Showing posts with label holiday. Show all posts
Showing posts with label holiday. Show all posts
15 com
အလှထူးတဲ့ လတန်ခူးသို့  ရောက်ခဲ့ရပြန်ပြီ ။ ပူလောင်လှတဲ့ နွေရာသီမှာ နေရထိုင်ရတာ မသက်မသာ ရှိပေမဲ့ သူ့ အလှနဲ့သူ ရှိနေတာမို့  အလွမ်းဓါတ်ခံ ရှိသူများ နှစ်သက်ကြပါလိမ့်မယ်၊ နွေဥသြတွန်ကျူးတာတို့  ၊ လေအဝှေ့ မှာ နွေရွက်ကြွေတာ တို့ ၊ပိတောက် နဲ့ ငုရွှေဝါတို့  အဖူးအစုံ ပွင့်တာတို့ ကို ကဗျာဆန်စွာ ခံစားတတ်သူများလည်း စာဖွဲ့  ကဗျာစပ်ကြလေတယ်ပေါ့ ၊ ဒီနွေမှာ ပဲ အတာရေဖြန်းပြီး နှစ်သစ်ကြို ပွဲ လည်း ရှိနေသေးတော့ နှစ်သက်စရာ ကာလလေးတခုလို့  ဆိုရင်လည်း လွန်မယ် မထင် ၊ ငယ်စဉ်အခါတုံးက ပျော်ရွှင်ခဲ့ရတဲ့ မြန်မာ့ရိုးရာ နှစ်သစ်ကူးသင်္ကြန်ပွဲတွေကို ပြန်သတိရ အောင်းမေ့ စွာ နဲ့ ပဲ ဒီနှစ်မှာ ကြိုတင်ကျင်းပခဲ့တဲ့ အဝေးရောက် မြန်မာပြည်သားတွေ ရဲ့ ( တနည်းပြောရရင် ) တရုပ်ပြည် က မြန်မာတန်း မှာ ဧပြီလ ၁၀ ရက် ၊ ဒီနေ့ မှာ ကျင်းပခဲ့တဲ့ နှစ်ကူးသင်္ကြန်ဆင်နွှဲကြပုံများကို ပြန်လည် မျှဝေပေးလိုက်ပါတယ် ။ သူ့ ဒေသ ၊ သူ့  ကာလ မှာ ၊ ကိုယ့်ဓလေ့ ကိုယ့်ရိုးရာ လည်း မပျက် ၊ ပျော်စရာ လွမ်းစရာ ပုံရိပ်များ အမှတ်တရ အဖြစ် နဲ့ ရှုစားကြပါ ။
မြန်မာပြည်ဖွား တရုပ်အများ နေထိုင်ကြတဲ့ ကျုံးဟို ရပ်ကွက် ဝှာရှင်း လမ်းမ အဝင်မှာ ဦးစွာ တွေ့မြင်ရတဲ့ ဗုဒ္ဓဘုရားရှင် ရုပ်ထု ၊ ပူဇော်ထားကြတဲ့ မဏ္ဍပ်ပါ ။ တချို့ က ပြောတာ ...လမ်းအဝင်ဝမှာ ဘုရားကို အစောင့်ချထားသလိုမျိ်ုးဖြစ်နေပါတယ်တဲ့။ သူတို့ ကတော့ အန္တရာယ်ကင်းသဘောမျိုး နဲ့  ပူဇော်ပသထားတဲ့ သဘောမျိုး ဖြစ်ပါလိမ့်မယ်...
ဒါကတော့ ဇာတ်စင်ပေါ်မှာ မြန်မာအကနဲ့ ဖျော်ဖြေနေကြတဲ့ မြန်မာပြည်ဖွား တရုပ်များပါ ။
ပန်းကုံးစွပ်ထားတဲ့ သူကတော့ ထိုင်ပေမြို့ သစ်က မြို့တော်ဝန် ပေါ့ ။သမ္မတကြီးက အစ၊ ဘယ်လောက်ရာထူးကြီးကြီး ၊ လူတွေကြားထဲထွက်ဖို့ ၊ ဆင်းဖို့  ဝန်မလေးကြပါဘူး ။ သူလို ကိုယ်လို တွေပါပဲ ။( ရွှေပြည်ကြီးက မြို့ တော်ဝန်ကြီး နဲ့  ယှဉ်ပြီးတော့ မပြောလိုတော့ပါဘူး...း))))
ဓါတ်ပုံတွေကို တစုတဝေးထဲ ကြည့်ချင်သူများအတွက်ပါ ။သိပ်မလုပ်တတ်လို့ ပုံတွေ ဝါးတားတားဖြစ်နေတာ သည်းခံတော်မူ......
ခုခေတ်သင်္ကြန်ပွဲတော် ဆိုတာ ကတော့ ဟေးလားဝါးလား သဘောလောက်သာ ရှိနေပါတော့တယ်။မြန်မာပြည်မှာလည်း ရှေးမူမပျက် ရိုးရာယဉ်ကျေးမှု မပျက် ဆက်လက်ထိန်းသိမ်း ထားကြတဲ့ သင်္ကြန်ပွဲကျင်းပတဲ့နေရာများလည်း မရှိသလောက် ရှားပါးနေကြပါပြီ။ သီချင်းကျယ်ကျယ်ဖွင့် စင်မြင့်ပေါ်ကလူတွေရော၊ စင်အောက်ကလူတွေပါ မပေါ်တပေါ်ဝတ်၊ ယိမ်းထိုးလှုပ်ရှားကကြ၊ အရက်မူး၊ရန်ဖြစ်ကြ ၊ အဲ့ဒါ မြန်မာ့သင်္ကြန် နှစ်ကူးပွဲ လို့ သတ်မှတ်ထားကြသလိုပါပဲ ။မနှစ်ကနဲ့ မတူ ..တိုးတက်လာ တဲ့ တချက် ကတော့ မဏ္ဍပ်တိုင်းမှာ CCTV ရုပ်သံဖမ်းစက်နဲ့ ဗုံးရှာ ကရိယာ တွေ ပြည့်စုံပါမှ သင်္ကြန်မဏ္ဍပ်လို့ သတ်မှတ်လာကြတာပါပဲ ။ ဪ... ဟေးလားဝါးလား ပျော်ဖို့ အတွက် ဟေးလားဝါးလား သတ်မှတ်ချက်တွေ ...။
သူ့ ခေတ်အခါအလျှောက် ဟေးလားဝါးလားကြိုက်သူများအတွက် လိုက်ဖက်ညီတဲ့ သီချင်းလေးကတော့ ဒီမှာရှိပါတယ် .. နားဆင်လိုရင် “ကလစ်” တော် မူလိုက်ပါ၊
မြန်မာဆန်ဆန် သင်္ကြန် သီချင်းကို နားဆင်လိုကြသူများအတွက် နွေအလှ က ဒီမှာ ရှိပါတယ်၊
၂၀၁၁ သင်္ကြန်သံချပ်များကို နားဆင်လိုပါက.. ဒီနေရာ မှာရှိပါတယ် ..
နှစ်သစ်မင်္ဂလာအခါသမယမှာ ကမ္ဘာသူ ကမ္ဘာသား အားလုံး ဘေးရန်ကင်းကွာ ကျန်းမာ ချမ်းသာစွာ ရှိကြပါစေ ။။။
စားဝတ်နေရေးအတွက် ၊ အသက်ရှင်နေထိုင်ဖို့  အတွက် ၊ အရွယ်ရောက်သူတိုင်း အလုပ်လုပ်ကြရတယ် ။( နိူင်ငံတချို့့မှာ အရွယ်မရောက် ၊လူလားမမြောက်သေးတဲ့ အရွယ်တွေမှာ အခြေအနေအရ ရရာ အလုပ်လုပ်ပြီး အသက်ဆက်နေရသူများ၊ မတရား စေခိုင်းတာ ခံနေရသူများလည်း အများကြီး ရှိနေပါတယ် ) ။ အလုပ်မလုပ်ပဲ သူများမျက်ခုန်းပေါ်စင်္ကြန်လျှောက်နေကြသူ လူ့ ဗာလံ များလည်း တပုံကြီးပေါ့ ။သူတပါး မျက်ရည်ကျစေပြီး ကိုယ့်အကျိုးကိုသာကြည့်သူများ ကို တော့ စာရင်းထဲ ထည့် မပြောလိုတော့ပါ ။ ဒီအရပ်ဒေသမှာ ကိုယ့်အလုပ် ကိုယ်လုပ်ပြီး ကိုယ့်ဘဝ ကိုယ်ဖန်တီးနေကြသူ သာမန် လူတွေ နဲ့  သာမန်မိသားစုတွေရဲ့  အားလပ်ရက် နဲ့ အားလပ်ချိန်တွေ ၊ ဘယ်လို အသုံးချကြသလည်း ဆိုတာ မြင်မိ တွေ့ မိ သလောက် အမှတ်တရ အနေနဲ့ မှတ်တမ်းတင် ထားခြင်လို့  ဒီစာစု ကို ရေးပါတယ်။
ဒီဘက်နှစ် အနည်းငယ်မှာ ဒီနိူင်ငံမှာလည်း စီးပွားရေးကျဆင်းတာကြောင့် အရင်လို ဝယ်နိုင် သုံးနိုင် ခရီးထွက် လည်ပတ်နိုင်မှု တွေ အနည်းငယ်တော့ ကျဆင်းသွားပါတယ် ။ ဒါပေမဲ့ ဆင် ပိန် ကျွဲ ဆိုသလို ဒီမှာ ကျွဲတွေ တော်တော် များများ ရှိနေကြပါသေးတယ် ။ ကျန်းမာရေး စောင့်ရှောက်မှု နဲ့ ပညာရေး ပံ့ပိုးပေးမှု တွေကတော့ လျှော့ဈေးမရှိ အရင်လိုပဲ ဆက်လက်တည်ရှိနေပါတယ် ။ ကျန်းမာရေး အာမခံကြေးတွေ တိုးပြီးကောက်ခံပြီး ဝန်ဆောင်မှု ကျဆင်းသွားတာမျိုးတော့ မရှိတဲ့ အတွက် နေသာပါသေးတယ် ။
ပြီးခဲ့တဲ့ တပါတ် နဲ့  ဒီနေ့  တနင်္ဂနွေ အားလပ်ရက်တွေ မှာ ရောက်ခဲ့ တဲ့ နေရာ နဲ့  အကြောင်းအရာ လေးတွေ ...စိတ်ဝင်စား တယ်ဆိုရင်တော့ ဆက်လက်ကြည့်တော်မူကြပါ ။
ရေပူထွက်တဲ့ နေရာ ။ Yang Maing တောင် ပေါ် သွားတဲ့ လမ်းခရီးမှာ ရှိတယ် ။ အဲ့ ဒီ နေ့ က မိုးအုံ့  နေတော့ ခရီးသွားရတာ ကောင်းပါတယ် ။ အန္တရာယ်ရှိမှာစိုး လို့  အနီးထိတော့ ဆင်းလို့ မရပါ ။ ဒီနိုင်ငံ က တောင်တွေ ထူထပ်ပြီး မီးတောင် နဲ့ ငလျင်ကြောတွေ ရှိတဲ့ အတွက် သဘာဝ ဘေးအန္တရာယ်တွေ မကြာခဏ ရှိတတ်ပါတယ် ။ ဒါပေမဲ့ မင်းဆိုး မင်းညစ် အန္တရာယ်မရှိတဲ့ အတွက်တော့ ခံသာပါသေးတယ် ။
ကြားဖြတ်သတင်းလေးတပုဒ် တင်ပြချင်ပါတယ် ။ ပြီးခဲ့တဲ့ တနင်္ဂနွေ ( ၂၇.၄.၂၀၁၀) နေ့ လည် ၂ နာရီ အချိန် ဒီနိုင်ငံရဲ့  မြောက်ဖက်ပိုင်း ဟိုင်းဝေး လမ်းမကြီး တခု ၊ တောင်ကို ဖြတ်ဖေါက်ထားတဲ့ လှိုင်ခေါင်း ထဲမှာ တောင်ပြိုကျသွားတဲ့ အတွက် ကား၃ စီးပိတ်မိပြီး ၊ လူ ၄ ယောက် သေဆုံးခဲ့ပါတယ်။ ရုတ်တရက်မို့  စစချင်းတော့ ကားနဲ့ လူဘယ်လောက် မြေပြို ပိနေမှန်း မသိရပေမဲ့ လမ်းမကြီးပေါ်မှာတပ်ထားတဲ့ ဗီဒီယိုကင်မရာတွေ အရ အထဲမှာ ပိတ်မိနေတဲ့ ကားအစီးအရေအတွက်ကို နာရီပိုင်းအတွင်းတွက်ချက်နိုင်ခဲ့ပြီး ကယ်ဆယ်ရေးအဖွဲ့ တွေ နဲ့ နေ့ ရောညပါ အပူတပြင်း တူးဖေါ်ရှာဖွေခဲ့ကြပါတယ် ။ သမ္မတ မာယင်းကျို (Mah Ying Jio) နဲ့ ကုန်းလမ်းပို့ ဆောင်ဆက်သွယ်ရေး ဝန်ကြီးတို့  လည်း အချင်းဖြစ်တဲ့ နေရာကို ရောက်လာပြီး အခြေအနေ ကို ကြည့်တယ် ။ သူ့  အပိုင်း နဲ့ သူ သက်ဆိုင်ရာ အဖွဲ့ တွေ ချက်ချင်း အရေးပေါ် ကယ်ဆယ်ရေး လုပ်ကြတယ် ။ ပိတ်နေတဲ့ ကျောက်တောင်ကို ဖေါက်ပြီး ခေတ်မီကရိယာတွေ အကူ အညီနဲ့ ပိတ်မိနေတဲ့ ကား နဲ့ လူတွေကို ရှာဖွေကြတယ် ။ နောက်တရက်မှာ ရစ်ခ်ျတာစကေး ၆.၂ ရှိတဲ့ ငလျင်လှုပ်ပေမဲ့ ကယ်ဆယ်ရေး သမားတွေ မနားပဲ မိုးရေထဲမှာဆက်လက်ရှာကြတယ်။ စစ်သားတွေရော ဆောက်လုပ်ရေး လုပ်သားတွေရော မနားတမ်း တူးဖေါ်ရှာဖွေခဲ့ တာတောင် ၄ ရက် မြောက်မှ ကား ၃ စီး နဲ့ လူ ၄ ယောက် ကို ဖေါ်နိူင်ခဲ့ပါတယ် ။ အဲ့ဒီ အတွက် နိုင်ငံတော်က သေဆုံး သူ များကို လျော်ကြေး သန်းပေါင်းများစွာ ပေးရမယ် ဖြစ်ပါတယ် ။လောလောဆယ်တော့ နာရေးအတွက် သေသူတဦးဆီကို ထိုင်ဝမ်ဒေါ်လာ ၁ သန်း( အစိမ်း ၃သောင်းကျော်) စီပေးပါတယ် ။ ( အကျွန်ုပ်တို့ နိုင်ငံကြီးမှာ ဒီလို လမ်းမကြီးတွေ မရှိတာပဲ တော်ပါသေးတယ် ၊ လို့ ဖြေတွေးလေး တွေးမိပါတယ် )
ပင်လယ်ထဲက ကျွန်းတကျွန်း ဖြစ်တဲ့ အတွက် ကျွန်းတပတ် ပတ်လိုက်ရင် ဘယ်ဘက်ကနေ သွားသွား ပင်လယ်ကို ရောက်ပါတယ် ။ ငါးမျှားသူတွေ လည်း နေရာ အနှံ့ပါပဲ ။ မုန်တိုင်းကျတဲ့ အချိန်မျိုးမှာတောင် ငါးထွက်များသူများ ၊ရေလွှာလျှောစီး ကြသူများ ရှိကြလို့  လှိုင်းပုတ်ပြီး ပင်လယ်ထဲ မျောပါသွားသူများ အသက်ဆုံးရသူများလည်း မနည်းပါဘူး ။
ဒီအတွက် အန္တရာယ် ရှိတတ်တဲ့ အချိန် နဲ့ နေရာတွေ မှာ ငါးမမျှားရ ။ရေ မကူးရ သတ်မှတ်ချက်တွေ ထားပြီး စည်းကမ်း ဖေါက်သူတွေကို အရေးယူပါတယ် ဒါဏ်ငွေရိုက်ပါတယ် ။ ဘာလို့ဆိုတော့ ဒီစည်းကမ်းဖေါက်ပြီး အသက်အန္တရာယ်ကျရောက်လာရင် ပင်လယ်ထဲ ကျသွား မျောသွားရင် လိုက်လံ ကယ်ဆယ်ပေးရတဲ့ စရိတ်က အင်မတန်များတဲ့ အတွက် လူတွေ စည်းကမ်းလိုက်နာအောင် တင်းကြပ်ထားရပါတယ် ။
ပင်လယ်ကမ်းစပ် လမ်းဘေးကော်ဖီဆိုင်တွေ မှာ အေးဆေးစွာ အနားယူနေကြသူများလည်းရှိပါတယ် ။ ကော်ဖီသောက်ခြင်း အလေ့အထက ခု ဒီဘက်ဆယ်စုနှစ်လောက်မှာ မှ ပိုများလာကြတာပါ ။ အရင်တုံးကတော့ မနက်စာကို ဆန်ပြုတ် ခေါက်ဆွဲပြုတ်တွေလောက်သာ စားသုံးကြသူ ဒီနိုင်ငံသားအများစုဟာ ခုဆိုရင် အနောက်တိုင်း အလေ့အကျင့်တွေ နဲ့ စားသောက်ကြတာလည်း များလာပါပြီ ။ ဒီလိုသာ မပြောင်းလဲလာဘူးဆိုရင် ဆန်ပြုတ်မုန်းသူ အကျွန်ုပ် လည်း ဒီနိုင်ငံမှာ သက်ဆိုးရှည်နေနိုင်မယ် မထင်မိပါဘူး ။
ပင်လယ်က အပြန် ကမ်းစပ်လမ်းတလျှောက်မှာ ရှိတဲ့ ပိတောက်ကြီး တဲ့ ။ ပိတောက် ရွှေဝါ နဲ့ အရောင် တော့ ကွာတယ် ။ ပြီးတော့ ဘယ်သူကမှ လည်း တခုတ်တရ ပန်ဆင်တာ မရှိကြဘူး ။ လမ်းဘေးသစ်ပင် အနေနဲ့ပဲ အပွင့်တွေ ကြွေကြရတယ် ။ ဘယ်လိုပဲ ပြောပြော ကိုယ့်ပြည် ကိုယ့်ရွာက ပိတောက် ရွှေဝါ က ပိုလှ သလိုပဲ ။
အားနေတဲ့ အချိန်မှာ ကစားတာကို အားကစားလို့  ခေါ်ရမလားပဲ ။ ဒီကလေး လေးတွေ ဒီလိုအရွယ်လေးကတည်းက တခုခုကို အားကစားလုပ်ဖို့  ပျိုးထောင်ပေးကြတာ အတုယူစရာကောင်းပါတယ် ။ ရှပ်နီ နဲ့ အတန်းကြီးတဲ့ အကိုကြီး တွေက ရှပ်ဝါ အတန်းငယ်လေးတွေ ကို ပြန်ပြီး သင်ကြားလေ့ကျင့်ပေးကြတယ် ။ သူ့ အဖွဲ့ လေးတွေ နဲ့ သူ ၊ လေ့ကျင့်ရင်း ကစားနေကြတာ ပျော်စရာ ပါပဲ ။ မိဘတွေက လိုက်ပို့ပေးပြီး ထိုင်စောင့်ပေါ့ ။
မကြီးမငယ် ဒီလူကြီးကတော့ အလေ့အကျင့်မရှိသေးတော့ ချော်လဲ တာပါပဲ ။ လူကြီးရှက်တော့ ရယ်တယ် ဆိုတာ တကယ်ပါ ။ ဒီတော့ ပညာတခုဟာ အလေ့အကျင့် နဲ့သာဆိုင်ပါတယ် ။ ကြီးတာငယ်တာ နဲ့ မဆိုင်ဘူးပေါ့ ။
အားကစား လိုက်စားတဲ့ ကျောင်းသား အများအပြားလည်း ညဖက် ထိ အားကစားကွင်းထဲမှာ ဘတ်စကက်ဘော ကစားခြင်း၊ ပြေးခြင်း စတဲ့ လေ့ကျင့်ခန်းများ လုပ်ကြပါတယ် ။ ရိုးရိုးသာမန် နေ့ရက်တိုင်းမှာ ရှိပြီး၊ အောင်ဆန်းကွင်းမှာ ဘောလုံးပြိုင်ပွဲတွေ ရှိမှ ထွန်းလေ့ရှိတဲ့ ဆလိုက်မီးကြီးတွေကို ညတိုင်းထွန်းထားပေးပါတယ် ။ ကျွန်းနိုင်ငံလေးမို့  ရေအားလျှပ်စစ် ထုတ်ပေးနိုင်လောက်တဲ့ ရေတံခွန်ကြီးတွေ မရှိပေမဲ့ ၊ အနုမြူ ဓါတ်ပေါင်းဖိုကြီးတွေ ရှိနေလို့ ၊ တကျွန်းလုံးကို ၂၄ နာရီ မီးထိန်ထိန်ညီးအောင် လျှပ်စစ်မီးတွေ ပေးထားနိုင်ပါတယ် ။ လွန်ခဲ့တဲ့ ၁၀ နှစ်လောက်က ၉၂၁ နေ့ ရက်မှာ ရစ်ခ်ျတာ စကေး ၈.၂ ရှိတဲ့ ငလျှင်ကြီး အကြီးအကျယ် လှုပ်သွားလို့ ဓါတ်တိုင်ကြီး တွေ ပြိုလဲသွားတဲ့  အချိန် တနိုင်ငံလုံး လျှပ်စစ်မီး ပြတ်တောက်သွား ခဲ့ ရတာ ကလွဲလို့  ၊ မီးမပျက် တတ်ပါဘူး ။
ဘာအခါကြီးရက်ကြီးမှ မဟုတ်ပါဘူး ။ညတိုင်း ဒီလိုပဲ မီးတွေထ်ိန်လင်းနေတယ် ။ဒီဇင်ဘာ ၃၁ ရက်နေ့ ည၊ နှစ်ကူး လို အခါမျိုးဆို ပိုစည်တယ် ။ ဒီညတော့ ၊ည ၁၂ နာရီထိုးခါနီး လူတွေတော့ နဲနဲရှင်းနေပြီ ။ အဲ့လိုအချိန်မှ အေးအေးဆေးဆေး လမ်းလျှောက် ။ ဘာမှ စိုးရိမ်စရာ မရှိပါ ။(လွန်ခဲ့တဲ့နှစ်ထိ ကမ္ဘာ့  အမြင့်ဆုံးလို့  စံချိန်တင်ထားနိုင်ခဲ့ တဲ့ ၁၀၁ ထပ်တိုက် အဆောက်အဦး နားမှာ ပါ )
ကိုယ့်ပြည် ကိုယ့်ရွာမှာ လည်း အိမ်တိုင်း၊ အရပ်တိုင်း၊ မြို့ တိုင်း၊ ရွာတိုင်းမှာ မီးမှန် ရေမှန်စေချင်ပါတယ်။ ခုဆို နွေရာသီ ခေါင်ခေါင် ပူလောင်အိုက်စပ်နေတာ မို့  ရွှေပြည်ကြီးမှာ အညာ( မုံရွာ) အဲကွန်း လေးများ နဲ့ ကြံဖန်ပြီး အပူသက်သာအောင် နေရတယ် ဆိုတဲ့ အကြောင်း သိလိုက်ရလို့  ဝမ်းနည်းမိတယ် ။ အပူရှပ်လို့ အသက်ဘေး ဖြစ်ကြသူများ လည်း ရှိနေတယ်ဆိုလို့  စိတ်မကောင်းဖြစ်မိတယ် ။
ဒွေးဒေါ်လွမ်းတာ မဟုတ်ပေမဲ့ ၊ ဘာအကြောင်းတွေပဲ ရေးရေး၊ ရေးမိရေးရာ နဲ့  နောက်ဆုံးတော့လည်း ဒီဘူတာပဲ ဆိုက်တာပဲ ။
တရုပ်ပြည်မှာ အနေကြာတော့ တရုပ်လူမျိုးတွေ နှစ်သစ်ကူးတိုင်း သူတို့ လိုပဲ ကုံးရှီဖါးချိုင် (恭喜發財) ၊ရှင်းနဲန်ခွိုက်လော့(新年快樂 ) ...ပြော ပြော ပြီးနှုတ်ဆက်နေရတယ် ။ တရုပ်နှစ်သစ်ကူးပြီ ကိုး ..ရောမပြည်ရောက်တော့ ရောမသားလို ကျင့်ရပေမပေါ့ ။
တရုပ်လူမျိုးမှာ သူတို့ ဓလေ့ အယူအဆ (chinese zodiac year ) အရ တွက်ကြတော့ ဒီနှစ်“ ကျား ” နှစ်တဲ့လေ ။ တ နှစ် မှာ အကောင် တစ်မျိုး နဲ့  ( 鼠牛虎兔龍蛇馬羊猴雞狗豬 ) ကြွက် ၊ နွား၊ ကျား၊ ယုန်၊ နဂါး ၊ မြွေ ၊ မြင်း ၊ ဆိတ် ၊ မျောက်၊ ကြက် ၊ ခွေး ၊ ဝက် ဆိုပြီး အကောင် ၁၂ ကောင် ရှိတယ်။ တရုပ်လူမျိုးတွေ ဥာဏ် လည်း တယ်များကြသကိုး ။ သူများ အသက်ကို မေးချင်ရင် ဘယ်သူမှ “ နင် ဘယ်နှစ် နှစ် ရှိပြီလည်း ”ဆိုပြီး မမေးကြဘူး ။ “နင် ဘာကောင်လည်း ( 你屬什麼 ) ”ဆိုပြီး မေးကြတယ် လေ။ ဘာကောင်လည်းဆိုတာ သိတာနဲ့ အသက်ကို တွက်လို့ ရတယ်ပေါ့ ။ ဒါပေမဲ့ ဗမာလိုသာ နင်ဘာအကောင်လည်း လို့ မေးလိုက်မိရင်တော့ အရိုက်ခံရမှာ သေချာ သပေါ့ ။
အထက်မှာ ဆိုခဲ့သလို ဒီနှစ်က ကျား နှစ် ပါတဲ့  ။ ကျား နဲ့ တော့ တွေ့ ပါပြီ ။ နှစ် စ စ ချင်းမှာပဲ။ မင်္ဂလာသတင်း ။ သတင်းကောင်းပေါ့ ။ ဒီနှစ် တွက်ကိန်းအရ ဖွားကိ တို့ နှစ်သစ်ဦးမှာပဲ စွံသွားပြီ ဖြစ်ပါကြောင်း ။ စွံတာတောင်မှ နိုင်ငံခြားသား နဲ့ တဲ့ ဗျာ .. ( သိလိုသူများ ပြီးခဲ့ တဲ့ ပို့စ်က ကော်မန့် ပေး သွားတဲ့ အထဲမှာ ပြန်ကြည့်နိုင်ပါတယ် )။ တို့ဗိုလ်ချုပ်အကြောင်း အရေးကောင်းတာနဲ့  နေရင်းထိုင်ရင်း ယောင်္ကျားပါ ရသွားတယ် ။ဒီတော့ ဒီကျားနှစ်မှာ ကျားနဲ့ ပတ်သက်တာတွေပဲ ရေးရတော့ မလိုလို ။
ကျားကိုက်ပါတယ် ဆိုမှ အစွယ်ရာလေး လာရှာပြရအုံးမလိုပဲ။( ကျားကိုက်ပါတယ်ဆိုမှ နာတာရှည်လား ဆိုတဲ့  အဓိပ္ပါယ်ကိုတော့ သေချာ မသိပါ) ၊ ကျားမြှီးသာ ဆွဲလိုက်ချင်ပါတော့တယ် ။ အတောင် နှစ်ဆယ်ဝတ် မင်းယောင်္ကျားများ ကလည်း ဒီလို ရေးတတ် တွေးတတ်ပါပေတယ် ။ ထားပါတော့ ။
“သေချင်တဲ့ကျား တောပြောင်း ”တယ်ပဲ ပြော ရမလား ။ သေချင်တဲ့  ဖွားကိလည်း တောပြောင်း တောင်ပြောင်း နဲ့  ဒီတရုပ်တွေကြားထဲ မျက်စိသူငယ် နားသူငယ် နဲ့ ရောက်လာပါတယ် ။ ကိုယ့်အယူ အဆကတော့“ တရွာမပြောင်း သူကောင်း မဖြစ် ” ပေါ့လေ ။ ဒီရောက်တော့ လည်း သူကောင်းတော့ မဖြစ်လာပါဘူုး ။ ဒီတော့ ကိုယ့်ကိုယ်ကိုယ် အားပေးလိုက်ပါတယ် ။ သူကောင်းမဖြစ်ရင်လဲ နေပါ။သူယုတ်မာ မဖြစ်ရင် တော်ပါပြီ လို့  ဆိုပြီး တော့ပေါ့ ။
ဒီလိုနဲ့  တရုပ်တွေကြားထဲ နေရင်း သူတို့  ထုံးစံတွေ အယူ အဆတွေကို လက်လှမ်းမှီသလောက် မေးရ မြန်းရတာပေါ့ ။ တရုပ်ကျား အကြောင်း ပြောမလို့ ပါ ။ အယူသည်းကြ ပုံများလေ . ဒီ ကျားနှစ်မှာမွေးသူတွေ ထဲမှာတောင် ယောင်္ကျားလေး နဲ့  မိန်းကလေး ကို ခွဲခြား ခွဲခြားလုပ်တတ်ကြသေးရဲ့  ။ ကျားနှစ်က မိန်းကလေး ( ကျားမ လေးပဲ ဆိုပါတော့ ) ။ အဲ့လို ကျားမလေး ဆို ရင် ဘယ်ယောင်္ကျားလေးရှင်ကမှ သူတို့  သားနဲ့  သဘောမတူချင်ကြဘူး တဲ့ ။ ကျားမ ဆိုတာ မကောင်းဘူးပေါ့လေ ။ခိ်ုက်တတ်တယ်ပေါ့ ၊ ကျားမ လေးတွေဆို မင်္ဂလာ အခမ်းအနားမှာ တောင်မှ သူတို့ သမီးအရံ မလုပ်ကောင်းဘူးဆိုပဲ ၊ပြီးတော့ မင်္ဂလာ ကုတင် ပြင်ဆင်တာ တို့  ။ မင်္ဂလာ အခန်းထဲ တို့  ကိုတောင် ပေးမထိ် ပေးမဝင်ကြဘူး တဲ့  ။ အထူးသဖြင့် နွား ၊မြင်း ၊ ဆိတ် နှစ်မှာမွေးတဲ့ ယောင်္ကျားလေးတွေ ဆို ကျားမ လေးတွေကို ရှောင်ကြတယ် ။ ကျားစာ မိ မစိုးလို့  တဲ့လေ ။ ကျားမ ထဲမှာတောင်မှ မနက်ပိုင်း မွေးတဲ့ ကျားက နဲနဲခံသာသေးတာ တဲ့  ။ ညပိုင်းမွေးတဲ့  ကျားမက အဆိုးဆုံး ဆိုပဲ ။ ည ကျ ဗိုက်ဆာ လို့  ထ ကိုက်မှာကြောက်ကြတာတဲ့ ။ သူတို့ အယူသည်းပုံတွေများ ။ ကျားနှစ်မှာမွေးတဲ့ ယောက်ျားလေးများကိုလည်း တော်ရုံ မကြိ်ုက်ကြဘုးဆိုပဲ ။ ဒါဆိုရင် ဒီက အပျို လူပျိုကြီးတွေ က ကျားနှစ်ဘွားတွေ ဖြစ်ဖို့ များတယ်ပေါ့ ။ခက်ရချည်သေး ။ကျားမှာလည်း အသည်းနှလုံးနဲ့ပါလေ ။
ဒီပုံအတိုင်းသာဆို ဒီကျား နှစ်တွေမှာ မွေးနှုန်းကျ ကိန်း ရှိတယ်ပေါ့ ။ အိုဂျီတွေ တွက်ချေမကိုက် တဲ့  နှစ်ပေါ့လေ ။ ဒါပေမဲ့  နောက်တနည်းတွက်ကြည့်တော့လည်း ဘဲစားဘဲချေ ပဲ ဖြစ်လိမ့်မယ် ။ကလေး မွေးနှုန်းကျ ရင် ကလေး ဖျက်နှုန်းတက်မယ် ပေါ့ ။ ဒီက လူတွေ ကလေးဖျက်ချကြတာ ထမင်းစားရေသောက် သလောက်ကို လွယ်ကြတယ် ။ ဗုဒ္ဓဘာသာ ဝင်တွေ အနေနဲ့ ကတော့ ပါဏာတိပါတာ ကံ ထိုက်တယ် ဆိုပေမဲ့  ဒီမှာ ဗုဒ္ဓဘာသာစင်စစ် နည်းပါးတော့ အိုဂျီတွေလည်း ငွေသာရ ပြီးရော ပါပဲ ။
မြန်မာတွေမှာ ခွန်နှစ်ရက်သားသမီးတွေ တာစား တယ်ဆိုသလို အယူအဆမျိုး (安太歲 ) တရုပ်တွေမှာလည်း ရှိကြတယ်။ ဒီနှစ် ကျားနှစ်ဘွားတွေ တာစားတယ်ပေါ့လေ ။ ဗြမ္မာကြီးဦးခေါင်းရွက်ရတာတော့ မဟုတ်ပါဘူး ။ ကံဇာတာ ညံ့ကိန်းရှိတယ်ပေါ့ ။ ဒီတော့ ဘုရားကျောင်းတွေမှာ သွားပြီး ယတြာချေသလိုမျိုးတွေ လုပ်ကြရတယ် ။
နှစ်ဟောင်းက အဟောင်းအစုတ်တွေစွန့်ပစ်ပြီး နှစ်သစ်မှာ အသစ်တွေ သုံးရမတဲ့ ။ သန့် ရှင်းရေးတွေ အကြီးအကျယ်လုပ်ကြတယ် ။မလိုတဲ့ အမှိုက်ရှင်းတာကတော့ ရှင်းရမယ်ပေါ့လေ ။ ဒီလောက်ကြီး ဒီတော့ မြူနီစပါယ် အလုပ်သမားတွေ အလုပ်အရှုပ်ဆုံး အချိန်ပဲ ။ တချို့များ အယူသည်းတာ ဆိုမလား ၊ ပိုက်ဆံပေါတယ် ဆိုမလား၊ ကျားကြီး ခြေရာကြီးတယ် ဆိုတာ ဒီလိုလူမျိုးတွေ ဖြစ်မယ် ၊ ဆိုဖါ ဆက်တီတွေလည်း ပစ်လိုပစ် ။ အဝတ်ဟောင်းတွေ အမှိ်ုက်ပုံ ပစ်လိုပစ် နဲ့ဆိုတော့ အမှိုက်သိမ်းရသူတွေ တကယ် ပင်ပန်းကြပါတယ် ။ တကယ်ဆို Recycle လုပ်လို့ ရတဲ့ အရာမျိ်ုး ၊ ဥပမာ ၊ အဝတ်အထည်ဆို အကောင်းကြီးတွေ မရှိဆင်းရဲသား ဝတ်လို့ ရသေးတာမျိ်ုးဆို အလှူခဲပုံးတွေထဲ ထဲ့လိုက်ရင် ပိုပြီး သင့်တော်မယ်လေ ။ သန့် ရှင်းရေး အကြီးအကျယ် အလုပ်ကောင်းတော့ လုပ်ရင်းကိုင်ရင်း ထိခိုက် ကွဲ ရှ ကြသူတွေလည်း အများကြီး ။ ဒါကြောင့် ဒီနှစ်တော့ ဖွားကိတို့  စမ်းစပ်ကြည့်ချင်လို့ ဘာမှ အကြီးမကျယ် ရှင်းလင်းရေး မလုပ် ၊ ဘာအဝတ်အထည်မှ အသစ်မဝယ် ။ ဘာအဟောင်းမှ မပစ်ပဲနေကြည့်လိုက်တယ် ။ ခါတိုင်းနှစ်တွေလည်း ဘာကံမှ အထူးအထွေကောင်းခဲ့တာ မှ မဟုတ် ။ ဒီထက်များ ပိုဆိုးလာမလားလိ်ု့  စောင့်ကြည့်ပါအုံးမယ် လေ ။ လတ်တလော အကျိုးပေးတာကတော့ လူသက်သာတာအမှန်ပါပဲ ။အကုန်အကျလဲ သက်သာတာပေါ့လေ ။
မြန်မာတွေမှာတော့ ခွန်နှစ်ရက်သားသမီး ပဲ ရှိကြလို့  တော်သေးတယ် ပြောရမယ် ။သူတို့  တရုပ်တွေ လို အကောင် ၁၂ မျိုးသာ ဆို လွယ်မယ် မထင် ။ ၁၂ မျိုး ပြည့်အောင် ဘာကောင်တွေ ထဲ့ ပေးရရင်ကောင်းမလည်း လို့ တွေးကြည့်မိတော့ ကြံ့  ရယ်၊ ဖွတ်ရယ်၊ လဒ ရယ် ထပ်ဖြည့်ပေးရ မလိုပဲလေ ။ ဒါပေမဲ့ မြန်မာကျားလည်း ကျားဆိုမှ ကျားပါပဲ ။ တနလာင်္ ကျားများပြောပါတယ် ။ ကျားစိတ်ကတော့ ရှိကြတယ်လေ ။“ ကျားသနားမှ နွားချမ်းသာ ” ဆိုတာ တကယ်ပဲလား ။ နွားက အမြဲ ရှုံးနေကြရတယ်တဲ့ လား။ဟုတ်လိမ့်မယ် ။ဒါပေမဲ့ မြန်မာ့ကျားတွေ အမျိ်ုးတုံးတော့မယ် ၊ မြန်မာပြည်မှာ ကျားအကောင်ရေ ၁၅၀ ထက် ပိုမရှိနိုင်တော့ဘူး ဆိုတဲ့ သတင်းအရ ၊ လူသနားမှ လည်း ကျားချမ်းသာရာ ရမယ် ဆိုတဲ့ စကားပုံ တခု အသစ်ထွင်သင့်ပြီထင်ပါတယ်။ သနားစရာ ကျားသတ္တဝါ တွေကိုလည်း ညှာတာသနားကြစေလိုပါတယ် ။
ဒီနေရာလေးမှာ ဖတ်ကြည့်နိုင်ပါတယ် ။
အစိုးရရုံးပိတ်ရက် အရ အစိုးရ ရုံးတွေအားလုံးရော ၊ စက်ရုံ အလုပ်ရုံတွေအားလုံး ဒီနှစ် ရုံးပိတ်ရက် ၉ ရက်ကြီးများတောင် ရကြပါသတဲ့ ။ ဒါပေမဲ့ နွားနှစ်ဘွား မဟုတ်ပဲ နွားဇာတာပါတဲ့ ဖွားကိတယောက်တော့ နွား လိုပဲ အလုပ်လုပ်ရအုံးမယ်လေ ။ ၄ ရက်ပဲ နားရတာ ဆိုတော့ ရှားရှားပါးပါး ပိတ်ရက်မှာ ဟိုလည် ဒီလည် လုပ်မလို့  စီစဉ်ပြီးကာမှ ရာသီဥတုကလည်း မျက်နှာသာ မပေးပေဘူး ။ မိုးတွေဆက်တိုက်ရွာ နေတာ နဲ့  အိမ်ထဲမှာ ပျင်းရိစွာ အချိန်ကုန်ရပြန်ပါတယ် ။ ၃ရက်မြောက်နေ့ မတော့ မနေနိုင် မထိုင်နိုင်နဲ့ မိုးရွာထဲမှာပဲ ရထားတတန် ကားတတန် စီးပြီး ဟိုဝင် ဒီထွက် သွားပလိုက်တယ် ။ ကားတွေ ပိတ် လူတွေကြပ် သိပ်မဟန်ပါဘူး ။ လူ့ အလို နတ်မလိုက်နိုင် ဆိုတာ ဒါမျိုးပဲ ဖြစ်မယ် ။
“ကျားနဲ့ဆင် လယ်ပြင်မှာ တွေ့ ကြ သေးတာပေါ့ ” ဆိုတာရော ..ကျားနဲ့ဆင် တွေ့ တဲ့ အခါ သူတပြန် ကိုယ်တပြန် ဆိုတော့ ဒီလိုပွဲမျိုး ကြည့်ကောင်းမယ် ထင်ရတယ် ။ ဒါပေမဲ့ “ ကျားကျောက်လို့  ရှင်ကြီးကိုး ၊ ရှင်ကြီးကျားထက်ဆိုး ” ဆိုတဲ့  အဖြစ်မျိုး မရောက်ကြရအောင်လည်း သတိ နဲ့  အသိ နဲ့ ယှဉ်ပြီး ချင့်ချိန်ကြရပါမယ်။ “ ကျားဆရာ ကြောင် ” ဆို ပြီး “ ကြောင်သူတော် ကြက်သူခိုး ”တွေကလည်း ရှိသေးရဲ့  ။ ကျားကိုးစီး စားမကုန်တဲ့အား နဲ့ ကျားငစဉ်းလဲ တွေလည်း ရှိသေးသမို့ ဒီလိုကျားမျိုးတော့ ဝေးဝေးကြည့်ရှောင် ကြပေါ့ ၊ ဒါပေမဲ့ တရုပ်ကျား ဖြစ်ဖြစ် ဗမာကျားဖြစ်ဖြစ် တကယ့် တိရစ္ဆာန် ကျား မျိုးတွေကို မျိုးမတုံးကြရလေအောင်တော့ စောင့်ရှောက်ကြဖို့  လိုအပ်နေပါပြီ....
ကျားနှစ်မှာ ကျား နဲ့ ပတ်သက်တဲ့ ရောက်ရာပေါက်ရာလေးများ ရေးလိုက်ရပါတယ် ။ ဘာကျားပဲ ဖြစ်နေဖြစ်နေ နိုးနိုးကြားကြားလေးတော့ ရှိကြစေချင်ပါတယ် ။
ဒီတပါတ် ဆန်းဒေး ။ တိမ်တွေ မပြာပါဘူး ။တနေလုံး မိုးတွေရွာလိုက် အုံ့ လိုက် နဲ့ ။ ပျင်းပျင်းရှိလို့ သူငယ်ချင်းတယောက် နဲ့ အပြင်ထွက်တာ ။ မိုးရွာထဲ ဆိုင်ကယ်စီး တော့ စိုစိစိ ။ သွားမဲ့နေရာ က Tan Sui သန့် စွေ ။အိမ်ကနေ ၂ နာရီကြာလောက် မောင်းရမယ်ဆိုတော့ ချမ်းလာတာနဲ့  လမ်းတဝက်ရောက်တော့ MRT ပဲ တက်စီးလိုက်တယ်။တကယ်ဆို MRT ကို ဂိတ် စ မှ ဂိတ်ဆုံးထိ စီးလိုက်ရင် ရသား နဲ့ တမင် သက်သက် အပင်ပန်းခံတာ။ ပင်လယ်နားနီးပေမဲ့ ပင်လယ်ဝထိတော့ မသွားဖြစ်ပါဘူး ။ဟိုရောက်တော့ ဟိုနား ဒီနား လျှောက်ရင်း ဟိုစားဒီစားပေါ့ ။
ဇလုံလို အိုးထဲ မှာထဲ့ထားတာက ပုစွန် ကို ငြုပ်ကောင်းမှုန့် နဲ့ ဆား နဲ့ အသကုန် ဖြူးပြီး အခြောက်ချက်ထားတာ ။ စပ်လည်းစပ် ငံလည်း ငံ ၊နောက် တပန်းကန်က သံပုရာသီး နဲ့ ဆမ်းပြီး အရည်ရွှဲရွှဲ ချက်ထားတယ် ။ နောက်တခုက မျှစ်နုနု လေးထိပ်ပိုင်းကို ပြုတ်ပြီး အတုံးသေးသေးလှီး ။ပြီး mayonnaise ဆမ်းထားတာ( ဗိုက်ဆာလို့  သူ့ အရင်စားလိုက်တာ ၊ ပုံရိုက်ဖို့ တောင်မေ့ လို့ ။ ပန်းကန်လွတ်ပဲ ကျန်တား)။ စားနေတုံးက သတိမရ မိပါဘူး seafood နဲ့ vitamin C ဆိုတာလေ ။အို .. နဲနဲ ပဲ စားတာ ၊ ဘာမှ မဖြစ်လောက်ပါဘူး ။ စားရင်းနဲ့ တော့ ကုန်သွားတာပဲလေ ။
ပုစွန်ပါဘဲ ။ ကောက်ညှင်းမှုန့် လူးပြီးကြော်တာနဲ့ တူပါရဲ့ ။ မယိုးနီးစ် နဲ့ နာနတ်သီးစိတ် လည်းပါသေးတယ် ။
ဒါက ပင်လယ် ခရု ကြော်တာတဲ့  ။ မြေပဲဆန်တွေရော ။ ကြက်သွန်မိတ်တွေရော ။ စားလို့ တော့ မဆိုးပါဘူး ။ ကိုယ်မှ မချက်တတ်တာ ။ ဂျီးမများပါဘူး ။ တွေ့ ရာ စားပါပဲ ။
အဲ့ဒီ တရုပ်မလေးက တမင်မှာတာ ။ ဗိုက်ဆာတာနဲ့  ဘာမှန်းမသိ မမေးမစမ်းပဲ စားလိုက်မိ ပါတယ် ။စားလို့အကောင်းသားရယ် ။ ကြွပ်ကြွပ်လေးကျော်ထားတာလေ ။ အသားကလဲ နူးသား၊ပင်စိမ်းရွက်နဲ့ ထဲ့ကျော်တာ မွှေးနေတာပဲ ။တလုပ်စား ပြီးမှ မေးကြည့်တာ ။ ဒီတော့ မှ လက်နဲ့ ထိုးပြီး ပြန်အန်ထုတ် ရတယ် ။ အတော်ဆိုးတဲ့ ကောင်မလေး ။ မှာလိုက်တာ က ဖါးသားတဲ့  ။ ဝေါ့ ကနဲ ပဲ ။ဆောရီး လို့ ပြန်ပြောမိရသေး ။း(( ။ တော်ပါသေးရဲ့  မားသား ကြီး ပါ ထဲ့ မမှာတာ ။
ဆိုင်က အထွက် လမ်းဘေးဆိုင်တွေ တောက်လျှောက်မှာ စားစရာတွေ ရောင်းတာ တန်းစီလို့  ။ တောဝက်ကင်တဲ့ ။ တောကတက်လာတဲ့ဝက် မဟုတ်ဖူးနော် ။ ဒီမှာ ရှိတဲ့ aborigiens လို့ခေါ်တဲ့ တောင်ပေါ်သားတွေ တောလိုက်ထွက်ရင် ရတာ များတယ် ။ အကောင်ကြီးကြည့်ပြီး စားရဲပါဘူး ။ ပုံပဲရိုက်လိုက်တယ် ။
တောဝက်သားမစားဘူးဆိုတော့ ဘေးကကပ်ရက်ဆိုင်က အကင် တွေပဲ စားလိုက်သေးတယ် ။ နောက်မှ သိတယ် ဒါလဲ တောဝက်သားပဲတဲ့ ။ ဒါကြောင့် ထင်တော့ ထင်မိသား ။ ညှီသလိုလို အီလည် လည် နဲ့လေ ။ ဒီသူငယ်ချင်းတရုပ်မက အတော်နောက် ပဲ ။ သူ့ ကို ဗမာပြည် တခါခေါ်လည်ဖူးသေးတာ ။ သူ့ ကို ဒန်ပေါက်ထမင်း ညာကျွေးတာ စားပြီး အန်ဖူးလို့  ဂလဲ့စားပြန်ချေတာ နဲ့ တူရဲ့ ။
စားပြီးတော့ ဟိုလျှောက်ဒီလျှောက် ။ အလယ်တလမ်းက လူတွေ တအားများလို့  လူရှင်းတဲ့ ဆိပ်ကမ်းဖက်မှာဘဲ လျှောက်ဖြစ်တယ် ။
ဒီနေရာ ကတော့ မြစ်ပါ ၊ ဒီလိုမော်တော်ဘုတ်လေးတွေ စီးပြီး ပင်လယ်ဝ ထိ သွားလို့ရတယ် ။ ဒါပေမဲ့ မစီးဖြစ်ဖူး ။ မိုးလေဝသ မကောင်းလို့လေ ။ အမေကလည်း မှာထားတယ် ။ ရေလမ်းခရီး မသွားရဘူးတဲ့ ။ သူက ဗေဒင် ယုံတယ် ။ အင်းလေ ။ လူကြီးမိဘ စကား နားထောင်ရမယ်လို့  မှတ်ထားလို့ ပါ ။ ( သတ္တိလဲ ကြောင်တတ်ပါတယ် ။ ရေနစ်မှာ ကြောက်တယ် )
မကြောက်တဲ့ သူတွေ လည်းစီးနေကြတာပါပဲ ။ကမ္ဘာကြီး ဘယ်တော့ ပျက်မလည်း တွေးပူမနေကြဘူး လေ ။ ရှင်နေတုံး ပျော်နေကြတာ ။ ကောင်းတော့ ကောင်းသားပဲ ။ဟိုးမြစ်တဖက်ကမ်းက တောင်ပေါ် တက်ဖူးသေးတယ် ။ ၂ နာရီကျော်လောက်ကြာတယ် ။ခုနေတက်ရင်တော့ ၄ နာရီကြာရင်တောင် ၊ တောင်ထိပ်ရောက်ပါ့မလားပဲ ။
အဲ့ ဒီ ဘက်ကနေ ဆက်သွားရင် ပင်လယ်ဝ ရောက်တယ် ။ မိုးအုံ့ နေလို့ သေချာ မမြင်ရပါ ။
သူတို့ မြစ်ဆိပ်ကလည်း ရန်ကုန် မြစ်လိုပါပဲ ။ လတာပြင် ညိုမဲမဲ တွေ နဲ့ ။ အဲ့ ဒီထဲမှာ ဂဏန်းပေါက်စလေးတွေ အများကြီး ဟိုပြေး ဒီပြေးနဲ့  ။ ဘယ်သူမှတော့ လိုက်မနှိုက်နေကြပါဘူး ။
နောက်ဆုံးပိတ် စက်ရပ်သတင်း ........
အစားသောင်းကျန်းမိလို့  E ပန်း နေပြီး ၊ ကျီးမနိုးပွဲ အစီအစဉ် ဖျက်သိမ်းလိုက်ရပါသည် ။ စာတွေ မရေးနိုင်လို့ ပုံတွေနဲ့ ပဲ အကြံ အဖန် လုပ်မိပါသည် ။ နားလည်ပေးတော် မူကြပါ ။
တိမ်ပြာပြာနေ့တနေ့ ဆန်းဒေးမှာကွယ် .. မင်္ဂလာဆောင်ပွဲလေးကျင်းပ နေတယ် ...အိုးး မှားပါတယ် ..ခုတလော သူများတွေ သီချင်းအကြောင်းတွေ ရေးနေကြတာ နဲ့ ရောယောင်လိုက်ဆိုမိတာ ။ မင်္ဂလာဆောင်ပွဲတော့ မဟုတ်ပါဘူး ။ ဒီနေ့ ဝါးကြော သွားနေတာ နဲ့ ဘာအကြောင်းရေးရမှန်းမသိ ။ ကိုယ်တိုင်လည်း မချက်တတ် ( ချက်တင် တော့ထိုင်တတ် သား ပဲ ..စားကောင်းသောက်ဖွယ် မချက်တတ် တာကိုပြောပါတယ် ) တော့ စားခဲ့  ဝါးခဲ့ တာလေးတွေကိုပဲ ရိုက်လာခဲ့ ပါတယ် ။ သွားရမဲ့ နေရာ ကို မသွားတတ်တော့ MRT စီးပြီး ထိုင်ပေထဲရောက်တော့ အူလည်လည်နဲ့  ဘယ်ဘက်လျှောက်ရမှန်းမသိ ၊၁၂ နာရီ အရောက်လာရမယ်ပြောထားတာ နာရီကြည့်လိုက်တော့ ၁၂း၃၀ တဲ့ ။ ပြသနာပဲ ။ စိတ်ရှူပ်လာလို့  ဝါဝါကားလေးပဲ တားစီးမိလိုက်တယ် ။ ဒီက Taxi တွေက အားလုံး အဝါရောင်တွေ ချည်းပါ ။ ဟဲဟဲ ၊ ကားဆရာ က ဟိုဝင်ဒီထွက် နဲ့ ပညာ ပြ လိုက်တာ ၁၂၅ ကျပ် ( ဒီက ၃၃ ကျပ်ဆို အစိမ်း ၁ ဒေါ်လာ ပေါ့ ) ကုန်သွားတော့ လိုရာအရပ်သို့  ဆိုက်ဆိုက်မြိုက်မြိုက် ရောက်သွားပါတယ်လေ ။ နောက်မှ သိရတာ က MRT ဆင်းတဲ့နေရာကနေ နောက်ဖက်ပြန်လျှောက် ပြီးကွေ့ လိုက်ရင် ၁၀ မိနစ်လောက်ပဲ လျှောက်ရပါတယ်တဲ့  ။ မီတာ တခါချိုးစရာတောင် မလိုပါဘူးးတဲ့  ။ ခံလိုက်ရတာ ၊ ထားပါတော့ အလကား ဝါးရမဲ့ အရေးဆိုတော့ လည်း တန်ပါတယ် ။ ကော်တရာ သူဌေး က တကာခံမှာဆိုတော့ မသွား မဖြစ် ၊ မသဒ္ဒါရေစာ ကို ရအောင် သွားဝါးရတော့ တာပေါ့ ။ ဆိုင် က အန်ဒါဂရောင်းမှာ ၊ ဂျပန် စာတွေပါပဲ ။
ရောက်ကာစက မစားရဲတဲ့ ငါးအစိမ်း ၊နောက်စားရင်းနဲ့ ဂျပန်စာ စားတိုင်း အများဆုံးစားဖြစ်တဲ့ အစာတခု ၊ ဂျပန်လိုတော့ ဘယ်လိုခေါ်လဲ မသိပါ ။ တရုပ်လို အခေါ်ကို ဗမာလိုရေးလိုက်တော့ စဲန်းယွီဖြဲန့် တဲ့  ။ ဝါဆားမိ နဲ့ တို့ စား ။ ပူရှိန်းရှိန်းပူစပ်စပ်ကြီး ။ ဒါကို အရသာခံပြီးစားကြတယ်တဲ့  ။ ဒီလူတွေတော့ ရယ်စရာပဲ
လွယ်လွယ်ခေါ်ရရင် ကြက်ဥပေါင်းပါဘဲ ။ ငံကျိကျိ နဲ့ ။အထဲမှာ ကြက်သားတုံးသေးသေးလေးတွေနဲ့ abalone ပါတယ် ။ မဆိုးပါဘူး။
တန်ပူရာ ၊ တွေ့ တဲ့ အတိုင်း ..ပုစွန် ကို ဆန်အလုံးသေးသေးနဲ့ ကပ်ပြီးကြော်ထားတာ ။ ပြီးတော့ ခရမ်းသီး၊ ပိန်းဥ ၊မျောက်ဥ (ဟိ..ဘာလို့ အဲ့လိုခေါ်တာလဲမသိ ..မျောက် က ဥတတ်လို့ လားနော် ) ၊မှို ၊ ကညွှတ် တွေကို ကြော်ထားတာ ။တို့ စားရတဲ့ ဆားက လည်း အစိမ်းရောင်ကြီး ။ Green Tea salt တဲ့  ။ ဘာမှ မကွာပါဘူး ။ဆား ဆိုတာ အားလုံးငံတာချည်းပါဘဲ။
ရေညှိအလိပ် ။အထဲမှာ ငါးဥ ၊ အရွက်တွေ ။ ဂဏာန်းသား နဲနဲ ။ ဗိုက်ထဲသာဝင်သွားတယ် ။ ဘာရွက်တွေလဲ သိဘူး ။
ဂဏန်းလက်မအသား၊မှို ၊အာတာလွတ်ဥ ၊မုန်လာပွင့် ၊ ချိုငံကြီး ။ စားလို့ တော့ ကောင်းသား ။
ပဲပြားအပျော့ ၊ ဘယ်လိုကြော်ထားလဲ မသိ ။ အပြင်က အခွံကြွပ်ကြွပ်ရွရွ ။ အထဲကတော့ ပျော့စိစိ ။ ရေညှိခြောက် အချပ်ကို အမျှင်တွေဖြစ်အောင်ညှပ်ထားတာ ဆံပင်မွှေး လိုလိုပါပဲ ။
ကောက်ညှင်းပေါင်း နဲ့တူတာပဲ ။ငါးဥကြီးက နဲနဲ အငံဓါတ်နဲ့  အရည်လေးတွေပါတယ် ။ ဘာငါးဥလဲ မသိ ။ဈေးကြီးတယ် လို့ တော့ ပြောတာပဲ ။ ဟင်းရည်က မီဆော့ ထန်း .. ဂျပန်လိုတော့ မခေါ်တတ်ပါ ။ ပဲတမျိုး ပါ ။ပဲပြားလဲ ပါတာ ထုံးစံအတိုင်းပေါ့ ။ သိပ်မထူးခြားပါဘူး ။
ပွဲသိမ်းခါနီး အချိုတည်းစရာ ။ အသီးလေးကလဲ နဲနဲလေး ။ တတုံး ကို တလုပ်စာတောင် မရှိ ။ သစ်တော်သီး ၊ ပန်းသီး၊ Dragon fruit ဆိုတော့ နဂါးသီးခေါ်မလား ။ ရယ်စရာကြီး ။ သေချာကြည့်နော် ။ မဲမဲ တုံးလေး နှစ်တုံး က ဘာလဲ ။ မှန်းကြည့် ...... အစက တော့ မုန့်ကျွဲသဲ အောင်းမေ့နေတာ ။ ဟိဟိ
အနီးကပ်ရိုက်လိုက်သေးတယ် ။ မြင်ရလား မသိ ။ အပေါ်မှာ ဖြူးထားတဲ့  အမှုန့်လေးတွေ ။ သေချာကြည့်တာတောင် ဘာမှန်းမသိလို့  ဘေးက တယောက်ကို လှမ်းမေးရတယ် ။ တောကျတာလေ ။ နောက်တော့မှ သိတာ ။ ဟားဟား ရွှေမှုန့် လေးတွေ ဖြူးထားတာ တဲ့ ။ အောင်မလေး ။ အဆိပ်သင့်တော့ မလား သိဘူး ။ ကြံကြံဖန်ဖန် ရွှေ မှုန်စားတယ် ဆိုတာ ခုမှ မြင်ဖူးတာ ။ ခွီး ခွီး ...
နောက်ဆုံးပိတ် က ကော်ဖီပါ ။ တခွက်ချင်းစီ ကြိုနေတာ .... လူ အယောက် ၄၀ စာဆိုတော့ သူ့ ကိုသောက်ဖို့ အရေး နာရီဝက်ကျော် စောင့်လိုက်ရသေးတယ် ။ ဒီနေ့ အတွက် ကယ်လိုရီတွေ အတော်များသွားလို့  ညစာ မစားရဲတော့ပါ ။ နာရီဝက် တနာရီလောက်ပြေးရပါအုံးမယ်။
အလုပ်က ဘော်ဒါတွေ နဲ့ .. ကော်တရာ ဘော်ဇာက မေးစိပွတ်နေပြီ ။ ဘာတွေ အကြံထုတ်နေလဲ မသိ ။ မနက်ဖန် အလုပ်တက်ရင်တော့ အသားကုန်ခိုင်းတော့မယ် ထင်ပါရဲ့  ။
မစားရ ဝခမန်း မျက်စိနောက်စရာဖြစ်အောင် ပုံတွေ ပြထားပါတယ် ။ အာရုံနောက်သွားရင်တော့ တောင်းပန်ပါတယ် ။ နောက်ရက်တွေမှ ပဲ စာလေးပေလေး ရိုရိုသေသေ ရေးပါတော့မယ် ။ ခုတော့ ... ပေါ့ပေါ့ ပါးပါး ။ အချောင်ခိုလိုက်ဦးမယ် နော် ...
ဒီမနက် လဲ မိုးရွာ နေတာ မပြီးနိုင် ။ မိုးတိတ်အောင်စောင့် နေရင်းနဲ့ ညနေစောင်းရော ။ တောင်မတက်ရတာကြာလို့ အိမ်နားမှာရှိတဲ့  တောင်ကို သွားဖြစ်တယ် ။ခါတိုင်းဆို မနက်စောစော ထ၊ တောင်ပေါ်တက် ။ ပြီးရင် ဗမာတန်းဝင်ပြီး မနက်စာ စားပေါ့။
ဒီနေ့ တော့ ညနေစောင်းမှ တက်ရတာ ။ တခုတော့ကောင်းတယ် ။ မိုးအုံ့ နေတော့ နေပူ မထိုးတော့ အရေပြားကင်ဆာ ဖြစ်ဖို့  နဲနဲ သက်သာ သွားတာပေ့ါလေ။ ဒီနေရာလေးမှာ စီးတော် ယာဉ်လေးရပ် ။တောင်ခြေပေါ့နော် ။
ကြောင်ဆိုရင် မကြိုက်ပါဘူးဆို မှ ဒီကြောင်တကောင်ကလာနှောက်ယှက်နေသေးတယ်
မိုးရွာထားလို့  လှေခါးထစ်တွေ ချော စိစိ နဲ့ .. သိပ်မဟန်ပါဘူး
ဒါကြောင့် ကားလမ်းမ ဘေးကနေဘဲ တက်ဖြစ်တယ်။
ဒီလိုတက်ရတာ ပိုကောင်းပါတယ် ။ လမ်းရှည် ပေမဲ့
ပိုပြေတယ်
လမ်းမှာတွေ့ တဲ့ အကောင်လေးတွေ ဘဲငန်းလေးတွေ
အော်အောင်စ လို့ ရတယ် ။
ဒီနေ့ တော့ စိတ်ထဲ အတော်လေး ထွေနေတာနဲ့ သူတို့ ကို ပါ စိတ်တိုအောင်လုပ်လိုက်မိတယ်။
သခင်က တိုင်မှာချည်ခဲ့ ပြီး
ဘယ်လျှောက်သွားနေမှန်းမသိ။
သခင်ပြန်လာမှ သူလည်း ချည်တိုင်က လွတ်ရမှာ ။
ခွေးဆို တာ သစ္စာ ရှိကြတယ် ။
ပေးထားတဲ့  တာဝန်အရ သူလည်း နေရ ရှာတာဘဲ။
ဒါကတော့ တောင်အလယ်တဝက်လောက်မှာရှိတဲ့  ဘုရားကျောင်းတခု။
ကျယ်ပါတယ်
ဘုရား ဆိုပေမဲ့  ဗုဒ္ဒ ဆင်းတု တဆူဘဲ တွေ့ တာ။
ကျန်တာတွေ ကတော့ နတ်တွေ ၊ မယ်တော်တွေ များပါတယ်
တမျိုးတော့ တမျိုးဘဲ ။ဆင်းတု တော်က အတော်လေးကြီးပါတယ်
ဒီကျောင်းကြီးရဲ့ ဘေးမှာရှိတဲ့ လမ်းလျှောက်တန်းလေးက ဒီလို အနှိပ်ခံလို့ရတယ် တဲ့
ခြေထောက်ရဲ့ ဘယ်နေရာ ကို နှိပ်ရင် ဘာရောဂါ အတွက် ကောင်းတယ်ပေါ့လေ။
ဒါပေမဲ့  အဲဒီ ကျောက်စရစ် တုံးတွေ ပေါ် ဖိနပ် မပါဘဲ လျှောက်ရတာ ။
ကျင့် သား မရသေးတဲ့ သူ တွေ အတွက်တော့ အတော်လေး နာပါတယ်
ခြေဖဝါးတော် နုနုတွေ အတွက်တော့ အော်နေရမှာ သေချာတယ် .
ကိုယ်လည်း အားကျမခံ စမ်းလျှောက် ကြည့်တာ .. ၁လှမ်း ..နဲနဲလေးနာတယ်
၂လှမ်း ပိုနာတယ် ။ ၃ လှမ်း များများ နာလို့  တော်ပါပြီ ။
ကိုယ့် အသား ကိုယ် အနာမခံ တော့ဘူး လို့  ဆုံးဖြတ်လိုက်တယ် ။
တွေ့ လား ။။ အဲဒီ လူကြီးကတော့ လျှောက်နေလိုက်တာ ။ သူ့ ခြေထောက် မဟုတ်တဲ့  အတိုင်းဘဲ ။
လမ်းဘေး မှာ ဘာကောင်တွေလည်းတော့ မသိပါဘူး ။
ပေါက်ကရ ငှက် လိုလို ။ ဂဠုန် လိုလို ၊ ကလေးတွေ ကတော့ ကြိုက်မယ်ထင်တယ်
ဒီနေရာထိ ကားမောင်းတက်လို့ ရပါတယ် ။ ဒီနေ့  အခါကြီး ရက်ကြီး မဟုတ်လို့  တောင်ပေါ် လာတဲ့ သူတွေ နဲ နေတာ ။ကားရပ်ဖို့  ၊ ဆိုင်ကယ်ရပ်ဖို့  နေရာလွတ်တွေ အများကြီး ကျန်နေတယ်။
အန်လော်တေမှ ကုန်းကုန်းကြီး ခမျာ မတော့ နေပူ မိုးရွာ လဲ ဒီအတိုင်းဘဲ ရပ်နေရရှာတာ ။
ဒါကတော့ ကျုံး ဟိုမြို့ လေး တပိုင်းတစ မြင်နေရတယ်ပေါ့
မိုးတွေ အတော်လေးအုံ့  နေလို့  ထိုင်ပေမြို့  ကိုတော့ မမြင်ရဘုး
ဒီလို လှေခါးထစ်တွေ မြန်မြန်တက်မှ ဗိုက်ပူတဲ့ သူတွေ ၊ အဆီချတာ အသုံးကျတယ်တဲ့မြန်မြန်တက်တော့ မြန်မြန် အမောဆို့ တာတော့ သေချာတယ်
မိုးတွေအုံ့ ပြီး ချမ်းနေတာ တောင် ချွေးတွေ အတော်ရွှဲ နေကြ ပြီ ။
အင်း .အခု တောင်အပေါ်ဆုံးက ဘုရားကျောင်းရောက်ပြီ ။
ဒီနေ့  ဒီအချိန်မျိုးမှာ ဘုရားဖူး တောင်တက်သူတွေ နဲ မယ်ထင်ထားတာ
သိပ်တော့ မနဲ လှပါဘုး
ဘုရားနဲနဲ ရှစ်ခိုးပြီး ဆုတွေ များများ တောင်းနေကြတာ ။။
ဒီနေရာလေးကတော့ ဘုရားကျောင်းနောက်ဖက်ကနေ
အပေါ်ဆက်တက် ရင် သိပ်မဝေးပါဘူး ။ ဒါပေမဲ့ အမြဲ လူရှင်းနေတတ်တယ်။ဒါကြောင့် ကိုယ်တောင်ပေါ်တက်တိုင်း သွားထိုင်နေကျ နေရာလေး။
အလွမ်းသီချင်းလေး နားထောင်ရင်း ရှုခင်းလေးတွေ အပေါ်စီးက ကြည့်ရတာ မွေးရပ်ဌာနေ ကို လွမ်းလို့ကောင်းတယ်
ဘေးမှာဘယ်သူမှ မရှိ စိတ်ထဲ ရှိတာတွေ အကျယ်ကြီးအော်ပြီး ပြောချင်တာပြော လို့ ရတယ်
ပြီးတော့ တယောက်သောသူ ကို သတိရတိုင်း လွမ်းတိုင်း ဒီနေရာလေးမှာ ထိုင်နေကျ ။
ကပ်သီး ကပ်သပ် လက်တန်းပေါ်တက်ထိုင်ရတာ ။ အိပ်တော့ မငိုက်ရဲ ပါဘူး။ အောက်ပြုတ်ကျရင် မြင်ချင် တွေ့ ချင်တဲ့ အရာတွေ ၊ မတွေ့ ရတော့မှာ စိုးလို့  အသက်ကလေးကိုတော့ ရှည်အောင် နေရအုံးမယ်လေ
စိတ်ဖြေရာ နေရာလေးတခုပါ ။
Subscribe to:
Posts (Atom)
