27 com
“လှတာမက်တော့ ညစာခက်တယ်”လို့  ဆိုကြပေမဲ့ ၊ ညစာ ခက်တာ မခက်တာ အရေးမကြီးဘူး လှဖို့သာ အဓိက လို့ ယူဆနေကြသူတွေ တစထက်တစ များပြားလာနေကြပါပြီ ။ပျိုပျို အိုအို ကျားကျား မမ လှချင်ပချင်ကြတယ် ။တချို့့ တလေကျတော့ ရှေးကုသိုလ်ကံ အကျိုးပေးကောင်းတော့ ပပဝတီ မဒ္ဒီသမ္ဗူလ လို့ တောင် တင်စားရတော့မလို သဘာဝ အော်ရီဂျင်နယ် လှတပတ လေးတွေမို့  ရုပ်ရည်လေး အရင်းပြုကာ၊ အသံလေး အသုံးချကာ နဲ့ နာမည်ကျော်ကြား လူကြိုက်များ ကြရပေသပေါ့ ။ ကံအကျိုးပေး ချို့ တဲ့သူများကြတော့ မလှ မပ နဲ့ ပေမဲ့ အားငယ်နေစရာတော့ မလိုလှပေဘူး ။ ခေတ်ကာလကြီးက တိုးတက် လာတော့ ပလပ်စတစ် ဆာဂျရီ ၊ ခွဲစိတ်ပြုပြင်ပြီး လှတ ပတ ဖြစ်အောင် လုပ်ယူ လို့ ရနေကြပါပြီ ။ပိုက်ဆံသာရှိ ၊ လူတကိုယ်လုံး လိုသလို ပြုပြင်လို့ ရနေပါပြီ ။ ခုခေတ်စားနေတဲ့ ကိုရီးယား မင်းသမီးချောလေးများမှာ မျက်လုံး၊ မျက်ခုန်း၊ နှာခေါင်း ၊ ပါးစပ် ၊တမျက်နှာလုံးနီးပါး အော်ရီဂျင်နယ် အလှဆိုတာ မရှိသလောက်လို့ ဆိုရအောင် တမျိုးမဟုတ် တမျိုးက ပြုပြင်ပြီးသားတွေ ဖြစ်နေကြပါပြီ ။ ဒါတင်မက ရင်တို့  တင်တို့  မှာလည်း အခုတွေ အခံတွေ အမျိုးမျိုး နဲ့ ပုရိဿ တို့  ဘဝင်ဖို ရင်ခုန် ရလေအောင် လှည့်စားလို့ ရနေကြတော့ ဒီခေတ်ကြီးမှာ လူဖြစ်ရတာလည်း ခပ်ကောင်းကောင်းပါပဲ ။
မိဘပေးထားတဲ့ ခန္ဓာကိုယ်အတိုင်း မနှစ်သိမ့်နိုင်ကြသူတွေ ၊ရတာမလို ၊ လိုတာမရ ကြသူတွေ ထဲ ၊ အထူးသဖြင့် ရင်သားကြီးချင်သူ မိန်းမသားများဟာ ရင်သားအလှ ခွဲစိတ်ပြုပြင် ခုခံကြပါတယ် ။(ခုခံတယ် ဆိုတာ ရင်သားကြီးအောင် Silicone gel တို့  ၊ အငန်ရည်(saline liquid) တို့ ဖြည့်သွင်းထားတဲ့ ရင်သားပုံသဏ္ဍန် အိတ်ပျော့ပျော့ကို ရင်သား နေရာမှာ ခုပြီး ခံပြီး ခွဲစိတ် ခြင်း (augmentation mammoplasty ) ပေါ့ ။ အမြင်အရ ပိုလှလာတယ် ထင်ရပေမဲ့ မလိုလားအပ်တဲ့ ဆိုးကျိုးတွေ လည်းရှိတတ်ပါတယ် ၊ အဲ့ဒီ အိတ်က အကြောင်းအမျိုးမျိုးကြောင့် ပေါက်ပြဲ သွားနိုင်တယ်။အဲ့ဒီလိုပေါက်ပြဲသွားတဲ့အခါ silicone gel နဲ့အတူတွဲသုံးရတဲ့ အနည်းငယ်မျှသော Platinum ဟာ ရင်သား တစ်သျှူးထဲ စိမ့်ဝင်ပြီး အဆိပ်ဖြစ်စေတတ်တယ် ။ တချို့ တလေလည်း အလာဂျီ ၊ တချို့ လည်း ကာလကြာရင် ပုံသဏ္ဍန်ပြောင်းတာတိ်ု့  ၊ နေရာရွေ့ သွားတာတို့ ၊ ယောင်ရမ်းတာတို့  ၊အနာဖြစ်တာတို့ ဖြစ်လာတတ်တယ် ။
Augmentation mammoplasty ကို လုပ်ရခြင်းအကြောင်းတချို့က ရင်သားကင်ဆာကြောင့် ရင်သားတခုလုံး ခွဲစိတ်ဖြတ်တောက်လိုက်ရသူ မိန်းမသားများအတွက် အလှအပ အနေနဲ့ ၊ စိတ်ပိုင်းဆိုင်ရာ ပြန်လည် ဖြည့်ဆည်းပေးလိုတဲ့  အနေနဲ့ အစားထိုး ကုသပေးခြင်း တမျိုးလည်း ဖြစ်ပါတယ်။
ဘာအကြောင်းကြောင့်ပဲ ဖြစ်ဖြစ် ၊ဒီလို ခွဲစိပ်ထားသူများ အကယ်၍ ကလေးမွေးလို့  မိခင်နို့ ချို တိုက်ကျွေးမယ်ဆိုရင် နို့့ထွက်စေတဲ့ ဂလင်း အကြိတ် တစ်သျှူးတွေကို ဒီရင်သားအတုက ဖိထားတဲ့ အတွက် နို့ သိပ်မထွက်နိုင်တဲ့ အခက်အခဲမျိုးတွေလည်း ရှိတတ်ပါတယ် ။
လှချင်ရက် စက်စက်ယို ၊ ပေါ့စေချင်လို့ ကြောင်ရုပ်ထိုး ဆေးအတွက် နဲ့ လေး ဆိုသလို ပြုပြင်ရင်းနဲ့  အခန့် မသင့်ဖြစ်သွားတဲ့ အခါများမတော့ ပြောကြတာက “ ပြင်လွန်းတော့ဖင်ချွန်းသတဲ့ ”။ ဘယ်လို ချွန်းသလည်းဆိုတာ သိလိုရင် ဆက်လက်ပြီး ရှုစားတော်မူကြပါ။
ဒီတော့ ဒီတော့ အလှပိုလိုသူ ပျိုပျို အိုအို၊ ကျားကျား မမ များ အတွက် ၊ ခေတ်စားနေတဲ့  ပလပ်စတစ် ဆာဂျရီ ဆိုတာ ကြီး ကို မလုပ်မှီ ၊ တော်၏ မတော်၏ စဉ်းစား ဆင်ခြင်တော် မူနိုင်ကြပါရန် ဝေမျှလိုက်ပါတယ် ။
ဒီပုံတွေကို ဒီနေရာမှ ရယူထားပါတယ်
ရှေးအခါက အလှဘွဲ့  ပတ်ပျိုး ရေးသားကြသူများက ဥမ္မာဒန္တီ တို့  ၊ ပပဝတီ တို့ နဲ့တင်စားပြီး ဖွဲ့ ဆိုခဲ့ကြ တယ် ။ ခုခေတ် အခါကျတော့ အလှဒေဝီတွေ များမှများ ။ ဟောလိဝုဒ် မင်းသမီးကြီးတွေ ထဲမှာလဲ ညှို့ အား ကောင်းတဲ့ မာရီလင် မွန်ရိုးတို့  ၊ ဘရစ်ဂျစ် ဘားဒေါ့ တို့  ။ ဒေါ်လီပါတန် တို့  ဆိုရင် sexy ဖြစ်တယ် ဆိုပြီး လွန်လေပြီးသော အနှစ် များစွာက ခေတ်စား ခဲ့တာပ ။ ဒီဘက်ခေတ်ရောက်တော့ အင်ဂျလီနာ ဂျိုလီ တို့ ၊ပဲရစ်ဟီလ်တန် တို့ ဆိုလည်း ပုရိဿ တို့  အသည်းစွဲ ပေါ့ ။ များသောအားဖြင့် သူတို့ ရဲ့  ချစ်စဖွယ် မျက်နှာ နဲ့ မျက်ဝန်း စွဲညှို့ အားတွေကြောင့် ဖြစ်သလို ဖွံ့ ဖြိုး ထွားကြိုင်းတဲ့ ရင်သား များကြောင့်လည်း ဖြစ်တယ် ဆိုတာ သံသယဖြစ်ဖွယ် မရှိပါဘုး ။ ဒါကြောင့် အမျိုးသမီးများရဲ့  အလှအပဟာ ရင်သားပေါ်မှာလည်း အများကြီး အမှီပြုနေပါသေးတယ် လို့ ဆိုရပါမယ်။ ဒီလို လှပတဲ့ ရင်သားမှာ မလှမပ ကင်ဆာရောဂါကြီး တွယ်ကပ်လာတဲ့ အခါမှာတော့ အသက်ကိုတောင် ဒုက္ခပေးတတ်ကြတယ် ဆိုတာ အားလုံးသိထားကြပြီးသားပါ ။
ကာကွယ်ခြင်းသည် ကုသမှုထက် ထိရောက်သည် ဆိုတဲ့ စကား ရှိပေမဲ့ ဒီရင်သားကင်ဆာ ကို မဖြစ်အောင် ဆိုပြီး ကာကွယ်လို့ တော့ မရသေးပါဘူး ။ ဒါပေမဲ့  စောစောစီးစီး ရောဂါ ရှိမှန်း သိနိုင်ရင် ဖြင့် ကုသဖို့ ရာ အချိန်မှီနိုင်သေးပြီး အသက်ရှည် နေနိုင်ဖို့  အခွင့်အလမ်းများ ရှိပါတယ် ။ ဒီတော့ ဒီရောဂါ ဟာ ဘယ်လိုလူတွေမှာ ပိုပြီးဖြစ်တတ်သလည်း၊ ရောဂါ ဖြစ်မှန်း စောစောသိရအောင် ဘယ်လို လုပ်နိုင်ပါသလည်း ဆိုတဲ့ အကြောင်းကို အမျိုးသမီးတိုင်းရော ၊ သူ့ ကို ချစ်ခင်ကြတဲ့ အမျိုးသားတိုင်းရော သိထားသင့်ပါတယ် ။ ( ရင်သားကင်ဆာ ရဲ့  ဖြစ်ပွားမှု ။ ရောဂါ အခြေအနေ ၊ ကုသမှု တွေ ကိုတော့ ဒီပို့စ်မှာ မတင်ပြတော့ပါဘူး။ )
ရင်သားကင်ဆာ နှင့်ဆက်စပ်နေသော အကြောင်းတရားများထဲမှာ -
Obesity( ကိုယ်အလေးချိန် များသူ ဝ ၊သူများ ) ၊ ဆေးလိပ်သောက်သူ ၊ အရက်သောက်သူ များမှာ ပိုဖြစ်တတ်တယ်လို့ သုတေသန ပြုလုပ်တွေ့ ရှိထားပါတယ် ။ ဒါကြောင့် ဒီအချက်အလက် ရှိသူ အမျိုးသမီးတိုင်း ပိုမို သတိထားပြီ စမ်းသပ်သင့်ပါတယ် ။
ဒီနည်းလမ်းလေးက ဘာမှ မခက် ပါဘူး ။ကိုယ်တိုင် စစ်ဆေးခြင်း (self-examination ) ၊ဒါမှ မဟုတ် အတူနေသူတဦးမှ စမ်းသပ်ပေးခြင်းမျိုး လုပ် နိုင်ပါတယ်။ တလမှာ တကြိမ်မျှ ၊ ရာသီလာပြီး အချိန်မှာ စမ်းသပ်ကြည့်နိုင်ပါတယ်။
(၁) ပုံတွင်ပြထားသလို မှန်ရှေ့ မှာ ပုခုံးနှစ်ဖက် အမြင့်ညီအောင်ထားရပ်ပြီး၊ခါးနှစ်ဖက်ကိုထောက်ကာ ရင်သားနှစ်ဖက်၏ အရွယ်အစား ၊ပုံသဏ္ဍန် ၊ အရွယ်အစား၊ အရောင် စသည်တို့ ကို စစ်ဆေး ကြည့်ရန်။
အရေပြားပေါ်မှာ လိမ်မော်ခွံလို မာတင်းပြီး အပေါက်ငယ်များ တွေ့ ပါက ဆရာဝန်နှင့် ပြသပါ။
(၂) လက်နှစ်ဖက်ကို မြှောက်၍ အထက်ပါအတိုင်းယှဉ်ကြည့်ပါ ။နို့သီးခေါင်း အတွင်းသို့  ချိုင့်ဝင်နေရင် ။ညှစ်ကြည့်တဲ့ အခါ နို့ကဲ့သို့ အဖြူရောင် အရည်ကြည် ၊ဒါမှ မဟုတ် သွေးရောင်အရည်ကြည် ထွက်လာပါက ဆရာဝန်နဲ့ အမြန်ဆုံး ပြသပါ။
(၃) ပုံပါအတိုင်း လဲလျှောင်း၍ စမ်းသပ်ပါ ။ အထက်အောက်၊ အတွင်း အပြင် ၄ ကွက်ခွဲ၍ လက်ချောင်းများနဲ့ ပတ်ချာလည် ဖိ၍စမ်းပါ ။ လက်ချောင်းတွေကို အတန်းလိုက်ဖြောင့်အောင်ထာ့းပြီး အောက်မှာရှိတဲ့ နံရိုးများ အပေါ်သို့ ဖြေးညှင်းစွာ ဖိပေးပါ ။ ညှစ်ပြီးစမ်းဖို့ မလိုပါ ။
ရေချိုးနေစဉ်မှာ လည်း ဒီလို အလွယ်တကူ စမ်းသပ်နိုင်ပါတယ် ။
ဒီနေရာမှ ရတဲ့ ပုံများ နှင့် အကြောင်းအရာများပါ ။
ဒီအောက်မှာတင်ပြထားတဲ့ ဗီဒီယိုလေးနဲ့တွဲဖက်ကြည့်ရှုပြီး စမ်းသပ်ရင် ပိုပြီး မြန်ဆန်တိကျပါလိမ့်မယ်။ ဘယ်လိုပဲ ဖြစ်ဖြစ် မိမိဖာသာစမ်းသပ်ရင်း အလုံး အဖု အကြိတ် များကို စမ်းသပ်မိပါက တတ်ကျွမ်းတဲ့ ဆရာဝန်ဆီ အချိန် မဆွဲပဲ သွားပြပြီး နောက်တဆင့် စမ်းသပ်အဖြေရှာခြင်း( CT scan, mammogram ,biopsy စသဖြင့် ) များကို လုပ်ကြဖို့  လိုပါတယ် ။ ရင်သားကင်ဆာမှာလည်း စောစီးစွာတွေ့ ရှိပြီး မှန်ကန်တဲ့ ကုသမှုခံယူပါက ပျောက်ကင်းနိုင်တဲ့ ရောဂါတခု ဖြစ်နေပါပြီ ။
ရင်သားကင်ဆာ နဲ့ပတ်သက်ပြီး မြန်မာလို ပြည့်ပြည့်စုံစုံလေးရေးထားတဲ့ e-book လေးကို ဒီနေရာ မှ ကူးယူပြီး မျှဝေလိုက်ပါတယ်။
Yin Thar Kin Sar
ဒီအောက်က ဗီဒီယို ကတော့ မိမိအိမ်မှာပဲ breast light လို့ ခေါ်တဲ့  ကရိယာငယ်လေးနဲ့
မိမိဘာသာ ဦးစွာ စမ်းသပ်နိုင်တဲ့ အကြောင်းပါ ။
ဒါပေမဲ့ ဒီလို ကရိယာမျိုးက တန်ဘိုးကြီး တာမို့  လူတိုင်း အသုံးပြုဘို့  မလွယ်လှသေးပါဘူး ။
ဘယ်လို နည်းနဲ့ ပဲ စမ်းသပ်ပြီး တွေ့ ရ တွေ့ ရ၊ အလုံး အကြိတ် သံသယ ဖြစ်ဖွယ် အရိပ်များ တွေ့ ရင်တော့ ကျွမ်းကျင်သူ
ဆရာဝန်ထံ အချိန်မဆွဲပဲ ပြသဖို့ လိုကြောင်း ထပ်မံ အသိပေးလိုပါတယ်။
ရင်သားကင်ဆာအား စောစီးစွာ ရှာဖွေအဖြေထုတ် ကုသခြင်း ဖြင့် အသက်ရှည်ရာ အနာကင်းကြောင်း
ဖြစ်ကြပါစေ။
တရုပ်ပြည်မှာ အနေကြာတော့ တရုပ်လူမျိုးတွေ နှစ်သစ်ကူးတိုင်း သူတို့ လိုပဲ ကုံးရှီဖါးချိုင် (恭喜發財) ၊ရှင်းနဲန်ခွိုက်လော့(新年快樂 ) ...ပြော ပြော ပြီးနှုတ်ဆက်နေရတယ် ။ တရုပ်နှစ်သစ်ကူးပြီ ကိုး ..ရောမပြည်ရောက်တော့ ရောမသားလို ကျင့်ရပေမပေါ့ ။
တရုပ်လူမျိုးမှာ သူတို့ ဓလေ့ အယူအဆ (chinese zodiac year ) အရ တွက်ကြတော့ ဒီနှစ်“ ကျား ” နှစ်တဲ့လေ ။ တ နှစ် မှာ အကောင် တစ်မျိုး နဲ့  ( 鼠牛虎兔龍蛇馬羊猴雞狗豬 ) ကြွက် ၊ နွား၊ ကျား၊ ယုန်၊ နဂါး ၊ မြွေ ၊ မြင်း ၊ ဆိတ် ၊ မျောက်၊ ကြက် ၊ ခွေး ၊ ဝက် ဆိုပြီး အကောင် ၁၂ ကောင် ရှိတယ်။ တရုပ်လူမျိုးတွေ ဥာဏ် လည်း တယ်များကြသကိုး ။ သူများ အသက်ကို မေးချင်ရင် ဘယ်သူမှ “ နင် ဘယ်နှစ် နှစ် ရှိပြီလည်း ”ဆိုပြီး မမေးကြဘူး ။ “နင် ဘာကောင်လည်း ( 你屬什麼 ) ”ဆိုပြီး မေးကြတယ် လေ။ ဘာကောင်လည်းဆိုတာ သိတာနဲ့ အသက်ကို တွက်လို့ ရတယ်ပေါ့ ။ ဒါပေမဲ့ ဗမာလိုသာ နင်ဘာအကောင်လည်း လို့ မေးလိုက်မိရင်တော့ အရိုက်ခံရမှာ သေချာ သပေါ့ ။
အထက်မှာ ဆိုခဲ့သလို ဒီနှစ်က ကျား နှစ် ပါတဲ့  ။ ကျား နဲ့ တော့ တွေ့ ပါပြီ ။ နှစ် စ စ ချင်းမှာပဲ။ မင်္ဂလာသတင်း ။ သတင်းကောင်းပေါ့ ။ ဒီနှစ် တွက်ကိန်းအရ ဖွားကိ တို့ နှစ်သစ်ဦးမှာပဲ စွံသွားပြီ ဖြစ်ပါကြောင်း ။ စွံတာတောင်မှ နိုင်ငံခြားသား နဲ့ တဲ့ ဗျာ .. ( သိလိုသူများ ပြီးခဲ့ တဲ့ ပို့စ်က ကော်မန့် ပေး သွားတဲ့ အထဲမှာ ပြန်ကြည့်နိုင်ပါတယ် )။ တို့ဗိုလ်ချုပ်အကြောင်း အရေးကောင်းတာနဲ့  နေရင်းထိုင်ရင်း ယောင်္ကျားပါ ရသွားတယ် ။ဒီတော့ ဒီကျားနှစ်မှာ ကျားနဲ့ ပတ်သက်တာတွေပဲ ရေးရတော့ မလိုလို ။
ကျားကိုက်ပါတယ် ဆိုမှ အစွယ်ရာလေး လာရှာပြရအုံးမလိုပဲ။( ကျားကိုက်ပါတယ်ဆိုမှ နာတာရှည်လား ဆိုတဲ့  အဓိပ္ပါယ်ကိုတော့ သေချာ မသိပါ) ၊ ကျားမြှီးသာ ဆွဲလိုက်ချင်ပါတော့တယ် ။ အတောင် နှစ်ဆယ်ဝတ် မင်းယောင်္ကျားများ ကလည်း ဒီလို ရေးတတ် တွေးတတ်ပါပေတယ် ။ ထားပါတော့ ။
“သေချင်တဲ့ကျား တောပြောင်း ”တယ်ပဲ ပြော ရမလား ။ သေချင်တဲ့  ဖွားကိလည်း တောပြောင်း တောင်ပြောင်း နဲ့  ဒီတရုပ်တွေကြားထဲ မျက်စိသူငယ် နားသူငယ် နဲ့ ရောက်လာပါတယ် ။ ကိုယ့်အယူ အဆကတော့“ တရွာမပြောင်း သူကောင်း မဖြစ် ” ပေါ့လေ ။ ဒီရောက်တော့ လည်း သူကောင်းတော့ မဖြစ်လာပါဘူုး ။ ဒီတော့ ကိုယ့်ကိုယ်ကိုယ် အားပေးလိုက်ပါတယ် ။ သူကောင်းမဖြစ်ရင်လဲ နေပါ။သူယုတ်မာ မဖြစ်ရင် တော်ပါပြီ လို့  ဆိုပြီး တော့ပေါ့ ။
ဒီလိုနဲ့  တရုပ်တွေကြားထဲ နေရင်း သူတို့  ထုံးစံတွေ အယူ အဆတွေကို လက်လှမ်းမှီသလောက် မေးရ မြန်းရတာပေါ့ ။ တရုပ်ကျား အကြောင်း ပြောမလို့ ပါ ။ အယူသည်းကြ ပုံများလေ . ဒီ ကျားနှစ်မှာမွေးသူတွေ ထဲမှာတောင် ယောင်္ကျားလေး နဲ့  မိန်းကလေး ကို ခွဲခြား ခွဲခြားလုပ်တတ်ကြသေးရဲ့  ။ ကျားနှစ်က မိန်းကလေး ( ကျားမ လေးပဲ ဆိုပါတော့ ) ။ အဲ့လို ကျားမလေး ဆို ရင် ဘယ်ယောင်္ကျားလေးရှင်ကမှ သူတို့  သားနဲ့  သဘောမတူချင်ကြဘူး တဲ့ ။ ကျားမ ဆိုတာ မကောင်းဘူးပေါ့လေ ။ခိ်ုက်တတ်တယ်ပေါ့ ၊ ကျားမ လေးတွေဆို မင်္ဂလာ အခမ်းအနားမှာ တောင်မှ သူတို့ သမီးအရံ မလုပ်ကောင်းဘူးဆိုပဲ ၊ပြီးတော့ မင်္ဂလာ ကုတင် ပြင်ဆင်တာ တို့  ။ မင်္ဂလာ အခန်းထဲ တို့  ကိုတောင် ပေးမထိ် ပေးမဝင်ကြဘူး တဲ့  ။ အထူးသဖြင့် နွား ၊မြင်း ၊ ဆိတ် နှစ်မှာမွေးတဲ့ ယောင်္ကျားလေးတွေ ဆို ကျားမ လေးတွေကို ရှောင်ကြတယ် ။ ကျားစာ မိ မစိုးလို့  တဲ့လေ ။ ကျားမ ထဲမှာတောင်မှ မနက်ပိုင်း မွေးတဲ့ ကျားက နဲနဲခံသာသေးတာ တဲ့  ။ ညပိုင်းမွေးတဲ့  ကျားမက အဆိုးဆုံး ဆိုပဲ ။ ည ကျ ဗိုက်ဆာ လို့  ထ ကိုက်မှာကြောက်ကြတာတဲ့ ။ သူတို့ အယူသည်းပုံတွေများ ။ ကျားနှစ်မှာမွေးတဲ့ ယောက်ျားလေးများကိုလည်း တော်ရုံ မကြိ်ုက်ကြဘုးဆိုပဲ ။ ဒါဆိုရင် ဒီက အပျို လူပျိုကြီးတွေ က ကျားနှစ်ဘွားတွေ ဖြစ်ဖို့ များတယ်ပေါ့ ။ခက်ရချည်သေး ။ကျားမှာလည်း အသည်းနှလုံးနဲ့ပါလေ ။
ဒီပုံအတိုင်းသာဆို ဒီကျား နှစ်တွေမှာ မွေးနှုန်းကျ ကိန်း ရှိတယ်ပေါ့ ။ အိုဂျီတွေ တွက်ချေမကိုက် တဲ့  နှစ်ပေါ့လေ ။ ဒါပေမဲ့  နောက်တနည်းတွက်ကြည့်တော့လည်း ဘဲစားဘဲချေ ပဲ ဖြစ်လိမ့်မယ် ။ကလေး မွေးနှုန်းကျ ရင် ကလေး ဖျက်နှုန်းတက်မယ် ပေါ့ ။ ဒီက လူတွေ ကလေးဖျက်ချကြတာ ထမင်းစားရေသောက် သလောက်ကို လွယ်ကြတယ် ။ ဗုဒ္ဓဘာသာ ဝင်တွေ အနေနဲ့ ကတော့ ပါဏာတိပါတာ ကံ ထိုက်တယ် ဆိုပေမဲ့  ဒီမှာ ဗုဒ္ဓဘာသာစင်စစ် နည်းပါးတော့ အိုဂျီတွေလည်း ငွေသာရ ပြီးရော ပါပဲ ။
မြန်မာတွေမှာ ခွန်နှစ်ရက်သားသမီးတွေ တာစား တယ်ဆိုသလို အယူအဆမျိုး (安太歲 ) တရုပ်တွေမှာလည်း ရှိကြတယ်။ ဒီနှစ် ကျားနှစ်ဘွားတွေ တာစားတယ်ပေါ့လေ ။ ဗြမ္မာကြီးဦးခေါင်းရွက်ရတာတော့ မဟုတ်ပါဘူး ။ ကံဇာတာ ညံ့ကိန်းရှိတယ်ပေါ့ ။ ဒီတော့ ဘုရားကျောင်းတွေမှာ သွားပြီး ယတြာချေသလိုမျိုးတွေ လုပ်ကြရတယ် ။
နှစ်ဟောင်းက အဟောင်းအစုတ်တွေစွန့်ပစ်ပြီး နှစ်သစ်မှာ အသစ်တွေ သုံးရမတဲ့ ။ သန့် ရှင်းရေးတွေ အကြီးအကျယ်လုပ်ကြတယ် ။မလိုတဲ့ အမှိုက်ရှင်းတာကတော့ ရှင်းရမယ်ပေါ့လေ ။ ဒီလောက်ကြီး ဒီတော့ မြူနီစပါယ် အလုပ်သမားတွေ အလုပ်အရှုပ်ဆုံး အချိန်ပဲ ။ တချို့များ အယူသည်းတာ ဆိုမလား ၊ ပိုက်ဆံပေါတယ် ဆိုမလား၊ ကျားကြီး ခြေရာကြီးတယ် ဆိုတာ ဒီလိုလူမျိုးတွေ ဖြစ်မယ် ၊ ဆိုဖါ ဆက်တီတွေလည်း ပစ်လိုပစ် ။ အဝတ်ဟောင်းတွေ အမှိ်ုက်ပုံ ပစ်လိုပစ် နဲ့ဆိုတော့ အမှိုက်သိမ်းရသူတွေ တကယ် ပင်ပန်းကြပါတယ် ။ တကယ်ဆို Recycle လုပ်လို့ ရတဲ့ အရာမျိ်ုး ၊ ဥပမာ ၊ အဝတ်အထည်ဆို အကောင်းကြီးတွေ မရှိဆင်းရဲသား ဝတ်လို့ ရသေးတာမျိ်ုးဆို အလှူခဲပုံးတွေထဲ ထဲ့လိုက်ရင် ပိုပြီး သင့်တော်မယ်လေ ။ သန့် ရှင်းရေး အကြီးအကျယ် အလုပ်ကောင်းတော့ လုပ်ရင်းကိုင်ရင်း ထိခိုက် ကွဲ ရှ ကြသူတွေလည်း အများကြီး ။ ဒါကြောင့် ဒီနှစ်တော့ ဖွားကိတို့  စမ်းစပ်ကြည့်ချင်လို့ ဘာမှ အကြီးမကျယ် ရှင်းလင်းရေး မလုပ် ၊ ဘာအဝတ်အထည်မှ အသစ်မဝယ် ။ ဘာအဟောင်းမှ မပစ်ပဲနေကြည့်လိုက်တယ် ။ ခါတိုင်းနှစ်တွေလည်း ဘာကံမှ အထူးအထွေကောင်းခဲ့တာ မှ မဟုတ် ။ ဒီထက်များ ပိုဆိုးလာမလားလိ်ု့  စောင့်ကြည့်ပါအုံးမယ် လေ ။ လတ်တလော အကျိုးပေးတာကတော့ လူသက်သာတာအမှန်ပါပဲ ။အကုန်အကျလဲ သက်သာတာပေါ့လေ ။
မြန်မာတွေမှာတော့ ခွန်နှစ်ရက်သားသမီး ပဲ ရှိကြလို့  တော်သေးတယ် ပြောရမယ် ။သူတို့  တရုပ်တွေ လို အကောင် ၁၂ မျိုးသာ ဆို လွယ်မယ် မထင် ။ ၁၂ မျိုး ပြည့်အောင် ဘာကောင်တွေ ထဲ့ ပေးရရင်ကောင်းမလည်း လို့ တွေးကြည့်မိတော့ ကြံ့  ရယ်၊ ဖွတ်ရယ်၊ လဒ ရယ် ထပ်ဖြည့်ပေးရ မလိုပဲလေ ။ ဒါပေမဲ့ မြန်မာကျားလည်း ကျားဆိုမှ ကျားပါပဲ ။ တနလာင်္ ကျားများပြောပါတယ် ။ ကျားစိတ်ကတော့ ရှိကြတယ်လေ ။“ ကျားသနားမှ နွားချမ်းသာ ” ဆိုတာ တကယ်ပဲလား ။ နွားက အမြဲ ရှုံးနေကြရတယ်တဲ့ လား။ဟုတ်လိမ့်မယ် ။ဒါပေမဲ့ မြန်မာ့ကျားတွေ အမျိ်ုးတုံးတော့မယ် ၊ မြန်မာပြည်မှာ ကျားအကောင်ရေ ၁၅၀ ထက် ပိုမရှိနိုင်တော့ဘူး ဆိုတဲ့ သတင်းအရ ၊ လူသနားမှ လည်း ကျားချမ်းသာရာ ရမယ် ဆိုတဲ့ စကားပုံ တခု အသစ်ထွင်သင့်ပြီထင်ပါတယ်။ သနားစရာ ကျားသတ္တဝါ တွေကိုလည်း ညှာတာသနားကြစေလိုပါတယ် ။
ဒီနေရာလေးမှာ ဖတ်ကြည့်နိုင်ပါတယ် ။
အစိုးရရုံးပိတ်ရက် အရ အစိုးရ ရုံးတွေအားလုံးရော ၊ စက်ရုံ အလုပ်ရုံတွေအားလုံး ဒီနှစ် ရုံးပိတ်ရက် ၉ ရက်ကြီးများတောင် ရကြပါသတဲ့ ။ ဒါပေမဲ့ နွားနှစ်ဘွား မဟုတ်ပဲ နွားဇာတာပါတဲ့ ဖွားကိတယောက်တော့ နွား လိုပဲ အလုပ်လုပ်ရအုံးမယ်လေ ။ ၄ ရက်ပဲ နားရတာ ဆိုတော့ ရှားရှားပါးပါး ပိတ်ရက်မှာ ဟိုလည် ဒီလည် လုပ်မလို့  စီစဉ်ပြီးကာမှ ရာသီဥတုကလည်း မျက်နှာသာ မပေးပေဘူး ။ မိုးတွေဆက်တိုက်ရွာ နေတာ နဲ့  အိမ်ထဲမှာ ပျင်းရိစွာ အချိန်ကုန်ရပြန်ပါတယ် ။ ၃ရက်မြောက်နေ့ မတော့ မနေနိုင် မထိုင်နိုင်နဲ့ မိုးရွာထဲမှာပဲ ရထားတတန် ကားတတန် စီးပြီး ဟိုဝင် ဒီထွက် သွားပလိုက်တယ် ။ ကားတွေ ပိတ် လူတွေကြပ် သိပ်မဟန်ပါဘူး ။ လူ့ အလို နတ်မလိုက်နိုင် ဆိုတာ ဒါမျိုးပဲ ဖြစ်မယ် ။
“ကျားနဲ့ဆင် လယ်ပြင်မှာ တွေ့ ကြ သေးတာပေါ့ ” ဆိုတာရော ..ကျားနဲ့ဆင် တွေ့ တဲ့ အခါ သူတပြန် ကိုယ်တပြန် ဆိုတော့ ဒီလိုပွဲမျိုး ကြည့်ကောင်းမယ် ထင်ရတယ် ။ ဒါပေမဲ့ “ ကျားကျောက်လို့  ရှင်ကြီးကိုး ၊ ရှင်ကြီးကျားထက်ဆိုး ” ဆိုတဲ့  အဖြစ်မျိုး မရောက်ကြရအောင်လည်း သတိ နဲ့  အသိ နဲ့ ယှဉ်ပြီး ချင့်ချိန်ကြရပါမယ်။ “ ကျားဆရာ ကြောင် ” ဆို ပြီး “ ကြောင်သူတော် ကြက်သူခိုး ”တွေကလည်း ရှိသေးရဲ့  ။ ကျားကိုးစီး စားမကုန်တဲ့အား နဲ့ ကျားငစဉ်းလဲ တွေလည်း ရှိသေးသမို့ ဒီလိုကျားမျိုးတော့ ဝေးဝေးကြည့်ရှောင် ကြပေါ့ ၊ ဒါပေမဲ့ တရုပ်ကျား ဖြစ်ဖြစ် ဗမာကျားဖြစ်ဖြစ် တကယ့် တိရစ္ဆာန် ကျား မျိုးတွေကို မျိုးမတုံးကြရလေအောင်တော့ စောင့်ရှောက်ကြဖို့  လိုအပ်နေပါပြီ....
ကျားနှစ်မှာ ကျား နဲ့ ပတ်သက်တဲ့ ရောက်ရာပေါက်ရာလေးများ ရေးလိုက်ရပါတယ် ။ ဘာကျားပဲ ဖြစ်နေဖြစ်နေ နိုးနိုးကြားကြားလေးတော့ ရှိကြစေချင်ပါတယ် ။
တို့ အားလုံးရဲ့  တဦးတည်းသော ဗိုလ်ချုပ် ။ သူက ရိုးရိုးသားသား ဗိုလ်ချုပ်တဦး ။ မှူးကြီး တွေ ၊ ကြီးတွေ နဲ့ ကြီးကြီးကျယ်ကျယ် သူ့ ကိုယ်သူ နာမယ်ပေးမထား ။ အရွယ်နဲ့  မလိုက်အောင် စိတ်ဓါတ် ခိုင်မာတယ် ။ ပြတ်သားတယ် ။ကိုယ်ပိုင် ဥာဏ်စွမ်း နဲ့  လုပ်ရည်ကိုင်ရည် ကြီးမားတယ် ။ရာထူး ဂုဏ်သိမ်မမက်၊ ကိုယ်ကျိုး မဖက်ဘူး ။ဘဝ တခုလုံးကို သူ့ တိုင်းပြည်နဲ့ လူမျိုးအတွက် ပေးအပ်ထားခဲ့တယ် ။ နူးညံ့ သိမ်မွေ့ တယ် ။မာန် မာန မထောင်လွှားဘူး ။တိုင်းသူပြည်သားတွေနဲ့ လက်ရည်တပြင်တည်း နေတယ် ။
တို့ ဗိုလ်ချုပ်ရဲ့  ရိုးသားတဲ့ ဘဝ ။လေးစားထိုက်တဲ့  အရည်အချင်းများ ။ စွမ်းပကားများ ကို နောင်လာ နောက်သားများ မမေ့မလျော့ကြစေရန် ၊ရည်မှန်းချက် ပန်းတိုင်ထိ မဆုတ်မနစ် ရှေ့ ဆက် ချီတက်ကြစေရန် အားပေး နှိုးဆော်ထားတဲ့ 
ဆရာ ရန်အောင် ရဲ့ “ ကျေးဇူးဆပ်လော့ ” အမည်ပေးထားတဲ့  ကဗျာလေး ကို ပြန်လည်ဖေါ်ပြပေးလိုက်ပါတယ်။
အထက်ပါ ကဗျာ အပါအဝင် အခြားသော ဗိုလ်ချုပ်အောင်ဆန်းကဗျာစုများ ကို ဒီနေရာမှာ ဒေါင်းလုပ်ရယူ နိုင်ပါတယ်
တို့ ဗိုလ်ချုပ်ရဲ့  အထုပတ္တိ ဘဝ နဲ့ စွမ်းပကားများကို ရေးဖွဲ့ ထားတဲ့  ကို ICY ရဲ့  “ အောင်ဆန်းပေးတဲ့ မြန်မာပြည်” ဆိုတဲ့  စာကဗျာ ကို ဒီနေရာမှာ စုံလင်စွာ ဖတ် ရှု နိုင် ပါတယ် ။
ပြီးတော့ ရှိသေး ။ ဒီလ ။ ဒီရက် ဖေဖေါ်ဝါရီ ၁၂ ရက် ( ပြည်ထောင်စုနေ့ ) ။ အရင်အချိန်တွေ တုံးကတော့ နှစ်စဉ် တခမ်းတနားကျင်းပပေးခဲ့ကြတယ် ။ ပြည်ထောင်စု အလံကြီးကို တိုင်းနဲ့ ပြည်နယ် ၁၄ ခုကို လက်ဆင့်ကမ်းသယ်ဆောင် အလေးပြုပြီး တိုင်းရင်းသားများ စည်းလုံးညီညွတ်ရေးကို ဖေါ်ဆောင်ခဲ့ကြတယ် ။ ဗိုလ်ချုပ်အောင်ဆန်းရဲ့ စွမ်းဆောင်မှုများ ၊ ခုတော့ နောင်လာ နောက်သားတွေ မသိနားမလည် ၊ တစတစ နဲ့  မေ့လျော့လာအောင် မသိမသာရော သိသိသာသာကြီးပါ လုပ်ဆောင်လာကြတာ ကို ဝမ်းနည်းစဖွယ် မြင်တွေ့ နေကြရတယ် ။
တို့  မြန်မာ လူမျိုးတွေ ဟာလည်း ကောက်ရိုးမီးလို တခဏတောက်ပြီး ပွဲပြီးမီးသေ ။ ဒါပေမဲ့ ပွဲလမ်းသဘင် အပျော်အပါးဆိုလည်း ကြိ်ုက်လိုက်သမှ ၊ မနက်ဖန် စားဖို့  ဆန်အိုးထဲ ဆန်မရှိရင်သာ နေမယ် ၊ ဆိုင်းသံ ဗုံသံကြား ရင် မသွားရ မနေနိုင် ၊ ပျော်လိုက်ကြသမှ ၊ ဒီဘက်ခေတ် မှ ကျင်းပလာကြတဲ့ ဖေဖေါ်ဝါရီ ၁၄ ရက် ချစ်သူများနေ့ ( Valentine Day ) ဆိုပဲ ။ ကိုယ့်လူမျိုး ဓလေ့ထုံးစံတွေကို မသိကြ ရင်သာ ရှိမယ် ။ အဲ့ဒီ ချစ်သူများ နေ့ ( တကယ်ဆိုတော့ တာနီ (Terni)မြို့က Saint Valentiuns ဆိုတဲ့ သူတော်စင်ပုဂ္ဂိုလ်ကြီးရောမမှာ ၊နှိပ်စက်ပြီး ခေါင်းဖြတ်ခံရတဲ့ နေ့ပါ) မှာ ပန်းကလေး၊ ကဒ်ကလေး၊ ချောကလက်လေးများ မပေးကြရင်ပဲ ကိုယ့်ချစ်သူက ကိုယ့်ကို မေ့သွားမလား လို့ တောင် ထင်ရလောက်အောင် အလေးထားကျင်းပလာခဲ့ကြတာ ၊တွေးကြည့်ရင် တွေးတတ်ရင် ရင်မောစရာ များ ဖြစ်နေရပါပြီ ။
ချစ်သူတွေ အမြဲ တန်း နေ့ တိုင်း မမေ့မလျော့ ချစ်လို့ ခင်လို့ ရပါတယ်၊လောကကြီးမှာ အချစ်တွေဖုံး အပျော်တွေ လွှမ်းနေတယ် ဆိုတာ မင်္ဂလာ တပါးပေ မို့  ဒီချစ်သူများ နေ့ ကို မမေ့မလျော့ကြသလို ၊ တို့ တတွေရဲ့  လွတ်လပ်ရေး ဖခင်ကြီး ဗိုလ်ချုပ် အောင်ဆန်း နဲ့ သူ့ စကား တွေကို မမေ့မလျော့ ကြဖို့  အရေးကြီးပါတယ် ။ ဒီလိုမှ မဟုတ်ရင်တော့ တလွဲဆံပင်ကောင်းနေကြတဲ့ တို့ ရွှေပြည်ကြီးက xါ နိုင်ငံ ဖြစ်ဖို့  ပိုသေချာ နေပြီ လို့ပဲ ပြောချင်ပါတယ် ။
တို့ဗိုလ်ချုပ်သာ ခုနေများ ရှိနေမယ် ဆို အသက် ၉၅ နှစ် ။ သူချစ်တဲ့ တိုင်းပြည်ကြီးမှာ ခုဖြစ်နေတဲ့ အရာတွေကိုသာ မျက်ဝါးထင်ထင် တွေ့ မြင်လိုက်ရမယ် ဆို ရင် .....
နောက်ဆက်တွဲ သတင်းးး
ပြည်ထောင်စုနေ့မိန့်ခွန်း ပင်လုံ နှင့် ဗိုလ်ချုပ်အောင်ဆန်း နာမည်ထည့်မပြော
သောကြာနေ့၊ 12 ဖေဖော်ဝါရီလ 2010 သျှမ်းသံတော်ဆင့်
သျှမ်းပြည် ပင်လုံ၌ ယနေ့ကျင်းပသည့် ပြည်ထောင်စုနေ့အခမ်းအနားတွင် ပင်လုံ နှင့် ဗိုလ်ချုပ်အောင်ဆန်း နာမည် တခွန်းတပါဒမျှ မလှစ်ဟသည့် နအဖ အကြီးအကဲ ဗိုလ်သန်းရွှေ၏ မိန့်ခွန်းသ၀ဏ်လွှာကို ဒေသခံပြည်သူအား ဆင့်ခေါ်ပြီး နားထောင်စေခဲ့သည်ဟု စုံစမ်းသိရှိရပါသည်။
( အပြည့်အစုံ ကို ဒီနေရာမှာ ဖတ်နိုင်ပါတယ် )
ကမ္ဘာကျော် ပုဂ္ဂိုလ်ကြီးများရဲ့  အတွေး အရေး အဆို အမိန့် များ ကို ဖတ်ကြည့် မိရင်း ၊ကမ္ဘာ မကျော် ဖွားကိ က ပေါက်ကရ တွေးကြည့်မိတယ် ၊ သူတို့ မှန်သလား ကိုယ်မှားသလား လို့  ၊ ဘယ်လိုပဲ ဖြစ်ဖြစ် လိုရာဆွဲတွေးလေ့ရှိတဲ့ အကျင့် ၊ ခေါင်းမာတတ်တဲ့ အကျင့် က သေရာပါ ဖျောက်မရ ဆိုသလို ရှိနေတာ မို့  တွေးမိတွေးရာ တွေကို ရေးမိရေးရာ ရေးချလိုက်မိတယ် ။ အမှားပါက ပြင်ဖတ်ကြပါ ။ ( ကိုယ်မှန်တယ်ထင်လို့ ရေးထားတာတွေ ဖြစ်တဲ့ အတွက် ၊ ကိုယ့်အမှားတွေကို ထောက်ပြရန် မလိုပါကြောင်း ကြိုတင် အသိပေးအပ်ပါတယ် ) ။
အဒေါဖ့်ဟစ်တလာ က ပြောခဲ့ တယ် “သင်ဟာ တကယ်လို့ နိုင်ခဲ့ ရင် ဘာမှ ရှင်းပြနေစရာ မလိုဘူး ။ ဒါပေမဲ့  ရှုံးသွားခဲ့ ရင် တော့ ရှင်းပြဖို့ တောင် ဒီနေရာမှာ ရှိမနေသင့် တော့ဘူး ” တဲ့  ။
ဒါကြောင့်ပဲနေမှာ ..သူ့ တပည့်ကျော် ကိုယ်တို့ ရဲ့  ဘဘကြီး က ဘယ်လိုမှ အရှုံးမပေးတာ ၊ ဘာကိုမှ လည်းရှင်းမပြတော့တာပေါ့ ။ အပြိုင် အဆိုင်မဲ့  အနိုင်တွေနဲ့ ချည်းပါပဲလေ။
အီဗရာဟင် လင်ကွန်းက ပြောခဲ့တယ် ။ “လူတိုင်းကို ယုံကြည်ရင် အန္တရာယ်များတယ် ။ ဘယ်သူ့ ကိုမှ မယုံကြည်ရင် အလွန် အန္တရာယ်များ တယ်” တဲ့ ။
ကိုယ်ကကျူးရင် ကိုယ့်ဒူးတောင်မှ မယုံရ လို့  ရှေးလူကြီးများကလည်း ပြောခဲ့ကြသေးတယ် ။
အင်း ဒီလိုသာဆို ခက်ချေပြီ ။ တလောကလုံး ဘယ်သူမှ မယုံကြည်ရပါလား ။
ဒါကြောင့် ဒီလူကြီး ဒီလို လုပ်တာ နေမှာ ပဲ ။ ကျော် နှစ်ကျော် တို့ ဒုက္ခ နဲ့ လှလှ တွေ့ ရရှာပြီ။
ဤနေရာမှ ရယူသော ပုံလေးပါ ။ ကိုဟန်လေး ရေးဆွဲ ထားတာပါ
“ကမ္ဘာကြီးကို ပြောင်းလဲပစ်ဖို့  လူတိုင်းစဉ်းစားကြတယ် ။ ဒါပေမဲ့ ဘယ်သူမှ ကိုယ့်ကိုကိုယ် ပြောင်းလဲပစ်ဖို့  မစဉ်းစား ကြဘူး ” တဲ့  လီယို တောစတွိုင်း က ပြောခဲ့ တာပဲ ။
ဒို့  ဘဘကြီး လည်း ဒီစကားကို မှတ်သား လိုက်နာ ပုံရတယ် ။ သူ့ ကိုယ်သူ ဘယ်တော့ မှ ပြောင်းလဲ မှာ မဟုတ်ဖူး ။
အိုင်းစတိန်းကပြောခဲ့တာ “ အကယ်၍ လူတယောက်ဟာ သူ့ ဘဝ တလျှောက်လုံးမှာ ဘယ်သောအခါမျှ အမှား တခု မလုပ်ခဲ့ ဟူထင်ပါက ထိုသူမှာ သူ့ ဘဝတလျှောက်လုံး၊ မည်သည့် အရာ အသစ် ကိုမျှ ကြိုးပန်းလုပ်ဆောင် ခဲ့ခြင်း မရှိ ဟု မည်၏ ”
မမှားသော ရှေ့ နေ ၊ မသေသောဆေးသမား ။ လူဆိုတာ မှားကြမှာပဲလေ ။ များများလုပ်သူ များများ မှားမယ်ပေါ့ ။ဘာမှမလုပ်သူ ဘာမှ မမှားဘူးပေါ့ ။
အမှားတွေချည်း ရွေးလုပ်နေသူဆို အမှားတရံ များစွာ နဲ့  အမှန်တရားဆိုတာ မရှိတော့ ပေဘူးပေါ့ ။ သူလည်းလေ လောကီသားပေမို့  ၊ များများကြီးလုပ်နေလို့  များများပဲ မှားရတာပါ ။ ခွင့်လွှတ်သင့်ပါတယ် ။
ချားလ်စ်ဒစ်ကင် ကပြော ခဲ့တယ် ။ “ ယုံကြည်မှု ၊ခင်မင်ဆက်ဆံမှု ၊ ကတိ ၊ အသည်းနှလုံး ၊ ဒီ ၄ မျိ်ုးကို မကွဲပျက်စေ နဲ့  ၊ ဘာလို့ လည်းဆိုတော့ ဒီ အရာ ၄ မျိ်ုး ကွဲပျက်တဲ့အခါ မှာ ဘာ အသံမှ မမြည်ပေမဲ့  အတော်လေးနာကျင်စေလို့ ပါ ” တဲ့ ။
အို ၊ ကိုယ်မနာ ရင် ပီးတာပဲလေ ။ သူ့ ဟာ သူ ဘာသံ မြည် မြည်ပေါ့ ။ ဒီအရာ ၄ ခုက ဗိုက်ပြည့်စေတာမှ မဟုတ်တာ ၊
ဒီတော့ ဒီတော့ ကိုယ့်ဆွေမျိ်ုးသားချင်းတတွေ စားရ ဝါးရ ဝတ်ဆင်ရရင် ဘယ် ယုံကြည်မှု ၊ ခင်မင်ဆက်ဆံမှု ၊ ကတိ ၊ အသည်းနှလုံး တွေမှ အရေးမကြီးလှပေဘူး ။ ( ချားလ်စ် အတွေးက နုပါသေးတယ် ။ တို့ တတွေ ဘဘကြီး အိပ်နေသလောက်တောင် မရှိပါလား ကွယ် )
ဝီလီယံ ရှိတ်စပီးယား ပြောခဲ့ တဲ့  အောင်မြင်မှု အတွက် အချက် ၃ ချက် ..“ သူများထက် ပိုသိရမည် ။ သူများထက် ပိုလုပ်ရမည် ။ သူများလောက် မျှော်လင့်မှု မထားရ ” တဲ့ ။
ဘဘကြီးလည်း သူများတွေထက် ပိုသိပါတယ် ။ သူများတွေထက် ပို(ဖိ) လုပ် ပါတယ် ။ သူ နဲ့ သူ့ လူတွေ စားဖို့  ဝါး ဖို့။့ သိပ်မျှော်လင့် မထားပါဘူး ။ နေရာ ဖယ်ပေးဖို့  ။
မာသာထရီဆာ က ပြောခဲ့ တယ် “ အကယ်၍သင်ဟာ လူများအတွက် တရားမျှတရေးကိုသာ လုပ်ဆောင်နေရလျှင် ထိုသူများအား ချစ်ရန် အချိန်ရှိမည် မဟုတ်ပါ” တဲ့ ။
ဒါကြောင့်ဖြစ်မယ် ဘဘကြီးခမြာ သူ့  ပြည်သူတွေကို ချစ်ရန် အချိန်လုံးဝ မရှိခဲ့တာပေါ့ ။ဒါသူ့ အပြစ်မဟုတ်ရှာပါဘုး ။ ရှေ့ ကလူတွေပြောသွားခဲ့ကြတဲ့ အတိုင်း လုပ်နေရှာသားပဲ လေ ။
ဒီနေ့ တော့ ဒီလောက်ပဲ လိုရာဆွဲပြီး ပေါက်ကရတွေ တွေးလိုက်ပါတယ် ။ ရှေ့ ဆက်တွေး ရင် ရွာသာကြီး နဲ့ ပိုနီးလာမှာမို့  ။း)
“သင့်သွေးဖြင့် အသက်ကယ်ပါ” ။“ သွေးတစ်စက်၊ အသက်တစ်ချောင်း” ဆိုတဲ့  အတိုင်း တန်ဖိုးရှိလှတဲ့  ဒီသွေး ။ “ကိုယ့်သွေး ကိုယ့်သား” ဆိုတဲ့ စကားအရတော့ ကိုယ့်ဖက်ကိုယ်တွေး ၊ အရေးပေး သလို၊ အဓိပ္ပါယ် အမျိုးမျိုး ပေးဆောင်နိုင်တဲ့  ဒီသွေး ။ “ ဇာတိသွေး ဇာတိမာန် ” ၊ အရေးကြီးက သွေးစည်းကြ ” ဆိုပြီး ကိုယ့်လူမျိုး ဘာသာ သာသနာ ကို လှုံ့ ဆော်ပေးနိုင်တဲ့ ဒီသွေး ။ဘယ်လိုပဲ ပြော ပြော သွေး က အရေးကြီးလှသည် ။ မလိုအပ်ပဲ မြေကျ ခဲ့ရသည့် သွေးများ အတွက် အလွန် ကြေကွဲ နှမြော စရာ ကောင်းလှသည် ။ဆရာမကြီး ဂျာနယ်ကျော် (ဒေါ်) မမလေး ရဲ့  “ သွေး ” ဝတ္တုကြီးကဲ့သို့  ဇာတ်လမ်း တပုဒ်ကိုလည်း အမှတ်ရမိပါသေးသည် ။ သွေးအကြောင်းပြောရလျှင် ကိုယ့်အရေး ဘာသာရေး ၊ လူမှုရေး ၊ စီးပွားရေး မှစ၍ အလွန်ပဲ ကျယ်ပြန့် သွားနိုင်ပါသည် ။ ဒီတော့ အသက်ကယ်မည့်  သွေး ရဲ့  အရေးကြီးပုံ နှင့် သွေးလှူခြင်း အကြောင်း ကိုသာ ပြော ပါမည် ။
လူတဦး၏ကိုယ်ခန္ဓာအတွင်း လှည့်ပတ် စီးဆင်းနေသော သွေးပမာဏမှာ ၅လီတာ မျှရှိသည် ။မိမ်ိကိုယ်ခန္ဓာ အလေးချိန်၏ ၈ % မျှ ဟု အကြမ်းဖြင်း တွက်ယူနိုင်ပါသည်။
သွေး အုပ်စု အမျိ်ုးအစား ။
အဓိက ၄ မျိုး ရှိပါသည် ။ A , B ,AB , O ( အေ ။ ဘီ ၊ အေဘီ နှင့် အို ) စသည်တို့ ဖြစ်ပြီး ၊ ၄င်းတို့ ကို မျောက်သွေး ခေါ် Rh ( Rhesus) အမျိုးအစား + / - နှင့် တွဲပြီး ဖေါ်ပြရသည် ။
သွေး၏ လုပ်ငန်းတာဝန်များနှင့် အရေးကြီးပုံ ။
သွေးထဲတွင်
(၁) သွေးနီဥ( Red Blood Cell ) ၊
(၂) သွေးဖြူဥ(White Blood Cell ) ။
(၃) သွေးဥမွှား( Platelet ) ။
(၄) သွေးရည်ကြည် ( Plasma) စသဖြင့်ပါဝင်သည် ။
၎င်းတို့ တွင် အရေးကြီး တာဝန်ကိုယ်စီ ရှိကြသည်။
သွေးထဲတွင် ခန္ဓာကိုယ် ဇီဝကမ္မ လုပ်ငန်းများအတွက် လိုအပ်သော အောက်စီဂျင်နှင့် အာဟာရ ဓါတ်များကို သယ်ဆောင်ပေးသည်။ မလိုအပ်တော့သော ကာဘွန်ဒိုင်အောက်ဆိုဒ်ပါဝင်သည့် သွေးညစ် နှင့် လိုအပ်သော အောက်စီဂျင် ဓါတ် ပါသည့် သွေးသန့်  ကို အဆုပ်ထဲတွင်လဲလှယ်ပေးသည်။မလိုအပ်သော အညစ်အကြေး အဆိပ်အတောက်များကို အသည်းနှင့် ကျောက်ကပ်တို့ မှ စွန့် ပစ်စေနိုင်ရန် သယ်ဆောင်ပေးသည်။
(၁) သွေးနီဥမှာ သွေးပမာဏ ၏ ၄၀ % ရှိပြီး သက်တမ်း ၁၂၀ ရက်ထိ ကြာအောင်ရှင်သန်နိုင်သည် ။ သွေးနီဥထဲရှိ ဟေမိုဂလိုဘင် ကိုကြည့်ပြီး (အကြမ်းအားဖြင့်) သွေးအားနည်းခြင်း ( Anemia) ရှိ မရှိ ဆုံးဖြတ်နိူင်သည် ၊ သွေးအားနည်းခြင်းမှာ သွေးပေါင်ချိန် နည်းခြင်း နှင့်မတူပါ။ပုံမှန်လူ တဦးအတွက် ဟေမိုဂလိုဘင်မှာ (ကျား)13.6 - 17.7 g/dl နှင့် (မ) 12.0-15.0 g/dl အတွင်း ရှိသည် ။
( ဓါတ်ခွဲခန်း နှင့် အသုံးပြုသော ဆေးရည် ပေါ်တည်၍ အနည်းငယ် ကွဲပြားသတ်မှတ်ချက်များ ရှိကြသည် ။)
(၂) သွေးဖြူဥ မှာ အရွယ် အစား အကြီးဆုံး ဖြစ်ပြီး သက်တမ်းမှာတော့ တိုသည် ။ ရက်သတ္တ တပါတ် မျှသာ ရှိသည် ။သွေးဖြူဥ အမျိုးအစား ၅မျိုးရှိပြီး သူတို့ ၏တာဝန်မှာ ခန္ဓာကိုယ်တွင်း ဝင်ရောက်လာသော ရောဂါပိုးများကို တိုက်ထုတ်ပေးသည် ။သွေးတစက်တွင် သွေးဖြူဥဆဲလ် ပေါင်း ၇ ထောင်မှ ၂သောင်းခွဲမျှ ရှိသည် ။ ယူနစ်နှင့်ပြပါက 4000~10000 /microL (မိုက်ခရိုလီတာ) အတွင်းရှိသည်။ရောဂါပိုးများအား ခုခံတိုက်ဖျက်နေရချိန်တွင် သူ၏ပမာဏများပြားလာသည် ။ wbc leukocytosis ဟုခေါ်ပြီး သွေးဆိပ်တက်ခြင်း( Septicemia , Sepsis )ကို သွေးဖြူဥ အဆမတန် များပြားနေခြင်းဖြင့် သိနိုင်သည် ။
(၃) သွေးဥမွှား မှာ အသေးငယ်ဆုံး သွေးဆဲလ် များဖြစ်ပြီး သွေးပမာဏ၏ ၅% မှ ၇ % ရှိသည် ။၎င်း သည် ကိုယ်ခန္ဓာတွင် ထိခိုက်ပြီး သွေးထွက် သောအခါ မှာ ဒါဏ်ရာ၌ သွေးခဲစေပြီး သွေးယိုထွက်ခြင်းကို လျှော့ချပေးသည် ။ ပုံမှန် ပမာဏမှာ တစ်မီလီမီတာ ကုဗ အတွက် သွေးဥမွှား အရေအတွက် ၁သိန်းခွဲမှ ၄ သိန်း အထိရှိသည် ။
(၄) သွေးရည်ကြည် မှာ အ၀ါရောင်ဖျော့ဖျော့ အရည် ဖြစ်ပြီး စေးကပ်ကပ်ရှိသည် ။ သွေးပမာဏ ၏ ၅၅ %ဖြစ်ပီး ရေဓါတ်၊ ဆားဓါတ် ၊ ပရိုတင်းဓါတ် နှင့် ဟော်မုန်းဓါတ်များ ပေါင်းစပ် ပါဝင်သည် ။ သွေးရည်ကြည်၏ ၉၅ %မှာ ရေဓါတ် ဖြစ်ပြီး ကျန် ၅ % မှာ ဆားဓါတ် ၊ ပရိုတင်းဓါတ် နှင့် ဟိုမုန်းဓါတ် များဖြစ်သည် ။ ထို့ ကြောင့် ၄င်းသည် သွေးပေါင်ချိန်အား ထိန်းညှိပေးနိုင်ပြီး ကိုယ်ခံအားအတွက် လည်း အရေးကြီးသည် ။
သွေးလှူရှင်များ လှူဒါန်းသောသွေးများကို သွေးလှူဘဏ်တွင် စနစ်တကျ ဓါတ်ခွဲခြင်း၊ ကူးစက် ရောဂါ များ ပါ မပါ စမ်းသပ်ခြင်း လုပ်ရသည် ။ ထို သွေး တချို့ အား နဂိုသွေး( whole blood ) အတိုင်း ထားပြီး ၊ အချို့ အား သွေးနီဥ ၊သွေးဖြူဥ ။ သွေးဥမွှား၊ သွေးရည်ကြည် တို့ အဖြစ် သပ်သပ်စီ ခွဲခြား ကာ သတ်မှတ်ထားသည့် အပူချိန် ၌ သိုလှောင်သိမ်းဆည်း ထားပြီး ၊ သက်တမ်းမကုန်ဆုံးမီ အတွင်း လိုအပ်သော လူနာများထံ ပေးပို့ ရသည်။
- သွေးနီဥကို သာမာန်အခြေအနေတွင် ၄၂ ရက်တိတိ သိုလှောင်ထား၍ ရသည်။
- Cryopreservation နည်းဖြင့် အေးခဲထားသော သွေးနီဥ (Frozen RBC) များအား အများဆုံး ၁၀ နှစ်ကြာမျှ သိမ်းဆည်းထားနိုင်ပါသည် ။
- သွေးဥမွှား မှာ ကြာရှည် အသိမ်းမခံပဲ ၅ ရက်အတွင်း အသုံးပြုရသည် ။ သွေးဥမွှား အလွန်နည်းပါးစေသော သွေးကင်ဆာနဲ့ အသည်းကင်ဆာရောဂါ အသည်းခြောက်ရောဂါများအတွက် အသုံးပြုပါသည် ။
- အေးခဲထားသော သွေးရည်ကြည် ( Fresh Frozen Plasma ) အား ၁ နှစ်တိတိ သိုလှောင် ထား နိုင်ပါသည် ။
မည်သူတွေ သွေးလှူနိုင်သလည်း ။
ကျန်းမာသန်စွမ်းပြီး ကူးစက်ရောဂါ မရှိသော သူတိုင်း သွေးလှူ နိုင်ပါသည် ။အခြေခံ သတ်မှတ်ချက် တချို့ တော့ ရှိပါသည် ။
သွေးလှူ သူ (Donar) နှင့် သွေးလက်ခံသူ( Recipient ) တိုင်းကို သွေးလှူခြင်း ၊သွေးသွင်းခြင်းမပြုမီ စမ်းသပ်စစ်ဆေးရပါသည် ။
သွေးလှူမည့်သူတိုင်းအား သွေးပေါင်ချိန်၊ ကိုယ်အလေးချိန် ၊ ကိုယ်အပူချိန်၊ အသက်ရှုမှု ၊ နှလုံးခုန်မှု ၊တိုင်းထွာစမ်းသပ်ရသည် ။ သတ်မှတ်စံညွန်း မပြည့်က သွေးမလှုနိုင်ပါ ။
-အသက်အရွယ်အားဖြင့် ၁၇ နှစ်ပြည့်ပြီးသား မှ အသက် ၆၀ အရွယ်ထိ ၊
-ကိုယ်ခန္ဓာ အလေးချိန် ၄၅ ကီလိုဂရမ် (၁၁၀ ပေါင် )အထက်ရှိ သူများ။
-သွေးပေါင်ချိန် ၁၁၀/၆၀ မှ ၁၆၀/၉၀ အတွင်းရှိသူများ ဖြစ် ရပါမည် ။
-ကူးစက်ရောဂါများ ဆိုသည်မှာ အသည်းရောင် အသားဝါ ဘီပိုး ၊ စီပိုး ၊ HIV ပိုး ။ကာလသားရောဂါ ( ဆစ်ဖလစ် ပိုး) ၊ ငှက်ဖျားပိုး အစရှိသည်များကို အဓိကထားပြီး ကင်းရှင်းသူများမှသာ သွေးလှူသင့်သည် ။
အချို့ နိုင်ငံများတွင် နိုင်ငံအလိုက် တွေ့ ရှိရသော ကူးစက်ရောဂါ များ ကိုလည်း သွေးမလှူသင့်သော အမျိုးအစားထဲတွင် ထဲ့သွင်းသတ်မှတ်ထားပါသည် ။ ဥပမာ ဥရောပ နိုင်ငံ UK တွင် bovine spongiform encephalopathy (BSE, နွားရူးရောဂါ ပိုးတမျိုးကြောင့်ဖြစ်သော ဦးနှောက် ပိုးဝင်ခြင်း ရောဂါ )အပါအဝင် variant Creutzfeldt-Jakob Disease (vCJD) ရောဂါ ရှိသူများ သွေးမလှူရပါ ။
-ရက်သတ္တပတ် အနည်းငယ်အတွင်းမှာ ကာကွယ်ဆေးအချို့ ထိုးထားသူများ သွေးမလှူ ရပါ ။ ဥပမာ ၊ အသည်းရောင် အသားဝါ ကာကွယ်ဆေး (HBV vaccine ၊ Engerix-B,Recombivax HB စသည်တို့ ) ထိုးထားသူများ ၂ပါတ် အတွင်း သွေးမလှူရပါ ။ ဝက်သက် ၊ပါးချိတ်ယောင် ၊ဂျာမန်ဝက်သက် [ Measles, Mumps, Rubella (MMR) ] ကာကွယ်ဆေး ထိုးထားသူများ တစ်လ အတွင်း သွေးမလှူရပါ ။
သွေးလှူရန် ကြောက်နေကြပါသလား ။
သွေးလှူ ရန် မဝန့် မရဲ ဖြစ်နေသူများ အတွက် အောက်ပါ အကြောင်းအရာများ ကို ဆက်လက် ဖတ်ရှူခြင်းဖြင့် သံသယများကို ရှင်းလင်းနိုင်ပါသည် ။
*- သွေးလှူခြင်းဖြင့် အလှူရှင်အား ရောဂါများ ကူးစက်ဝင်ရောက်မှု မရှိနိုင်ပါ ။ အကြောင်းမှာ ပိုးကင်းစင်သော တခါသုံးအပ်များ အသုံးပြု ပြီး သွေးကိုထုတ်ယူခြင်း ၊သွေးဖေါက်မည့် နေရာတဝိုက်ကို ပိုးသတ်ဆေးဖြင့် စနစ်တကျ ဆေးကြော ပြီးမှ သွေးဖေါက်ယူခြင်း တို့ ကြောင့်ဖြစ်သည်။
*- သွေးလှူခြင်းကြောင့် နေထိုင်မကောင်း မအီမလည်ဖြစ်ခြင်း မရှိပါ ။ အကြောင်းမှာ သွေးမလှူမီ ထိုသူ၏ သွေးပေါင်၊ နှလုံးခုန်မှု ၊ အပူချိန် တက်မှု ၊ အစရှိသည်တို့ ကို စစ်ဆေးပြီး သင့်တော်မှသာ သွေးလှူစေပါသည်။ ချွင်းချက် အဖြစ် -အချို့ သူများ သွေးလှူအပြီး သွေးပေါင်ချိန် အနည်းငယ်ကျခြင်း ။ မူးဝေခြင်းများရှိတတ်သည် ။ သို့ ဖြစ်ပါ၍ သွေးလှူပြီး ပြီးချင်း လျှင်မြန်စွာ မတ်တပ်ရပ်ခြင်း မပြုပဲ အချိန်အနည်းငယ်မျှ လဲလျှောင်း အနားယူသင့်သည် ၊
*-တကြိမ်တွင် သွေးပမာဏ များပြားစွာ ဖေါက်ယူခြင်းမရှိပါ ။
သွေးပေးလှူခြင်းမှာ တကြိမ်တွင် ၂၅၀ မှ ၃၀၀ မီလီ လီတာ(စီစီ) မျှသာ ထုတ်ယူခြင်းဖြစ်ပါသည် ၊ အနောက်နိုင်ငံများ၏ စံညွန်းဖြစ်ပြီး တချို့ နိုင်ငံများတွင်တော့ ကိုယ် အလေးချိန်ပေါ်တည်ပြီး ၄၀၀ စီစီ အထိ ထုတ်ယူကြပါသည် ။
သွေးတအိတ်တွင် ၅၀၀ စီစီ ရှိသည်ဆိုသော်လည်း၊ ၇၀ မှ ၁၀၀ စီစီ မှာ သွေးမခဲဆေး ဖြစ်သော ဆေးရည် ( Trisodium citrate, Citrate Phosphate Dextrose (CPD) anticoagulant ) ထဲ့ သွင်းထားခြင်းဖြစ်၍ လိုအပ်သော သွေးပမာဏမှာ ၄၀၀ စီစီ မျှသာ ဖြစ်ပါသည် ။ ပုံမှန်လူတဦးအတွက် ၄င်းသွေးပမာဏအား ရက် အနည်းငယ် အတွင်း ခန္ဓာကိုယ် ရိုးတွင်းခြင်ဆီ မှအလိုအလျှောက် ပြန်လည်ဖြည့်ဆည်းပေးနိုင်ပါသည်။
သွေးရည်ကြည် ကို ၂ ရက်မှ ၃ ရက်အတွင်း ၊ သွေးနီဥကို ၂၅ ရက်မှ ၅၉ ရက်အတွင်း ပြန်လည်ဖြည့်ဆည်း ပေးနိုင်ပါသည်။
*-သွေးဖေါက် ရာတွင် အလွန် အမင်း နာကျင် မည်လား ။
သွေးထုတ်ယူသော အပ်မှာ 18 gauge အရွယ်အစားဖြစ်ပြီး သာမန် ဆေးထိုးအပ်ထက် အနည်းငယ် ပို၍ ကြီးပါသည် ။ သို့ အတွက် ပိုပြီး နာကျင်မည်တော့ မဟုတ်ပါ ။ သွေးလိုအပ်နေသော လူမမာ များ၏ ဝေဒနာ နှင့်စာလျှင် မပြောပလောက်ပါ ။ ကျောက်ကပ်ဆေးနေရသော လူမမာများမှာ တပါတ်လျှင် ၃ ကြိမ် ၊ ၁ကြိမ်မှာ ထိုထက်ကြီးသော အပ် 16 gauge ဖြင့် ၂ နေရာတွင် အဖေါက်ခံပြီး ကုသမှုခံယူနေကြရပါသည် ။ အချို့ သွေးရောဂါသည်များ ၊ ကင်ဆာရောဂါသည် များမှာလည်း ထိုအပ်ကြီးများဖြင့် မကြာခဏ ထိုးဆွခြင်း ခံယူနေကြရပါသည်။ ဤသို့  စာနာကြည့်ခြင်းဖြင့် သင့်နာကျင်မှုကို လျှော့နည်းစေပါမည် ။ သွေးလိုနေသူများ၏ အသက်ကို သင် ကယ်တင်နိုင်လိုက်ပြီဟု ဝမ်းမြောက်စိတ်ပွားခြင်းဖြင့်လည်း နာကျင်မှု နည်းပါးစေနိုင်ပါသည်။
*- သွေးလှူခြင်းဖြင့် အလွန် ဝ လာမည်လား ။
သွေးလှူခြင်းသက်သက် ကြောင့်တော့ ဝ ခြင်းမဖြစ်ပါ ။ သွေးလှူပြီးနောက် အစာအဟာရ အထူးတလည် ဖြည့်တင်းပေးရန်မလိုပါ ။ ပုံမှန်အတိုင်း သင့်တင့်စွာ စားရုံ ဖြင့် လုံလောက်ပါသည် ။ သွေးလှူပြီးနောက် ပို၍ပင် ပေါ့ပါးလန်းဆန်းပြီး နေထိုင်ကောင်းသည် ဟုပင် သွေးလှူဖူးသူများက ပြောကြသည်။
*- ဘယ်လောက်ကြာလျှင် နောက်ထပ်တကြိမ် သွေး လှူနိုင်မည်လည်း ။
နိုင်ငံများ၏ ကျန်းမာရေး ဌာနအလိုက် စံချိန်စံညွှန်းသတ်မှတ်ချက် အနည်းငယ် ကွဲပြားနိုင်ပါသည် ။ အကြမ်းအားဖြင့်ဆိုရလျှင်..
Whole Blood လှူသူများ အနည်းဆုံး ၅၆ ရက်ခြားလျှင် နောက်တကြိမ် လှူနိုင်သည် ။
Plasma သွေးရည်ကြည် လှူသူများ ၄၈ နာရီ ခြားပြီး နောက်ထပ်တကြိမ် လှူနိုင်သည်။ ( တပါတ်လျှင် ၂ကြိမ်မျှ လှူနိုင်သည်။ )။
သွေးဥမွှား Platelet လှူသူများ တစ်နှစ်လျှင် အများဆုံး ၂၄ ကြိမ် ထိ လှူနိုင်ပါသည် ။( တစ်လ လျှင် ၂ ကြိမ် နှုန်း ထိ)
***သို့ ပါ၍ သွေးလှူ ခြင်းအား ကြောက်စရာ မလိုပါ ***
တချို့  အချက် အလက်များကို ဒီနေရာ (၁) (၂ ) မှ မှီငြမ်း ပါသည်။
ကွယ်လွန်သူ ဆရာကြီး အဘဦးသုခ ၏ လမ်းညွှန်မှုဖြင့် နာရေးကူညီမှု အသင်းကြီးမှ တည်ထောင်ထားသော “ သုခကုသိုလ်ဖြစ် ဆေးခန်း” မှ သွေးလိုအပ်နေသူများအား အခမဲ့ ကူညီဆောင်ရွက်ပေးနေသော အောက်ပါ သတင်းတပုဒ်ကို ဖတ်မိအပြီး မွန်မြတ်လှသော သွေးလှူခြင်း အတွက် တဖက်တလမ်းမှ ပါဝင်လိုသော စိတ်ဖြင့် ဤစာကို ရေးပါသည် ။
ဤ နေရာမှ ရသော သတင်းဖြစ်ပါသည်။
သွေးလှူခြင်းသည် အလှုတကာ့ အလှူထဲတွင် အမွန်မြတ်ဆုံး အလှူ ဖြစ်မည်ဟုထင်ပါသည် ။ သွေးလှူခြင်းဖြင့် ကုသိုလ် ယူနိုင်ကြပါစေ ။ သင့်သွေးဖြင့် အသက်ကယ်ကြပါ ...
ဤ စာလေးအား ဖတ်ပြီး သင့်ထံမှာ သွေးလှူလိုစိတ် လေး အနည်းအကျဉ်းမျှ ရှိလာပြီ ဆိုပါက ရေးရကျိုး နပ်ပါသည် ။ ကျေးဇူးတင်ပါသည် ။ မိတ်ဆွေအပေါင်း ရွှင်လန်းချမ်းမြေ့ ကြပါစေ။
(ကိကီ)
အကျွန်ုပ်၏ မင်းသားကြီး ခွေးအောင်နက်တကောင် ကျူးကျော်ရပ်ကွက် အစွန်ဆုံး ယိုင်နဲ့နဲ့ ဝါးထရံကပ် ၊ ဓနိမိုး မလုံ့ တလုံ တဲတလုံးရဲ့  ခွေးကတက်ပေါ်မှာ မိန့် မိန့် ကြီး မှိန်းနေရင်းမှ တောင်စဉ်ရေမရောက်( ရေပိုက်တွေမှာ ရေမလာတာကြာပြီမို့ ၊ ရေမရပ် မဟုတ်တော့ပါ ) အတွေးများကို တမျှင်ခြင်း ဆွဲဆန့် ပြီး ဇရက်မင်းစည်းစိမ်ယူလျှက်ရှိရာ ၊ အခွန်လွတ်ဈေးသွားဆွဲပြီး ပြန်လာသော မဟေသီ ဂုတ်ကျားမကြီး ရဲ့ အူသံကြောင့် လန့်နိုးလာတော့သည် ။
“ကိုအောင်နက် ၊ ကိုအောင်နက် ။ ထပါအုံးတော့ ၊ရှင်ကလည်း ၊ ဘယ်အချိန်ရှိနေပလဲ ”
“ ဟ .. မင်းကလည်း ။ အလန့် ထညက်ကွာ .. ဘာလဲ ၊ ဘာဖြစ်လာတာလဲ ။ မျက်လုံးပြူး မျက်ဆန်ပြူး နဲ့  ”
“ဘာဖြစ်ရမတုံး တော်ရဲ့ ၊ ရှင် သိပြီးပလား ။ ဟိုဒင်းလေ .... ”
“ မင်းကလည်း အစ မရှိ အဆုံးမရှိ ။ ငါ ခုတလော နေမကောင်းလို့  အမှိုက်ပုံတောင် ပုံမှန်သွားမမွှေနိုင်တာ မင်းလဲ သိသားနဲ့  ။ဘယ်မှ မထွက်နိုင်တာပဲ ကြာပြီရောလား ဟ ”
“ အေးပါတော် ။ ဟုတ်ပါရဲ့  ရှင်လည်း လောကကြီး နဲ့ အဆက်ပြတ် နေတာ ၊ဘယ်သိပါ့မလဲ ။”
“ ကဲ ... ပြောလေ ၊ မစပ်စု ရဲ့  ။ ရပ်ကွက်ထဲက နောက်ဆုံးပေါ် သတင်းတွေ အတင်းတွေ ”
အောင်နက်ကြီးက ချစ်စနိုး နဲ့  စသလို နောက်သလို မေးတော့ ၊ဂုတ်ကျားမ က မျက်စောင်းတချက်ထိုးလိုက်သည် ။ ဒါပေမဲ့  စိတ်ဆိုးဟန်တော့မပြ ။
“ ဒီလို တော့ ၊ ဒီလို ။ ဟိုဘက်လမ်းထိပ် က ပွဲစား ဒေါ်စိန်ပွင့်ကြီး ရဲ့ သားလေ ..”ပြောရင်း တန်းလန်း မှ စကား မဆက်ဖြစ်သေးပဲ ဝဲခြောက်များကို တဗျင်းဗျင်း ကုတ်နေသေးသည် ။
အောင်နက်တကောင် စိတ်မရှည်တော့ ။
“ ပြောမှသာဖြင့် မြန်မြန်ပြော ။ ဟိုနေ့ လွှတ်မလို ဒီနေ့ လွှတ်မလို နဲ့  ၊ခွေးဝမ်းသာအောင် လေလည်ပြနေသလိုမျိုး ။ မင်းဟာကလည်း ။ ”
“ အို ကျုပ်ဟာကျုပ် လွှတ်ချင်တဲ့ အချိန်လွှတ်မှာပေါ့ တော် ၊ တကတည်း ။ကျုပ်စိတ်နဲ့ ကျုပ် ဘာလုပ်လုပ် ပေါ့ ။ အဲလေ .. ဘာကုတ်ကုတ်ပါ့ ”
“ဒါဆိုလည်း နေတော့ဟာ ။ အိုက်တင်ခံ နေလည်း ၊နားမထောင်တော့ဘူး ”
အောင်နက်တကောင် စိတ်တိုသွားမှန်း သိတော့မှ ဂုတ်ကျားမ ဝဲကုတ်ရပ်ပြီး ဆက်ပြောသည် ။
“ ဒီိလို လေ ကိုအောင်နက်ရဲ့  ။ဒေါ်စိန်ပွင့် ရဲ့ သား မိုက်ခဲလေ၊ ဘိုလို Michael Daimond လို့ တောင် နာမယ် ပြောင်းထားတဲ့ တကောင် လေ ။ မနေ့ ကပဲ ကြွသွားပြီတဲ့ ”
“ မင်းကလည်း ကြံကြီးစီရာ ၊ ဒီကောင် ဘယ်ကြွသွားတာလဲဟ ။ ပြီးခဲ့တဲ့ ၃ လ လောက်တုံးကမှ သင်းဘော လိုက်သွားတယ် ဆိုကွ ။ ခု ဘယ် ဆိပ်ကမ်းရောက်လို့  ။ဘယ် ကနေကြွလာမှာတဲ့လဲ ၊ ဘုန်းကြီးဝတ်လိုက်တာလား ”
“ရှင်ကလည်း တုံးပ ။ ကြွတယ် ဆိုတာ ရှောသွားတာ ကိုပြောတာ ။ ရှောတယ် ဆိုတာရော နားလည်ရဲ့ လား ”
“အောင်မယ် ။ ဒါလောက်ကတော့ သိပါတယ် ၊ နေပါအုံးကွ ဒီကောင် အရင်က ရပ်ကွက်ထဲ ဟိုစပ်စပ် ဒီစပ်စပ် ။ခွေးလိုလို ကြံ့  လိုလို လုပ်နေတဲ့ ကောင် မဟုတ်လား ။ ခပ် ပိန်ပိန် ပဲလေ ။ ဒါပေမဲ့  ဟောင်ဘွာ ဟောင်ဘွာနဲ့  တရပ်ကွက်လုံး အော်ကျောလန် ပဲ ဟာ ”
“ အင်း ၊ဟုတ်တယ်လေ ။ အမေ့ စိန်နားကပ်ရောင် နဲ့  ပါးပြောင်နေတာ သူပေါ့ ”
“ ဒီလောက် မြန်မြန်ဆန်ဆန်ကြီး ဘာဖြစ်တာတဲ့တုံး”
“အေ ကိုက်သွားတာ တဲ့လေ”
“ဘာလဲဟ အေ ဆိုတာက ”
“ရှင်ကလည်း ဒီလောက်တောင် ထူရသလား ။ အေဆိုတာ ခုခေတ်စားနေတဲ့  အေအိုင်ဒီအက်စ် ကို ပြောတာရှင့် ”
“ဪ . .. ဒီလိုလား ။ နေပါအုံး ။ သူတို့  သဘောင်္သား လုပ်တယ် ဆိုတာ သဘောင်္ပေါ် မတက်ခင် ဆေးစစ်ရသေးတာ မဟုတ်လားကွ ။ ဆေးမအောင်ရင် မခေါ်ဘူး လေကွာ ”
“ဒါတော့ ဒါပေါ့ တော် ။ ဒါပေမဲ့ ရှင်သိတဲ့ အတိုင်းပဲ ၊ ကျုပ်တို့  ပြည်ကြီး ကလည်း ခု ခေတ်မှီနေကြပြီ ၊ “အင်” “တာ” “ နေရှင်နယ်” ဖြစ်နေကြပြီလေ ”
“ ဘာဆိုင်လည်းဟ ။ ငါတို့ ရွာကြီး ဘယ်မှာ အင်တာနေရှင်နယ် အဆင့် မှီ တာ ရှိလို့လဲ ”
“ အင်” ..တာ လေ ၊ ရှင်ရဲ့  ၊ “အင်” တာ ပေါ့ ။ အင်တွေထုတဲ့ နေရာမှာ ပထမတန်း ပဲ ၊ နေရာတကာ ကြည့်ပါလား ။စားသောက်ကုန်တွေ ၊ ဆေးဝါးတွေ ။ ဘိလပ်မြေ ။ ၅၀၀၀ တန် ဆင်ကြီးတွေ ။ နောက်ဆုံး ...ဘွဲ့ လက်မှတ်၊ အောင်လက်မှတ် ၊ ပတ်စ်ပို့  က အစ အတုတွေ များမှများ ပဲ ”
“ဒါနဲ့  နေပါအုံး ။ သူက ပတ်စ်ပို့  အတု ။ဘွဲ့ လက်မှတ် အတု တွေ နဲ့ ထွက်သွားလို့လား ”
“ရှင်ကလည်း ဒုံးဝေးလိုက်တာ ။ ပတ်စပို့  အတု ၊ ဘွဲ့ လက်မှတ် အတုတွေ နဲ့  ထွက်သွားတာကမှ တော်သေးတယ် ရှင်ရဲ့ ။ဘယ်သူ့ မှ မထိခိုက်စေဘူး။ ခုဟာက ဆေးလက်မှတ် အောင်တယ် ဆိုပြီး “အင်” လုပ်ပြီး ထွက်သွားတာတဲ့  တော့် ”
“ အာ.. ငါတို့ ရွှေုပြည်ရွာကြီးမှာ နေရာတကာ အတုတွေချည်းပဲ ဟာ ။ ဒါများ ဆန်းတာမှတ်လို့  ”
“ အတုဆိုပေမဲ့ တချို့  အတုတွေက ဘယ်သူ့ မှ မထိခိုက်စေဘူးလေ ။ ဝိသမသားတွေ အတုလုပ်တာများ ၊ လွန်လွန်းလို့ ပါ ။စားသောက်ကုန်တို့ ၊ ထိ်ုးဆေး စားဆေးတို့  ၊ ဘိလပ်မြေတို့ ၊ အဲ့တာတွေ အတုလုပ်တာကြတော့ အသက်အန္တရာယ် ဖြစ်စေတတ်တယ် ဆိုတာ ကျုပ်တို့ လို ခွေးတွေတောင် နားလည်ကြသေးတာပဲ ။ဒါကိုမှ မသိချင်ယောင်ဆောင်ပြီး ဘယ်သူသေသေ ငတေမာနေကြတဲ့ သူတွေ ကို အံ့သြ လွန်းလို့  ပါတော် ။”
ဂုတ်ကျားမကြီးက ပညာအရာမှာသာ မိုးပျံလောက်အောင် မတတ်တာ ။ဘွဲ့ ထူး၊ ဂုဏ်ထူးကြီးတွေ သာ ဘာမှ မရှိရှာတာ။ ဒီလို အတွေးအခေါ်ကောင်းတွေတော့ ရှိပေသားပဲ ဟု အောင်နက်ကြီးက တွေးရင်း သူ့ မဟေသီအတွက်ကြံဖန် ဂုဏ်ယူမိလိုက်သည် ။ဒါပေမဲ့  ရောင့်တက်သွားမှာစိုး၍ နှုတ်မှတော့ ချီးမွမ်းစကား မဆိုမိ ။
“အေးလေ ။ ဒါနဲ့  နေပါဦး ။ ခု မင်းပြောနေတဲ့ အင် တွေ ၊အတု တွေ နဲ့  သူ့ ဆေးအောင်လက်မှတ် အတု က ဘာဆိုင်လို့ လဲကွ ”
“ ရှင်ကလည်း ဦးနှောက်လေးများသုံးပြီး စဉ်းစားကြည့်ပါအုံးလား ။ ဒီ မိုက်ခဲက သူ သဘောင်္လိုက်ရဖို့ အရေး သူ့ မှာ ဘာရောဂါမှ မရှိပါဘူး လို့ သွေးအဖြေတွေ အင်ထု လိုက်ပြီး ။ ဆေးစစ် အောင်တဲ့လက်မှတ် နဲ့ သဘောင်္လိုက် တယ် မဟုတ်လား ။ ပြီးတော့ နဂိုထဲက ပွေပွေ တေတေ နေတဲ့ သူ ။ရောက်လေရာ အရပ်မှာ သောင်းကျန်းပေတော့မပေါ့ ။ ဒီတော့ သူ့  ရောဂါကြီး သူများဆီ မကူးစက် ပေဘူးလား”
“ ဟေ .. ဒီလိုလား ။ ဆိုစမ်းပါအုံး ။ ဘာရောဂါ တွေများလဲ ”
“ကာလသားရောဂါ တို့ ၊ အေအိုင်ဒီအက်စ် တို့ ဆိုတာ အကာအကွယ် မယူပဲဆို ကူးတတ်တာပေါ့တော် ။ ပြီးတော့ အသည်းရောင် အသားဝါ ဘီပိုး တို့  ၊ စီ ပိုးတို့ ဆိုတာတွေကလည်း သူနဲ့ အတူနေ အတူသုံးကြတဲ့သူတွေကို အခန့်မသင့် ကူးနိုင်တာပဲလေ။ ရောဂါရှိမှန်းသိရင်တော့ ကုလို့ ရတန်တာလဲ ကုပေါ့ ။ တဆင့် မကူးစက်အောင် ကာကွယ် တန်တာလဲ ကာကွယ် လို့ ရသေးတယ်လေ ”
“ အင်းလေ မင်းပြောတော့ မှ ၊ ငါလည်း ဆက်စပ်တွေးတော မိတော့တယ် ။ ဟုတ်တယ်ကွ ။ ငါတို့  ရွှေပြည်ကြီးမှာ အဲ့ဒီ အင် တာ နေရှင်နယ် တွေ ကို နှိမ်နှင်းမှ ဖြစ်မှာ ။ ဒီလို ရောဂါကြီး ရှိနေရဲ့ သားနဲ့  ရောဂါကင်းကြောင်း သွေးအဖြေ အင်ထုတာကြီးကလည်း နှိမ်နင်းရမဲ့  အရာတခုပဲ ”
“ ဟုတ်ပ တော် ။ ဒီလို နဲ့  နေရာတကာ အင် တွေ လုပ်နေကြတာ ၊ ရုတ်တရက်ဆို ဘယ်သူမှ မထ်ိခိုက်သလို နဲ့လေ ။ ရောဂါ အမှန်၊ မသိတော့ ဘယ်ပုံ ဘယ်နည်း ကုပါတော့မလည်း ။ ပြီးတော့ နောက်ဆက်တွဲ က သူများကို ကူးစက်စေတတ်တာ ”
“ အေး ဟုတ်တယ် ။ ဟို ဘဏ်ကြီး တခုမှာ ရေးထားတာ တော့ အခန့်သားပဲ ကွ .. ဘာတဲ့ ..မှတ်မိပြီ ။ ဝန်ထမ်းကောင်းမှ နိုင်ငံကောင်းမည် ဆို တာလေ ။ ငါကတော့ တမျိုး ပြင်ရေးလိုက်ချင်သေးတယ်”
“ အောင်မလေး တော် ။ ခွေးပါးစပ်က နတ်စကား ထွက် ဖြစ်နေပါအုံးမယ် ရှင်ကလည်း ။ ကဲ .. ပြောပါအုံး ။ တော်က ဘယ်လိုများ ပြင်ရေးချင်လို့တုံး ”
“ ဒီလိုကွာ ။ အားလုံးကောင်းမှ နိုင်ငံကောင်းမည် လို့ ။ အကျင့်ပျက် ဝန်ထမ်းတွေ ၊ ထိပ်ဆုံး ကနေ အောက်ထိ ပေါ့ ။ခေါင်းဆောင်တွေက အစ နောက်လိုက်တွေ အဆုံး ။ ဝိသမ လောဘသားတွေ အားလုံး .. အားလုံး ... အားလုံးးး ကောင်းးးးးကောင်းးး ကောင်းးးးးး မှ .....”
အောင်နက်ကြီးတကောင် ပြောလက်စ စကားမှ ဆုံးအောင် မပြောလိုက်နိုင်ရှာ ။ အကြောင်းရင်းမှာ... စကားလုံးတွေက ပါးစပ်နှင့် မဆန့် တော့၍ လည်ပင်းတွင် တစ်ဆို့ ဆို့ ဖြင့် မျက်ဖြူ ဆိုက်သွား၍ ဖြစ်ပါကြောင်း ။
ခက်ဆစ် ။ ။
အင် တာ နေရှင်နယ် = အင် အတုများ လုပ်တာ တွေ များလွန်းသော နိုင်ငံကြီးတခု
(အောက်မှာဖေါ်ပြထားသော အကြောင်းအရာ သတင်းတခုကို ဖတ်မိအပြီး ဖွားကိ လက်ကလိမိပါသည် ။)
ီ
ဒီနေရာမှ ရယူတဲ့ သတင်းလေးပါ
Subscribe to:
Posts (Atom)
