0 com
နှစ်သစ်မင်္ဂလာပါ မိတ်ဆွေအပေါင်းတို့ ။
နေမကောင်း ၊ နက်မကောင်းလို့  လိုင်းမဝင်ရ ၊ ဖဘ အိမ်လည်မထွက်ဖြစ်တာ ၂ရက်ရှိသွားပြီ။
နှစ်ဟောင်းကုန်ခါနီး ပြုခဲ့တဲ့ ဒါနကုသိုလ်လေးတခုကို ပြန်လည်အမှတ်ရရင်း နှစ်သစ်ကို ကြိုဆို လိုက်ပါတယ်။
၂၉၊၁၁၊၂၀၁၃ မနက်စောစော ၆နာရီ၁၅မိနစ်... စုရပ်မှာ ဆုံကြ ၊ ပြီးခဲ့တဲ့ ၂ခေါက် တုံးက နေမကောင်းလို့  မလိုက်ဖြစ်တဲ့ စေတနာ့ဝန်ထမ်း ကျန်းမာရေး စောင့်ရှောက်မှုနှင့် ကုသမှု အဖွဲ့ နဲ့အတူ လုပ်အားပေး ခရီးတိုလေး ထွက်ဖြစ်တယ်။ စိတ်တူ ဝါသနာတူ မောင်နှမ တစု ဒီတခေါက်တော့ ဥက္ကံမြို့နယ်အတွင်းမှာရှိတဲ့ ဗျာဒ ရှေးဘုရားကြီးဝိုင်းအတွင်းရှိ ဘုန်းတော်ကြီးကျောင်းမှာ စုစည်းရောက်ရှိနေကြတဲ့ ကျေးရွာသူ ရွာသား များကို ကျန်းမာရေး စစ်ဆေး ကုသပေးခဲ့ကြတယ် ။
စာမရေးဖြစ်တာ ကြာလှပေါ့.... မြန်မာပြည် ပြန်ရောက်တော့ အင်တာနက်လိုင်း မရှိတာကြောင့် တကြောင်း.. လိုင်း ရှိပြန်တော့ ကွန်နက်ရှင် မကောင်းတာကတကြောင်း ၊ ရေးချင်စိတ်မရှိတာက တကြောင်း .. အကြောင်း အမျိုးမျိုး ရှာ ပြီး ကိုယ့်ဘလော့လေးကို ပစ်ထား မိခဲ့ ပြန်ပါတယ် ။ ခုလည်း စာ ရှည်ရှည် ရေးဖို့  အားမရှိပြန် .. စိတ်မရှိပြန်တာကြောင့် ကိုယ်တတ်နိုင်တဲ့ ဖက်ကနေပြီး မျက်နှာမွဲ ဆင်းရဲ လှတဲ့ ကျေးရွာ လူထု တချို့  ဆီ ကို သွားရောက်ပြီး ကျန်းမာရေး စောင့်ရှောက်မှု ပေးနေကြတဲ့ သူငယ်ချင်း တစု နဲ့ တနိုင် လုပ်အားပေး ဆေးကုပေးခဲ့ကြတဲ့ ပုံရိပ်အချို့ ကို ဖေါ်ပြရင်း အမှတ်တရ ကဗျာ မဆန် စာ မမှန် စာ ကြောင်း တိုလေး နဲ့ ပဲ အဆုံးသတ်လိုက်ပါတော့မယ်.. (တချို့လူနာ တွေများ... ခွဲစိတ်ဖို့ လိုအပ်နေတာ မြို့ ကြီး ဆေးရုံဆီ မသွားနိုင်လို့ ..ခန်မှန်း ခရီး စရိတ်၊ ခွဲစိတ်ကုသစရိတ် ပါ လှူခဲ့ကြရပါတယ် ။ ရေမလျှံတဲ့နေရာ မှာ ရေလှူရတဲ့ ကုသိုလ်မျိုးမို့  စိတ်ချမ်းသာစရာ ကောင်းလှပါတယ်။။)
တတ်သည့်ပညာ မနေသာ၍
မေတ္တာ ဂရုဏာ စေတနာ ဆောင်း ၊ လုပ်အားပေါင်းကာ၊
ဆံထုံးလည်းစိုက် ဆီလည်းစိုက်ကြ
လက်လှမ်းမှီရာ ကျေးရွာများမှာ
မွဲတေထွေပြား ရောဂါများလှ
ကျန်းမာရေးခက် ဝမ်းရေးခက်သည့်
တို့ တိုင်းရင်းသား ပြည်သူများ တွက်
တနိူင်ဝန်ထမ်း တို့ လက်ကမ်းမည် ၊
ရေရှည် တည်တံ့ ပါစေသား..
မေတ္တာဖြင့်...
ကိကိ..
ဖြစ်စေချင်တဲ့ ဆန္ဒလေးတခု.. ဆိုတော့ ဖြစ်စေချင်တာတွေ ကို ဖေါ်ထုတ်ရေးသားမိတဲ့ အကြောင်းအရာလေးတခုပါပဲ ။ ခံစားချက်ခြင်း မတူကွဲပြား ဖြစ်နေကြပါလိမ့်မယ် ။ မတူတဲ့ခံစားချက်များထဲမှ တူညီတဲ့ ဆန္ဒလေးတခုတော့ ရှိနိုင်မှာပါ ။
ဒီနေ့  ဒီအချိန်ရောက်လာရင် လွန်ခဲ့တဲ့ ၂၄ နှစ်က အဖြစ်အပျက်တွေကို မနေ့တနေ့ကလိုပဲ တနုံ့ နုံ့ နဲ့ ခံစားနေမိဆဲပါ ။ အတိတ်ဆိုတာ ကျန်နေခဲ့ပြီ ဖြစ်ပေမဲ့ သမိုင်းစစ်မှန် ဆိုတာကိုတော့ မမေ့စကောင်း မဖျောက်ဖျက်စကောင်း မို့  ပြန်လည် ခံစား စိတ်မကောင်းဖြစ်နေမိဆဲပါ ။ ပွင့်လင်းမြင်သာတဲ့ ခေတ်ကြီးရောက်လာတဲ့ အချိန်အခါမှာ အင်တာနက်များ အလွယ်တကူချိတ်ဆက်လာနိုင်တဲ့အချိန်အခါမှာ ဟိုးယခင် တကယ့်အဖြစ်အပျက်များ မျက်မြင်မကြုံတွေ့ လိုက်ရတဲ့ သွေးပျက်ဖွယ်ပုံရိပ်များကို ကြည့်မိတဲ့ အခါတိုင်းမှာလည်း ရင်နာခံစားနေမိဆဲပါ ။ တည့်တည့်ပစ်မယ် ဆိုတဲ့ ချိန်းခြောက်မိန့်ခွန်းကို ပြန်လည် နားထောင်မိလိုက်တိုင်း ဒေါသတွေ ဆူပွက်နေရဆဲပါ ။ ဒီတော့ အတိတ်ဆိုးကို ဘယ်လို ဖြေဖျောက်နိုင်ကြမလည်း လို့  စဉ်းစားမိလာတယ်..
မြန်မာနိုင်ငံရဲ့ ရာဇဝင် သမိုင်း 8888 အကြောင်းကိုတော့ အများသိပြီးဖြစ်တာမို့  ရှည်ရှည်ဝေးဝေး ထပ်မပြောလိုတော့ပါ ။ ဒီလို 8888 အဖြစ် နဲ့ ခပ်ဆင်ဆင် အဖြစ်အပျက်မျိုးဟာ ထိုင်ဝမ်နိုင်ငံမှာ လည်း ဖြစ်ပျက်ခဲ့ဖူးတယ် ။ နှိုင်းယှဉ်ကြည့်လို့ ရအောင် ဒီအဖြစ်အပျက်ကိုပဲ ပြောပြပါမယ်။ အဲ ဒါကတော့ 228 Massacre( 二二八事件 , 二二八大屠殺) လို့  ခေါ်တွင်တဲ့ အဖြစ်အပျက် ပါ ။ လွန်ခဲ့တဲ့ ၆၅ နှစ်အကြာ၊ ၁၉၄၇ ခုနှစ် ဖေဖေါ်ဝါရီလ ၂၇-၂၈ နေ့ မှာ အာဏာရပါတီ Kuomintang(KMT) မှ ၊ အတိုက်အခံများအား သူပုန် လို့  စွပ်စွဲ ချေမှုန်းမှုကြောင့် အတိုက်အခံ ပြည်သူအများ လူပေါင်း တစ်သောင်းကျော်( တချို့  စာရင်းအရ သုံးသောင်းကျော် ) သေဆုံးခဲ့ရတယ် ။ အဲဒီ လူထု အထဲမှာ ပညာတတ် ဆရာဝန် ၊ ရှေ့ နေ့  ၊ ကျောင်းသား အများအပြားလည်း ပါဝင် ခဲ့တယ်။
နောက်ပိုင်း ဒီမိုကရေစီ ဖေါ်ဆောင်လာ ပြီး တိုင်းပြည် ပြောင်းလဲ တိုးတက်ခဲ့တယ် ။ ဒါပေမဲ့ ဒီအဖြစ်အပျက် ကို သူတို့  ရာဇဝင်မှာ ဖျောက်ဖျက်မထားခဲ့ဘူး ။ ..သမ္မတ Lee Teng-hui လက်ထက် မှာ ၁၉၉၅ ခုနှစ် မှ စပြီး အဲဒီ နေ့ကို
Peace Memorial Day ( 和平紀念日) လို့  ပြောင်းလဲ ခေါ်ဆိုခဲ့တယ်။ နှစ်စဉ် နှစ်တိုင်း ၊ နှစ်ပတ်လည်နေ့  ရောက်တိုင်း .. သမ္မတ ကြီး ကိုယ်တိုင် 228 ပန်းခြံ မှာ ကျဆုံးခဲ့သော နိူင်ငံသား အညတြ သူရဲကောင်းများကို ဦးညွှတ် အလေးပြု ကြတယ် ။ တချိန်က ထိုသူတွေကို ခေါ်ဝေါ်ခဲ့တဲ့ သူပုန် ဆိုတဲ့ မှားယွင်းတဲ့ အခေါ်အဝေါ်ကို ပပျောက်စေခဲ့တယ် ။ ကျန်ရစ်သူ မိသားစုများကို ဝန်ချတောင်းပန်ကြတယ်။ကျဆုံးသွားသူတွေရဲ့ အမည် စာရင်းများ ပြုစု ပြီး ၊ သူရဲကောင်းလက်မှတ်တွေ ပေးအပ်ခဲ့တယ်။ အဲဒါတွေကို ခုချိန်ထိ ဆောင်ရွက်နေကြရဆဲပါ ။ အဲဒီနေ့တွေမှာ ..ကျန်ရစ်သူမိသားစု တချို့ မှ မကျေနပ်မှု၊ ဒေါသပေါက်ကွဲ မှု ၊ဆဲဆိုမှုတွေကို ခေါင်းငုံ့ ခံ တောင်းပန်နေကြရတုံးပါပဲ ။ တနှစ်ကများဆိုရင် လက်ရှိသမ္မတကြီး Ma Ying-jeou ကို တံတွေးနဲ့ ဝင်ထွေးတဲ့သူကိုတောင် တီဗီသတင်း၊ သတင်းစာ တွေမှာ တွေ့ လိုက်ရတယ် ။ ဘေးက သက်တော်စောင့်တွေကတော့ ဝင်ပြီးထိန်းကြ ဆွဲကြပေါ့ ။ ဒါပေမဲ့ အဲဒီလူကို ဖမ်းချုပ်မထားပါဘူး ။ အစိုးရက ခွင့်လွှတ်နားလည်ပေးခဲ့ပါတယ် ။
ပြန်စဉ်းစားကြည့်မယ်ဆိုရင် ဒီကိစ္စဟာ လက်ရှိသမ္မတကြီး ပြုခဲ့ ကျုးလွန်ခဲ့တဲ့ အစုလိုက်အပြုံလိုက် လူသတ်မှုကြီးလည်း မဟုတ်ခဲ့ပါဘူး ။ သူ့ အရင် ၆၅ နှစ်တုံးက ဖြစ်ခဲ့တဲ့ အဖြစ်အပျက် တခု ။ ဘာဖြစ်လို့  နောက်ပိုင်းဆက်ခံခဲ့တဲ့ သမ္မတတွေ ကိုယ်တိုင်က ခုလို ဝန်ချတောင်းပန်နေရဆဲ ဆိုတာ အကြောင်းရှိပါတယ် ။ အတိတ်က ကြောက်ရွံ့ မှု ၊ အမှောင်ချခြင်းခံခဲ့ရမှု ၊ မတရားကျူးလွန်ခဲ့တဲ့ အမှူတွေတွေအတွက်၊ အမှန်တရားကို ဖေါ်ထုတ်ဖို့ ဆိုတာဟာ ဒီမိုကရေစီအစိုးရရဲ့ အချက်ပြ တာဝန်ဖြစ်ပါတယ် တဲ့ ။ သမိုင်းဆိုတာ ဖျောက်ဖျက်လို့  မရစကောင်းပါဘူး လို့  ပြောခဲ့ပါတယ်။ မှားခဲ့တဲ့ ပြစ်မှုကြီးအတွက် ၊ တောက်ပတဲ့ အနာဂါတ်ခရီးဆီ ဆက်လက် လျှောက်လှမ်းနိုင်ဖို့  အတွက် အတိတ်က အမှောင်ရိပ်ဆိုးကြီးကို ချေဖျက်ပေးဖို့  နောင်လာမဲ့ အုပ်ချုပ်သူ အစိုးရအဆက်ဆက် မှာလည်း တာဝန်ရှိပါတယ် တဲ့ ။ အတိုချုပ်ဆိုရရင်တော့. .. အတိတ်က အမှားအယွင်းတွေကို သင်ခန်းစာယူပြီး ၊တိုးတက်သာယာတဲ့ အနာဂါတ်ကို လျှောက်လှမ်းကြဖို့ ပြောကြားခဲ့တာပါပဲ ။
"We once lived in fear and gloom, but democracy arose like a beacon, to illuminate the dusty pages of the past, expose the truth, and preserve an indelible record of our historical experience." သတင်းအပြည့် အစုံ သေချာကြည့်လိုရင်တော့ ဒီနေရာမှာ ဆက်ကြည့်နိုင်ပါတယ် ။
ဒါကို ကြည့် ပြီး ကိုယ့်မွေးရပ်မြေ အမိမြန်မာနိုင်ငံမှာ ဖြစ်ပျက်ခဲ့တဲ့ အလားတူ အဖြစ်ဆိုးကြီးများ ကို အတိတ်ဆီမှာပဲ မှုန်ဝါးစွာ ချန်ရစ်ထားခဲ့ခြင်းမျိုးမဟုတ်ပဲ ၊ နိုင်ငံတော်မှ ဦးစီးပြီး အထိမ်းအမှတ် မျိုး၊ ပြုလုပ်ပေးနိုင်ဖို့  ဆန္ဒဖြစ်လာမိတယ် ။ ငွေ ၁၀ သိန်း ပေးယုံ နဲ့ သင်ပုန်းချေဖို့ ဆိုတာကတော့ ဘယ်လိုနည်းနဲ့မှ ဖြစ်နိူ်င်ဘွယ်ရာ မရှိပါဘူး ။ အပြစ်မဲ့ ပြည်သူတွေ ပေးဆပ်ခဲ့ရတဲ့ အသက် သွေး ချွေး ဘဝ တွေ အတွက် ထိုက်သင့်တဲ့ ဝန်ချ တောင်းပန်မှုများ ၊ အထိမ်းအမှတ် ပွဲများ၊ အညတြသူရဲကောင်းဗိမ္မာန် ၊ ပန်းခြံ စသဖြင့် အခင်းအကျင်းမျိုးများ ပေါ်ပေါက်စေချင်ပါတယ် ။ “ လွတ်လပ်မှ အမျှဝေပါ” လို့  ပြောကြားရင်း အသက်ပေးသွားခဲ့ကြသူတွေရဲ့  ဆန္ဒအတိုင်း ..အားလုံးအတွက် အမျှပေးဝေနိုင်စေချင်ပါတယ် ။
ဒါကတော့ 228 အထိမ်းအမှတ် ပန်းခြံ နဲ့ ကျောက်တိုင်ပါ ။ သမ္မတ ရုံး နဲ့  မနီးမဝေး ထိုင်ပေ မြို့ ထဲ မှာတည်ဆောက်ပေးထားပါတယ် ။
၂၀၁၂ /၂/၂၈ တွင် သမ္မတကြီးကိုယ်တိုင် ၂၂၈ အထိမ်းအမှတ်ကျောက်တိုင်မှာ ပန်းခွေချ အလေးပြုနေပုံ ။
ကျန်ရစ်သူ ဆွေမျိုးသားချင်းများအား တဦးချင်း ရင်းနှီးစွာ နှုတ်ဆက်နေပုံ။
စစ်မှန်တဲ့ ဒီမိုကရေစီကို အမှန်တကယ် ဖေါ်ဆောင်နေတယ်ဆိုရင်ဖြင့် ၊ လက်ရှိ ဖမ်းဆီး အကျဉ်းချ ခံနေရဆဲဖြစ်တဲ့ နိုင်ငံရေး အကျဉ်းသားများ အားလုံးကို ချွင်းချက် မရှိ အမြန်ဆုံး ပြန်လွှတ်ပေးသင့်တယ် ။ တိုင်းရင်းသားလူမျိုးစုများအပေါ် ဖိနှိပ် တိုက်ခိုက်နေဆဲ စစ်ပွဲများကို အမြန်ဆုံး ရပ်စဲပေးသင့်တယ် ။ ဒါတွေက ချက်ချင်း ပြုလုပ်ပေးလို့ ရတဲ့ အရာတွေပါ ။
ကျန်းမာရေး၊ ပညာရေး ၊ စီးပွားရေး၊ တရားဥပဒေ စိုးမိုးရေး စတဲ့ ဘက်ပေါင်းစုံ နိုင်ငံ တိုးတက် ပြောင်းလဲရေး ဆိုတာကတော့ ခု ရေတွင်းတူး ခုရေကြည်သောက်ချင်လို့  မရဘူး ဆိုသလို .. နတ်ရေကန်ထဲ ပစ်ချလိုက်သလို .. ချက်ချင်းကြီး ဖေါ်ဆောင်နိုင်မဲ့ အရာတွေ မဟုတ်လို့ .. တဆင့်ချင်းစီ ..လှမ်းတက်ကြရမှာ မို့  ဆန္ဒတွေ မစောသော်လည်း .အရှိန်အဟုန် နဲ့ ရှေ့ သို့ ချီတက်ကြရပါမယ် ။
ဖြစ်စေချင်တဲ့ ဆန္ဒလေးတခု .. ပီပီပြင်ပြင် ဖြစ်လာနိုင်စေဖို့  .. ဆုတောင်းနေရုံ နဲ့တော့ ဖြစ်လာမယ် မဟုတ်ပါဘူး ။ အုပ်ချုပ်သူ အစိုးရ နဲ့ အုပ်ချုပ်ခံသူ ပြည်သူ တွေ အားလုံး ငြိမ်းချမ်းစွာ အတူလက်တွဲလျှောက်လှမ်းကြ မှ သာ ၊ အဖက်ဖက်က နှစ်ပေါင်းများစွာ နောက်ကျကျန်နေခဲ့ပြီဖြစ်တဲ့ အမိ မြန်မာနိုင်ငံကြီးဟာ ကမ္ဘာ့ အလယ်မှာ ပြန်လည် ဦးမော့လာနိုင်မှာပဲ ဖြစ်ပါတယ်။
၈၈၈၈ အမှတ်တရ....
ကိုယ့်ဘလော့လေးကို အကြောင်းကြောင်းကြောင့် ပစ်ထားမိတယ်၊ အကောင့်နဲ့ ပတ်စ်ဝေါ့တွေ ဟိုပြောင်း ဒီပြောင်းလုပ်ရင်း လမ်းပျောက်သွားတာရယ် ၊ ရေးချင်စိတ် မရှိတာရယ်၊ အပျင်းစိတ်တွေများနေတာရယ်၊ ဖေ့စ်ဘုတ် ထဲမှာ အချိန်တွေကုန်နေတာရယ်..အကြောင်းမျိုးစုံပြပြီး မရေးဖြစ်တာ ကြာပါပြီ ။ ခုတလောတော့ စိတ်ထဲ မရိုးမရွဖြစ်လာပြန်တာကြောင့် ပါတ်စ်ဝေါ့လဲ ပြန်ရှာတွေ့ တာကြောင့် စိတ်ပြေလက်ပျောက် လက်ယားပြေ တရေးနိုး ထရေးဖြစ်သွားတယ် ။ ကိုယ့်အယူအဆနဲ့ ကိုယ်မို့  အမြင်မတော်သူတွေလည်း ထင်ချင်သလိုထင်ကြပါလေ ။ ကြီးကြီးကျယ်ကျယ် စပြောရမယ်ဆိုရင်တော့ ခေတ်ကြီးနဲ့ချီင်္ပြီး ပြောလိုက်ချင်တယ် ။
အင်တာနက်ခေတ်ရောက်လာတော့ ဆက်သွယ်ရေး၊ သတင်းဖြန့်ဖြူးရေးအတွက် အလွန်အဆင်ပြေသပေါ့ ။ ရှေးခေတ်ကလို .. ခိုလေးလည်ပင်းမှာ စာရေးပြီးချိတ်ပေး..ဟိုဘက်ဒီဘက် ပျံသန်းရင်းနဲ့ အချိန်ကုန် ၊ ပို့တဲ့သတင်းရောက်မရောက် မသေမချာ ဖြစ်ပြီး ၊နောက်ကျသွားရင်း ၊ လွဲကြတဲ့ခေတ်(ရိုမီယိုနဲ့ဂျူးလိယက်တို့ ခမျာ ဒီလိုကြောင့်သေရရှာတယ်) ၊ စာချွန်တော် ပို့ဖို့ ခြေမြန်တပ်သားတွေသုံးပြီး တိုင်းရေးပြည်ရေး စစ်သတင်း ပို့ ရတဲ့ ခေတ်တွေ ကုန်လွန်တော့ စာတိုက် နဲ့ ကြေးနန်း. ..တတီတီရိုက်ပြီး အချက်ပြ သင်္ကေတ သရုပ်ဖေါ် ဘာသာပြန်ရတဲ့ခေတ် ၊ နောက်တော့ လေယာဉ်စာ နဲ့ ကမ္ဘာတဝှမ်း ပို့ဆောင် ဆက်သွယ်ကြတဲ့ခေတ် ၊ ခုတော့ ခုတော့ အင်တာနက် ခေတ်တဲ့လေ ။ ခေတ်ကြီးတိုးတက်လာတာ ကောင်းတာပေါ့ ။ သတင်းတခု ဆို အချိန်နဲ့ တပြေးထဲ စက္ကန့် ပိုင်းအတွင်း တကမ္ဘာလုံး ပျံ့ နှံ့ အောင် ဖြန့်လို့ ( ခေတ်စကား အရ ဆို ဖွ လို့  ) ရနေပြီ ။သတင်းတွေကို စာအနေနဲ့တင် မဟုတ် အရုပ်လည်းမြင် အသံလည်းကြား .. အိုကေ စိုပြေလှပေသပေါ့ ။ ဆင်ဆာတို့  စီစစ်ရေးတို့ လည်း တင်စရာ မှ မလိုတာ ။ ဟုတ်သော်ရှိ မဟုတ်သော်ရှိ လူအများ စိတ်ဝင်စားနေကြတဲ့ သတင်းပူ ( Hot News) တွေများဆို တောမီးလောင်တာထက်ကို မြန်ပါ့ .. ဖွကြတာ.. ဖွကြတာ ။ ဟိုလူ ဒီလူ ကို ဟိုအဖွဲ့  ဒီအဖွဲ့က တာဝန်ရှိလို့  ဓါတ်ပုံလုရိုက်သတဲ့ ၊ တာဝန်ရှိလို့ တားသတဲ့ ၊ ဆွဲလားရမ်းလား လုပ်သတဲ့ ၊ တံတောင် နဲ့ တွတ်သတဲ့ ၊ ဦးတဲ့လူက တိုင်သတဲ့ ၊ ပြန် ဖြေရှင်းသတဲ့ ၊ ဟိုဘက် ဒီဘက် အပုတ်ချကြသတဲ့ ၊ ကဲ ..ကဲ.. အမှိုက်ကစလို့  ပြသာဒ်မီးလောင် မယ်ဆိုရင် ကောင်းကြပါအုံးမလား ။
ကိုယ်တိုင်ကလည်း ဘာကောင်မှ မဟုတ်တော့ ဘာမှလည်း မဖြေရှင်းတတ် မဖြေရှင်းနိုင် လက်မှိုင်ချလို့ သာ ထိုင်ကြည့်နေရတဲ့ပွဲ ။ ကြာတော့လည်း စိတ်အချဉ်ပေါက်ပေါက်နဲ့ ဟိုတွေးဒီတွေး တွေးမိရင်း ကိုယ့် အဖွား ကို သတိရမိသွားတယ် ။ ( ဒီလိုပြောလိုက်လို့  စိတ်အချဉ်မပေါက်ရင် သတိမရ မေ့လျှော့နေတယ် လို့  တော့ မထင်လိုက်ပါနဲ့ အုံး ၊ သေသောသူကြာရင်မေ့တယ်လို့  အဆိုရှိတယ် မလား ၊ အဖွားဆုံးတာလည်း ကြာခဲ့ပါပြီ ။ တခါတရံ အကြောင်းတိုက်ဆိုင်ရင်တော့ သတိရမိ လွမ်းမိတတ်ပါတယ် ) ။ ဒီတော့ သူများပေါင် လှန်မထောင်းရဲတဲ့ ကိုယ်တယောက် ကိုယ့်ပေါင်သာ ကိုယ်ပြန်ထောင်းပြလိုက်ပါမယ် ။ အဖွား အကြောင်း ပြောပြမယ် ။
ကိုယ့်အဖွား သာ အသက်ရှင်လျှက်ရှိနေမယ်ဆို အသက် တစ်ရာလောက် ရှိလောက်ပြီ ။ (မွေးနေ့ သက္ကရာဇ်အတိအကျမမှတ်မိလို့  စိတ်မှန်းအရပြောတာ )။ အဖွားက ရှမ်းလူမျိုးစစ်စစ် ရှမ်းပြည်တောင်ပိုင်း မိုးနဲသူ ၊နောက်တော့ ကျိုင်းတုံမှာအခြေချ နေထိုင်ခဲ့တယ်။ မိန်းကလေး ဆိုရင် သေစာရှင်စာတတ်ရင် ပြီးရောပေါ့လို့ ဆိုတဲ့ သူတို့ ခေတ်တုံးက၊ အဖွားခမျာ သေစာရှင်စာတတ်အောင်တောင် စာမသင်ခဲ့ရပါဘူး။ အိမ်အလုပ်တွေဝိုင်းကူ အရွယ်ရောက် လူလားမြောက်တော့ လူမျိုးတူ ဘာသာတူ ကိုယ့်အဖိုးနဲ့ အိမ်ထောင်ကျတယ်။အဖိုးက ရုံးစာရေး ။ မိဘပေးစားတာတဲ့ ။အဲဒီခေတ်က အိမ်ထောင်ရေးလည်း အံ့သြစရာပဲ ၊ သမီးရည်းစားတောင် မဖြစ်လိုက်ရပဲ ၊ အိမ်ထောင်ချပေးတဲ့ နေ့မှာမှ စတွေ့ ခွင့်ရတဲ့ တစိမ်းပြင်ပြင်တယောက်ကို လင်ယောကျာင်္းအဖြစ် ၊ တသက်လုံး ရိုးမြေကျ ချစ်ချစ်ခင်ခင်ပေါင်းသင်း နေထိုင်သွားလို့ ရကြတယ် ။ တောင်ပေါ်သူ သဘောဖြူ အူစင်း ကိုယ့်အဖွား ၊ စာမတတ်ပေမဲ့ ထောင်တော့မကျဘူးပါ ။ ( ခုခေတ်မှာ တချို့ က ပြောနေကြတယ် ။ မျက်နှာစာအုပ်ပေါ်မှာ ဟောင်ဖွာဖွာနဲ့ ရေးကြတယ် ၊ စာတတ်အောင် စာဖတ်အောင် ထောင်ကျဘူးရမယ့် အပေါက်မျိုး လေဖေါနေသူတွေကို ၊ ကိုယ့် အဖွားနဲ့ ပေးတွေ့  လိုက်ချင်တယ် ။)
ဒီလိုနဲ့ အဖိုး၊ အဖွားတို့  မှာ သားသမီး ၃ ယောက် ရှိလာတယ် ။ သူတို့ခေတ် အခါတုံးက ရုံးစာရေးလစာ ဟာ တမိသားစုလုံး ဖူလုံသတဲ့ ( အံ့သြစရာကောင်းလိုက်တာ ) ။ ဒါပေမဲ့ စစ်ကြီး ဖြစ်လာတော့ စစ်ပြေးကြရတာပေါ့ ၊ အဖွားလည်း သူတတ်တဲ့ အရောင်းအဝယ်လေးလုပ်ပြီး တဖက်တလမ်းက ဝင်ငွေရှာတယ် ။ သူ့ ပြောစကားအရဆို အဲဒီခေတ် ခေတ်ပျက်ကြီးထဲမှာ ဘိန်းစားတွေ အတော်ပေါတယ် ဆိုပဲ ။ နောက်ပြီး စစ်အတွင်းက ဝမ်းကိုက် ဝမ်းလျှောရောဂါတွေလည်း အဖြစ်များတော့ ဘိန်းမဲတွေ စားပြီး ရောဂါသက်သာအောင်လုပ်ကြသတဲ့ ၊ ဒီတော့ အဖွားလည်း ဘိန်းမဲ ရောင်းတဲ့ အလုပ် လုပ်ကို စစ်ပြေးဘဝနေရတဲ့ အချိန်မှာ လုပ်ခဲ့ဖူးတယ်တဲ့ ။ ကပ်ကြေးလေးကို ရေစိမ်ထားပြီးမှ ဘိန်းကို ညှပ်ပြီး ချိန်ခွင်ထဲထဲ့ရောင်းရတယ်ဆိုပဲ ။ ဘာလို့ လဲဆိုရင် ရေမဆွတ်ထားတဲ့ ကပ်ကြေးနဲ့ ညှပ်လိုက်ရင် ဘိန်းမဲမဲတွေက ကပ်ကြေးမှာ အထပ်လိုက် ကပ်နေတတ်တော့ ၊ ဘိန်းစားတွေက ကပ်ကြေးကို တောင်းပြီး လျှာနဲ့ရက်တတ်ကြလွန်းလို့ တဲ့လေ ။ အဲဒီအကြောင်းတွေ ပုံပြောသလို ပြောပြရင်း မုန့်စိမ်းပေါင်းရောင်းတဲ့ တောင်းကြီးထဲ မုန့်စိမ်းပေါင်းအပုံကြီးကို ဘိန်းအမှတ် ထင်မှတ်ခဲ့ဖူးတဲ့ ငယ်ငယ်က ကလေးအတွေးလေးတောင် ပြန်မြင်ယောင် မိပါသေးရဲ့ ) ။ စပ်စုမ ကိုယ်က အငြိမ်မနေနိုင် မေးမိတတ်တယ် ။ “အဖွား..ဘိန်း ရောင်းတာ အစိုးရ က မဖမ်းဘူးလား” ဆိုတော့ အဲဒီအချိန်မှာ သူသူငါငါ ရောင်းနေကြတာပဲတဲ့ ၊ ဘယ်သူမှ မဖမ်းကြဘူးတဲ့ ။ ရာဇဝတ်မှု မဟုတ်ဖူးတဲ့ ။ ခုပိုပြီး စဉ်းစားတတ်လာတော့ မှ ပြန်တွေးမိတယ် ၊ အင်္ဂလိပ်ကျွန် ဂျပန်ကျွန် ဘဝရောက်နေတဲ့ အချိန်မှာ ဘိန်း(ဘိန်းမဲ) ကို ရောင်းခွင့် သုံးခွင့်ပေးထားရခြင်း အကြောင်းထဲမှာ မြန်မာနိုင်ငံသူနိုင်ငံသားများ အား ဘိန်းစားဘဝ သွပ်သွင်းပြီး ကျွန်သက်ရှည်အောင် လုပ်တဲ့ နည်းလမ်းတခုဖြစ်မယ်လို့  ။ ဒါကတော့ အဖွားရဲ့တရားစီရင်ချက်ထဲ အကျုံးမဝင်ပါဘူး ။ အဲဒီ ခေတ်စနစ်ကြီးမှာ ဘိန်းစားတွေ လောင်းကစားဝိုင်းတွေ များခဲ့တယ် လို့  ပြောချင်တာပါ ။ စကားစပ်လို့ ပြောရအုံးမယ် ၊ အဖိုးက ရုံးစာရေးဆိုပေမဲ့ ရသမျှ လခ အကုန်အပ်ပြီးမှ အဖွားဆီက ပြန်တောင်းသုံးရတယ်။ ဘုရားပွဲ အချိန်ဆို ရွာမှာ လေးကောင်ဂျင်ဝိုင်းတွေ ရှိတတ်တော့ အဖိုးလည်း သွား ပြီး ကံစမ်းလေ့ရှိသတဲ့ ၊ နောက်တော့ မကြာခဏ ကနေ ခဏခဏ ဖြစ်လာတော့တာပေါ့ ။ ဒီတော့ အဖွားက အရွဲ့တိုက်တယ် ၊ အိမ်မှာ ဘာမှ မချက် ပဲ ၊ သူလည်း ကစားဝိုင်း ထဲ လိုက် သွားပြီး ပါလာသမျှ ပြောင်အောင် ထိုးပလိုက်တယ် တဲ့ ၊ အဲဒီနောက်ပိုင်း အဖိုးခမျာ တသက်လုံး လောင်းကစားဝိုင်းဖက် ခြေဦးမလှည့်ရဲအောင် ဖြစ်သွားရတယ် ။( ကိုယ့် အဖွားရဲ့ ပိုင်ချက်.. ၊ အဖိုးကလည်း လူအေးကြီးမို့ သာ ဖြစ်မှာပါ၊ သူ အလျှော့ပေးလိုက်ပေလို့ ပေါ့ ။ ၂ ယောက်စလုံးတင်းနေရင်တော့ ဘယ်ထိ ပွဲကြမ်းသွားမလည်း မပြောတတ်ပါ )။
အဖွားရဲ့ သားသမီး ၃ ယောက်လည်း စစ် အတွင်းမှာ ပဲ ကြီးပြင်းလာကြရတယ် ။ အကြီးဆုံး နဲ့ အငယ်ဆုံး က သမီး၊ အလတ် က သား ။ ကိုယ့် အမေ က အငယ်ဆုံးသမီးလေးပေါ့ ။အဖွားက အတန်းပညာ မသင်ခဲ့ရလို့  စာ သာ မတတ်တာ ။ အရောင်းအဝယ် အတွက်အချက်တော့ တော်တယ် ။ သားသမီးတွေ ကို ဆုံးမတာလည်း တော်တယ် ။ ၂နှစ်ခြား ၃ နှစ်ခြား မောင်နှစ်မသုံးယောက် ..ကလေးတို့  ဘာဝ၊ အတူတူ ဆော့ ကစားရင်း နောက်ပြောင်ရင်း ရန်ဖြစ်လေ့ရှိကြတာ အဆန်းတော့မဟုတ်ပါဘူး ။ များသောအားဖြင့် တိတ်တိတ်ကြိတ်ပြီး ရန်ဖြစ် ၊ဒါဆို အလုပ်များနေတဲ့ အဖွား မသိလိုက်ဖူး ။ တခါတလေ အော်ကြီးဟစ်ကျယ် ဖြစ်သွားတဲ့ အခါဆိုရင်တော့ ၃ယောက်စလုံး မလွယ်ဘူး သာ မှတ်ပေရော့ ။ တခါတလေ ဆို ၁ယောက် မကစားလို့  မပါပဲ၊ ၂ ယောက်ထဲ အော်ကြီးဟစ်ကျယ် ဖြစ်တဲ့ အခါဆိုလည်း မချောင်ဘူး ။ ၃ ယောက်စလုံး အရိုက်ခံရတယ် ။ ဘယ်သူ ပါ ပါ မပါပါ၊ ဘယ်သူမှား ဘယ်သူမှန်တယ် ဆိုတာကို စစ်မနေတတ်တဲ့ အဖွား ၊ ကလေး ၃ယောက် စလုံးတန်းစီပြီး လက်စွဲတော် ကြိမ်လုံးနဲ့ ဆော်တော့တာပဲ ။ ကိုယ့် အမေက အငယ်ဆုံးသမီးဆိုတော့ အဖေ့အချစ်ဆုံး အဆိုးဆုံး ၊ အကဲဆုံးလေး ။ ဘယ်သူနဲ့ ဖြစ်ဖြစ် သူမပါရင် မပြီး ၊များသောအားဖြင့် သူက ပဲ ပြသနာ စရှာတတ်တယ် ၊ သူများကို အနိုင်ကျင့် ဗိုလ်ကျ တတ်တယ် ၊ ပြီးရင် သူကပဲ အာပြဲအောင် အော်ငိုပြီး သူကပဲ ဦးအောင် စ တိုင်တတ်တယ် ။ သူ့  အထက်က အကို ဆိုရင် သူ့ ကို သိပ်ကြောက် ပေါ့ ။ အမကြီးက အကြီးဆိုတော့ အငယ်တွေကို ညှာတယ် ။ ဘယ်တော့မှ ပြသနာ အရင်စမလုပ်ဖူး ။ ဒါပေမဲ့..ဒါပေမဲ့ ပေါ့ ။ တရားစီရင်ရာမှာ အင်မတန်တော်တဲ့ ကိုယ့်အဖွားရဲ့ မူ အရ .. ၂ယောက် ရန်ဖြစ်ရင်လည်း ၃ယောက်စလုံးရိုက်ခံရတယ်ပေါ့ ။
ဘာလို့ ဒီလို အပြစ်မရှိတဲ့ သူကိုပါ ရိုက်ရတာလည်း လို့  မေးကြည့်ဖူးတော့ သူ့ အဖြေက ရိုးရှင်းပါတယ် ။ သူ မွေးထားတာ ၃ ယောက် ၊ တသွေးထဲ တသားထဲ ရှိနေရမယ်၊ချစ်ချစ်ခင်ခင်နေရမယ်၊ ပြသနာတခုဖြစ်လာရင် တခါတလေမှာ ဘယ်သူ မှန်တယ် မှားတယ် မကွဲမပြားဖြစ်တတ်တယ် ၊ ဦးအောင်တိုင်တိုင်းလဲ မှန်တတ်တာမဟုတ်ဖူး ၊ အသံမထွက်တဲ့ သူတိုင်းလည်း အမှားလုပ်နေတာ မဖြစ်နိုင်ဘူး ။ ပြသနာမှာ မပါတိုင်းလည်း အပြစ်ကင်းတယ် ပြောမရဘူး ။ အကြီးဖြစ်သူ အထိန်းအကျောင်းမတော်လို့  သာ ဒီပြသနာဖြစ်ရတယ် ။ ဒီတော့ ၃ယောက်စလုံး မှာ အပြစ်ရှိတယ်တဲ့ ။ ကဲ.. အေးတာ ပဲ ၊ ၃ ယောက်စလုံး ကြိမ်စာကျွေးခံရပြီးရင် အမကြီးကလည်း သူ့ မောင် နဲ့ ညီမ ကို ပြောတယ် ဆုံးမတယ်။ “နင်တို့ ၂ယောက် တည့်အောင်နေကြ နို့ မို့ ရင် ငါပါ ရောယောင်ရိုက်ခံရမယ်”ပေါ့ ။ သား အလတ် ကလည်း တွေးတယ် ၊ “ငါမှန်ပေမဲ့လည်း ရိုက်ခံရတယ် ၊ဒါပေမဲ့ ငါ့မှာ အတူတူကစားဖေါ် ဒီညီမလေးပဲ ရှိတာ ၊ သူ့ အလိုလိုက်မှဖြစ်မယ် ”။ အငယ်ဆုံးမက တမျိုးတွေးတယ် ..“ ငါ က စလုပ်ပြီး ဦးအောင် အော်ငိုတိုင်တာလဲ အပြစ်မလွတ်နိုင်ဘူး ။ ငါ့ကြောင့် အားလုံးအရိုက်ခံရတယ် ။ နောက်ဆို အဲလို မလုပ်တော့ဘူး ”.. ။ စစချင်းတော့ ဒီအတွေးမျိုးရှိချင်မှ ရှိမှာပါ ။ဒါပေမဲ့ ကြိမ်ဖန်များစွာ ခုလို စီရင်ခံရတော့ ဘယ်လိုနေနေ ဘယ်သူလုပ်လုပ် ပြသနာ တခု ဖြစ်ပြီဆိုတာနဲ့ ၃ယောက်စလုံးမလွတ်ဖူးဆိုတာ အတွေ့ အကြုံ အရ သိလာကြတော့ နောက်ဆို သူတို့ မောင်နှစ်မ ၃ ယောက် ဘယ်လိုပဲဆော့ဆော့ စားစား ရန်မဖြစ်တတ်ကြတော့ပါဘူး ။ အကြီးကလည်း အငယ်ကို ညှုာတာတယ် ၊ သွန်သင်တယ် ၊ အငယ် ကလည်း အကြီး ပြောစကားကို နာခံတယ် ။ လေးစားတယ် ။ အဖွားရဲ့ ထူးထူးခြားခြား စီရင်ချက်ကြောင့် မောင်နှစ်မတွေ ချစ်ချစ်ခင်ခင်နဲ့ ခုချိန်ထိပါပဲ ။
ဒါက အတွင်းရန်ဝိုင်းကို စီရင်တာ ။ ရှိသေးတယ် အပြင်ရန်ဝိုင်း ။ ကြီးကြီးကျယ်ကျယ်တော့ မဟုတ်ပါဘူး ၊ ခွေး ကိစ္စ ၊ အဖွားက ခွေးချစ်တတ်သလောက် ကြောင်ဆို မုန်းတယ် ။ ခွေးက သခင်အပေါ် သစ္စာရှိလို့  တဲ့လေ ။ ကြောင်ကတော့ သိတဲ့အတိုင်း အိမ်သာရင် လာ ပြီး အိမ်မသာရင် ခွာသွားတတ်တာ မဟုတ်လား ။ ကိုယ်တို့  ငယ်ငယ်တုံးက ခြံထဲမှာ ခွေးတွေ အများကြီး မွေးထားတယ် ၊ အင်းခွေး၊ ဗမာခွေး ၊ ဘိုခွေး စုံလို့ပါပဲ ။ အဲဒီခွေးတွေ ထဲမှာ သူ အချစ်ဆုံး က “ ငဖြူ ” လို့ ခေါ်တဲ့ အင်းဗမာစပ် နားရွက် ဖါးဖါး နဲ့ ခွေးကွက်ကျားလေးပေါ့ ။ ဒီကောင်က လူ စကားလဲ နားလည်တယ် ။ အရိပ် သုံး ပါး နားလည်တယ် လို့ တောင် ပြောလို့ ရမယ် ၊ ကလေး ပေါက်စလေး သူ့ နားမှာ ချထားရင် မခွာပဲ ထိုင်စောင့်ပေးတတ်တယ် ။ သူများလာရန်လုပ်မှာစိုးလို့ ၊ ခြံထဲကို လူစိမ်း ဝင်လာရင် အရိပ်အကဲ ကြည့်တတ်တယ် ။ အိမ်ရှင် နဲ့ ရယ်လားမောလား စကားပြောနေတဲ့သူဆို ၊ ဒါမှမဟုတ် အိမ်ရှင်က ဟန့်လိုက်ရင် သူဘာမှ မလုပ်ဖူး၊ ဘေးမှာ ခဏစောင့်ကြည့်ပြီး သူ့ နေရာသူသွားနေတတ်တယ် ၊ သတင်းစာဝယ်တယ် ဒန်အိုးပေါက်တွေဝယ်တယ် အသံကြားရင် ၊ ချွတ်ကနဲ အသံကြားရင် ထိုးဟောင်တော့တာပဲ ၊ခြံထဲ အတင်းစွတ်ပြီးဝင်လာသူဆိုရင် မလွှတ်တမ်း ကိုက်တော့တာပဲ ။
အဲ့ဒီ အကိုက်ကြမ်းတဲ့ ခွေးလိမ္မာက အဖွားရဲ့ အသည်းစွဲ ။ ညနေ ညနေ အဖွား ခြံထဲ လမ်းလျှောက်ဆင်းရင် ဝါးတုတ်လေးတချောင်းကိုင်လို့ ၊ တခါတလေ သူများခြံထဲက ခွေးတွေ အလည်ကျူးပြီး ကိုယ့်ခြံထဲ ရောက်လာတဲ့ အချိန်ဆို အဖွား အလုပ်များတော့တာ ခုထိ မြင်ယောင်မိသေးတယ် ။ ကိုယ့်ခွေးကလည်း ခပ်စွာစွာ သူများခွေးကလည်း ခပ်ကဲကဲ နဲ့ တိုက်ပွဲ ဖြစ်လေ့ရှိ်တယ် ။ ငဖြူကြီးက အကောင်သာငယ်တယ် ကိုက်ရည်ခိုက်ရည်ကတော့ အပြည့် ၊ အတိုက်ကောင်းသလို အရှောင်လည်း ကောင်းပါ့ ။ တကောင်ချင်း ပြိုင်ကိုက်ရင် သူပဲနိုင်တာများပါတယ် ။ ဒီလိုအချိန်ဆိုရင် အဖွား ဘာမှ မလုပ်ဖူး ။ အသာလေးကြည့်နေတတ်တယ် ။ ကိုယ်တို့ ကလေးတသိုက်လည်း ဘေးမှာ ပတ်လည်ဝိုင်းပြီး ခွေးတိုက်ပွဲကို လက်ခုပ်တီး အားပေးကြတာပေါ့ အကယ်၍သာ ကိုယ့်ဘက်က အခြေ အနေ မဟန်ဘူး ဆိုရင်တော့ အဖွား ဝင်ပါပြီ ..၊ ခွေး ၂ကောင် ခပ်ခွာခွာ ရှိနေမယ် ဆိုရင် သူ့ လက်ထဲက ဝါးတုတ် ဟာ တဖက် ခွေးကို ရိုက်ဖို့ ပစ်ဖို့  အသင့်ပဲ၊ ဒါမှမဟုတ် ၂ကောင်ပူးကပ် လုံးထွေးနေပြီဆိုရင်တော့ ရေနဲ့ပက်ဖို့  အသင့်ပဲ၊ ကိုယ်တို့ ကလေးတွေလည်း ပွဲကြီးပွဲကောင်း ကြည့်ရတော့မယ် ဆိုပြီး အသင့်ပဲ ။တခါတလေတော့ တုတ်နဲ့လဲရိုက် ရေနဲ့လဲပက် .. ဗျူဟာအမျိုးမျိုးနဲ့ တိုက်ပွဲကူကြရတယ် ။ ( ခွေးချင်းကိုက်ရင်တောင် ကိုယ့်ခွေးနိုင်စေချင်တာ၊ လူ့ သဘာဝပဲ ထင်ပါရဲ့ )။ အဖွား ဘာလို့ တုတ်နဲ့ရိုက်တာလဲ ရေနဲ့ ပက်တာလဲ မေးကြည့်ရင် သူ့ သဘောထား သိရလိမ့်မယ် ။ ၂ ကောင် ပူးနေတုံး တုတ်နဲ့ ရိုက်ရင် မတော်တဆ ကိုယ့်ခွေး ကိုယ်ရိုက်မိမှာ ပေါ့ တဲ့ ။ ရေနဲ့ပက်တော့ ၂ကောင်လုံး မနာပေမဲ့ အကိုက်ရပ်သွားကြရော မဟုတ်လား.. တဲ့။ အဲဒါ သူ့ ရဲ့ မီးစတဖက် ရေမှုတ်တဖက် မဟုတ်တဲ့ တုတ်တဖက် ရေတဖက် မဟာဗျုဟာတမျိုး ပဲပေါ့ ။
ဒီ ဗျူဟာ ကို စဉ်းစားမိတော့ အသုံချလို့ ရတဲ့ တနေရာ ရှိနေတာ သတိထားမိတယ် ။ ဒီသတင်းလေးပါပဲ ။ တုတ်နဲ့ ရိုက်သင့်ရိုက်၊ ရေနဲ့ ပက်သင့်ပက် ဖို့ ပါ ။
အကြီးဆုံး သမီးဖြစ်တဲ့ ကိုယ့်ကြီးတော်ကြီးကတော့ လွန်ခဲ့တဲ့ ၆ နှစ်လောက်က ကွယ်လွန်ခဲ့ပါပြီ ။ ကိုယ်တို့  မောင်နှစ်မတတွေ အပေါ် အလွန်ကြင်နာ စောင့်ရှောက်ခဲ့တဲ့ ကြီးတော်ကြီးကို လွမ်းဆွတ် သတိရနေမိသလို ၊ စာမတတ်ပေမဲ့ ဘာသာတရားကိုင်းရှိုင်း အလှူဒါန ရက်ရောပြီး စိတ်သဘောထား ဖြူစင်တဲ့ ကိုယ့်အဖွားကိုလည်း အောင်းမေ့ အမှတ်ရ နေမိပါတယ် ။ ဒီတော့ ခုတလော ပြသနာတွေတက်.. အကျယ်အကျယ် မငြိမ်းဘွယ်နဲ့ သူ မှားတယ် ငါမှန်တယ် လုပ်နေကြသူတွေကို ကိုယ့်အဖွားလက်ထဲအပ်၊ တိုက်ရိုက်ပတ်သက်နေသူရော၊ နှီးနွယ်နေသူတွေရော အားလုံးကို ကြိမ်လုံးနဲ့ နာနာသာ ဆော်ပေးလိုက်ရရင် ဘယ်လိုများ တွေးကြပါလိမ့်မလည်း လို့  သိချင်နေမိတယ် ။ နှစ်ဖက်စလုံးတင်းနေကြရင် ပြတ်ဖို့ကိန်းသာဆိုက်ပြီး ၊ တောမီးလောင် တောကြောင်လက်ခမောင်းခတ်ဖို့  အသင့်ပြင်ထားသူများ အကြိုက်ဖြစ်နေမှာ စိုးမိပါတယ်။
အချုပ်ဆိုရရင် .. ပြသနာ အကြီးအသေး နေရာဒေသကို လိုက်ပြီးတော့ ကျင့်သုံးရမဲ့ ၊ နည်းလမ်းတွေ အကြောင်းပါပဲ ။ ရေမှုတ် နဲ့ မီးစ တဖက်စီကိုင်ပြီး အသုံးချ သင့်ရင် ချရပါမယ် ။ အဖွားကတော့ အတန်းပညာ မတတ်ခဲ့ပေမဲ့ သူ့ နည်းသူ့ ဟန်နဲ့ သူ့ သားသမီး ၃ ယောက်ကို စည်းစည်းလုံးလုံးရှိအောင် သွန်သင် ဆုံးမ နိုင်ခဲ့ပါတယ် ။ ခုခေတ်ခါမှာ ဥာဏ်ပညာ အဆင့်အတန်း မြင့်မားနေသူတွေ အဖို့ မှာတော့ မြွေမသေ တုတ်မကျိုး ပဲ ထင်းစည်းမပြေရလေအောင်၊ အဖွဲ့အစည်း နဲ့ နိုင်ငံတော်ကို ဦးဆောင် ထိမ်းသိမ်းပြီး ငြိမ်းချမ်း တိုးတက်အောင် ဆောင်ရွက်နိုင်လိမ့်မယ် လို့  မျှော်လင့်မိပါတယ်။
( မိတ်ဆွေအပေါင်း ရွှင်လန်းချမ်းမြေ့ကြပါစေ..)
အကြိတ်အနယ် အသည်းအသန် အပြင်းအထန် အသေအကြေ အသေအလဲ ..ဒီစကားလုံး အားလုံးဟာ ပြင်းထန်စွာ ပြုလုပ်မှုတရပ်ကို ဆိုလိုရင်းဖြစ်ကြောင်း သိကြမှာပါ ။ အသေအကြေ အသေအလဲ ဆိုတဲ့အထဲက “သေ” ဆိုတဲ့ စကားလုံး တလုံးပါရှိနေတာမို့  ပိုပြီး ပြင်းထန်တဲ့ သဘောများရှိနေမလား လို့  စဉ်းစားစရာ ဖြစ်ရပ်တခု မကြာမှီရက်ပိုင်းအတွင်းမှာ ဖြစ်လာခဲ့တယ် ။ တကယ့်ကို အသေအကြေပါပဲ ။ အဖြစ်ကဒီလို..
ဒီနိုင်ငံမှာတင်မဟုတ်ပါ ။ဒီခေတ်ကြီးမှာ အီး ခေတ်လို့ ဆိုတဲ့ အတိုင်း လူတိုင်းလိုလို အတွက် အရာရာမှာ အီး နဲ့ ပါတ်သက်တဲ့ အသုံးအဆောင်များစွာ နဲ့ ခွဲခြားလို့ မရနိုင်လောက်အောင် တွယ်နှောင်ရစ်ပတ်နေလျှက်ရှိကြပါပြီ ။ အင်တာနက်ခေတ် ဆိုတော့ ဂိမ်းကစားနည်းမျိုးစုံမှာတောင် တဖက် နဲ့ တဖက် လူမမြင် လူမသိကြပေမဲ့ ၊အွန်လိုင်းကနေ ဆော့ကစားကြ လို့ ရတယ် ။ ဒီအတိုင်း ကစားရတာ ငြီးငွေ့ လာကြ လို့ လားတော့ မပြောတတ် ၊နောက်ပိုင်းကျတော့ အလောင်းအစား ပုံစံမျိုးနဲ့ ဆော့ကစားကြတယ် ။ လောင်းကစားဆန်ဆန် ဂိမ်းမျိုးစုံကိုထွင်ကြတဲ့ ကုပ္မဏီတွေကလည်း သူ့ ထက်ငါ အပြိုင်အဆိုင် ရင်ဖို ရင်ထိတ်စရာ ကစားနည်းတွေကို တီထွင်ထုတ်လုပ်လာကြတော့ အဲလိုဂိမ်းတွေကို စွဲစွဲလန်းလန်း ဆော့လာကြသူများလည်း တိုးပွားလာကြတယ်ပေါ့ ။ တချို့ လူငယ်တွေများဆို ကျောင်းပြေးပြီးတော့ အင်တာနက်ဂိမ်းဆိုင် အင်တာနက်ကော်ဖီဆိုင်တွေမှာ အချိန်ဖြုန်း ငွေဖြုန်း လာကြတယ် ။ အိမ်က မိဘတွေခမျာမတော့ ငါ့သားလေး ငါ့သမီးလေး ကျောင်းတက်တယ် စာကြိုးစားတယ် ထင်နေကြမှာ ။
ဟိုးတလောက သတင်းထဲမှာ ပါလာတဲ့ အသေအလဲ ကစားတဲ့ အဖြစ်ရဲ့ အကျဉ်းချုပ်ကတော့ အသက် ၂၃ နှစ် အရွယ် လူငယ်တယောက်၊ နှစ်သစ်မကူးခင် ကာလအတွင်းမှာ အလုပ်ပြုတ်သွားခဲ့ပြီးနောက် စိတ်ပြေလက်ပျောက်လား ဒီကစားနည်းကို အသေစွဲနေလို့ ပဲလား မသိ ။ သူ ဆော့နေကြ ဂိမ်းဆိုင်ကို လာပြီး နေ့မအိပ် ညမအိပ် ဂိမ်းဆော့ပါသတဲ့ ။သူဆော့တဲ့ ဂိမ်းအမည်က “ League of Legends，”အတိုကောက် LOL လို့ခေါ်ကြ သတဲ့။ စိတ်လှုပ်ရှားဖွယ် ကစားနည်းကြောင့်လား ၊ သူ့ နဂို ရောဂါအခံကြောင့်ပဲလား မသိ ။ ၂၄ နာရီနီးပါး ဂိမ်းဆော့နေလိုက်တာ ... သူ့ ဘေးမှာ ဝင်ဆော့နေကြသူတွေ သာ ပြောင်းသွားတယ် သူကတော့ ထိုင်ရာမထ ၊ နောက်ဆုံးကျမှ ဆိုင်က အလုပ်သမားတယောက် သတိထားကြည့်မိချိန်မှာ သူ အသက်ပျောက်နေခဲ့ပြီ ။ တောင့်တင်းညိုမဲနေပြီ ။ ထိုင်ခုံပေါ် မှီရက် ဘယ်လက်က ကီးဘုတ်ကိုင် ညာလက်ကကြွက်( မောက်စ် ) ကို ဆုပ်ကိုင်ရက် နဲ့ ၊ အသက် ဘယ်အချိန်ထွက်လို့ ထွက်သွားမှန်း ဘယ်သူမှ မသိလိုက်ကြပါဘူး တဲ့..။ သူ့  အလောင်းဟာ တောင့်တင်းနေတာမို့  ရေခဲတိုက် ပို့ဖို့ ကားပေါ်တင်ရာမှာတောင် အတော်လေး ကသီလင်တ ဖြစ်ခဲ့ရပါသတဲ့ ။သက်ဆိုင်ရာ တာဝန်ရှိသူတွေ စစ်ဆေးကြည့်ရာ မှာ ၊ သူ့ ရဲ့ အိတ် အတွင်းမှာ နှလုံးရောဂါနဲ့ ပတ်သက်တဲ့ ဆေးထုတ်ကိုတွေ့ ရပါသတဲ့ ။
အင်တာနက်ဆိုင်တွေမှာ နာရီပိုင်း နဲ့ အသုံးပြုကြသူအများဟာ လူငယ်တွေ ဖြစ်ကြတယ် ။အထူးသဖြင့် အမိရွှေပြည်ကြီးမှာ အိမ်တိုင်း ကိုယ်ပိုင်အင်တာနက်လိုင်းချိတ်ဖို့  သိပ်အဆင်မပြေကြတော့ ဆိုင်တွေမှာ အချိန်ပိုင်းသုံးလေ့ရှိကြတယ်။ အသုံးပြုတဲ့ အကြောင်းအရာများမှာလည်း ဂိမ်းဆော့ ၊ ချက်တင်ထိုင်၊ အစရှိတာတွေ က ရာခိုင်နှုန်းပိုများကြတယ် ။ ကိုယ့်အတွက် တိုးတက်ရာတိုးတက်ကြောင်း ပညာ ဆည်းပူးဖို့ ၊အချက်အလက်ရှာဖွေဖို့၊ အလုပ်အကိုင်ရှာဖွေဖို့ ၊ နိုင်ငံရပ်ခြား နိုင်ငံပေါင်းစုံနဲ့ မြန်ဆန် သက်သာစွာ ဆက်သွယ်ဖို့  ၊ အစရှိတဲ့ ရည်ရွယ်ချက်တွေနဲ့ သုံးစွဲကြသူတွေ လည်း ရှိတော့ရှိပါတယ် ။ နည်းတယ်ပေါ့ ။
စီးပွားရေးအတွက် ဖွင့်ထားကြရတဲ့ ဆိုင်တွေမှာလည်း အဖွဲ့ ဝင် (မင်ဘာ ဝင် ) ရင် ဘယ်လောက် ရာနှုန်းလျှော့ဈေးပေးမယ် ။ နာရီ ပိုများများ သုံး လေ ၊ ဈေးလျှော့လေ ဆိုတဲ့ မက်လုံး များ နဲ့ ဆွဲဆောင် ထားတတ်ကြတာမို့  ၊ ကိုယ်သုံးနေကြ ဆိုင်တွေမှာပဲဖေါက်သည်သဘောနဲ့ အသုံးပြုလာကြတယ် ။ အင်တာနက်ကဖေး ဆိုင်တွေမှာ စားသောက်စရာ တွေပါ တွဲပေးထားတာမို့  တချို့ဆို အိမ်မပြန်ကြတော့ပဲ နေ့ ရော ညပါ လောင်းကစား ဂိမ်းမျိုးစုံကို မနားမနေ ဆော့ကြပါလေတော့တယ် ။ အချိန်ကုန်မှန်းမသိ ၊ လူညောင်းမှန်းမသိ၊ ဆီးချုပ် ဝမ်းချုပ် အညောင်းမိတဲ့ အထိကို အသေအလဲ အသည်းအသန် ဆော့ကြတယ် ။ ဒီလို နာရီပေါင်းများစွာ ကိုယ်လက်လှုပ်မှု မရှိပဲနေရာမှ ရုတ်တရက် ထရပ်လိုက်လို့ ၊ သန့် စင်ခန်း ထဲဝင် သွားလိုက်တဲ့ အချိန်မှာ သတိလစ် မူးမေ့သွားသူတွေ ၊ဦးနှောက်သွေးကြော သွေးလျှောက်မမှန်လို့  လေဖြတ်သွားသူတွေလည်း ရှိခဲ့ဖူးတယ်။ ဖြစ်နိုင်ခြေရှိတာကတော့ နာရီပေါင်းများစွာ လှုပ်ရှားမှု မရှိပဲ ထိုင်နေရာမှာ ခန္ဓာကိုယ်အောက်ပိုင်း အထူးသဖြင့် ခြေထောက်မှာရှိတဲ့ သွေးလှည့်ပတ်မှု နှေးကွေးပြီး သွေးခဲလေးများ( blood clot သို့ မဟုတ် Thrombus) ဖြစ်လာတတ်တယ် ( Thrombosis လို့ ခေါ်တယ်) ။ ဒီသွေးခဲလေးတွေက သွေးပြန်ကြောမှတဆင့် နှလုံးနဲ့အဆုပ်၊ သို့မဟုတ် ဦးနှောက် သွေးကြောတနေရာရာမှာ သွားရောက် ပိတ်ဆို့ နိူင်တယ်(Thromboembolism လို့ ခေါ်တယ် ) ။ ဒီတော့ ရုတ်တရက် နှလုံးခုန်ရပ် ၊ အသက်ရှူ ရပ် ၊ ဦးနှောက်သွေးကြော ပိတ် ၊လေဖြတ် အစရှိတာတွေ ဖြစ်စေနိုင်တယ် ။
ဒါကြောင့် “တန်ဆေး ၊လွန်ဘေး ”ဆိုတဲ့ အချက်ကို သတိပြုကြဖို့ လိုတယ်။ ဂိမ်းဆော့သည်ဖြစ်စေ၊ အလုပ်သဘောအရဖြစ်စေ ကွန်ပြူတာ ရေရှည် အသုံးပြုကြသူများ အား ကျန်းမာရေး မထိခိုက်အောင် ဘယ်ပုံ ဘယ်နည်း နဲ့ သုံးသင့်တယ် ဆိုတာလေး သိသလောက် ဖေါက်သည်ချပါရစေ ။(ကွန်ပြူတာရှေ့ မှာ ၊ ထားရှိပုံ ၊ အညောင်းမမိစေရန် လေ့ကျင့်ခန်း များ ကိုတော့ ဒီပို့ စ်လေး (ကျန်းမာပျော်ရွှင် ဘလောဂင်း နဲ့ ချက်တင် )... မှာ ဖတ်ရှုနိုင်ပါတယ် ။)
အချိန်ကြာမြင့်စွာထိုင်ပြီး ဂိမ်းဆော့သူများ ၊ ကွန်ပြူတာဖြင့် အလုပ်လုပ်နေရသူတို့ သတိပြုရန် အချက်များ..
(၁) ကွန်ပြူတာ Screen ,LCD ကို မိနစ် ၃၀ ၊ ၄၀ ခန့် တနေရာတည်းသို့  အချိန်ကြာမြင့်စွာ စူးစိုက်ကြည့်နေပါက မျက်လုံးကြွက်သားများ တောင့်တင်းလာတတ်ပါသည် ။ထို့ကြောင့် မျက်စိအားစိုက်မှု အကြောအချဉ်လျှော့ရန် အဝေးသို့မိနစ်အနည်းငယ်မျှ ပြောင်းပြီးကြည့်ပေးပါ ။
(၂) မိနစ် ၃၀ ၊ မိနစ် ၄၀ မျှကြာလျှင် တကြိမ် ထိုင်ရာမှ ထပြီး ခြေလက်လှုပ်ရှား ခါးဆန့် ပေးခြင်းဖြင့် ကိုယ်ခန္ဓာတခုလုံး၏ သွေးလေ လှည့်ပတ်မှုကို မှန်ကန်စေနိူင်ပါသည်။
(၃)ကွန်ပြူတာအနီး တွင် ရေ ပုလင်း ရေခွက် ထားရှိပြီး ရေသောက်ရန် မမေ့ပါနှင့်။ ဆီး ချုပ် ဝမ်းချုပ် မဖြစ်ရန် သတိပြုပါ။
(၄) ပါတ်ဝန်းကျင် လေဝင်လေထွက် ကောင်းမွန်မျှတ ရန် ဂရုပြုပါ။ အခန်းတွင်း အလင်းရောင် လုံလောက်ရန်လည်း လိုပါသည် ။
(၅) ညသန်းခေါင်ယံထိ မအိပ်မနား အချိန်ကြာမြင့်စွာ အသုံးပြုခြင်းကို ရှောင်ကျဉ်ပါ ။ကျန်းမာရေးအတွက် အိပ်စက်အနားယူရန်၊ ညဘက်တွင် အိပ်ရေးဝရန် အရေးကြီးပါသည် ။ သို့မှသာ ဦးနှောက်၏ မှတ်ဥာဏ်ထိန်းချုပ်သော Memory chip များ refresh လုပ်ပေးနိူင်သည် ။ အရေးကြီးသော ဟော်မုန်းများ မှန်ကန်အရည်အသွေးပြည့်စွာ ထွက်ပြီး ခန္ဓာကိုယ် ဇီဝဖြစ်စဉ်များကို ပုံမှန် ထိန်းသိမ်းပေးနိုင်သည် ။ ပင်ပန်းနေသော စိတ် ကိုလန်းဆန်းစေနိုင်သည်။ ကြွက်သား အကြောများ ဖြေလျှော့စေနိုင်သည်။
ွှဤ အကြောင်းအရာများကို ဒီနေရာမှ မှီငြမ်းပြီး မှတ်မိသလောက်ကို မိမိ တတ်သလောက်ဖြင့် ပေါင်းစပ်ရေးသားလိုက်ပါသည် ။
တနေ့ က ရွှေပြည်ကြီးက သတင်းတခုမှာ အင်တာနက်ဆိုင်တွေကို ည ၁၁ နာရီ ကျော်လျှင် မဖွင့်ရ လို့  သတ်မှတ်တားမြစ်ထားချက် ကို ဖတ်လိုက်ရသည် ၊ ကျောင်းသားများ စာမေးပွဲနီး၍ ဟု အကြောင်းပြချက် ပါသည် ။လူငယ်များ ဂိမ်းဆိုင် များတွင် အချိန်မတော် သည်ထိမနေစေဖို့ ကန့်သတ်ပေးလိုက်ခြင်းမို့ ဒီသတ်မှတ်ချက်ကိုတော့ ကြိုက်ပါသည် ။
ကွန်ပြူတာ ကြာရှည် အသုံးပြုနေကြသူများ (ဂိမ်းစွဲနေသူများ) ဂိမ်းကြောင့် မဂန့်သွားကြစေရန် ရည်ရွယ်ပါသည် ။ မိတ်ဆွေအပေါင်း ကျန်းမာ ရွှင်လန်းကြပါစေ။
တို့ခေတ်ရောက်ပြီလို့  ကြွေးကြော်ရမဲ့ အီး ခေတ် ကြီး မှာ အရာရာ အီး တွေ လွှမ်းမိုးမှုကို ခံနေကြရတယ် ။ ဗမာလို အီး က နားဝင်ချိုစရာ မကောင်း လှပေမဲ့ အင်္ဂလိပ်လို အီး ကတော့ နေရာတိုင်းလိုလို သုံးလို့  ကောင်းမှကောင်း ဆို ယုံကြမှာလား ။ လာပြန်ပြီ အီးဋီကာ .. ချဲ့လို့ မပြီးနိုင်ဆို အီးခေတ်ကြီးကလည်း အဆုံးအစ မရှိ ကျယ်ပြန့်နေလှပြီကိုး။
အီးခေတ် ရောက်တော့ အီးတွေ သုံးကြ သပေါ့ ကွယ် ။ အရင်က ကြေးနန်းကြိုး (သံကြိုး ) တို့ နေရာမှာ အီးမေးလ်တွေ အစားထိုး လာတော့ ၊ ဆက်သွယ်ရေးဝန်ကြီးဌာနလည်း ဝင်ငွေ လျော့  ၊ တွက်ချေမကိုက် ဖြစ်ရှာလေသပေါ့ ။ သူ့ ကြေးနန်းကြိုး ၊ သံကြိုး တွေ က အချိန်လည်းကြာသေး ၊ ဆိုတော့ အီးကြိုး အဲလေ အီးမေးလ် နဲ့က ပို အလုပ်ဖြစ် စိတ်ချရတယ် မဟုတ်လား ။ ဒီတော့ အီးမေးလ်တွေ ပဲ သုံးကြပေမပေါ့ ။ ဒါပေမဲ့ အဲဒီ အီးကလည်း ရာနှုန်းပြည့် သိပ်တော့စိတ်ချလို့ မရ။ ဟက်ကာ ဆိုလား ဘာလား ခိုးဖေါက်ခံရတာတွေ လည်း ရှိသေးဆိုပဲ ။ အီးသူခိုး လို့  ပြောရမှာ ပေါ့ နော်။ အဟက်..။ ရှိသေးတယ် အီးဘွတ်.. E Book ၊ အွန်လိုင်းပေါ်ကနေပြီး ပညာရှာချင်သူတွေ စာဖတ်ချင်သူတွေ အတွက် အတော်လေး အဆင်ပြေတယ် ။
နောက် အီး တခုက အီးဘေး.. ဟေးဟေး ။ ဝေးဝေး မတွေး နဲ့ အီးဘေးဆိုတာ e Bay ပါ ။ အွန်လိုင်းလေလံတင်တဲ့ဝက်ဆိုဒ်တခုပေါ့ ။ ဘာလိုချင်လည်း ရမယ် ။ အီးဘေး ပေါ်သာ တက်ရှာ ။မိနစ်ပိုင်း အတွင်း ရနိုင်တယ်။ အပ် ကအစ ။ အဲ.. ဘယ်ထိ အဆုံးလည်းတော့ မသိ ။ ဘယ်မှာပဲ ဆုံးဆုံး ကိုယ့် ခရက်ဒစ် ကဒ် ထဲက ပိုက်ပိုက်လေးတွေ မဆုံး ဖို့ အရေးကြီး ဆုံး ။ ပစ္စည်း ကောင်းလည်း ရ ၊ ဈေးလည်းချို ဆိုတာမျိုး က စိတ်ရှည် လက်ရှည် ရှာတတ်အုံးမှ။ စိတ်မချရတဲ့ ဆိုက်ကနေ ဝင်ဝယ် မိလို့  အနှပ်ခံရ ။ အဆော်ခံရတာတွေလည်း ဒုနဲ့ဒေးပါပဲ။ သတိတော့ ထားရတယ် ။ တခါတုံးကဆို ဒီနိုင်ငံက ကောလိပ်ကျောင်းသား တယောက် အွန်လိုင်းကနေ ဟန်းဖုံးတလုံး ဝယ်လေသတဲ့ ။ သုံးတဲ့ ကဒ်က သူ့ အဖေရဲ့ကဒ်ကို အဖေမသိအောင် ယူပြီးသုံး သတဲ့ ။ အဲဒီမှာ ဝင်တော့ တမျက်နှာပြီး တမျက်နှာ ၊ သူတို့  မေးတဲ့ မေးခွန်းတွေ ဖြေ ၊လိုတဲ့ အချက်အလက်တွေ ဖြည့် ။ နောက်ဆုံး ပစ္စည်း ကိုဝယ်ပါပြီ purchase ဆိုတဲ့ အကွက်ကို နှိပ်တော့ အဆင်မပြေ တချက်နဲ့ မဝင် ၊ နှစ်ချက်နှိပ် မဝင် နဲ့ အချက်ပေါင်းများစွာ နှိပ်လိုက်ရပါသတဲ့ ။ နောက် ၁ရက် နေတော့ ဟန်းဖုံးတလုံး အိမ်တိုင်ယာရောက် လာပို့သတဲ့ ။ နောက် ၂ ပါတ်လောက် အကြာမှာ သူ့ အဖေ ဘီလ် ရောက်လာတော့ မှ ထောင် ဂဏန်း တန်ဘိုး ရှိတဲ့ ပစ္စည်း အတွက် သိန်းနဲ့ချီပြီးပေးရတော့မဲ့ ကိန်းဆိုက်မှန်းသိရတယ်။ ဒီတော့မှ မျက်လုံးပြူးမျက်ဆန်ပြာနဲ့ ရဲစခန်းရောက် တိုင်ချက်ဖွင့် ။ အီးဆက်သွယ်ရေးကို ထိန်းချုပ်တဲ့ ရဲအဖွဲ့ ရှိနေလို့  တော်သေးတာပေါ့ ။အဲဒီ အလိမ်ခံရတဲ့ ပိုက်ဆံ ပြန်ရ မရတော့ မသိဘူး ။
အင်တာနက်မှာ ပြထားလို့  ဝယ်တဲ့ပစ္စည်းက တမျိုး ။ လက်ထဲရောက်လာတဲ့ ပစ္စည်းက တလွဲ ဆိုတာမျိုးကတော့ မကြာခဏကြားနေရတဲ့ သတင်းတွေပါပဲ ။ ကွန်ပြူတာကို အွန်လိုင်းမှာ ဝယ်တာ လက်ထဲရောက်လာတော့ အုတ်နီခဲလုံး တဲ့ ။ တိုင် လိုက်တော့ သူဝယ်တဲ့ ဆိုက် က မြေအောက်ဆိုက် ။ မြေလျှိုးမိုးပျံဆိုက် တွေ ဖြစ်နေတာလည်း တပုံတပင်။ဒါကြောင့် အစိုးရကလည်း အမြဲသတိပေးတယ် ၊ စိတ်ချရတဲ့ ဆိုက်တွေကနေပဲ အွန်လိုင်းပစ္စည်းဝယ်ဖို့ ။
ထားလိုက်ပါတော့ ကိုယ်ညံ့ ကိုယ်ခံပေါ့နော် ။ ဒီတခါ တွေ့ လိုက်တဲ့ သတင်း က တမျိုးထူးဆန်းပါ့။ ရောင်းတဲ့ ပစ္စည်းက အီးမ တယောက် ကျွတ်ကျန်ခဲ့တဲ့ ဖိနပ် တဖက်.. ။ အံမလေး .. ရူးနေလို့လား ဖိနပ်တရံလည်း မဟုတ်သမို့ စီးလို့လဲ မရ။ တဖက်ထဲကို လေလံတင်သတဲ့ ။ မယုံ မရှိနဲ့နော် ။ ဖိနပ်က တဖက်ထဲ ရယ် ။ ဒါပေမဲ့ ဈေးက မသေးလှ ။ ဈေးမသေးဆို သူက ရာဇဝင် နဲ့ လာသကိုး ။ ဇာတ်လမ်းက ဒီလို။
လွန်ခဲ့တဲ့ ၄-၅ ရက်လောက်က သြစတြေးလျတိုက်ကြီး က နိူင်ငံကြီး မှ ဂျုလီယာ ဂီလာဒ် ဆိုတဲ့ အမျိုးသမီး ဝန်ကြီးချုပ် .. အော်ဇီနိုင်ငံ အထိမ်းအမှတ်ပွဲတခုကို တက်ဖို့ ဟန်ပါပါနဲ့ လာသတဲ့ ။ အဲဒီအချိန်မှာပဲ ပွဲလုပ်မဲ့ အဆောက်အဦကြီး ပတ်လည်မှာ အော်ဇီ ဒေသခံ တိုင်းရင်းသား အဘော်ရီဂျင်း ၁၀၀ လောက်က ဝန်းရံထားပြီး ဆန္ဒပြ အော်ဟစ်ကြသတဲ့ ။ မိနစ် ၂၀ လောက်ကြာတော့ အခြေအနေမဟန် တာနဲ့ သူမရဲ့ သက်တော်စောင့်တွေ ခြံရံပြီး ကားရှိရာကို အပြေးတပိုင်း သွားစဉ်အခါမှာ ကမ္ဘာကျော်မဲ့ နံပါတ် ၈၊ အပြာရောင်ဖိနပ် ရဲ့ ညာဖက် တဖက် ဟာ ကျွတ်ပြီးကျန်ရစ်ခဲ့လေသတဲ့ ။
အဲဒီမှာတင် စင်ဒရဲလားတယောက် နာမယ် ကျော် တော့တာပါပဲ ။ကြင်ယာတော်ရှာခံရတာတော့မဟုတ်ပါဘူး ။ သူ့ အဖေါ်မဲ့ ဖိနပ် တဖက်ကို ကောက်ရသွားတဲ့ အဘော်ရီဂျင်လူမျိုးတွေက အီးဘေးပေါ်ကနေ လေလံပြစ်ခံရတာပါပဲ။ လေလံတင်တဲ့ သူကလည်း ကြေငြာထားလိုက်သေးတယ် ။ “Please bear in mind also this is a single shoe, not a pair, so it would be difficult to walk in, unless you're the PM," ”။ သင်သတိပြုရန်မှာ အဆိုပါဖိနပ်သည် တစ်စုံ မဟုတ်၊ တဖက်ထဲသာ ဖြစ်ပြီး ၊ အကယ်၍ သင်သာ ဝန်ကြီးချုပ်တဦး မဟုတ်ပါက ၊ ထိုဖိနပ်ဖြင့် လမ်းလျှောက်ရန် ခက်ခဲနိုင်ပါသည်... တဲ့ ။ အံမယ်.. ဖိနပ်ကို စီးတဲ့သူက နယ်နယ် ရရ မဟုတ်တော့ သူမရဲ့ နံပါတ် ၈ -Midas - Glorify စီးတော်တစ်ဖက် ကလည်း ကမ္ဘာကျော်သွားလေတာပေါ့။ စစချင်း ကြမ်းခင်းဈေး ၁၄၈ အော်ဇီဒေါ်လာကနေစလိုက်တာ၊ နာရီဝက် အတွင်း ဒေါ်လာ ၂၅၅၀ ပေး ဝယ်မယ် ဖြစ်ရော..( နောက်ထပ် တနာရီ မပြည့်ခင် အချိန်မှာတော့ ဒေါ်လာ ၄၅၀၀ တန်ဖိုးတက်သွားလေတယ် တဲ့ )။ အံ့ ရော.. လူတွေများ တယ်ရူးကြပေသကိုး ။ ဒါတောင် နာရီပိုင်းလေး ရှိသေးတာနော်.. ဆက်ထားရင် ဆက်တက်အုံးမဲ့ သဘော ရှိတယ်။
ဒါပေမဲ့... ဒါပေမဲ့ ... နောက်ဆုံးမတော့ ဒီလို လေလံတင် ရောင်းချတာဟာ သူတို့ အီးဘေး အွန်လိုင်းအရောင်းအဝယ် ဥပဒေ အရ တရားမဝင် ပါ ဘူး တဲ့ ။ အကြောင်းကတော့ လေလံတင် ရောင်းချမဲ့ ပစ္စည်း ဟာ ကိုယ်ပိုင် ပစ္စည်း ဖြစ်ရမယ်တဲ့ ။ အကယ်၍ ကိုယ်ပိုင်ပစ္စည်း မဟုတ်ရင်တောင် နဂို ပိုင်ရှင် ရဲ့ သဘောတူညီချက် ရှိပြီးမှသာ ရောင်းပိုင်ခွင့် ရှိပါသတဲ့ ။ တရားဥပဒေ စိုးမိုးတဲ့ ၊ လိုက်နာ လေးစားကြတဲ့ နိုင်ငံကြီးတွေ ဆိုတော့လည်း မမှန်တာ မလုပ်နိုင်ကြ မလုပ်ကြတော့ နောက်ဆုံးမှာ လူတွေ အလုအယက် လိုက်ဝယ်နေတဲ့ ဒီဖိနပ်ပြာပြာကြီးခမျာ အွန်လိုင်းပေါ်မှာ ရောင်းချလို့ မရသော ဖိနပ်တဖက် ဖြစ်သွားပါလေ သတဲ့ ။
( ကိုယ်တို့ တိုင်းပြည် များ အွန်လိုင်းကနေတောင် ရောင်းစရာ မလိုဘူး နော်။ ဘာ အီးဘေးမှ မလိုဘူး ။.. ဂီတအနုပညာ ဖျော်ဖြေပွဲတခု မှာတင် ..သုံး လေးထောင်လောက်သာသာ တန်တဲ့ တီရှပ် အဖြူလေး ၊ အမှတ်တရ. ရှားရှားပါးပါး လက်မှတ်များရေးထိုးထားတဲ့ တီရှပ်ဖြူလေး တစ်ထည် ကို ကျပ် ၁၂၅ သိန်း နဲ့ အလှူဒါနပြု သွားသူများရှိတယ် ။ ဒါကျတော့ အရူးထတယ် လို့  မဆိုနိုင်ပါဘူး ဆိုရင် ကိုယ့်ငါးချဉ် ကိုယ်ချဉ်တတ်လိုက်တာ လို့  ပြော ချင်ရင်လည်း ပြောကြပေါ့ နော်။)
ဒီဖိနပ်တဖက် ကိုကြည့်ပြီး အတွေးထဲ ရောက်လာတဲ့ ဖိနပ် တရံ ရှိသေးတယ် ။ ပြောရရင် ဒေါပွမှာလား ။သိချင်ရင်ပြောပြမယ် ။ လွန်ခဲ့တဲ့ ၂ နှစ်ကျော်လောက် က အမေရိကန်နိုင်ငံ နယူးယောက်မြို့ မှာ တကယ်ဖြစ်သွားခဲ့တဲ့ ဗုံးပေါက်မှု အဲ..အဲ .ဖိနပ်ပေါက်မှုကြီးပါ ။ ကိုယ်တို့ ရဲ့ ခုလက်ရှိ ဘဘကြီး ( ထိုစဉ်အခါက ဘဘလေး ပေါ့ ) အား၊ မိုးတလုံး လေတသီး အမျိုးစုံ ညာရွှီးနေတဲ့ ဘာ ဇွန် ဆို လား ။ အဲ့ဒီလူကြီးက ပေါက်စရာ ရှားလို့  ထင်ပါ့ ။ ပန်းနဲ့လဲ မပေါက် ၊ သြဇာသီးနဲ့လဲ မပေါက် ၊ဘဲဥပုပ်နဲ့လဲ မပေါက် ပဲ သူ့ ရဲ့ အယ်ဒို Aldoစီးတော်ဖိနပ် နဲ့ ကောက်ပေါက်ခဲ့တဲ့ ရာဇဝင် စာတင်ရမဲ့ အဖြစ်..။ နှစ်ခါ ပစ်တာ နှစ်ခါစလုံး မှန်တယ် ဆိုပဲ ။ ဘာကို မှန် တာလည်း တော့ မသိ ။ (အခင်းဖြစ်ပွားစဉ် အချိန်မှာ မျက်မြင်တွေ့ လိုက်ကြသူများ ပြောပြပေးဖို့  တောင်းဆို ချင်တယ်။ သမိုင်း အစစ်အမှန်ကို ပြန်လည် မှတ်တမ်းတင်နေကြတာ ခေတ်စားနေတယ် မဟုတ်ပါလား ။)အဲဒီတုံးက ဖိနပ်တရံကို ကောက်ရသူများ အီးဘေးမှာ လေလံတင်လိုက်ရင် ဘယ်လောက်တောင် ဈေးကောင်းရလိမ့်မလည်း လို့ သိချင်စမ်းလှတယ် ။ (ဒါပေမဲ့ ဖိနပ်ပိုင်ရှင်က လေလံတင်ဖို့ သူ့ ဟာသူပဲ ပြန်ကောက်သွားပုံရပါတယ်။အောက်မှ ပုံကိုကြည့်ရင် သိပါမယ်။ )
ဒီပုံကိုတော့ ဒီနေရာမှ ယူထားပါတယ်..
အကယ်၍သာ အဲဒီ အယ်ဒို ကြီးကို ၊ ဂျူလီယာဂီလဒ်ရဲ့ ဖိနပ်ပြာတဖက် လိုမျိုး အီးဘေးမှာ အီးလေလံ တင်ပြီးရောင်းလိုက်ရရင်ရော..အသင်တို့ ဘယ်၍ ဘယ်မျှ ဈေးအပြိုင်ပေးကြမှာလည်း..... ဟဲ ဟဲ ..။ ဝါသနာပါရင် ဝင်ဆွဲသွားနိုင်ပါကြောင်း သတင်းကောင်းပါးလိုက်ပါတယ် ခင်ဗျား... ...
အော်ဇီဖိနပ်သတင်းတွေကိုတော့ ဒီနေရာ များ မှ ရယူထားပါတယ် ။
အီးခေတ်ကြီးမှာ အီးဘေးများနဲ့ အလျဉ်းသင့်သလို အဆင်ပြေပြေ ရှိနိုင်ကြပါစေသတည်း ။။။
ပူဇော်ထိုက်သူကို ပူဇော်ခြင်းဟာ မင်္ဂလာတပါး လို့ အဆို ရှိတဲ့ အထဲမှာ ပြုသင့် ပြုထိုက်တဲ့ အမှုကို ပြုခြင်း (လွှတ်ပေးထိုက်သူကို လွှတ်ပေးခြင်း ) ဟာ လည်း မင်္ဂလာတပါးလို့  ဆိုရရင် လွန်မယ်မထင်ပါ ။ မနေ့ ညနေကတည်းက ကြားလိုက်ရတဲ့ သတင်းကောင်း အတွက် ကိုယ့်မျက်စိ ကိုယ့်နားကို ဘယ်လိုမှ မယုံနိုင်သေး ။ အညာခံနေကြရတာ အကြိမ်ကြိမ် အခါခါ နှစ်ပေါင်းများစွာ ဆိုတော့လည်း ပြောတိုင်း ကြားတိုင်း မယုံရဲတာ မယုံချင်တာ မယုံနိုင်တာ အရိုးစွဲနေပြီမို့  ရွှေပြည်သားအပေါင်းတို့ မှာ ယုံရနိုးနိုးဖြစ်နေခဲ့ကြမယ်လို့ တထစ်ချပြောရဲပါတယ် ။
ပြောရဲ ဆို ၊ အရင်အခါတွေတုံးက အတွေ့ အကြုံတွေ အရ သိနေကြတာကိုး ။ အကြောင်းအမျိုးမျိုးပြပြီး နေ့ ရွှေ့  ညရွှေ့ ၊ ပြီးတော့လည်း မစို့ မပို့ နဲ့ မဟုတ်တရုတ် တွေပဲ ထွက်ထွက်လာကြတာဆိုတော့ မယုံကြည်ရဲသူတွေကိုလည်း အပြစ်ပြောလို့ မရပေဘူး ။ဒီလိုနဲ့ ဟုတ်မှဟုတ်ပါ့မလား၊ အဓိက သူရဲကောင်းတွေ ပါမှပါပါ့မလား၊ဆိုတဲ့ စိုးရိမ်စိတ် သံသယစိတ်တွေနဲ့ ကွန်ပြူတာရှေ့  တညနေလုံး ထိုင်ပြီး ကြား ကြားသမျှ တက်လို့ရသမျှ သတင်းဌာန ဝက်ဆိုက် တွေ ဝင်ကြည့် ဖတ်ကြည့် လုပ်နေရတာ မိုးကြီးချုပ်လို့  ချုပ်မှန်းမသိ ၊ သန်းကောင်ကျော် လို့  အာရုဏ်တက်ခါနီးထိ ရင်တထိတ်ထိတ် ဖြစ်နေခဲ့ရတယ်။ ကိုယ်တို့ လို သွေးမတော် သားမစပ် တစိမ်းသက်သက်တွေ အနေနဲ့တောင် ခုလောက်ထိ စိုးတထိတ်ထိတ် နဲ့စောင့်မျှော် နေခဲ့ကြတာ ဆိုတော့ တကယ့်သွေးသားရင်း မိဘမောင်နှစ်မဆွေမျိုးများဆိုရင် ဘယ်လောက်ထိ စိုးထိတ် ဝမ်းသာနေကြမလည်း ဆိုတာ တွေးကြည့်လို့ ရပါတယ်။
အိုင်တီခေတ်ကြီးမှာ လူလာဖြစ်ရတာ ကံကောင်းတယ်ပဲ ဆိုရမလား ၊ အင်တာနက် သတင်းဌာနတွေ၊ မျက်နှာစာအုပ်မှ သတင်းတွေကို အချိန်နဲ့ တပြေးထဲညီ အလွယ်တကူ ကြားသိဖတ်ရှုနိုင်တဲ့ အတွက်ကြောင့် ၊ အမိမြေမှ တိုင်းရင်းသား ညီအကို မောင်နှစ်မတွေ အားလုံးလည်း ခုလိုပဲ တန်းတူအခွင့်အရေးတွေ ရနိုင်ပြီး ကမ္ဘာကြီးပေါ်က ဖြစ်ပျက်မှု သတင်းပေါင်းစုံကို အလျှင်မြန်ဆုံး ရနိုင်ကြဖို့ သိနိုင်ကြဖို့ စိတ်ဆန္ဒတခုပေါ်လာမိသေးတယ် ။ အရေးကြီးတဲ့ သတင်း အတော်များများကို ဟိုးအဝေးကြီးက လူတွေ က ဦးစွာသိနေရတဲ့ အဖြစ်ကနေပြီး အားလုံး တပြိုင်နက်ထဲ သိနိုင်ကြဖို့ မျှော်လင့်မိတယ် ။ ထားလိုက်ပါတော့ ၊ ဒီအခြေအနေမျိုး မကြာခင်မှာ ဖြစ်လာတော့ မယ်ဆိုတာလည်း ယုံကြည်တယ် ။
ဒီလိုနဲ့ တမိုးချုပ်ပြီး အာရုံဦး အလင်းသစ်နဲ့ နေ့သစ်ရောက် ခဲ့ရပါပြီ ။ ယနေ့  ၂၀၁၂ခုနှစ် ဇန္နဝါရီလ ၁၃ ရက်နေ့  ( သောကြာနေ့ ) ။ ရာစုနှစ်တဝက်မျှ အမှောင်လွှမ်းနေခဲ့ရတဲ့ အချိန်များ ကို ကျော်လွှားလို့ လာခဲ့ပါပြီ ။ အမှောင်ထုတွေထဲမှာ နှစ်ပေါင်း ၂၀ ကျော် ဘဝ နဲ့ အသက်များကို ပေးဆပ်ပြီး အနစ်နာခံ ခဲ့ရတဲ့ မြန်မာ့ သူရဲကောင်း ကြီးများ၊ ယုံကြည်မှု ကို အပွန်းမခံ အလံမလှဲ ရဲရဲဝံ့ဝံ့ ရပ်တည် ခဲ့ကြသူများ အားလုံးနီးပါးတို့ဟာ ယနေ့  မင်္ဂလာ ရှိတဲ့ ရက်မြတ်မှာ လွတ်လပ်ခွင့် ရခဲ့ပါပြီ ။
သတင်းတွေကလည်း စက္ကန့်ပိုင်းနဲ့ မခြား အပြိုင်အဆိုင် တက်လာလိုက်ကြတာလေ။ အသံဖိုင်တွေကလည်း တခုပြီး တခု အဆက်မပြတ်ပါပဲ ။ နှစ်ပေါင်းများစွာ ကွဲကွာနေကြတဲ့ သွေးချင်းများကို ဝမ်းသာအယ်လည်း ဖက်ပြီး ငိုနေကြ ၊ ပြုံးရယ်နေကြတဲ့ ပုံပေါင်းများစွာ ပလူကိုပျံလို့ ။
ကို မင်းကိုနိုင် လွတ်ပြီတဲ့ ..ဦးခွန်ထွန်းဦး လွတ်ပြီတဲ့ ၊ကိုဌေးကြွယ် လွတ်ပြီတဲ့၊ ကိုမြအေး လွတ်ပြီတဲ့၊ ကိုကိုကြီး လွတ်ပြီတဲ့ ၊ ကိုဂျင်မီ ၊ မနီလာသိန်း လွတ်ပြီတဲ့ ၊ အရှင် ဂန္ဘီရ လွတ်ပြီတဲ့ ၊ဘလော့ဂါ ကို နေဘုန်းလတ်၊ဂီတပညာရှင် ကိုဝင်းမော် လွတ်ပြီတဲ့၊ မစိုးရိမ်ဆရာတော်ဦးဝိစိတ္တ လွတ်ပြီတဲ့... လွတ်ပြီတဲ့ ....လွတ်ပြီတဲ့ ..လွတ်ပြီတဲ့ ..တချို့ပြောတာကတော့ . ၂၀၀ ကျော် . တချို့ကပြောတာ ၃၀၀ ကျော်..လွတ်လာပြီတဲ့..
ဖေါက်ခွဲရေး အမှုနဲ့ခေါင်းစဉ်တပ်ခံထားရသူ တချို့ ကလွဲရင် အားလုံး လွတ်လာကြပြီတဲ့..။
ဒီကြားထဲ ဆွမ်းဆန်စိမ်း ဆွမ်းကြီးလောင်းတဲ့ အထဲ ဘလာဗလာ ဘလာ.. ကြွက်ချေး အနည်းငယ်ပါလာသေးသတဲ့ ။ ထားလိုက်ပါတော့ ၊ အနှစ်နှစ်အလလက မျှော်လင့်တောင်းတနေကြတဲ့ ကိုယ်ဖြစ်စေချင်တာတွေ ဖြစ်လာရတာကို ပဲဝမ်းသာလှပါပြီ။ ဒါကြောင့်မို့  ဖဘ ကြီးပေါ်မှာ တွေ့ တွေ့ သမျှ သူငယ်ချင်းတွေကို နှုတ်ဆက်နေမိတယ် ။ မြင်မြင်သမျှ သက်ဆိုင်ရာ သတင်းတွေ စတေးတပ်တွေကို Like လုပ်နေဖြစ်တယ် ။သူငယ်ချင်းဟုတ်သူတွေရော မဟုတ်သေးသူတွေရော အပြန်အလှန်နှုတ်ဆက် စကားတွေ ပြောနေကြတာမြင်လိုက်ရတယ်။ အပျော်တွေ အပျော်တွေ ကူးစက်နေလိုက်ကြတာ ခုချိန်မှာ ကမ္ဘာ့ အပျော်ဆုံးလူသားများကို စစ်တမ်းကောက်ရင် ရာနှုန်းပြည့် သေချာတယ်၊ မြန်မာနိုင်ငံသူ နိုင်ငံသားများပဲ ဖြစ်ပါလိမ့်မယ် ။
တခါမှ ဒီနေ့ လောက်ထိ ကွန်ပြူတာနဲ့ မျက်စိ နဲ့ မခွာပဲ အကြာကြီး မနေခဲ့ဖူးဘူး ။ မျက်လုံးတွေ ကျိန်းစပ်နေပေမဲ့ တရစပ်တက်နေတဲ့ သတင်းတွေ လွတ်သွား မှာစိုးလို့  မျက်စိပျက်လည်း ပျက်ပါစေတော့လို့ အားခဲပြီး ကြည့်နေမိတယ် ။ သူတို့ တတွေ ဘဝပျက်ခံ ကျန်းမာရေးပျက်ခံပြီး ထောင်ထဲမှာ နှစ်ရှည်လများ နေခဲ့ရတဲ့ ဒုက္ခလောက်မှ ကိုယ့်အဖြစ်က မဆိုးလှဘူးမဟုတ်လား။ ရင်ထဲတစ်ဆို့ဆို့ နဲ့ ၊ မျက်ရည်ပူတွေ ပါးနှစ်ဖက်ပေါ်စီးကျလာတော့မှ ကိုယ့်အဖြစ်ကိုယ် ပြန်သတိရမိတယ် ။သေချာတယ်၊ ဝမ်းသာလို့ ကျလာတဲ့မျက်ရည်များပါပဲ ။
အဲဒီမျက်ရည်များကို ဖန်တီးရှင် က ဘယ်သူပါလည်း ၊ ဗေဒင်မေးစရာ မလိုပါဘူး၊ အားလုံးအသိ ၊ အဓိက အခရာ ကြီး ကတော့ ကိုယ်တို့ ရဲ့ နိုင်ငံတော် သမ္မတကြီး မှ လွဲရင် ဘယ်သူများ ဖြစ်နိုင်ပါအုံးမလည်း ။ဒီတော့ သူ့ နေရာမှာ သူ့ ကိုယ်စား ဝင်ပြီး ခံစားကြည့်မိတယ် ။ သူလည်းလေ လောကီသားပေမို့  အမှားတခုခုကို အရင်က လုပ်ဖူးကောင်း လုပ်ဖူးခဲ့ပါလိမ့်မယ် ။ အရင်က စံစားနေရတဲ့ အပျော်တွေထက် ခု ပြတ်ပြတ်သားသား ပြုလုပ်ပေးလိုက်တဲ့ ကောင်းမှု အတွက် သူလည်း ပျော်နေပါလိမ့်မယ် ။ သူ အရင်က ဘယ်ပုံဘယ်နည်း ရှိခဲ့ပေမဲ့ ခုချိန်မှာတော့ အကြင်နာ တရား ပြည့်ဝ လာသူပေပဲ ။ ပြည်သူ့ အသံကို နားထောင်ပြီး လိုက်လျောပေးတတ်သူပေပဲ ။ ဆုံးဖြတ်ရခက်နေတဲ့ အရာတွေကို ရဲရဲဝံ့ဝံ့ ဆုံးဖြတ်ပြီး ဖြစ်သင့်ဖြစ်ထိုက်တဲ့ အမှန်တရားကို ဖေါ်ဆောင်ပေးလိုက်တဲ့သူပေပဲ ။ အရင်က အမြင်မကြည်လင်ခဲ့ မယုံရဲခဲ့ပေမဲ့ ခုတော့ မျက်ရည်များကြားထဲကနေပဲ အမြင်ကြည်လင်သွားရပါပြီ ။ ဒီတော့ ရင်ထဲကနေ လှိုက်လှိုက်လှဲလှဲ ဆုတောင်းပေးလိုက်ပါတယ်။
သမ္မတကြီး ကျန်းမာရွှင်လန်းစွာဖြင့် သက်တော်ရာကျော်ရှည်ပါစေ ။သန့်ရှင်းတဲ့ သမ္မတကြီးအဖြစ် တည်တံ့နေနိုင်ပါစေ ။နောင်ကိုလည်း မြန်မာပြည်ကြီးသာယာဝပြောရေး အတွက် စစ်မှန်တဲ့ ဒီမိုကရေစီလုပ်ငန်းများကို စဉ်ဆက်မပြတ်ဖေါ်ဆောင်ပေးနိုင်ပါစေ ။ တိုင်းရင်းသားအဖွဲ့အစည်းများနဲ့ ငြိမ်းချမ်းစွာအတူတကွနေထိုင်နိုင်စေပြီး မြန်မာနိုင်ငံသူ နိုင်ငံသား အပေါင်းတို့အား အိပ်နိုးချမ်းသာ အဖြာဖြာကို မျှတခံစားနေနိုင်ကြစေရန် ဦးဆောင် လမ်းပြ ပေးနိုင်ပါစေ ။
လွတ်မြောက်လာကြသော သူရဲကောင်းများအနေနဲ့လည်း အမိမြန်မာပြည်ကြီး တိုးတက်ကြောင်းအတွက် အစွမ်းရှိသမျှ ဆထက်တပိုးတိုးပြီး ဝန်းရံနိုင်ကြပါစေ ။ လားရာတူသော အရွေ့ များနဲ့ တညီတညွတ်တည်း ရှိနေနိုင်ကြပါစေ။
နာဆာကတွက်ထားတယ်ဆိုတဲ့ ၊ ၂၀၁၂ ဒီဇင်ဘာ ၂၁ ရက် မှာ နီဘီရု ဂြိုလ်ကြီးနဲ့တိုက်ပြီး ပျက်မယ်ဆိုတဲ့ ကမ္ဘာကြီးလည်း ဆက်လက်တည်တံ့နိုင်ပါစေ..။ဒါပေမဲ့ ယုံကြည်နေတယ် ။ ကမ္ဘာကြီး လုံးဝ မပျက်စီးနိုင်ပါဘူး ။ဘာကြောင့်လည်းဆိုတော့ မြန်မာပြည်ကြီးက ခုမှ စပြီး တည်ထောင်ရအုံးမှာ။ ကမ္ဘာပေါ်မှာ မြန်မာနိုင်ငံကြီးက ဝင့်ကြွားထယ်ဝါရအုံးမှာမို့ပါပဲ ။
ဒီဓါတ်ပုံလေးကို မနဒ္ဒာရဲ့ခွင့်ပြုချက်နဲ့ ဒီနေရာမှ ရယူပါတယ် ။
ရက်စွဲ ကွက်လပ်ကလေး ဖြည့်ပေးပြီးသွားတော့ မင်္ဂလာ အပေါင်းနဲ့ ပိုပြီး ပြည့်စုံသွားပြီပေါ့ ။
အချိန်တွေ ရာသီတွေ တရွေ့ ရွေ့ ပြောင်းလဲ လာနေလိုက်ကြတာ ၂၀၁၁ ခုနှစ်လည်း တစတစဟောင်း၍လာလေပြီ ။ ဖြစ် ပျက် သံသရာမှာ လည်နေကြရတဲ့ သဘော အရ အချိန်တန်တော့လည်း သူ့ ခမျာ နှစ်သစ် ဖြစ်လို့ မှ ဘယ်လောက်မှ မကြာ .. ၃၆၅ ရက် (သို့မဟုတ်) ၁၂ လ ဟူသော ကာလ အကြာမှာ အနိစ္စသဘောနဲ့ ဟောင်းနွမ်းကာလ အဖြစ် သတ်မှတ်ခံရပါတော့မယ် ။Sweet December လို့ တင်စားခေါ်ဝေါ်လေ့ရှိကြတဲ့ ဒီဇင်ဘာရဲ့ နောက်ဆုံးတရက် ကို ကျော်ဖြတ် အပြီး၊ အတိတ် ၊ ပစ္စုပ္ပန် ၊ အနာဂါတ် ၊ ပါးပါးလျလျလေးများသာ ခြားနားနေကြတဲ့ အချိန်တိုလေးအတွင်းမှာ အရာရာဟာ မြဲနေနိုင်စွမ်းမှ မရှိတာမို့  နေရစ်ခဲ့ရတော့မဲ့ ၂၀၁၁ အတွက် ..အတိတ်ကို ပြန်ဖေါ်ပြီး စဉ်းစားဆင်ခြင်မိတဲ့ အရာများထဲမှ မှတ်မိသလောက် ချရေးကြည့်ချင်လာတဲ့ အတွက် ဒီစာတပုဒ် ဖြစ်လာရပါတယ် .. ။
၂၀၁၀ ခုနှစ် ကုန်ဆုံးတော့ ၂၀၁၁ နှစ်သစ်ကိုလည်း လူအများ ပျော်ပျော်ပါးပါး နဲ့ ကြိုဆိုခဲ့ကြ ၊ နှစ်သစ်ဆုမွန်များတောင်းခဲ့ကြပါတယ် ။အများစုက နှစ်သစ်မှာ မျှော်လင့်ချက်သစ်များစွာ နဲ့ ကျန်းမာ ချမ်းသာ လန်းဖြာကြစေကြောင်း ၊ ကမ္ဘာတဝှမ်း အေးချမ်းသာယာ ဘေးဘယာကင်းကွာကြစေဖို့  ဒေသအလိုက် ရိုးရာအလိုက် ဆုတောင်းပွဲ နှစ်သစ်ကြိုဆိုပွဲတွေ ကျင်းပလေ့ရှိကြတယ် ။ဆုဆိုတာလည်း တောင်းတိုင်းပြည့်တတ်တဲ့ အမျိုးမှ မဟုတ်လေတော့ ၊ အကောင်းနဲ့အဆိုး ဒွန်တွဲနေတတ်တဲ့ သဘောသဘာဝလည်း ရှိနေတတ်တော့ နှစ်စဉ် နှစ်တိုင်း မှာ မြေငလျှင် ၊ ရေဘေး ၊ လေဘေး၊ မီးဘေး၊ အစရှိတဲ့ ကြိုတင်မှန်းဆလို့မရတဲ့ သဘာဝ ဘေးအန္တရာယ် များစွာ မကောင်းတဲ့ ဘေးဆိုး ကပ်ဆိုးအမျိုးအမျိုး လည်း ကြုံတွေ့ ရလေ့ရှိတယ်။
၂၀၁၁ - ဒီတနှစ်အတွင်း ဖြစ်ခဲ့တဲ့ သဘာဝဘေးဆိုးတွေထဲမှာ မြေငလျှင်၊လေပြင်းမုန်တိုင်း ၊ဆူနာမီရေလှိုင်း၊ ရေကြီး ၊ မြေပြို ၊အစရှိသဖြင့် အမျိုးပေါင်းစုံလင်စွာ ရှိခဲ့တယ် ။ အဲဒီကပ်ဘေး တွေထဲမှာ ကြောက်မက်ဘွယ်ရာ သေဆုံးပျက်စီးခဲ့ရတဲ့ အချို့ ကပ်ဘေးဆိုးကြီးတွေကို ပြန်ပြောင်း လေ့လာလိုက်မယ် ဆိုရင် - ၂၀၁၁ မတ်လ ၁၁ ရက်နေ့ က ဂျပန်နိုင်ငံ ဖူကူရှီးမားမြို့ မှာ လှုပ်ခတ်ခဲ့တဲ့ ပြင်းအား ၉ဒသမ၁ ရှိ ငလျှင် နဲ့ နောက်ဆက်တွဲ ရိုက်ခတ်လိုက်တဲ့ ဆူနာမီလှိုင်းလုံးကြီးတွေကြောင့် လူပေါင်း ၁၅၀၀၀ ခန့် မျှ အသက်ဆုံးရှုံးခဲ့ရပြီး ပျောက်ဆုံး ပျက်စီးမှု ပမာဏ ၊သန်းပေါင်းများစွာ အပြင် ဓါတ်ရောင်ခြည်ဘေးသင့်တဲ့ အန္တရာယ် ရဲ့ နောက်ဆက်တွဲပြသနာများစွာကို နှစ်ပေါင်းအတန်ကြာခံစားကြရမှာ ဖြေရှင်းကြရမှာ ဖြစ်ပါတယ်။ တူရကီနိုင်ငံမှာ အောက်တိုဘာလ ၃ ပါတ်အတွင်း ၂ကြိမ် လှုပ်သွားတဲ့ ၊ ၇.၂ ပြင်းအားရှိ ငလျှင်ကြောင့်လည်း လူ ရာပေါင်းများစွာ သေဆုံးခဲ့ရတယ် ။
ဒါ့အပြင် ၂၁၀၀ ဇန္နဝါရီလ ၁၁ ရက်နေ့ က ဘရာဇီးနိုင်ငံ Rio-de-Janeiru မှာ တိုက်ခတ်ခဲ့တဲ့ လေပြင်းမုန်တိုင်း နဲ့ မြေပြိုမှု များကြောင့် လူပေါင်း ၁၀၀၀ ကျော် သေဆုံးခဲ့ရပြီး ပျက်စီးမှု တွေ အများအပြားရှိခဲ့တယ်။
ထို အတူပဲ သြစတြေးလျနိုင်ငဲ ကွင်းစလန်း ပြည်နယ် နဲ့ ထိုင်းနိုင်ငံ များမှာလည်း ရေလွှမ်းမိုးမှု များ အကြီးအကျယ် ဖြစ်ခဲ့ပြီး အသက် အိုးအိမ် စည်းစိမ် များစွာ ဆုံးရှုံးခဲ့ရတယ်။ ဒီ သတင်းတွေ အတွက် ကြားရသူအပေါင်းမှာ လည်း စိတ်မကောင်းခြင်းများစွာ ဖြစ်ခဲ့ရတယ် ။ ဒါတွေကတော့ သဘာဝ တရားကြီး ဖေါက်လွဲဖေါက်ပြန်ဖြစ်လို့  မမျှော်လင့်ထားတဲ့ ဆိုးကျိုးတွေပေါ့။
ကမ္ဘာကျော် ပန်းသီးကုမ္ပဏီရဲ့ ဥက္ကဌ Steve Jobs လည်း နှစ်အနည်းငယ်ကြာ ကင်ဆာဝေဒနာခံစားရပြီး နောက် အောက်တိုဘာလ ၅ ရက် နေ့ မှာ သူချစ်တဲ့ အလုပ် နဲ့ ကုမ္ပဏီကို ရာသက်ပန်ခွဲခွာသွားခဲ့တယ် ။ ဒီင်္အတွက်လည်း တကမ္ဘာလုံးမှာ ရှိတဲ့ သူ့ ကို လေးစား ချစ်ခင် အားကျ သူ သန်းပေါင်းများစွာ မှာ ဝမ်းနည်းကြေကွဲ ခဲ့ရတယ် ။ အင်တာနက် နဲ့ ကမ္ဘာ့သတင်းတွေ အရ ၊ ပန်းသီးတလုံးရဲ့  ဖမ်းယူ ဆွဲဆောင်မှု မှာ အံ့မခန်းလောက်အောင်ကိုပဲကြီးမားလှကြောင်း မျက်ဝါးထင်ထင် သိလိုက်ရတယ် ။ ရှားရှားပါးပါးဖြစ်တဲ့ လူတော် လူကောင်း တယောက် ဆုံးရှုံးရခြင်း အတွက် ဖြေမဆည်နိုင်ကြတဲ့ အဖြစ်တခုပါ ။
ဒါပေမဲ့ ဒီ ၂၀၁၁ မှာပဲ နာမည်ကြီး တချို့ လူတွေရဲ့  ကျရှူံး ၊ သေဆုံး တဲ့ သတင်းများ ထွက်ပေါ်လာတဲ့အခါ ကမ္ဘာ့ လူသား အတော်များများ က ဝမ်းမြောက် ပျော်ရွှင်ခဲ့ကြတယ် ။ ဥပမာ တချို့  ပြန် ကောက်နှုတ်ပြရမယ်ဆိုရင် အီဂျစ်နိုင်ငံကို နှစ်ပေါင်း ၃၀ ကျော် ၊ တဦးထဲ အာဏာရှင်စနစ်နဲ့ အုပ်ချုပ်ခဲ့တဲ့ သမ္မတ မူဘာရက် ( Hosni Mubarak) ကို ၊ အံ့သြဘွယ်ကောင်းလောက်တဲ့ အင်တာနက် တော်လှန်ရေးနဲ့ အစပြု တော်လှန်ခဲ့ကြတာမှာ ၂၀၁၁ ဖေဖေါ်ဝါရီလ ၁၁ ရက်နေ့မှာ အောင်မြင်စွာ ဖြုတ်ချပြစ်နိုင်ခဲ့ကြတယ် ။ တူနီးရှား တော်လှန်ရေးကို အတုယူပြီး အောင်မြင်မှု ရခဲ့လိုက်တယ်။
နောက်တယောက် အကြမ်းဖက်သမားကြီးကတော့ အယ်ကိုင်ဒါးခေါင်းဆောင် အိုစမာဘင်လာဒင်(Osama bin Laden) ၊ အာဖဂန်နီစတန် နိုင်ငံ ဆိုတာ သူ့ ကြောင့် နာမည်ကြီးခဲ့တာ ၊ ကောင်းသတင်းတော့ မဟုတ် ၊ အကြမ်းဖက် ဖျက်ဆီးရေးလုပ်ငန်းပေါင်းများစွာကို နှစ်ပေါင်းများစွာ ဦးဆောင် ညွှန်ကြား လုပ်ဆောင်ခဲ့တဲ့ သူ့ လုပ်ရပ်တွေထဲမှာ 911 ဆိုတဲ့ ၂၀၀၁ ခုနှစ် စက်တင်ဘာ ၁၁ ရက် ဖေါက်ခွဲဖျက်ဆီးမှုများကြောင့် ကမ္ဘာ့ လူသား များစွာ ၊ အထူးသဖြင့် အမေရိကန်ပြည်သူတွေရဲ့  အကြမ်းဖက် ရန်သူ တော်ကြီး ဖြစ်ခဲ့ရသူတယောက် ၊ သူ့ ရဲ့  အရှောင်ကောင်း အပုန်းကောင်းမှုကြောင့် ၁၀ နှစ်တာမျှ မြေလှန်ရှာခဲ့ရတဲ့ ဘင်လာဒင်တယောက်လည်း နောက်ဆုံးမတော့ ဇာတ်သိမ်းခြင်းမလှပစွာနဲ့ ဇာတ်သိမ်းခဲ့ရတယ် ။ အဲဒီ နေ့  ၂၀၁၁ ခုနှစ် မေလ ၂ ရက်နေ့ မှာတော့ သူ့ လက်ချက်နဲ့ အသက်ဆုံးခဲ့ကြရသူတွေရဲ့ ကျန်ရစ်သူ ဆွေမျိုး မိတ်သင်္ဂဟများစွာ အတွက် မင်္ဂလာနေ့တနေ့ လိုပဲ ပြောစမှတ်ဖြစ်ခဲ့ရတယ် ။ အတုန့် အလှည့် ဆိုတာ ရှိစမြဲမို့  ပုထုဇဉ်သားများအနေနဲ့ ဒီလိုပျော်ရွှင်နေခဲ့ကြတာကို မှားတယ် လို့ လည်း မဆိုနိုင်ပါဘူး ။
ကျန်ပါသေးတယ် ၊ လူဆိုးကြီးတယောက် ။ သူ ကတော့ လောလောလတ်လတ် နောက်ဆုံးမှာ လောကကြီးနဲ့ အဆက်ဖြတ်ခံလိုက်ရသူ အာဏာရှင်ကြီးတယောက် ၊ လစ်ဗျားနိုင်ငံရဲ့ အရှင်သခင်ကြီး မူမာကဒါဖီ (Muammar Gaddafi) ပါပဲ ။ အာဏာကို မလွတ်တန်း ဆုပ်ကိုင်ထားခဲ့သူ ၊ ကဒါဖီ တယောက်၊ သူနှိပ်စက်ညှင်းပန်းခဲ့သလို ပြန်ပြီး ဝဋ်လည်တယ် လို့ တောင် ပြောရမလို ၊ သွေးရူးသွေးတန်း အော်ဟစ်ခဲ့ရပြီးနောက် လူရှေ့ သူ ရှေ့ မှာ အသေမလှ ခဲ့ပါဘူး ။
နောက်တဦးကတော့ မြောက်ရူး..(ပြောချင်ဇောနဲ့ မှားသွားတာ ခွင့်လွှတ်ပါ..) ၊ မြောက်ကိုရီးယားနိုင်ငံရဲ့ ခေါင်းဆောင်ကြီး ကင်ဂျုံအီ(Kim Jong-il)၊ မကြာသေးခင်ကာလ ဒီဇင်ဘာ ၁၉ ရက်နေ့ မှာ နှလုံးရောဂါနဲ့ ဘဝတပါးသို့ ကူးပြောင်းသွားတဲ့အခါ အနူမြူလက်နက်ဆန့်ကျင်နေကြတဲ့ ကမ္ဘာတဝှမ်းမှ လူအများက တရန်အေးပြန်ပြီပေ့ါလို့ ဝမ်းမြောက်နေကြချိန်မှာ ထူးထူးဆန်းဆန်း ငိုချင်းချနေကြတဲ့ သူ့ တိုင်းသူပြည်သားလူအများကို မြင်လိုက်ရတဲ့အခါတော့ ဝမ်းနည်းရမှာလား ဝမ်းသာရမှာလား ရယ်လို့ ဝေခွဲမရဖြစ်မိပြန်ပါတယ်။
ဒီလို အနိဌာရုံတွေ အပါအဝင် နာမည်ကြီးသူတွေရဲ့ အနိစ္စသဘောတွေကို ပြန်ပြောင်းတွေးတောမိတဲ့အခါမှာတော့ ဗုဒ္ဓဘာသာဝင်တို့  သက်ဝင်ယုံကြည်ကြတဲ့ ကံ၊ ကံ၏အကျိုးဆိုတာ ကို ပိုပြီး နားလည် သဘောပေါက်မိသွားတယ် ။ အတိတ်ဘဝက ပြုခဲ့တဲ့ ကုသိုလ် အကုသိုလ် ဆိုတာ ဘယ်လိုမှ ရှောင်လွှဲမရနိုင်တာမို့  မိမိကိုယ်တိုင်လည်း လက်ရှိဘဝမှာ ကောင်းသောအမှုကိုသာ ပြုဖို့  သတိဝင်မိတယ်။
၈ နှစ်ကျော် ဖြစ်ပွားခဲ့တဲ့ အီရတ်စစ်ပွဲကို ဒီဇင်ဘာလ ၁၅ ရက်နေ့ မှာ အမေရိကန်နိုင်ငံမှ အဆုံးသပ်လိုက်ပြီဖြစ်တဲ့ အတွက် ငြိမ်းချမ်းမှုအလားအလာကောင်းတခု အနေနဲ့ မင်္ဂလာရှိတဲ့ နှစ်တနှစ်တော့ ဖြစ်ပါတယ် ။
ဝေးဝေးလံလံ ကမ္ဘာကြီးနဲ့ချီပြီး စဉ်းစားနေရလောက်အောင် ကိုယ်တိုင်က ဘယ်လောက်များ ကြီးကျယ် ခန်းနားနေတာမို့လည်း လို့  အသိဝင်လာတဲ့ အခါ နီးနီးနားနား ကိုယ့်တိုင်းပြည် ကိုယ့်နိုင်ငံ ရဲ့ဒီတနှစ် အဖြစ်အပျက်တွေထဲမှ စိတ် ချမ်းသာ ဘွယ် ကောင်းသတင်းများကိုသာ ဆက်လက်စဉ်းစားလိုက်ပါအုံးမယ် ။ အကောင်းဘက်ကို ဦးတည်ပြီး ပြောင်းလဲလာနေပြီ ဖြစ်တဲ့ အတွက် ကောင်းသတင်း လေပြေ လေညှင်းများကိုသာ ရွေးချယ် စမြုန့်ပြန်ပါ့မယ် ။ ဖေါ်လံဖါးလို့ ဆိုချင်က ဆိုကြပါလေတော့ ....း)။
ဒီတနှစ် အတွင်းမှာ မြန်မာပြည် အတွက် လုပ်ဆောင်နေကြတဲ့ အရာများ အတွင်း ကျေနပ်စရာအကောင်းဆုံးတချက်ကတော့ သန့်ရှင်းတဲ့ အစိုးရလို့ အမည်ပြောင်း ဖေါ်ဆောင်ပေးမဲ့ သမ္မတကြီးရဲ့  သက်ညှာစွာ ကိုယ်ချင်းစာနာမှု အဆုံးအဖြတ်များပါ ။
ဦးဆုံးကတော့ မြန်မာပြည်ကြီးနဲ့ တိုင်းသူပြည်သားများရဲ့ မိခင် မြစ်ကြီး ဧရာဝတီ အတွက် ဆုံးဖြတ်ချက် ချပေးမှု ပါပဲ ။သူဟာ၊ နှစ်ပေါင်း ၅၀ နီးပါး ထင်ရာစိုင်းခဲ့တဲ့ အာဏာရှင်အုပ်ချုပ်မှုတွေ အဆက်ဆက် က လျှစ်လျှူရှုခံနေခဲ့ကြရတဲ့ ပြည်သူလူထုတွေရဲ့ အသံ ၊ လိုအပ်ချက်တွေကို ဖြည့်ဆည်းပေးမဲ့၊ ငြိမ်ဝပ်ပိပြားစွာ ခေါက်ရိုးကျိုး နေခဲ့ကြရတဲ့ ပြည်သူတွေရဲ့ ဘဝကို နားလည်စာနာတတ်လာတဲ့ သမ္မတကြီး၊ နိုင်ငံခေါင်းဆောင်ကောင်း တယောက် အနေနဲ့ ယူဆပြီး လူအများ တဖြေးဖြေး လက်ခံလာနိုင်မဲ့ သမ္မတကြီး တဦးလို့ ပြောချင်ပါတယ် ။ သူ့ ဂတိအတိုင်း တည်အောင် လုပ်ဆောင်ပေးမယ်လို့ လည်း မယုံတဝက် ယုံတဝက် နဲ့ ယုံကြည်ထားလိုက်မိပါတယ် ။
ဒါ့အပြင် ပြည်ပရောက် မြန်မာနိုင်ငံသားများအတွက် အခွန်ငွေလွတ်ကင်းမှုအား ၂၀၁၂ နှစ်သစ် ၊ တစ်ရက်နေ့ မှစပြီး ဖေါ်ဆောင်ပေးတော့မှာမို့ လည်း ဝမ်းမြောက်မိတယ် ဆိုရင် လွန်မယ်မထင်ပါ ။ ဆင်းရဲသားတိုက်ဖျက်ရေးစီမံကိန်းဆိုတာ နှစ် ၅၀ အတွင်း တကြိမ်တခါမှ မကြားဖူးမိလို့ အံ့သြဘွယ်ရာ စီမံကိန်းကြီးအား အောင်မြင်စွာ အကောင်အထည်ဖေါ်နိုင်ဖို့ လည်း မျှော်လင့်တကြီးရှိနေမိတယ် ။ ကမ္ဘာမှာ နောက်တန်းကျ ကျန်နေခဲ့ပြီဖြစ်တဲ့ ကဏ္ဍပေါင်းစုံ ဘက်စုံမှာ တိုးတက် ဖွံ့ ဖြိုးဖို့  ၊ အထူးသဖြင့် ကျန်းမာရေး ၊ ပညာရေး ၊ စီးပွားရေး အစရှိတဲ့ အခြေခံ လိုအပ်ချက်တွေ ဖြည့်ဆည်းပေးဖို့  စဉ်းစားပေးလာတဲ့ အတွက်လည်း ဝမ်းသာမိရတယ် ။ ရန်ကုန်မြို့ကြီးကို ခေတ်မှီတိုးတက်အောင်၊ စင်ကာပူမြို့ ကြီးလိုဖြစ်အောင်၊ခေတ်မှီ မိုးပျံတံတားကြီးတွေ၊ MRT ရထားတွေ နဲ့ သက်သာလွယ်ကူစွာ ခရီးသွားလို့ ရအောင် ဆောက်လုပ်ပေးဖို့  အစီအစဉ်များလည်း ရှိနေပြီဆိုတာ သိရလို့ လည်း ရှေ့ ပြေး အနေနဲ့ ဝမ်းမြောက်မိလိုက်ပါသေးတယ် ။ဘာလို့လည်းဆိုတော့ အရင်ခေတ်စနစ်အခါများမှာ လူကြီးမင်းများဦးနှောက်ထဲတောင် ထဲ့သွင်းမစဉ်းစားပေးခဲ့ကြတာကြောင့်ပါပဲ ။အပြုသဘောကို လားရာတူစွာ ပူးပေါင်းလုပ်ဆောင်ကြပါစို့ ။ တကယ်လုပ်မယ်ဆို တကယ်အောင်မြင်ဖြစ်မြောက်ရမှာမို့  အချိန်လေးပေးပြီး စောင့်ကြည့်ကြပါအုံးစို့ ။ ။စေတနာမှန်ရင် နှစ်ဦင်္းနှစ်ဖက် အကျိုးများစေမှာမဟုတ်ပါလား။
တိုင်းပြည်တပြည် အေးချမ်းသာယာဖို့ အတွက်ဆိုတာ စစ်မက်ဖြစ်ပွားခြင်းများ ကင်းဝေးဖို့လည်းလိုအပ်ပါတယ် ။ကိုယ့်လူမျိုး နိုင်ငံသားအချင်းချင်း နှစ်ပေါင်းများစွာ တိုက်ခိုက်နေကြရတဲ့ စစ်ပွဲများလည်း ငြိမ်းအေးကြဖို့  လမ်းစပျိုးလာတာမို့ လည်း ၊အမှန်တကယ် ဖေါ်ဆောင်သက်ဝင်လာဖို့ မျှော်လင့်မိပြန်ပါတယ်။
လာမဲ့ ၂၀၁၂ ဇန္နဝါရီလ ၄ ရက် နေ့ ( လွတ်လပ်ရေးနေ့ ) နဲ့ ဖေဖေါ်ဝါရီလ ၁၂ ရက်နေ့  ( ပြည်ထောင်စုနေ့ ) တွေ မှာ ယုံကြည်ချက်ကြောင့် အကျဉ်းချခံထားကြရသူများကို လွတ်ငြိမ်းချမ်းသာခွင့်များပေးမယ် ဆိုတဲ့ သတင်း တခုဟာလည်း မင်္ဂလာရှိတဲ့ နှစ်ကူး လက်ဆောင်တခုလိုပါပဲ ။ (ကြားရတဲ့အတိုင်း အမှန်တကယ် ဖြစ်လာပါစေ) ။
ဒါလေးတွေကတော့ တတ်နိုင်သလောက် မုဒိတာ ပွားမိရတဲ့ အကြောင်းတရားလေးများပေါ့ ။ အကျိုးတရားတွေကတော့ လုပ်ရင်လုပ်သလို ဖြစ်ပေါ်လာမှာပါ ။
မုဒိတာလေးတွေ အမျိုးစုံအောင် ကြံဖန်ပွားလို့ မှ မဆုံးသေး ၊ နှစ်ကုန်ခါနီးလေးမှာ ရက်ဆက်ဆိုသလိုပဲ ဆိုးဝါးကြောက်မက်ဖွယ်ရာ သတင်းများကလည်း တမျိုးပြီးတမျိုး ၊ ဟိုမှာ ပေါက်လိုက် ဒီ မှာ ပေါက်လိုက် နဲ့ မို့  ၊ည ည အိပ်ရမှာလည်း မဝံ့မရဲ ၊ မဖြစ်မနေ သွားလာရတဲ့ ခရီးလမ်းမှာ အန္တရာယ်မလွယ်နိုင်တဲ့အချိန် အပေါ့အပါးသွားဖို့ ရာလည်း မဝံ့ မရဲ ၊ နေရာတိုင်း အချိန်တိုင်းမှာ စိုးရိမ်သောကစိတ်များနဲ့နေထိုင်နေကြရတဲ့ ဒီလိုအချိန်အခါမျိုး ကင်းလွတ်ဝေးနိုင်ကြပါစေ ။ သောကကင်းဝေးစွာ အိပ်စက်နားနေနိုင်ကြပြီး နိုးလာတဲ့ အချိန်မှာလည်း သောကကင်းစွာ လုပ်ကိုင်နေထိုင်ကြရခြင်းဆိုတာလည်း ဒီမိုကရေစီရဲ့ အရေးကြီးတဲ့ အနှစ်သာရတခု ဖြစ်ကြောင်း မြွက်ကြားခဲ့တဲ့ အမေစုရဲ့ စကားကို ပြန်ပြီး ကြားယောင်မိလိုက်ပါတယ် ။
အကောင်း အဆိုးတွေ ရောပြွန်းနေတဲ့ ဒီ ၂၀၁၁ ခုနှစ်ဟာ မကြာခင်အချိန်အတွင်းမှာ ကုန်ဆုံးတော့မှာဖြစ်ပြီး နှစ်သစ် ကို ကူးပြောင်းတော့မှာပါ ။ လာမဲ့ နှစ်သစ် ၂၀၁၂ မှာ တော့ အမိမြန်မာပြည်ကြီးအတွက်ရော ၊ ကမ္ဘာကြီင်္း အတွက် ပါ အကောင်းများ ပိုမို ၊ အဆိုးများ လျော့နည်း စေမဲ့ နှစ်သင်္စတခု ဖြစ်ရပါစေကြောင်း ဆုမွန်တောင်းလိုက်ပါတယ် ။သဘာဝဘေးအန္တရာယ်အမျိုးမျိုး ၊ စစ်မက် ဘေးဒါဏ် အမျိုးမျိုး၊ လူအချင်းချင်း နှိပ်စက် သတ်ဖြတ် လိမ်ညာ လှည့်စား အနိုင်ကျင့်မှု အမျိုးမျိုးတို့ မှ လွတ်ကင်းကြပါစေ ။ လူသားအားလုံး သောက ကင်းစွာ အိပ်ကောင်းခြင်း၊ နိုးကောင်းခြင်း များနဲ့ ကိုယ် စိတ် နှစ်ဖြာ ကျန်းမာချမ်းသာနေနိုင်ကြပါစေ ။
ပုံများကို ဂူဂဲလ်မှ ရှာဖွေ ရယူထားပါတယ် ...
ပြောပြန်ရင်လည်း ဖွားကိ လွန်ရာကျမယ် ။ ဒါပေမဲ့ ပြောချင်လွန်းလို့  ပြောလိုက်မိပြန်တယ် ။ ထုံးစံအတိုင်း သူတို့အကြောင်းတွေ မပါရင်မပြီးသမို့  မတီးပဲနဲ့ မြည်မှာလေမှာလား လို့ ရယ်ပေါ့ ။ မတန်မရာတွေ မနှိုင်းကောင်း နှိုင်းကောင်းတွေ နှိုင်းကြည့် နေချင်လာတာ မို့ လည်း ၊ နှိုင်းလို့ ယှဉ်ကာ ဆိုလိုက်မိပါတယ် ။ “ကူညီပါရစေ”၊ ကူညီပါရစေ လို့ ဆိုင်းဘုတ်ကြီးတွေ တွေ့နေရတဲ့ နေရာမှာ ဘယ်လိုကူညီနေတာပါလည်း ။ ဒါမှမဟုတ် အကူအညီတောင်းရမှန်း မသိကြသေးလို့လား ၊ အကူအညီ တောင်းစေလိုလို့  ရေးထားကြတာလား ။ တခုခုတော့ တခုခုပါပဲ။
ဒီနေ့  တီဗီသတင်း တခု ကြည့်မိလို့  ပြန်ဖွချင်တာပါ ။ အကြောင်းအရာကတော့ ခေါင်းကြီးပိုင်းသတင်းစဉ် ထဲ မပါဝင်တဲ့ မထူးဆန်းတဲ့ ရိုးရိုးသတင်း တပုဒ်ပါ ။ထိုင်ပေမြို့ နဲ့ မနီးမဝေး ရှင်းကျွမ်း (新莊區 ) ဆိုတဲ့ မြို့ နယ်တခု က ရေချောင်း ထဲမှာ ရုပ်ပျက်ဆင်းပျက် ပုတ်ပွနေတဲ့ လူသေအလောင်း တခု ကို ဒီလဆန်းပိုင်းက တွေ့ ရှိ ခဲ့ပါ သတဲ့ ။ လူသေအလောင်းတွေ့ တာများ ဆန်းသလားပေါ့ ။ နေ့ တိုင်း လူသေမှူ လူသတ်မှူ တွေ ဖြစ်နေတဲ့ နိုင်ငံတခုမှာ ဒီသတင်းက ဘာမှ မထူးဆန်းပါဘူး ။ ပြီးတော့ ဒီနိုင်ငံမှာ ရေချောင်း ရေမြောင်း ပင်လယ်ထဲစီးဝင်တဲ့ မြစ်ချောင်းငယ်တွေ ကျွန်းလေးတွေ များလွန်းတော့ တနေရာရာ မှာ ရေကူး ရေနစ်ရင်း မြောလာတဲ့ သက်မဲ့ ပုဂ္ဂိုလ်တွေလည်း မကြာခဏပေါ်ထွက်လေ့ ရှိတယ်လေ။ ဒီလို ပုဂ္ဂိုလ်တွေ ပေါ်လာရင် သက်ဆိုင်ရာနယ်က ရဲ အပိုင် စား တွေ ခေါင်းစား ရတဲ့ အချိန်ပေါ့ ။ တရုပ်တို့ ရဲ့  ထုံးစံအရလည်း သက်မဲ့ပုဂ္ဂိုလ်တွေကို ပူဇော်ပသရတဲ့ ကိစ္စများစွာ ရှိနေသေးတော့ ဒီအယူအတိုင်း သွားလမ်းဖြောင့်အောင် လုပ်ပေးကြမဲ့ အိမ်သား ဆွေမျိုးတွေ သိဖို့ ၊ တိုင်တည်ရှစ်ခိုးဖို့ လိုအပ်တယ် ။ ဒီတော့ သူ့ အိမ်သူပြန်ရောက်ဖို့  အရေးကြီးတယ် တဲ့ ။
ခုကိစ္စ မှာ မပေါ်သင့်တဲ့ ပုဂ္ဂိုလ် ပေါ်လာတော့ သူ့  အိမ်အပြန်လမ်းကို တွေ့ အောင်ရှာပေးရတော့မယ် ။ ရက်ပေါင်းများစွာ ရေစိမ်နေရတဲ့ အဆိုပါ ရုပ်ဆင်းမပေါ်ပဲ တကိုယ်လုံး ပုတ်ပွ ပျက်ယွင်းနေတဲ့ အဆိုပါ ပုဂ္ဂိုလ် ရဲ့ မြင်ရသလောက် အပြင်ပန်းကိုကြည့်ပြီး ခန့်မှန်းခြေ အသက် လူလတ်ပိုင်း အမျိုးသား တယောက် ဆိုတာက လွဲ ရင် တခြား သက်သေအထောက်အထား၊( မှတ်ပုံတင်တို့ ၊လိုင်စင်တို့ ၊ခရက်ဒစ် ကဒ်တို့  ၊ ဟန်းဖုံးတို့  ) ဘာမှ ရှာမတွေ့ ဘူး ဆို တော့ သက်ဆိုင်ရာ မြို့ နယ် ရဲသား ကြီး ငယ် တွေ ကွိုင်တက် ပြီပေါ့ ။ဘယ်ကနေ ဘယ်လို ဘဲဥ အစရှာရမလည်း။
ဒါပေမဲ့ ကံကောင်းချင်တော့ အဲ့ဒီပုဂ္ဂိုလ် ရဲ့ ဘောင်းဘီအိပ်ကပ်ထဲမှာ သော့တံ၃ချောင်းပါတဲ့ သော့တွဲတစ်တွဲရှာတွေ့သတဲ့ ။ ဒါနဲ့ပဲ ဒီသော့တွဲကိုပဲ သဲလွန်စထားပြီး နေရပ်ရှာပုံတော် ဖွင့်ကြပါသတဲ့ ။ သော့တွဲမှာ ရေးထားတဲ့ သော့လုပ်တဲ့ဆိုင်ရဲ့ နာမည်ကြော်ငြာ အရ သော့ဆိုင်ရှိတဲ့ မြို့နယ် အပိုင် က ရဲတွေကို အကြောင်းကြားပြီး ပူးပေါင်း ရှာဖွေကြတယ်တဲ့ ။ မြို့ နယ် တခုအတွင်းမှာ အိမ်ခြေပေါင်း ထောင်သောင်းချီနေတော့ ဘယ်လို လုပ်ကြမလည်း ။ ရဲစခန်းမှာ လူပျောက်တိုင်ချက်ဖွင့်ထားတဲ့ အယောက် ၂၀၀ ကျော်ခန့် သူတွေနဲ့နီးတဲ့ အိမ်တွေကနေ စပြီး ခြေရာခံကြ တယ် ။ အိမ်တိုင်းရဲ့  တခန်းဝင် တခန်းထွက် တံခါးမကြီးတွေ ကို ၊ ရှိတဲ့ သော့ ၃ ချောင်း နဲ့ လိုက် ဖွင့်ကြည့်ကြတယ် ။ သူများအိမ်ပေါက် လိုက်ဖွင့်နေရတော့ သူခိုးဂျပိုးထင်မှာလည်းစိုးရသေးတော့ ဆိုင်ရာ ရပ်ကွက်လူကြီးတွေ ကိုလည်း အကြောင်းကြားထားရတာပေါ့ ။ဒီလိုနဲ့ ရှိသမျှ အခန်းတွေကို ဇွဲမလျှော့ပဲရှာလာလိုက်တာ ၈ ရက်တိတိကြာတဲ့ နေ့ မှာ ကွန်ဒို တိုက်ကြီးအခန်းတခုရဲ့ သံတခါးမကြီး ကို ဖွင့်လို့ ရသွားတယ်တဲ့ ။ အဲ့ဒီ တံခါး တချပ် ပွင့်သွားတဲ့ အချိန်မှာ ရဲသားလေး 王閔男 Wang က အတိုင်းမသိ ဝမ်းသာ သွားပါသတဲ့ ။ဒါပေမဲ့ အိမ်ထဲမှာတော့ ဘယ်အိမ်သားတွေမှ ရှိ မနေပါဘူး ။ နောက်မှ သိရတာက အဆိုပါပုဂ္ဂိုလ် က တခြားမြို့ ကနေ ပြောင်းရွှေ့ ပြီးနေထိုင်တဲ့ အိမ်ငှားတယောက်ဖြစ်တယ်လို့ အိမ်ပိုင်ရှင် ကဆိုပါတယ်။မိဘတွေ မသိအောင် မိန်းမတယောက်ယူထားပြီး လင်မယား ၂ယောက်ပဲနေကြတယ်တဲ့ ။ ဘယ်လိုပဲ ဖြစ်ဖြစ် နောက်ဆုံးတော့ သူ့ ရဲ့ မိဘမောင်နှမတွေကို အကြောင်းကြား ပြီး DNA စစ်ဆေးချက် လုပ်ကာ အတည်ပြုပေးလိုက်နိူင်ပြီ ဖြစ်ပါတယ် ။သေဆုံးသူ ရဲ့ အိမ်ကိုရှာတွေ့ ရုံနဲ့ သူတို့  အလုပ်တာဝန်တွေ မပြီးသေးပါဘူး ။ ဒီအမှုဟာ ကိုယ့်ကိုယ်ကိုယ်သတ်သေတဲ့ ရိုးရိုးလူသေမှုလား၊ လူသတ်မှုလားဆိုတာလည်း ဆက်ပြီး ရေဆုံးမြေဆုံးလိုက်ကြအုံးမှာပါ ။
( ဒီအကြောင်းလေးရဲ့ မူလသတင်းကို ဒီနေရာမှာ ကြည့်နိုင်ပါတယ် )။ သူတို့ရဲတွေ က ဘာမှန်းမသိတဲ့ သာမာန် ရုပ်အလောင်းတခုအတွက် ဘာလို့ များ ရေဆုံးမြေဆုံး လိုက်လံရှာဖွေနေကြတာလည်း ။တာဝန် သိတယ်လို့ပဲ ပြောရမလား။
-------------------------------------------------------------------------
ဪ.. “သူ့ ဆန်စား ရဲမှ” ဆိုတဲ့အဓိပ္ပါယ်ကို နောက်တမျိုး ထပ်ဖွင့်ချင်မိသွားတယ်။ သူ့ ဆန်စားတဲ့ ရဲတွေမှ၊ တကယ့်ရဲတွေပါလား.. လို့ ပေါ့ ။ ရဲသားကြီးက ကိုလှရွှေ လူဆိုးဖမ်းဖို့ တာဝန်ကြေ ဆိုတဲ့ ငယ်စဉ်က သင်ကြားခဲ့ဖူးတဲ့ စာပုဒ်လေး တပိုဒ် ကိုလည်း အမှတ်တမဲ့ သတိရလိုက်မိပြန်တယ် ။ဒါကြောင့် သူ့ ဆန်စားပြီး မရဲတဲ့ ရဲတွေ အကြောင်းကို ပြန်ပြီး အမှတ်ရ ဇာတ်ကြောင်းပြန်ချင်လာမိတယ် ။ ယုံချင်ယုံ မယုံချင်နေ တရုပ်တန်းဈေးက တကယ့် အဖြစ်လေး လို့  ပြောလို့ရတဲ့ ကိုယ်တွေ့ ဇာတ်လမ်းလေးတခုပေါ့ ။ ဒီလို ..ဒီလို....
ဖွားကိ တို့ ငယ်စဉ်အခါကတည်းက နေလာခဲ့တဲ့ ရပ်ကွက်ကလေးတခု ။ နာမယ်နဲ့ မလိုက်အောင် အမည်ပေးထားတာလား၊ နာမည် စီး နေတာကြောင့်များလား တော့ မသိ ၊ ရန်မကင်း တဲ့ “ရန်ကင်း” ပါတဲ့ ။ သူခိုးကတော့ အင်မတန်ပေါတာပဲ ။သူခိုးတွေကလည်း နေ့တိုင်းညတိုင်း နားရက် မယူ အိုဗာတိုင်တောင် ဆင်းလို့  ရတဲ့ ရပ်ကွက်မို့ ထစ်ကနဲဆို ဟိုအိမ်က ပါသွား၊ ဒီအိမ်က ပါသွားပေါ့ ။သူခိုးခမျာလည်း သူ့ ဝမ်းပူစာ မနေသာလို့  သူများ လို အိပ်ကောင်းခြင်း မအိပ်ရပဲ လူတွေ အိပ်နေချိန်မှာမှ ထပြီး ခိုးရရှာသကိုး ။ လူရှေ့  သူရှေ့  ဟိတ်ဟန်တလုံးနဲ့ မျိုးမျိုးမြက်မြက်လေး ခိုးစားလို့ ရတဲ့ ခေတ်သစ် စောရသူခိုးတွေကို သူတို့ လည်း အားကျရှာမှာပါပဲ ။ ဒါပေမဲ့ ကုသိုလ်ကံ အကျိုးပေးပုံခြင်း မတူကြလေတော့ ရေနံ၊ဂက်စ်၊ကျွန်းသစ်၊ကျောက်မျက်၊လယ်ယာ တွေ ခိုးဖို့ အကြောင်းကံ မလှမပ မို့ ထမိန်စုတ်၊ဖိနပ်စုတ်၊ အိုးခွက်ပန်းကန် အပဲ့အရွဲ့ လေးတွေပဲ ရသလောက် သယ်ရရှာတာပေါ့ ။
ဒီလိုနဲ့ ဖွားကိ တို့  အိမ် လည်း ဒီမွဲချာချာ သူခိုးလေးတွေ ရဲ့ လက်က ဘယ်လွတ်ပေလိမ့်မတုံး ။ ကောင်းတဲ့ အရာတွေသာ မဲနှိုက်လို့ မပေါက် ပဲ ရှိရင် ရှိမယ် ။ သူခိုး ပြစ်ကွင်း မဲလိပ်ထဲမတော့ အမြဲပါ တတ်တယ် ။ အိမ်မှာ သွယ်ထားတဲ့ ရေပိုက် တို့ ၊ ကားပစ္စည်းတို့ ၊ ခြံထဲ လှန်းထားပြီး ညကျ မရုတ်မိတဲ့ အဝတ်တို့၊ အပြင် မှာ ထားမိတဲ့ ဖိနပ်တို့ ဆိုတာ ပျောက်နေကြပဲ ။ တရက်ကျတော့ ကိုယ်တော်ချောက အရဲစွန့်ပြီး အိမ်ထဲ ဝင်ဖို့ထိ ကြိုးစားလာပါလေရော ။အိမ်တံခါးကို မကျွမ်းကျင်စွာ ကလိပြီးဖွင့်နေတော့ အသံပလံတွေ ထွက်ရော ။ ဒီတော့ အအိပ်ဆပ်တဲ့ အဖေနဲ့ အမေတို့ က အရင်နိုးတယ် ။ ပြီးတော့ တအိမ်သားလုံးနိုးလာကြတယ်၊ နောက်ဆုံးမတော့ အဲဒီ သူခိုးလေးကို အရှင်လတ်လတ် ဖမ်းမိပါလေရော ။ ဒါနဲ့ပဲ သူခိုးကို ထွက်မပြေးအောင် ဝိုင်းထားပြီးအဖေက ရဲစခန်းကို ဖုံးဆက် အကြောင်းကြားတယ် ။ ခြံအမှတ် ဘယ်လောက်မှာ သူခိုး မိထားပါတယ် ၊ လာ ဖမ်း ပါ ပေါ့ ။
ဒါပေမဲ့ ဟိုဘက်က ပြန်ပြောတဲ့ “ ဟုတ်ကဲ့ ၊ အခုလောလောဆယ် ကျွန်တော်တို့မှာ လာစရာ ကားမရှိလို့ လူကြီးမင်းတို့ ပဲ ရဲစခန်းထိ လာပို့ ပေးပါ ခမျာ ”ဆို တဲ့ . စကားတခွန်းကြောင့် ဖုံးဆက် အကြောင်းကြားတဲ့ အဖေ့ခမျာ ငိုရမလို ရယ်ရမလို ဖြစ်သွားရပါတယ် ။တခုဖြစ်နိုင်ချေရှိတာကတော့ အဲဒီခေတ်အခါတုံးက “ကူညီပါရစေ” ဆိုတဲ့ ဆောင်ပုဒ်လေး မရှိသေးတာကြောင့်လည်း ဒီရဲတွေမှာ ကူညီရမဲ့ အသိစိတ် မရှိသေးတာ ဖြစ်ရမယ် ။ ဒါနဲ့ အဖေလည်း ဒီသူခိုးကို ဘယ်လိုလုပ်ရမလည်း ၊ သူတို့ ပြောတဲ့ အတိုင်းပဲ ကိုယ်တော်ချော ကို ကားပေါ်တင်ပြီး ၊ ဆိုင်းမတီး ဗုံမတီး ပဲနဲ့ ရဲစခန်းဆီသို့  ကိုယ်တိုင်ကိုယ်ကျ သွားပို့ ပေးလိုက်ရတယ် ။ ဒါက ပထမဦးဆုံးအကြိမ် သူခိုးဖမ်းပွဲပေါ့ ။
နောက်တော့ သိပ်မကြာဘူး ။ ၂ လ လောက်ပဲ ခြားမယ် ၊ မိပြန်ပြီ သူခိုး တယောက်၊ ဒီတခါလည်း အိမ်က ယောကျာင်္းသားများနဲ့ အိမ်နီးချင်းတွေအကူအညီနဲ့ ဝိုင်းဖမ်းလိုက်ကြတာပေါ့ ။ မှတ်ဥာဏ်ကောင်းတဲ့ အဖေက သူခိုးမျက်နှာစေ့စေ့ကြည့်ပြီး ပြောပါတော့တယ် ။ “ဟာ ..ဒီ ခွေးသူခိုး ။အရင်တခါလည်း မင်းပဲ မဟုတ်လား ” ဆိုပြီး အော်တော့တာပေါ့။သူခိုးခမျာ လူမိတော့မှ မျက်နှာငယ်လေးနဲ့ နောက်မလုပ်တော့ပါဘူးအန်ကယ်ရယ်၊ ဘာညာသရကာ သနားစဖွယ် တောင်းပန်ပေါ့ ။ဇာတ်လမ်းမေးကြည့်တဲ့အခါ ပထမတခါ က သူ့ကို ရဲစခန်းမှာ တညထားပြီး ဘာမှမလုပ်ပဲ ပြန်လွှတ်ပေးလိုက်တဲ့ အကြောင်းသိရတယ် ။ ဒီတော့ ဘာပြောကောင်းမလည်း ၊ အိမ်က အကိုတွေရော အိမ်နီးချင်းတွေ ပါ တခါထဲ ဝိုင်းပြီး သမ လိုက်ကြတာ ၊ သူခိုးခမျာ ဖူးယောင်လို့ ပေါ့ ။ အမေကတော့ မိန်းမသားဆိုတော့ ခြေလွန်လက်လွန်ဖြစ်မှာ စိုးရိမ်တယ် ။ ဘေးကနေ မလုပ်ကြနဲ့ ဘာညာ အော် ပေါ့၊ ရဲစခန်းပဲ သွားပို့ လိုက်ကြပါ လို့ ပြောတယ် ။ ဒါပေမဲ့ အဖေက လုံးဝ မတားဘူး၊ အေးဆေး ထိုင်ကြည့်နေတယ် ။ အိမ်က ယောကျာင်္းသားများ ဆွမ်းကြီးလောင်းလို့  အားရ ၊ အဲ..ခြေကုန်လက်ပန်းကျပြီး မောကုန်ကြတော့မှ သမဝါယမပွဲကြီး လက်စသပ်တော့တယ် ။ပြီးတော့မှ အဖေက သူခိုးကိုပြောတယ် ။မင်း နောက်တခါထပ်လာရင်ဒီထက်နာမယ် ၊တဲ့ ။ ဒါပဲပြောပြီး သူခိုးကို ပြန်လွှတ်ပေးလိုက်ပါတော့တယ်။ အဲဒီညကများ လိုက်ဗ်ရှိုးကြည့်နေရသလိုပဲ .. ကောင်းမှကောင်း။ သူခိုးပြန်ထွက်သွားတော့မှ အဖေ့ကိုမေးကြည့်တယ် ။ ဘာလို့ ရဲစခန်းသွားမပို့ တာလည်း ဆိုတော့ ၊ သွားပို့ လို့ ရော ဘာထူးမှာလည်း သမီးရယ် ၊ အဖေ့ကား ဓါတ်ဆီကုန်ပြီး အလုပ်ရှူပ်တာပဲ အဖတ်တင်မယ် ၊ ဟိုရောက်တော့လည်း ပြန်လွှတ်ပေးမဲ့ အတူတူ မှတ်လောက်သားလောက်အောင် ဆုံးမလိုက်တာပဲ ကောင်းပါတယ်.. တဲ့။ ဪ ။အဲလိုအချိန်မှာတောင်မှ အဖေက ဈေးကောင်းနေတဲ့ ဓါတ်ဆီအလဟသဖြစ်မဲ့ အရေး ထဲ့တွက်နေလိုက်သေးသကိုး။ ဒါပေမဲ့ ဒီနည်းက အတော်လေး အသုံးဝင်သွားတယ် ။ဘာလို့ လည်း ဆိုတော့ အဲဒီနောက်ပိုင်းမှာ အဆိုပါ သူခိုးလေးကို ထပ်မတွေ့ ရတော့ဘူးလေ ။
ဒါပေမဲ့ တခါတလေ တော့ သူခိုးကပ် တယ်။လစ်ရင် တံချုတံနဲ့ ဆွဲဖို့  အစီအစဉ်ရှိတယ်နဲ့တူပါတယ် ။ ခြံထဲထိတော့ မဝင်ရဲတော့ဘူး၊ ခွေးလည်းမွေးထားတယ် ။ သူခိုးမျက်စိကျမဲ့ ပစ္စည်းတွေဆိုလည်း လက်လွတ်စပယ် ပစ်မထားတော့ဘူး ဆိုတော့ သူလည်း တွက်ခြေ မကိုက်တော့လို့  မလာတာပဲ ဖြစ်မယ် ။တခြား ခြံတွေ လှည့်ပတ်ခိုးတဲ့သတင်းတော့ ကြားရတယ် ။ငယ်ငယ်တုံးက သူခိုးဖမ်းပွဲလေးကို ပြန်ပြီး အမှတ်တရ ရေးလိုက်ရင်း ဆက်စပ်မိတာ လေးပါ ။ဒါဟာလည်း သူခိုးရန်ကို ကိုယ်ထူကိုယ်ထ ကာကွယ်ခြင်း နဲ့ ဖြေရှင်းခြင်းနည်း တမျိုးပေပဲပေါ့ ။ ခိုးမှု အသေးအဖွဲလေးများတော့ ရဲစခန်းထိသွားအပ်မနေနဲ့ ။ ကိုယ့်နည်းကိုယ့်ဟန်နဲ့ ထိထိရောက်ရောက် အဲလိုဖြေရှင်းလို့ ရတယ် ။
---------------------------------------------------------------------
ခုခေတ်၊ အပြောင်းအလဲတွေ ဖြစ်နေပြီဆိုတဲ့ သန့်ရှင်းတဲ့ နိုင်ငံတော်ကြီး ထူထောင်နေပြီပြောကြတဲ့ အခါသမယ မှာတော့ ကူညီပါရစေ ..တွေလည်း ပြောင်းလဲ နေလောက်ပြီလို့ ထင်ပါတယ် ။ ကားနဲ့ ဒရွတ်တိုက်ဆွဲခေါ်သွားတဲ့ ရုပ်ရှင်ဆန်ဆန် လူသတ်ပွဲတွေ ။ဒါးတဝင့်ဝင့် နဲ့ မျက်နှာဖုံးစွပ်လူသတ်သမားတွေ ကိုတောင် ရက်ပိုင်းအတွင်း ဖမ်းမိနေပြီ ဆိုတော့ တိုးတက်လာတဲ့သဘောပဲပေါ့ ။ ဒါဆိုရင် အရင်ခေတ်ကတည်းကခုခေတ်ထိ လက်သည်မပေါ်သေးတဲ့ ပဟေဠိ ဆန်ဆန် ဒေါ်လာများစွာ ရတနာများစွာ အတွက် နဲ့ ငါးလောင်းပြိုင် ဒိတ်ဒိတ်ကြဲ လူသတ်မှုကြီးလည်း လက်သည်ပေါ်ဖို့ ရာ ကို မျှော်လင့်ချက် လေး ထားလို့ ရနေသေးတယ် ပေါ့ ။ ဟို အပေါ်ဆုံးကဇာတ်လမ်းထဲကလို သဲလွန်စ သော့တွဲတတွဲလောက်များ ရှိရင်၊ ဒါမှ မဟုတ် ရဲသားလေး Wang လို စိတ်ဓါတ်မျိုးရှိနေကြရင်၊ ရေဆုံး မြေဆုံး လိုက်မယ် ဆိုရင် ..“ မတရားမှု ဟူသည် ဆိတ်ကွယ်ရာမရှိ ”ဆိုတဲ့စကားကို အမှန်တကယ် လက်ခံမိမှာပါ ။
Subscribe to:
Posts (Atom)
