားပစ်ဖို့လိုပါတယ် ။ဟောင်းနွမ်းပြီး အကျိုးမရှိတဲ့ အတိတ်ရဲ့ ၀န်ထုတ်ဝန်ပိုးတွေကို ဖယ်ရှား လွတ်မြောက် နိုင်မှသာ ပစ္စုပ္ပန်ရဲ့ ကောင်းမွန်တဲ့ အသီးအပွင့်တွေကို ခံစားနိုင်မှာ ဖြစ်ပါတယ်။
Birth of the Eagle
ဒီတော့ အရေးကြီးတဲ့ အချိန် ရောက်လာတဲ့ အခါ ဘာမှ ကြိုးပမ်းအားထုတ်ခြင်း မပြုပဲ ဒီအတိုင်း အသေခံ မလား ?၊
အသက်ရှင် ရပ်တည်နိုင်မှု အတွက်ခဏတာ နာကျင်မှု အချိန်ပိုင်းကို သည်းခံ ကျော်ဖြတ်ကြမလား? ။
သင်တို့ တတွေရော လင်းယုန် ငှက်တစ်ကောင်လို ရဲရင့်နိုင်ကြ မလား ?
လင်းယုန်ငှက်ရဲ့  အသက်ရှင်သန်မှု ဘဝ အကြောင်း ကို ဒီနေရာမှ ရယူပါတယ် ။
နာကျင်မှုတွေ ပြည့်နှက် နေခဲ့တဲ့ နှစ်ပေါင်း လေးဆယ်ကျော်ကို တောင် ဖြတ်သန်းလာခဲ့ရပြီးပြီပဲ ။ နောက်မျိုးဆက်သစ်တွေ အတွက် နောင် လာမဲ့ နှစ်ပေါင်း လေးဆယ် တွေ ဘယ်နှစ်ပြန်လောက် နာကျင် နေရအုံးမှာလည်း ။ ဒီအတွက် ခု အချိန်မှာ မှန်ကန်တဲ့ စစ်မှန်တဲ့ ၊ ထူးချွန်တဲ့ ခေါင်းဆောင် ကောင်းရဲ့  ဦးဆောင်မှု နဲ့  ကိုယ်တို့ တတွေဟာ ဒီလို ရက် ၁၅၀ ကြာ နာကျင်မှု အသေးအဖွဲလေးတွေ ကို ဘာကြောင့် မပေးဆပ် နိုင်ရမှာလည်း ။ ရဲရင့် နိုင်ကြရမယ် မဟုတ်လား ။
ကိုယ့်ဘဝ အတွက် ၊ ကိုယ့် မျိုးဆက်သစ်များ အတွက် မှန်ကန်တဲ့ အမြင်နဲ့  ဆုံးဖြတ်ချက်များ ချမှတ် ပြီး သင့်တော်ကောင်းမွန်တဲ့ ခေါင်းဆောင် တဦး ရဲ့  ဦးဆောင်မှု အောက်မှာ စည်းလုံး ညီညွတ် နိုင်ကြပါစေ ။အမိမြန်မာပြည်ကြီး တိုးတက်သာယာ ပါစေ ။ တိုးတက်ဝေဖြာလာတဲ့ အသီးအပွင့်များကို ပြည်သူအများ ခံစား နိုင်ကြပါစေ လို့  ဆန္ဒပြုပါတယ် ။
ဝန်ခံချက်။ ။ forward mail တခုထဲမှ လင်းယုန်ငှက်ရဲ့ ဘဝအကြောင်း ကို မှီငြမ်းဖြည့်စွက်ရေးသားထားခြင်းဖြစ်ပါတယ် ။
အဆိပ် ဆိုတာ ကောင်းကျိုးမပေး အန္တရာယ် များလို့  ဝေးဝေးက ရှောင်သင့်တယ် ။ အဆင် မသင့်ရင် အသက်ပါသေစေတတ်လို့  ဘယ် အဆိပ် မှ မကောင်းတာ လူတိုင်း အသိပါ ။ အစားအစာ တောင်မှ အဆင်မသင့်ရင် အစာအဆိပ်သင့်တတ်တယ် ။ ကိုယ်ဝန်ဆိပ်တက် လို့ကိုယ်ဝန်သည်တွေ အသက်ဆုံးရှုံးနိုင်တယ် ။ အဆိပ်အတောက် စာပေတွေကြောင့်လည်းလူတွေရဲ့  အတွေးအခေါ်၊ စာရိတ္တ တွေ ပျက်စီး နိုင်တယ် ။ ဒါကြောင့် ဘယ် အဆိပ်မှ မသင့်တာ အကောင်းဆုံး ပေါ့ ။ ဒီတော့ ဘယ်လို အရာတွေမှာ ( သတ္တဝါတွေမှာ ) အဆိပ်ပြင်းပြင်းရှိတတ်သလည်း လို့  သိနိုင်အောင် စပ်စုကြည့် လိုက်တယ် ။ ထုံးစံ အတိုင်း ဟိုမွှေသည်မွှေ ပေါ့ ။
ဒါက အာရှ နဲ့ သြစတြေးလျ တိုက် မှာ တွေ့ ရှိရတဲ့ ဂျယ်လီ ငါး Box Jelly fish ပါ ။ ( Jelly box ) လို့ လည်း ခေါ်ကြတယ် ။
အဆိပ် အပြင်းဆုံးမြွေတမျိုးက တော့ အရှေ့ တောင် နဲ့ တောင်အာရှ တောနက် ပိုင်းတွေမှာ ရှိကြတဲ့ King Cobra ပေါ့၊ (Ophiophagus hannah) လို့ လည်းခေါ်ကြတယ် ။ အရှည် က ၁၈ ပေ ခွဲ လောက်ထိရှိပြီး မြွေဘုရင် လို့  ဆိုနိုင်တယ် ။ ဘာလို့ လဲ ဆိုတော့ သူဟာ တခြား မြွေ တွေကိုတောင် စားပစ်တတ်ကြတယ် ။ ဇာတ်တူသား စားတာ ဆိုတော့ ရှောင်နိုင်မှ လွတ်မယ် ။ လူ ကို မပြောနဲ့ အာရှ ဆင်ကြီးတကောင် ကို တချက်တည်း ကိုက်လိုက်ရင်တောင် အဲ့ ဒီဆင် မှာ အလွန်ဆုံး ၃ နာရီပဲခံနိုင်တယ် ။ အကြောင်းရင်းကတော့ သူ့ အဆိပ် ပိုပြင်းထန်လို့ မဟုတ် ပါဘူး ။ သူ့ တချက် ကိုက်လိုက်ရင် ထွက်လာတဲ့ မြွေဆိပ် ပမာဏဟာ တခြား မြွေတွေထက် ၅ ဆ လောက် ပိုများ နေ လို့ ပါတဲ့ ။ဒါကြောင့် တချက်တည်း ကိုက်ခံလိုက်ရတာ နဲ့  ဆင်ကြီးတောင် ဘိုင်းကနဲ ပဲ ။ 
အမြင်အရတော့ ချစ်စဖွယ် ၊ လှလှပပ မာဘယ်ကျောက်တုံးလေး နဲ့ တူတဲ့ ခရုလေး ပါ ။ သူ့ အဆိပ်တစက် ဟာ လူ အယောက် ၂၀ ကျော်ကို သေစေနိုင်ပါသတဲ့  ။အနွေးပိုင်း ပင်လယ်ရေ ထဲမှာ ကျောက်တုံးလှလှလေးတွေ့ လို့ ကောက်ယူဖို့ စိတ်မကူးလိုက်နဲ့ နော် ။ ထိလိုက်တာနဲ့ ကွိသွားမှာ ၊ ဘယ်လို ဖြစ်နိုင်သလည်း ဆိုတာ ကတော့ ထိတဲ့ နေရာ မှာ အလွန် နာကျင်စေပြီးဖူးယောင်လာမယ် ၊ပြီးတော့ ထုံကျင် လာမယ်၊ ပြင်းထန်ရင်တော့ ကြွက်သားများ တုန့်ဆိုင်းပြီး အမြင်ဝေဝါး ကာ အသက်ရှူ ရပ်တဲ့ အထိဖြစ်စေတယ် ။ အဆိပ်ဖြေဆေးတောင် မရှိသေးဘူးတဲ့ ။ မှတ်တမ်းများ အရတော့ ခုချိန်ထိ လူပေါင်း ၃၀ မျှ အသက်ဆုံးရှူံးခဲ့ပြီ ဖြစ်ပါသတဲ့ ။
လှတပတ အော်တိုပတ်စ် ကလေးပါ ။ ပုံသဏ္ဍန် နဲ့ လိုက်အောင် အမည်ပေးထားတာက Blue-Ringed Octopus တဲ့ ။ ဂေါက်သီးလုံးအရွယ်လောက်သာရှိပေမဲ့ အဆိပ်အလွန်ပြင်းပါသတဲ့ ။ လူ ၂၆ ယောက် မျှကို တခဏ အတွင်းသေစေနိုင်တဲ့ အဆိပ်ပမာဏ ရှိတယ် ။ အဆိပ်ဖြေဆေးလည်း မရှိသေးပါ ဆိုပဲ ။ သူ အကိုက်ခံရတဲ့ နေရာ မှာတော့ နာကျင် ခြင်းမရှိပေမဲ့ ကြွက်သားတုန့်ဆိုင်း အသက်ရှူရပ်ပြီး နောက်ဆုံးတော့ သေစေနိုင်ပါသတဲ့ ။ဂျပန်၊ သြစတြေးလျ အနီး ပစိဖိတ် သမုဒ္ဒရာ ထဲမှာ တွေ့ ရှိနိုင်ပါသတဲ့ ။
ဒါကတော့ Death stalker scorpion ပါ ။ အကိုက်ခံ ရတဲ့ နေရာ မှာ လွန်စွာ နာကျင်စေတယ် ၊သူ့ အဆိပ်က ကျန်းမာသန်စွမ်းတဲ့ လူကြီးတယောက် ကို မသေနိုင်စေပေမဲ့ နှလုံးရောဂါ ရှိသူများ၊ ကလေးငယ်များ နဲ့ အသက်အရွယ် အိုမင်းသူများ ကိုတော့ အသက် အန္တရာယ် ပေးနိုင်ပါတယ် ။မြောက်အာဖရိကတိုက်နဲ့ အရှေ့  အလယ်ပိုင်း ဒေသတွေမှာ တွေ့ ရှိနိုင်ပါတယ် ။
အရုပ်ဆိုးလှတဲ့ ဒီ ကျောက်ငါး (Stonefish ) က အလှမယ်ဘွဲ့ မရနိုင်ပေမဲ့ ကမ္ဘာ့ အဆိပ်အပြင်းဆုံးငါး ဆိုတဲ့ ဘွဲ့ ကိုရရှိထားပါတယ် ။ သူ့ ရဲ့ ချွန်ထက်တဲ့ ဆူးတောင်တွေထဲမှာ ပြင်းထန်တဲ့ အဆိပ်တွေကို သိုလှောင်ထားတယ် ။ အကိုက်ခံရတဲ့ နေရာ မှာ အလွန် နာကျင်စေပြီး ၊ အဲ့ဒီနားတဝိုက်က တစ်ရှူးအသားစတွေကို ပျက်စီးစေတဲ့ အတွက် အကိုက်ခံရတဲ့ ခြေ၊ လက်တွေ ကို ဖြတ်ပြစ်ရလောက်တဲ့ အထိ ဆိုးဝါးစေတယ် ။ နာရီပိုင်း အတွင်း ဆေးကုသမှု မခံယူနိုင်ခဲ့ရင် အသက်ဆုံးရှုံးစေနူိုင်ပါတယ် ။ သူ့ ကို Capricorn ပင်လယ်ရေတိမ်ပိုင်း၊ပင်လယ်နီ မှ ကွင်းစလန်းဒေသ တလျှောက်၊ ပစိဖိတ် သမုဒ္ဒရာ ၊ အိန္ဒိယ သမုဒ္ဒရာ တွေ မှာ တွေ့ နိုင် ပါတယ်။
ဘရာဇီးမှ ထူးဆန်းဘွယ်ပင့်ကူ (Phoneutria) သို့ မဟုတ် ငှက်ပျောသီးပင့်ကူ ( banana spider) ရဲ့  အဆိပ် ပြင်းထန်မှု ဟာ ၊ ၂၀၀၇ ခုနှစ် မှာ ကမ္ဘာကျော် ဂျီးနက်စ် မှတ်တမ်းတင် ဝင် ခဲ့ ပါတယ် ။ လူအများဆုံးသေစေတဲ့ အဆိပ်ပြင်းသော ပင့်ကူ ပေါ့ ။ သူ့ ရဲ့  ၀.၀၀၆ မီလီဂရမ်မျှသာ ရှိတဲ့ အဆိပ်ဟာ ကြွက်တကောင် ကိုသေစေနိုင်တယ် ။ နေ့ အချိန်မှာ ပုန်းအောင်း နေထိုင်တတ်တဲ့ သူ့ ရဲ့ အကျင့်စရိုက်ကြောင့် အလွယ်တကူ ရှာဖွေလို့ မတွေ့ နိုင်ဘူး ။ အိမ်ကြိုကြားမှာ ၊ အဝတ်ဘီဒိုထဲမှာ၊ ဘွတ်ဖိနပ်တွေထဲမှာ၊ ကားထဲမှာ ပုန်းခိုနေတတ်လို့ သတိထားသင့်တယ် ။ သူ့ အဆိပ်ဟာ အာရုံကြောတွေကို ထိခိုက်ပျက်စီးစေတယ် ။ နာကျင်စေရုံမျှ မကသေးဘူး ၊အမျိ်ုးသားတွေရဲ့ ညီပုလေးကို အာရုံခံ ပျက်ပြားစေတတ်သတဲ့ ။ သတိထား နေကြရန် အသိပေးလိုက်ပါတယ် ။မပြောမရှိကြ နဲ့ နော် ။ဒါကြောင့်များ banana spider လို့  အမည်တွင်တာ ထင်ပါရဲ့ ။ အပိုပြောတယ် ထင်မှာစိုး လို့  အော်ရီဂျင်နယ် စာသားလေးပါ ဖေါ်ပြပေးလိုက်ပါတယ် ။
The Brazilian Wandering Spider (Phoneutria) or banana spider appears in the Guinness Book of World Records 2007 for the most venomous spider and is the spider responsible for most human deaths.
This spider is believed to have the most potent neurotoxic venom of any living spider. Only 0.006mg (0.00000021oz) is sufficient to kill a mouse. They are also so dangerous because of their wandering nature. They often hide during daytime in highly populated areas inside houses, clothes, boots, and cars.
Its venomous bite causes not only intense pain, the venom of the spider can also cause priapism - uncomfortable erections lasting for many hours that lead to impotence.
အသင်ဟာ တကယ်လို့ များ တောင် အမေရိက နဲ့ အလယ်ပိုင်း အမေရိကမှာရှိတဲ့ မိုးတွင်း သစ်တော တွေ ကိုရောက်ခိုက် ပြေးလွှားဆော့ကစားရင်း အရောင်အသွေးစုံတဲ့ လှလှပပ ဖါးကလေးများကိုတွေ့ လိုက်ရရင် ဖမ်းယူဖို့  မကြိုးစားပါနဲ့  ။ အဲဒီဖါးလေးဟာ အဆိပ်ပြင်းတဲ့ Dart Frog ဖြစ်နေနိုင်ပါတယ် ။ သူ့ ရဲ့  အရေပြားပေါ်မှာ ဒီအဆိပ်တွေကို သိုလှောင်ထားပြီး ၊သူ့ ကို ထိမိ ကိုင်မိ စားမိတာသူတွေကို အဆိပ် သင့်စေတယ် ။ ၂ လက်မ မျှ သာ ရှိတဲ့ ရွှေရောင်ဖါးလေးရဲ့ အဆိပ်ဟာ လူကြီး ၁၀ ယောက် ၊သို့ မဟုတ် ကြွက်ငယ် အကောင်ပေါင်း ၂သောင်း ခန့်ကို သေစေ နိုင်ပါသတဲ့ ။ ၂ မိုက်ခရို ဂရမ် အလေးချိန်( ပင်အပ်ခေါင်း မျှ အရွယ် ) ရှိတဲ့ အဆိပ် ပမာဏ ဟာ လူတယောက်ကိုသေစေနိူင်တယ် ။ ဒါကြောင့် အင်ဒီးယန်း အနွယ်ဝင် အမေရိကန် သားများဟာ ဒီအဆိပ်ကို blow-darts ခေါ် မှုတ်လို့ရတဲ့ မျှားလေးတွေအပေါ်မှာ သုတ်လိမ်းပြီး လက်နက်အဖြစ် အသုံးပြုကြတယ် ။ 
Puffer Fish လို့ ခေါ်တဲ့ ငါးလေးဟာလည်း နှုတ်ခမ်းလေးထော်လို့ ချစ်စဖွယ် အသွင်ရှိ် ပါတယ် ။ကျောရိုးရှိ သတ္တဝါ တွေထဲ ဒုတိယမြောက် အဆိပ်ပြင်းတဲ့ အကောင်ပေါ့ ။ ပထမ က ( golden dart Frog) လေ ။ ဂျပန် နဲ့ ကိုးရီးယား လူမျိုးတွေ ကတော့ သူ့ အသားကို စားသုံးလေ့ ရှိကြတယ် ။ ဂျပန်လို fugu ၊ ကိုရီးယားက bok-uh လို့ ခေါ်ဆိုကြတယ် တဲ့ ။ သူ့ ရဲ့ အရေခွံ နဲ့ ကလီစာ တွေမှာ အဆိပ်ပါရှိတတ်တယ်။ စားမိရင် နှုတ်ခမ်း နဲ့ လျှာ တွေ မာပြီး မူးတယ်၊အန်တယ် ၊ နှလုံးခုန် မြန်တယ်၊ အသက်ရှူခက်ခဲပြီး ကြွက်သားတွေ တုန့် ဆိုင်းစေတယ် ၊ ရင်ခေါင်းနဲ့ ဝမ်းခေါင်းကြားမှာ ရှိတဲ့ diaphragm ကြွက်သား တုန့်ဆိုင်းပြီး အသက်ရှုရပ်ကာ ၄ နာရီမှ ၂၄ နာရီ အတွင်းသေဆုံးစေနိုင်သည် ။ အဆိပ်ဖြေဆေး မရှိသေးပါကြောင်း၊ ဂျပန်နိုင်ငံတွင် ၁၉၉၆ မှ ၂၀၀၆ အတွင်း အဆိုပါငါး အဆိပ်သင့်မှုကြောင့် တနှစ်မှာ သေဆုံးသူ ၂၀ မှ ၄၄ ဦး ထ်ိရှိခဲ့ကြောင်း မှတ်တမ်းများအရ သိနိုင်ပါတယ်။ ဒါကြောင့် အဲ့ဒီငါးကို ကျွမ်းကျင်သူများက သာ ဖမ်းဆီးပြီး ၊ ကိုင်တွယ် ချက်ပြုတ် စေရန် လိုင်စင်ရှိသူ စဖိုမှုးများကိုသာ ခွင့် ပြု ထားတယ် လို့ သိရပါတယ် ။
(ကိုယ်သာဆို ဘယ်လောက်စားကောင်းတဲ့ အသားငါးဖြစ် ပစေ ၊ဘယ်လောက် ကျွမ်းကျင်သူတွေ ချက်ပြုတ် ကျွေးပစေ ၊ မစားပါဘူး၊ ဒါမျိုးတော့ ကြောက် စ် ။ ပုံ ကြည့်ရတာ တော့ ငါးပူတင်းနဲ့ ဆင်သလိုပဲ ။ ဟုတ် ။ )
ဒီနေရာမှ ရတဲ့ အကြောင်းအရာများပါ ။
ဒီစိမ်းစိမ်းကြီးကရော ... ဘယ်လောက်များ အဆိပ်ပြင်းပါလိမ့် ။ သိသူများ ပြောပြကြပါ ။း) ။
အယ် .. ဘယ်သူမှ သိမယ်မထင်ဘူး ။ ဟုတ် တယ် ဟုတ် ။
မထိရ ၊ မကိုင်ရ ၊ မပြောရ ၊ မအော်ရ ။ မရေးရ ၊ မဖတ်ရ ။ မလှုပ်ရ ၊ မကြွရ ။
ရှောင်ကြ ရှားကြ ဝေးဝေးမှ ၊ အဆိပ်သင့်ခြင်းကင်းမည်ပ ၊
( အားလုံး သတိ် ၊ အဆိပ်ဖြေဆေး ရှာမတွေ့ သေးပါ ။)
နှစ်သစ်မှာ အဆိပ်ကင်းစွာ ဖြင့် ပျော်ရွှင် ရှင်သန် နေနိုင်ကြပါစေ ။
“တန်ရင်ဆေး၊ လွန်ရင်ဘေး ”လို့ ဆိုရိုးစကား ရှိပါတယ် ၊ဆေးဆိုတာ လိုအပ်တဲ့ အချိန်မှာ လိုအပ်သလောက်အချိန်အဆ အတိုင်း သာ သောက်သုံးသင့်ပါတယ် ။ဆေးဆိုတာ ပဲကြီးလှော်ဝါးသလိုမျိုး အဆက်မပြတ် ဝါးနေရတာမျိုး မဟုတ်ကြောင်း လူတိုင်းသိကြမှာပါ။ ဆရာဝန်ပေးထား ပြောထားတဲ့  အတိုင်းသောက်နေတာပဲ ၊ ဘာလို့ ဒီလို တခြား ဆိုးကျိုးတွေ ဖြစ်ရတာလည်း လို့  စောဒက တက်လိုသူများ ရှိကောင်း ရှိကြပါလိမ့်မယ်။ ဆေးအတိုင်း အဆ ပမာဏ လွန်ကဲခြင်း ( Overdose ) ဆိုတာနဲ့  ဘေးထွက်ဆိုးကျိုး(Side effect) ဆိုတာ က မတူပါဘူး ။ အကောင်းနဲ့အဆိုးဆိုတာ အမြဲ ဒွန်တွဲနေတတ်တာမို့  ဆေးသောက်လို့  ရောဂါ ပျောက်ကင်းရသလို ၊ ဒီဆေးကြောင့်ပဲ မလိုလားအပ်တဲ့ ဘေးထွက် ဆိုးကျိုး များလည်း ရစေတတ်ပါတယ် ။ ပေါ့စေလိုလို့  ကြောင်ရုပ်ထိုး ၊ဆေးအတွက်နဲ့လေး ဆိုသလိုပါပဲ ။ ဒါကြောင့် လူသုံးများနေတဲ့ ယနေ့ ခေတ်ပေါ် ခေတ်မှီ ဆေးဝါး အသစ်တွေ ၊ရဲ့ ကောင်းကျိုး နဲ့  ဘေးထွက် ဆိုးကျိုး လေးတွေ အကြောင်း လက်ဆင့်ကမ်း အနည်းအကျဉ်း ပြောပြချင်ပါတယ် ၊။ သာမန်အားဖြင့်တော့ အကိုက်အခဲပျောက်ဆေး ကြောင့် အစာအိမ်ထိခိုက်တယ်ဆိုတဲ့ ဘေးထွက်ဆိုးကျိုးကို လူတိုင်းလိုလို သိနေကြ ပြီးသားပါ။ ဒါပေမဲ့ မထင်မှတ်ပဲ ဖြစ်လေ့ရှိတဲ့ ဆိုးကျိုးလေးတွေ တချို့က စိတ်ဝင်စားစရာ ကောင်းတာမျိုးဖြစ်နေလို့  ၊ ထပ်ဆင့်တင်ပြပေးခြင်းပါ ။
(၁) အရသာ နှင့် အခြားအာရုံများ ပျက်ပြားခြင်း ။ ( Loss of Sense of Taste and other senses)
သွေးတိုးရောဂါ နှင့် နှလုံးအရည်များပြီး နှလုံးထိခိုက်ပျက်စီးသောရောဂါ (congestive heart failure ) တို့ အတွက် အသုံးများ သော Vasotec , Renitec , (generic name enalapril) အစရှိတဲ့ဆေး ဟာ ဘေးထွက်ဆိုးကျိုးအဖြစ် အနံ့့  ၊အရသာ ၊ အမြင် ၊ အကြား စတဲ့  အာရုံတွေကို ထိခိုက် ပျက်ပြားစေပါတယ် ။ အနံ့  ခံစားမှု ပျက်စီးတယ် (Anosmia) ၊ နားအူစေတယ် (tinnitus) ။ အမြင်အာရုံဝေဝါးစေတယ် (blurred vision ) ။ အဲ့  လို အသေးစားထိခိုက်မှုတွေ ရှိလာပြီဆိုရင် ကြီးမားတဲ့  ထိခိုက်မှုများ လည်း ဖြစ်ပေါ်နေ ပြီင်္ လို့  မှန်း ဆ နိုင်ပါတယ် ။
----------------------------------------------------------------------------
(၂)ကော်ဖီနှစ်ရောင် သွေးအန်ခြင်း ။
သွေးထဲမှာ ပါဝင်နေတဲ့  platelets ခေါ် သွေးခဲ စေတဲ့ဓါတ်များ စုပြီး ခဲခြင်းကြောင့်  ဖြစ်လာလေ့ရှိသော နှလုံး သွေးကြော ပိတ်ခြင်း နှင့် လေဖြတ် လေဖြန်း ရောဂါ များ ကို ကြိုတင် ကာကွယ်ရန် အလို့ ငှာ အသုံးများ လာကြ တဲ့ PLAVIX ( clopidogrel ) ခေါ် ဆေးတမျိုး ဟာ ဘေးထွက်ဆိုးကျိုး အနေနဲ့ သွေးယိုစီးခြင်း၊ ဖြစ်စေတတ်တဲ့အတွက် ၊ အစာအိမ်အနာ နဲ့  အစာအိမ်ရောဂါရှိသူ များ သတိထား သုံးစွဲရမှာ ဖြစ်ပါတယ် ။ ဒီဆေးဟာ အစာအိမ်နှင့် အူလမ်းကြောင်း တို့  အပြင် အခြား နေရာများမှာ ပါ သွေးယိုစီးစေတတ် တဲ့ အတွက် ချောင်းဆို သွေးပါခြင်း ၊ သွေးအန်ခြင်းများရှိလာပါက ဆရာဝန် ထံ အမြန်ဆုံး ပြသသင့်ပါတယ် ။ ဒါ့အပြင် ခန္ဓကိုယ် ယားယံ ခြင်း ၊ အရေပြားပေါ်မှာ ခရမ်းနီရောင် အစက် အပျောက်များ ပေါ်လာခြင်း ၊ အနီအပိန့် များ ပေါ်ထွက်ခြင်း ၊ ဝမ်းလျှောခြင်း အစရှိ တဲ့  လက္ခဏာ များလည်း ဖြစ်ပေါ်စေတတ်ပါတယ်
ဒီနေရာ မှာ အသေးစိတ် ဖတ်ရှုနိုင်ပါတယ် ။
-----------------------------------------------------------------------------------------
(၃) အမြင်ဝေဝါးခြင်း ၊ အမြင်ပြာခြင်း ။
ဒီဆေးကိုတော့ အမျိုးသား ကြီးတွေ အတော်များများ ကြားဖူး ၊ သုံးဖူးကြမှာပါ ။ Viagra (generic name sildenafil citrate), ဆိုတာ လေ ။ အပြာနုရောင် ဆေးပြား လေးထောင့် မကျ တကျလေး ။ ညီပုလေး ထ မလာရင် ( erectile dysfunction ) သုံးကြတဲ့ဆေး ပေါ့ ။ အဲ့ဒီဆေးရဲ့  ဘေးထွက်ဆိုးကျိုးက အမြင်ဝေဝါး ခြင်း ( blurred vision ) နဲ့  အပြာရောင် အမြင်ရခြင်း ( blue vision ) တို့ ပါ ။ .ဘာကြောင့် ဒီလိုဖြစ်ရတာလည်းဆိုတော့ ၊ ဒီ ဆေးပြာလေးက မျက်စိရဲ့ အာရုံကြောမကြီး ( optic nerve ) ကို သွားတဲ့  သွေးလှည့်ပတ်မှုကို ပြတ်တောက်စေခြင်းကြောင့်ဖြစ်ပါ တယ် ။ အဲ့ဒါကို nonarteritic ischemic optic neuropathy (NAION) လို့လည်း ခေါ်ဆိုပါတယ် ။
အသေးစိပ် က ဒီမှာ ရှိပါတယ်။
-----------------------------------------------------------------------------------------
(၄) နို့ အုံကြီးထွားခြင်း( Enlarge Breast) ။
အမျိုးသား တော်တော်များများဟာ လူလတ်ပိုင်းရောက်တာနဲ့ ဆံပင်ကျွတ် ပြီး ထိပ်ပြောင်လာတတ်ကြပါတယ် ။ (နောက်ပြောင်ခြင်း သည်းခံပါ ၊ ဆိုတာ ပေါ့ ၊ သဘာဝ ကြီးက တရားပါတယ် နော် ။) အဲ့ဒီအတွက်ကြောင့် ဆံပင် ပေါက်ဆေး တွေ သုံးစွဲကြတဲ့အထဲမှာ PROPECIA ခေါ် တဲ့ဆေး တမျိုးကို အသုံးများ လာပါတယ် ။ အဲ့ဒီဆေးဟာ
testosterone နဲ့  estrogen ဆိုတဲ့  ဟော်မုန်းတွေကို မြင့်တက်စေတဲအတွက် gynecomastia လို့ ခေါ်တဲ့ နို့ အုံကြီးထွားခြင်း ဘေးထွက်ဆိုးကျိုး ကို ရစေနိုင်ပါတယ် ။ ဒါ့အပြင် အဆီဓါတ်တွေများစေလို့  လူက ဝ လာပြီး ဟိုစိတ်ဒီစိတ်( ကာမ စိတ် libido ကို ဆိုလိုတာပါ) တွေလျော့စေပါတယ် ။ (ဘုန်းကညာ တပါး လုံးရာက ဖေါင်း လာတယ် ဆိုရမယ် ပေါ့ )
ဒီထက်ပိုသိချင်ရင် ဒီမှာဆက်ဖတ်ပါ။
---------------------------------------------------------------------------------------------
(၅) ဥ အရွယ် အစား သေးငယ်လာခြင်း( Decrease in Balls' Size )
အပေါ်က အချက်နဲ့  ခပ်ဆင်ဆင်ပါ ။ ဟော်မုန်းလျော့နဲလို့ ဖြည့်ဆည်းပေးရတဲ့ Hormone Repalcement Therapy(HRT) ထဲမှာ အမျိုးသား လိင်ဆိုင်ရာ ဟော်မုန်း Testosterone ကို ပြန်လည် ဖြည့်ဆည်းပေးတဲ့ ဆေးကြောင့် ဆီးကြိတ်ကင်ဆာ ဖြစ်စေတတ်တဲ့ အပြင်၊ ဥ အရွယ်သေးငယ်သွားခြင်း (decrease in their testicles size) ၊ ငယ်ရွယ်သူ အမျိုးသားများရဲ့  သုတ်ပိုး အရေအတွက် လျော့နည်းပြီး သားသမီး မရ နိုင်ခြင်း စတဲ့ ဘေးထွက်ဆိုးကျိုး များ ရစေတတ်ပါတယ် ။( အကောင်းနဲ့  အဆိုး ကိုယ့်ဘာသာ ရွေးယူကြပါတော့ )
များများဖတ်ချင် ဒီမှာ ရှိတယ် ။
-----------------------------------------------------------------------------------
(၆)ကင်ဆာ၊လေဖြတ်၊စိတ်ရူးသွပ်ခြင်းများ ။ Cancer, Stroke, Dementia and Much More
EvaMist ( estradiol ) လို့ ခေါ်တဲ့ estrogen ဟော်မုန်း ပါဝင်တဲ့ ဆေးတမျိုးကတော့ အမျိုးသမီးတွေ သွေးဆုံးကိုင်တဲ့ အခါမျိုး (menopause symptoms ) မှာ သုံးပါတယ် ။ ဓမ္မတာ ကုန်လွန်တော့မယ် အသက်အရွယ်ရောက်လာတဲ့  အမျိုးသမီးတချို့ မှာ အမဓါတ် ဟော်မုန်းတွေ လျော့နည်းသွားတဲ့  အခါမျိုးမှာ ပူလိုက်အေးလိုက် ၊အထူးသဖြင့် မျက်နှာမှာနီမြန်း ( facial flush ) ပြီး ၊ ရင်တုန်တယ် ။ စိတ်ဂယောက် ဂယက်ဖြစ်တတ်တယ် ။ အဲ့ လို ခံစားမှုတွေ ပြင်းထန်တဲ့ သူမျိုးကို ဟော်မုန်း အစားထိုး ဖြည့်ဆည်းပေးရတယ် ။ ဒါပေမဲ့ ဒီဆေးရဲ့  ဘေးထွက်ဆိုးကျိုး အနေနဲ့  ကင်ဆာရောဂါ ၊ လေဖြတ်ခြင်းရောဂါ ။ သွေးခဲ ခြင်း နဲ့  dementia ခေါ်တဲ့ စိတ်ရူးသွပ်ခြင်း မျိုးတွေ ရှိတတ်ပါတယ် ။
များများသိလိုက ဒီမှာဆက် ကြည့် ပါ ။
-----------------------------------------------------------------------------------------
(၇) မှတ်ညာဏ် ချို့ ယွင်း သတိမေ့လျော့စေတတ်ခြင်း( Amnesia )
Mirapex (generic name pramipexole) လို့ခေါ်တဲ့ဆေးကို ၁၉၉၇ ခုလောက်မှ စပြီး ပါကင်ဆန်ရောဂါ( Parkinson's disease ) အတွက် အသုံးပြုခဲ့ ကြပါတယ် ၊ ပါကင်ဆန်ရောဂါဆိုတာကတော့ အသက်အရွယ်ကြီးသူတချို့  ရဲ့ ဦးနှောက် ဆဲလ်တွေထဲမှာ Dopamine ဓါတ်ချို့ တဲ့မှုကြောင့်  ခြေ တုန် ၊လက်တုန် နဲ့  အာရုံကြော များ ချို့ ယွင်းတဲ့ ရောဂါ တမျိုးပါ ။ ဒါကြောင့် သူ့ ကို အလွယ်တကူ ဖြင့် Restless Leg Syndrome (RLS) လို့ လည်းခေါ်ဆိုကြပါသေးတယ် ။ အဲဒီဆေး Mirapex ရဲ့  ဘေးထွက်ဆိုးကျိုး ကတော့ မှတ်ညာဏ် ချို့ ယွင်း သတိမေ့လျော့စေတတ်ခြင်း ( amnesia) ပါ ။ ဒါ့ အပြင် cholesterol အဆီဓါတ် လျှော့ချပေးတဲ့  ဆေးတမျိုး ဖြစ်တဲ့ Lipitor ၊ statins ကြောင့်လည်း အဆိုပါ သတိမေ့လျှော့တတ်ခြင်း ကို ဖြစ်စေတတ်ပါတယ် ။ Duane Graveline,ဆိုတဲ့ အာကာသယာဉ်မှူးဟောင်းတဦးဟာ Lipitor. ဆေးကို သောက်နေရာမှ တနေ့ ၊ အပြင်ထွက်လမ်း ခဏလျှောက်ပြီး အိမ် ပြန် အလာ မှာ သူ့ ရဲ့  မိန်းမ ကို လုံးဝ မမှတ်မိတော့တဲ့ အထိ ဖြစ်သွားခဲ့ဖူးပါတယ် ။
ဒီနေရာမှာ ဆက်ဖတ်နိုင်ပါတယ်
-------------------------------------------------------------------------------------------
(၈) မိမိကိုယ် မိမိ သတ်သေခြင်း ။
Chantix: ခေါ်တဲ့  ဆေးလိပ်ဖြတ်ဆေး တမျိုး ကြောင့်ဖြစ်စေတဲ့ ဘေးထွက်ဆိုးကျိုး က ပိုဆို ပါသေးတယ်
ဘာလို့လည်း ဆိုတော့ မိမိကိုယ်မိမိ သတ်သေခြင်း မျိုးအထိ ဖြစ်စေနိုင်လို့ပါပဲ ။ ဆေးလိပ်မပြတ်မီ အသက်ထွက် ကိန်းရှိနိုင်တာမို့  ကြိုက်ရာရွေးကြပေါ့လေ ။
" Smoking can kill you, but trying to stop can be deadly as well ”
အကြောင်းစုံ သိလိုက ဤနေရာသို့  ကြွရောက်ကြပါရန်
----------------------------------------------------------------------------------------
(၉) ထင်ယောင်မှားခြင်းနှင့် စိတ်ရောဂါများ ( Hallucinations , Psychosis )
မူးယစ်ဆေးဝါးထဲမှာ အကျုံးဝင်တဲ့ LSD ခေါ်စိတ်ကြွဆေးမျိ်ုး ။ morphine လို့ လူသိများတဲ့ ဘိန်းဓါတ်ပါတဲ့ အနာအကျင်ပျောက်ဆေးတမျိုး ၊ အစရှိတဲ့ဆေးတွေဟာ အမြင်နဲ့ အကြားအာရုံများ ကို ထင်ယောင်ထင်မှားဖြစ်စေတတ် တာကို လူအများသိကြပြီး ဖြစ်ပါတယ် ။ ဒါပေမဲ့ Lariam ( mefloquine) လို့ ခေါ်တဲ့ ငှက်ဖျားဖြတ်ဆေးကတော့ ဒီလို ထင်ယောင်မှား ဖြစ်စေတတ်တယ် ဆိုတာကို အမေရိကန်နိုင်ငံရှိ Walter Reed Army Institute of Research မှ စစ်ဆေးတွေ့ ရှိခဲ့ကြရတာကတော့ အမေရိကန်နိုင်ငံသား ကမ္ဘာလှည့်ခရီးသည်များ နှင့် သူတို့ ရဲ့ စစ်သား အများ အပြားဟာ ကမ္ဘာ အနှံ့သွားရောက် တာဝန်ထမ်းဆောင်စဉ်အချိန်မှာ ငှက်ဖျားကာကွယ်ရေး အနေနဲ့ ဒီဆေးကို သုံးစွဲ ခဲ့ရာမှ စိတ်ဂယောက်ဂယက်ချောက်ခြား မှုတွေကြောင့် အချင်းချင်း မကြာခဏ သတ်ကြ ၊ ခိုက်ရန်ဖြစ်ပွားကြ ဖြစ် လာကြ တာကို သတိပြု မိရာမှ စပြီး သိရှိလာတဲ့ ဘေးထွက်ဆိုးကျိုး တခုဖြစ်ပါတယ် ။ ဒီဆေးကိုသုံးစွဲရာမှ စိတ်ကျခြင်း၊ ထင်ယောင်မှားခြင်း၊ အိပ်မက်ဆိုးများမက်ခြင်း ၊ အပါအဝင် စိတ်ရောဂါများခံစားခဲ့ကြရ တဲ့ အကြောင်းကို ဆေးထုတ်လုပ်တဲ့  ကုမ္ပဏီမှ မှတ်တမ်း ၃၀၀၀ ကျော်မျှ တင်ထား ခဲ့ပါတယ် ။ ၂၀၀၃ ခုနှစ်က ကိန်းဂဏန်းပါ ။
ဒါကိုကြည့်ခြင်းဖြင့် ကိုကို စစ်သားများ ဘာကြောင့် တိုက်ချင် သတ်ချင် ဖြစ်ရတယ်ဆိုတာ သဘောပေါက်ကြမှာပါ။
ဒီမှာ အသေးစိတ် ...
http://oddee.com/item_96885.aspx
အကောင်းများတွေ့ ပြီး အဆိုးများ ဝေး နိုင်ကြပါစေ ...
Subscribe to:
Posts (Atom)
