Showing posts with label my feelings. Show all posts
Showing posts with label my feelings. Show all posts
30 com
အေးချမ်းတဲ့ အမေ့အိမ် ။ ဝေးတနေရာက အမေ့အိမ် ။ အရာအားလုံး အဆင်ပြေ ၊ ပူပင်ကြောင့်ကျ ကင်းရှင်းစွာ နဲ့  ငြိမ်းချမ်းစွာ နေခဲ့  ရတဲ့ အမေ့အိမ် ။ ဝေးဝေးနေမှ တမ်းတ နေမိတဲ့ အမေ့အိမ် ။ အားငယ်စိတ်တွေ ၊ အဆင်မပြေ မှုတွေ တွေ့ ကြုံ ရ တော့မှ အားကိုးတကြီး မျှော်လင့် ခြင်းများစွာ နဲ့  အပြေး ပြန်လာချင်တဲ့ အမေ့အိမ် ။ တနေ့ နေ့ တော့ ပြန်ရမယ် လို့  အားတင်းပြီး ကျရောက်လာသမျှ ဒုက္ခတွေကို ခါးစည်းခံကာ ရှေ့ ဆက်လျှောက်ဖို့  အားအင်သစ်တွေ ပေးခဲ့တဲ့ အမေ့အိမ် ။ အမေ့အိမ်သို့  ပြန်ရတော့မည် ။ ဒီတော့ ဒီနေရာ မှာ ကိုယ့်ချစ်သူကို ထားခဲ့ရပါတော့မည် ။
( ဤစာပိုဒ်လေးအား ဖတ်နေစဉ် သီချင်းဖွင့်နားထောင်နိုင်ပါသည် ။ ချစ်သူအတွက် ကိုယ့်အကြိုက် သီချင်းလေးတပုဒ် ထားခဲ့ပေးပါသည် ။ ဖိုင်းယားဖေါက်စ် နဲ့ ဒီပို့ စ် ဖွင့်မှ အဆင်ပြေမည် ထင်ပါသည် )
အချိန်တန်တော့ အိမ်ပြန်ရမှာပေါ့ ဆိုတဲ့ စကား လက်ကိုင်ထားပြီး ၊ တရွေ့ ရွေ့ ကုန်ဆုံးနေတဲ့ ပစ္စုပ္ပန် အချိန်များမှာ ရုန်းရင်းကန်ရင်းနဲ့ ပဲ အတိတ်ကို အရိပ်တွေလို ချန်ထားခဲ့ရပေပြီ ။ ၊ ဘဝ ဒုက္ခဝဲဂယက်ထဲ အချိန်အတော်ကြာအောင် တဝဲလည်လည် နဲ့  ပေါ်ချည် မြှုတ်ချည် လူးလာဆန်ခတ်ကူးခတ်နေရခြင်းမှာ ခြေကုန်လက်ပန်းလည်းကျ ၊ စိတ် ရော ကိုယ်မှာပါ ဒါဏ်ရာဗလပွ နဲ့  ၊အောင့် သက် ကို မြှင်းမြှင်းရှူပါလို့  အိမ်အပြန်လမ်းကို လျှောက်လှမ်းရပါတော့မည် ။
လူ့ စိတ် ဆိုသည်မှာလည်း ခက်လှပါဘိ ။ ရတာ မလို ၊ လိုတာ မရ ။ခုလိုအိမ် ပြန်ရတော့မည် ဆိုတော့လည်း နောက်ဆံတငင်ငင် ဖြစ်မိရပါသေးသည်မို့  ကိုယ့်ကိုယ်ကိုယ်ပင် အားမလို အားမရ နှင့် စမ်းစစ်မိလိုက်ပါသည်။သည်တော့လည်း ကိုယ့်ချစ်သူ သူ့ အကြောင်းကို ချန်လှပ်ထား၍ မဖြစ်တော့ပြီ ။
တကိုယ်တည်းအနေကြာလာခဲ့ပြီဖြစ်တဲ့ ဤတိုင်းပြည်ဝယ် ရောက်ကာစအချိန်မှာ လို အားငယ် စိတ်ပျက်ခြင်းများ အလွန်အကျွံမရှိခဲ့တော့သည်မှာ အမှန်ပင် ။နေ့ စဉ် လုပ်နေကြ လုပ်ငန်း တာဝန်များကို စက်ရုပ်တရုပ်သဖွယ် လုပ်ကိုင်နေကြရသော ဤပတ်ဝန်းကျင်မှ လူအများ နည်းတူ ၊ ပုံမှန် အလုပ်တက်ဆင်း ရင်းဖြင့် ကိုယ့် အချိန်များကို ကုန်လွန်စေခဲ့ရသည် ။ စနေ တနင်္ဂနွေ လို အားလပ်ရက်များတွေမှာ မိတ်ဆွေ အပေါင်းအသင်းအနည်းငယ်နှင့် ဟိုဟို သည်သည် သွားလာ လည်ပတ်ရင်း ၊ စားသောက်ကြရင်း ၊ ဖြင့်လည်း ပျော်ရွှင်ဘွယ်ရာ အချိန်များ ဖန်တီးဖြစ်ခဲ့ကြသည် ။ သူ တို့  လူမျိုး များ၏ စကားပုံ အဆိုအရ “ ပျော်လျှက်နဲ့ လည်း ဒီတရက်ကို ဖြတ်သန်းရတယ် ။ ဝမ်းနည်းလျှက် နဲ့လည်း ဒီတရက်ကို ဖြတ်သန်းရတာမို့  ဒီအချိန်တွေကို ပျော်ရွှင်စွာ နဲ့ ပဲ ဖြတ်သန်းကြပါစို့ ” ဆိုကြသည်။
လူဆိုသည်မှာ ငြီးငွေ့ လွယ်သော သတ္တဝါ တမျိုး ဟု ကိုယ်ယူဆထားခဲ့သည် ။ အကြောင်းမှာတော့ တိုးတက်ပြီးသော နိုင်ငံ အတော်များများမှာ ရုပ်ဝတ္တု ပစ္စည်းများ အဟောသိကံ ဖြစ်လေ့ရှိကြသည် ။ ယနေ့ မှာ အသစ်ဖြစ် ၊ အသစ်ထွက်ရှိသော ပစ္စည်း တခု မှာ မနက်ဖြန် အတွက် အဟောင်းတခု အနေနဲ့  ရှိကြရတော့မည်မှာ မလွဲဧကန်ဖြစ်ပေသည် ။ သို့  အတွက် အသစ် အသစ်တို့ နောက် လိုက်နေရင်းဖြင့် လိုက်၍ မမှီဖြစ်နေကြရသည်မှာ လည်း မထူးဆန်းသည့် သဘောတရားပင် ဖြစ်ပေသည် ။ ကြာလာတော့ ခြေကုန်လက်ပန်းကျရင်းဖြင့် စိတ်ပျက်မိတတ် ပေတော့သည် ။ ဤအရာများသည် ကိုယ့်အတွက် မရှိမဖြစ်လိုအပ်ချက်များမဟုတ် ဆိုသည်ကို နားလည်လာမိသည်။
ဒီလို အချိန်မှာ အပေါင်းအသင်းတချို့ ၏ မိတ်ဆက် ပေးမှုဖြင့် သူ နှင့် စတင် သိကျွမ်းခဲ့ရပေသည် ။၂၀၀၇ ခုနှစ်ရဲ့  ဧပြီလ အတွင်းတွင် ဖြစ်ပါသည် ။ စစချင်းတော့ သူ့ ကို ဘယ်လို မှ ခင်မင် ပေါင်းသင်း မိလို့  မရ ။ ရင်းနှီးမှု မရှိသေးသဖြင့် ခပ်တန်းတန်း မေးထူးခေါ်ပြော အဆင့်မှာ ပင် အတန်ကြာနေမိခဲ့သည်လေ ။ သူကလည်း မာနကြီး တခွဲသားနှင့် မို့  တခါတရံတွင် တယောက်နှင့်တယောက် ပြောဆိုနေရင်းဖြင့် အခန့် မသင့် ၊စိတ်ဆိုး စိတ်တို မိသည့် အကြိမ်ပေါင်းလည်း မနည်းတော့ပါ ၊ သူကလည်း သူပေပဲ ။ မကြာခဏ ဆိုသလို မျက်နှာ အပြောင်းအလဲ မြန်လွန်းလှသည် ။ အရောင်အမျိ်ုးမျိုးဆိုးတတ်သည် ။ ပေါင်းသင်းဆက်ဆံရေးမှာလည်း ကိုယ့်ထက်သာလွန်သဖြင့် ချစ်သူ ခင်သူပေါလှသည် ။ ရောက်ရာ အရပ်မှာ သူငယ်ချင်း အပေါင်းအသင်း ဖွဲ့ တတ်သည်။ မာကြောင်း သာကြောင်း များ အပြင် အလ္လာပ သလ္လာပ များ လည်း ပြောမဆုံးပေါင် တော့ သုံးထောင် မို့  ၊ သူ့ မျက်နှာမှာ အမြဲ တက်ကြွ လန်းဆန်း နေခဲ့ သည် ။
ဒီလို နဲ့ မေ့မေ့ပျောက်ပျောက် အချိန်နဲ့တင် တနှစ်ကျော်မျှကြာသွားခဲ့သည် ။တကယ့်ကို တစိမ်းပြင်ပြင် နေခဲ့ကြသည် ။တရက်မှာတော့ အလုပ် ထဲမှ အဆင် မပြေမှု တွေကြောင့် ကိုယ့်စိတ်တွေ အတော်လေး ထွေနေခဲ့ရာမှ မိတ်ဆွေတယောက်အိမ် အသွားမှာ သူ့ ကို အမှတ်မထင် ပြန်ဆုံတွေ့ ခဲ့မိသည် ။မှတ်မှတ်ရရ (၂၀၀၈ အောက်တိုဘာလ ၃၀ ရက် ) နေ့ မှာ ဖြစ်ပါသည် ။ သူ့ မျက်နှာ ကို ကိုယ်စာဖတ်ကြည့်တော့ သူ့  စိတ်သဘောထား မဆိုးလှကြောင်း ထင်မိလေသည် ။ ဒီလို နဲ့ သူတလှည့်  ကိုယ်တလှည့် အပြန်အလှန် စကားဖလှယ် မိကြသည် ၊ ရယ်စရာ များ အကြောင်း ပြောမိလျှင်လည်း သူကလေးတယောက်လို့  အားရပါးရ တဟားဟား ရယ်တတ်လေသည်၊ သူ့ အပျော်အား ကိုယ့်အပေါ်ကူးစက်စေသည် ။ ထိုအချိန်မှာ ကိုယ်တယောက်သူရဲ့  အေး မြ နေတဲ့ မျက်နှာကြည်ပပ လေးကို ငေးကြည့်နေမိတတ်သည်။ အလွမ်း အဆွေးကြိုက်သောကိုယ်တယောက် စာတိုပေစ အလွမ်းစာ ကဗျာတွေ၊ အနှောက်အသွားမလွတ်သော စာတွေ မတတ်တခေါက် ရေးစပ်နေရင်လည်း သူ မျက်လုံး ရီဝေဝေ နဲ့ ကိုယ့်မျက်နှာကို ငေးကြည့်ရင်း သက်ပြင်း မျှင်းမျှင်း ချတတ်လေသည်။
အလုပ်အားရက် များတွင် ခါတိုင်းလို အပြင်ထွက် ၊ ဈေးပတ် ၊ ပေါက်ကရ လျှောက်ဝယ်ခြင်းများ ပြုလုပ်လိုစိတ်အလျဉ်း မရှိတော့။ အာရုဏ်တက် မနက် မနက်ပေါင်းများစွာမှာ ကိုယ်နိုးထ ချိန်တိုင်း သူ့ ကို ဦးဆုံးသတိရမိသည်။ ပျော်ရွှင်စွာ ဖြင့် နှုတ်ဆက်လေ့ရှိသည်။ အချိန်ရလျှင် စကားဖေါင်ဖွဲ့ လေ့ရှိသည် ၊ ကိုယ့်အရေး သူ့  အရေး ၊အလ္လာပ သလ္လာပ မှ အစ လုမှုရေး ၊ တိုင်းရေးပြည်ရေး အဆုံး ရောက်တတ်ရာရာ ပြောဆိုရသည်မှာလည်း မမောနိုင် မပန်းနိုင် ၊ အတောမသတ်နိုင်သည် မို့  အလုပ်ချိန်နောက်ကျတတ်သည် များလည်း ရှိတတ်သေးသည် ။ ဒါကို ရိပ်မိလေသည်လားမသိ ၊ဤလို အချိန်မျိုးတွင် ချစ်သူက ကိုယ့်အတွက် ငဲ့ညှာပြီး မပြောမဆိုနှင့် စကားစ ဖြတ်သွားတတ်သည် ။ ကိုယ့်မှာတော့ သူ့ ကို တန်းတန်းစွဲ မခွဲနိုင် မခွာရက်မို့  ၊ဤသို့  တုံးတိတိ အဆက်ဖြတ်လိုက်သည့် နေ့ များတွင် လုပ်ငန်းခွင်ထဲ ထိ စိတ်အလိုမကျ ဖြစ်တတ်မိသေးသည် ။ ဪ .. သံယောဇဉ်တွယ်မိတော့ လည်း အတက်အကျ ၊ နိမ့်လိုက် မြင့်လိုက် ၊ ရင်ထဲ ဖိုလှိုက် ၊ အေးကနဲ ၊ နွေးကနဲ ဖြင့် ချားရဟတ်ကြီးစီးရသည့်  နှယ် ခံစားချက် မျိုးစုံကို တပြိုင်နက် ပေးနိုင်စွမ်းသော ကိုယ့်ချစ်သူ ပါတကား ။
ကိုယ်နဲ့ သူ ၊ တရားဝင်ချစ်သူတွေဖြစ်လာကြပြီးနောက် မိတ်ဆွေများသော ချစ်သူရဲ့ ကောင်းမှုဖြင့် ကိုယ့်အတွက် မိတ်ဆွေအပေါင်းအသင်းများ တိုးပွားလာခဲ့သည် ဆိုတာကိုတော့ ငြင်းဆိုမရ ။ ပျင်းရိဘွယ်ရာ ခြောက်သွေ့ လှသော ကိုယ့်ဘဝမှ သူ့ ကြောင့် စိုပြေသာယာ လာခဲ့ ရသည် ။ ထမင်းစားချိန် ရသမျှ အချိန်တိုလေး အတွင်းမှာ ပင် ၊ ချစ်သူ နှင့် မခွဲနိုင် မခွာရက် ၊ သူ့ မျက်နှာလေး ကို ကိုယ် အရိပ်တကြည့်ကြည့်နေလာခဲ့သည် ။ သူ့  အဝတ်အစား အပြင်အဆင် မှ အစ ၊ သူ နှင့် လိုက်ဖက်မည့် ဒီဇိုင်း ပုံစံသစ် အဆောင်အယောင် များကို ကိုယ်ဂရုတစိုက် ရွေးချယ်ဆင်မြန်း ပေးတတ်သည် ။ သူ့ အပေါင်းအသင်းများ အလည်တွင် သူ့ ကို မျက်နှာမငယ်စေချင်လှပါ ။ သူ့ မျက်နှာတော် ညှိုးနေလျှင် ကိုယ်မနေတတ် မထိုင်တတ် ဖြစ်ရသည် ။ ကိုယ့်ဘဝမှာ သူသာလျှင် အရေးကြီးဆုံး ဖြစ်မှန်းမသိ ဖြစ်လာပေတော့သည် ။ ဂဂျီဂဂျောင်ကျတတ်သော သူ့ အတွက် တခါတရံတွင် ကိုယ်စိတ်ပျက်မိသော်လည်း ချစ်လွန်း၍ အပြစ်မတင်မိပါလေ ။ ငယ်စဉ်ကတည်းက အိမ်သားများနှင့် အပေါင်းအသင်းများအပေါ်တွင် စိတ်မရှည်တတ်သော ကိုယ်တယောက် သူ နှင့်ကျမှ စိတ်ရှည်သည်မှာ နှစ်ပြန်မက ။ စကားအပြောအဆိုမှာလည်း အေးဆေးနူးညံ့လာခဲ့သည် ။ အချစ်သည် အရာရာကို ပြောင်းလဲနိုင်စွမ်းရှိပေတော့သည်။
ပျော်စရာ အချိန်လေးများသည် ရယ်ကာ မောကာ ပြုံးရွှင်စွာ ဖြင့် အကုန်လွယ်လွန်းလှပေသည်။ တွေ့ ကြုံ ဆုံကွဲ ဖြစ်မြဲ ဓမ္မတာ ဆိုသည့် သင်္ခါရတရားသဘောကို နားလည် ပေမင့် တမင်ဥပက္ခာပြုထား မိသည့် ကိုယ့်အား အချိန်တန်တော့ အိမ်ပြန်ဖို့  အချက်ပေးခေါင်းလောင်းသံ မြည်လာတော့သည် ။ မသိကျိုးကျွန်ပြုပြီး အိပ်ချင်ယောင်ဆောင်နေမိသေးသည် ။ ဒါပေမဲ့ ကျေးဇူးတရားကို သိတတ်နားလည်ဖို့ ရင်ထဲက အသိတရားတွေကတော့ နိုးကြားနေတော့ အိပ်ချင်ယောင်ဆောင်နေတဲ့ ကိုယ့်ကို နှိုးရ မခက် လှကြောင်း ကိုယ်တိုင် သိလိုက်မိသည် ။
မတတ်သာလို့  ခပ်ခွာခွာ နေရတော့ပေမဲ့ မုန်းလို့ တော့ မဟုတ်ဖူး ဆို တာ ကို ကိုယ့်ချစ်သူတယောက် နားလည်ပေးစေချင်ပါသည် ။ တခဏ ခွဲခွာရခြင်းလား သို့ မဟုတ် ထာဝရ ခွဲခွာရခြင်းလား ဆိုတာ ကိုယ်သေချာ မသိသေးပေမဲ့ ကိုယ် သူ့ ကို အသည်းထဲ ထိ စွဲမြဲစွာ ချစ်နေမည်ဆိုတာကိုတော့ သူတယောက် သိစေချင်ပါသည် ။ကိုယ့်ရဲ့ ပျင်းရိငြီးငွေ့ ဘွယ်ရာ အချိန်လေးများကို ပျော်ရွှင်ဘွယ်များအဖြစ် ပြုစား ပေးနိုင်ခဲ့သော ချစ်သူနှင့် သူ့  အပေါင်းအသင်းများ အားလုံး ကို ကိုယ့် တစ်သက်တာ ဘဝမှာ မေ့နိုင်လိမ့်မည် မဟုတ်ပါလေ ။ ကိုယ်နဲ့ အနေဝေးပြီး အထီးကျန်နေခဲ့မည့် ကိုယ့်ချစ်သူအား ကိုယ်တို့ ၏ အပေါင်းအသင်းများက ဆက်လက် အားပေး ဖေးကူပေးကြလိမ့်မည် ဟု မျှော်လင့် နေမိပါသည် ။
ကံမကုန်ကြသေးရင်တော့ တချိန်ချိန်မှာ ကိုယ်တို့  ပျော်ရွှင်စွာ ပြန်လည်တွေ့ ဆုံရဖို့  မျှော်လင့်ရင်းနဲ့ နှုတ်ဆက်ခဲ့ပါတယ် ချစ်သူရယ် ။
ကိုယ့်ချစ်သူ ... သူ့ အကြောင်း ကို သိလိုပါက အောက်ပါလိပ်စာ တွင် စုံစမ်းနိုင်ပါသည် ။ ချစ်မိတ်ဆွေ အပေါင်းအသင်းများကိုလည်း ထာဝရ ကျေးဇူးတင်နေပါသည် ။
စားဝတ်နေရေးအတွက် ၊ အသက်ရှင်နေထိုင်ဖို့  အတွက် ၊ အရွယ်ရောက်သူတိုင်း အလုပ်လုပ်ကြရတယ် ။( နိူင်ငံတချို့့မှာ အရွယ်မရောက် ၊လူလားမမြောက်သေးတဲ့ အရွယ်တွေမှာ အခြေအနေအရ ရရာ အလုပ်လုပ်ပြီး အသက်ဆက်နေရသူများ၊ မတရား စေခိုင်းတာ ခံနေရသူများလည်း အများကြီး ရှိနေပါတယ် ) ။ အလုပ်မလုပ်ပဲ သူများမျက်ခုန်းပေါ်စင်္ကြန်လျှောက်နေကြသူ လူ့ ဗာလံ များလည်း တပုံကြီးပေါ့ ။သူတပါး မျက်ရည်ကျစေပြီး ကိုယ့်အကျိုးကိုသာကြည့်သူများ ကို တော့ စာရင်းထဲ ထည့် မပြောလိုတော့ပါ ။ ဒီအရပ်ဒေသမှာ ကိုယ့်အလုပ် ကိုယ်လုပ်ပြီး ကိုယ့်ဘဝ ကိုယ်ဖန်တီးနေကြသူ သာမန် လူတွေ နဲ့  သာမန်မိသားစုတွေရဲ့  အားလပ်ရက် နဲ့ အားလပ်ချိန်တွေ ၊ ဘယ်လို အသုံးချကြသလည်း ဆိုတာ မြင်မိ တွေ့ မိ သလောက် အမှတ်တရ အနေနဲ့ မှတ်တမ်းတင် ထားခြင်လို့  ဒီစာစု ကို ရေးပါတယ်။
ဒီဘက်နှစ် အနည်းငယ်မှာ ဒီနိူင်ငံမှာလည်း စီးပွားရေးကျဆင်းတာကြောင့် အရင်လို ဝယ်နိုင် သုံးနိုင် ခရီးထွက် လည်ပတ်နိုင်မှု တွေ အနည်းငယ်တော့ ကျဆင်းသွားပါတယ် ။ ဒါပေမဲ့ ဆင် ပိန် ကျွဲ ဆိုသလို ဒီမှာ ကျွဲတွေ တော်တော် များများ ရှိနေကြပါသေးတယ် ။ ကျန်းမာရေး စောင့်ရှောက်မှု နဲ့ ပညာရေး ပံ့ပိုးပေးမှု တွေကတော့ လျှော့ဈေးမရှိ အရင်လိုပဲ ဆက်လက်တည်ရှိနေပါတယ် ။ ကျန်းမာရေး အာမခံကြေးတွေ တိုးပြီးကောက်ခံပြီး ဝန်ဆောင်မှု ကျဆင်းသွားတာမျိုးတော့ မရှိတဲ့ အတွက် နေသာပါသေးတယ် ။
ပြီးခဲ့တဲ့ တပါတ် နဲ့  ဒီနေ့  တနင်္ဂနွေ အားလပ်ရက်တွေ မှာ ရောက်ခဲ့ တဲ့ နေရာ နဲ့  အကြောင်းအရာ လေးတွေ ...စိတ်ဝင်စား တယ်ဆိုရင်တော့ ဆက်လက်ကြည့်တော်မူကြပါ ။
ရေပူထွက်တဲ့ နေရာ ။ Yang Maing တောင် ပေါ် သွားတဲ့ လမ်းခရီးမှာ ရှိတယ် ။ အဲ့ ဒီ နေ့ က မိုးအုံ့  နေတော့ ခရီးသွားရတာ ကောင်းပါတယ် ။ အန္တရာယ်ရှိမှာစိုး လို့  အနီးထိတော့ ဆင်းလို့ မရပါ ။ ဒီနိုင်ငံ က တောင်တွေ ထူထပ်ပြီး မီးတောင် နဲ့ ငလျင်ကြောတွေ ရှိတဲ့ အတွက် သဘာဝ ဘေးအန္တရာယ်တွေ မကြာခဏ ရှိတတ်ပါတယ် ။ ဒါပေမဲ့ မင်းဆိုး မင်းညစ် အန္တရာယ်မရှိတဲ့ အတွက်တော့ ခံသာပါသေးတယ် ။
ကြားဖြတ်သတင်းလေးတပုဒ် တင်ပြချင်ပါတယ် ။ ပြီးခဲ့တဲ့ တနင်္ဂနွေ ( ၂၇.၄.၂၀၁၀) နေ့ လည် ၂ နာရီ အချိန် ဒီနိုင်ငံရဲ့  မြောက်ဖက်ပိုင်း ဟိုင်းဝေး လမ်းမကြီး တခု ၊ တောင်ကို ဖြတ်ဖေါက်ထားတဲ့ လှိုင်ခေါင်း ထဲမှာ တောင်ပြိုကျသွားတဲ့ အတွက် ကား၃ စီးပိတ်မိပြီး ၊ လူ ၄ ယောက် သေဆုံးခဲ့ပါတယ်။ ရုတ်တရက်မို့  စစချင်းတော့ ကားနဲ့ လူဘယ်လောက် မြေပြို ပိနေမှန်း မသိရပေမဲ့ လမ်းမကြီးပေါ်မှာတပ်ထားတဲ့ ဗီဒီယိုကင်မရာတွေ အရ အထဲမှာ ပိတ်မိနေတဲ့ ကားအစီးအရေအတွက်ကို နာရီပိုင်းအတွင်းတွက်ချက်နိုင်ခဲ့ပြီး ကယ်ဆယ်ရေးအဖွဲ့ တွေ နဲ့ နေ့ ရောညပါ အပူတပြင်း တူးဖေါ်ရှာဖွေခဲ့ကြပါတယ် ။ သမ္မတ မာယင်းကျို (Mah Ying Jio) နဲ့ ကုန်းလမ်းပို့ ဆောင်ဆက်သွယ်ရေး ဝန်ကြီးတို့  လည်း အချင်းဖြစ်တဲ့ နေရာကို ရောက်လာပြီး အခြေအနေ ကို ကြည့်တယ် ။ သူ့  အပိုင်း နဲ့ သူ သက်ဆိုင်ရာ အဖွဲ့ တွေ ချက်ချင်း အရေးပေါ် ကယ်ဆယ်ရေး လုပ်ကြတယ် ။ ပိတ်နေတဲ့ ကျောက်တောင်ကို ဖေါက်ပြီး ခေတ်မီကရိယာတွေ အကူ အညီနဲ့ ပိတ်မိနေတဲ့ ကား နဲ့ လူတွေကို ရှာဖွေကြတယ် ။ နောက်တရက်မှာ ရစ်ခ်ျတာစကေး ၆.၂ ရှိတဲ့ ငလျင်လှုပ်ပေမဲ့ ကယ်ဆယ်ရေး သမားတွေ မနားပဲ မိုးရေထဲမှာဆက်လက်ရှာကြတယ်။ စစ်သားတွေရော ဆောက်လုပ်ရေး လုပ်သားတွေရော မနားတမ်း တူးဖေါ်ရှာဖွေခဲ့ တာတောင် ၄ ရက် မြောက်မှ ကား ၃ စီး နဲ့ လူ ၄ ယောက် ကို ဖေါ်နိူင်ခဲ့ပါတယ် ။ အဲ့ဒီ အတွက် နိုင်ငံတော်က သေဆုံး သူ များကို လျော်ကြေး သန်းပေါင်းများစွာ ပေးရမယ် ဖြစ်ပါတယ် ။လောလောဆယ်တော့ နာရေးအတွက် သေသူတဦးဆီကို ထိုင်ဝမ်ဒေါ်လာ ၁ သန်း( အစိမ်း ၃သောင်းကျော်) စီပေးပါတယ် ။ ( အကျွန်ုပ်တို့ နိုင်ငံကြီးမှာ ဒီလို လမ်းမကြီးတွေ မရှိတာပဲ တော်ပါသေးတယ် ၊ လို့ ဖြေတွေးလေး တွေးမိပါတယ် )
ပင်လယ်ထဲက ကျွန်းတကျွန်း ဖြစ်တဲ့ အတွက် ကျွန်းတပတ် ပတ်လိုက်ရင် ဘယ်ဘက်ကနေ သွားသွား ပင်လယ်ကို ရောက်ပါတယ် ။ ငါးမျှားသူတွေ လည်း နေရာ အနှံ့ပါပဲ ။ မုန်တိုင်းကျတဲ့ အချိန်မျိုးမှာတောင် ငါးထွက်များသူများ ၊ရေလွှာလျှောစီး ကြသူများ ရှိကြလို့  လှိုင်းပုတ်ပြီး ပင်လယ်ထဲ မျောပါသွားသူများ အသက်ဆုံးရသူများလည်း မနည်းပါဘူး ။
ဒီအတွက် အန္တရာယ် ရှိတတ်တဲ့ အချိန် နဲ့ နေရာတွေ မှာ ငါးမမျှားရ ။ရေ မကူးရ သတ်မှတ်ချက်တွေ ထားပြီး စည်းကမ်း ဖေါက်သူတွေကို အရေးယူပါတယ် ဒါဏ်ငွေရိုက်ပါတယ် ။ ဘာလို့ဆိုတော့ ဒီစည်းကမ်းဖေါက်ပြီး အသက်အန္တရာယ်ကျရောက်လာရင် ပင်လယ်ထဲ ကျသွား မျောသွားရင် လိုက်လံ ကယ်ဆယ်ပေးရတဲ့ စရိတ်က အင်မတန်များတဲ့ အတွက် လူတွေ စည်းကမ်းလိုက်နာအောင် တင်းကြပ်ထားရပါတယ် ။
ပင်လယ်ကမ်းစပ် လမ်းဘေးကော်ဖီဆိုင်တွေ မှာ အေးဆေးစွာ အနားယူနေကြသူများလည်းရှိပါတယ် ။ ကော်ဖီသောက်ခြင်း အလေ့အထက ခု ဒီဘက်ဆယ်စုနှစ်လောက်မှာ မှ ပိုများလာကြတာပါ ။ အရင်တုံးကတော့ မနက်စာကို ဆန်ပြုတ် ခေါက်ဆွဲပြုတ်တွေလောက်သာ စားသုံးကြသူ ဒီနိုင်ငံသားအများစုဟာ ခုဆိုရင် အနောက်တိုင်း အလေ့အကျင့်တွေ နဲ့ စားသောက်ကြတာလည်း များလာပါပြီ ။ ဒီလိုသာ မပြောင်းလဲလာဘူးဆိုရင် ဆန်ပြုတ်မုန်းသူ အကျွန်ုပ် လည်း ဒီနိုင်ငံမှာ သက်ဆိုးရှည်နေနိုင်မယ် မထင်မိပါဘူး ။
ပင်လယ်က အပြန် ကမ်းစပ်လမ်းတလျှောက်မှာ ရှိတဲ့ ပိတောက်ကြီး တဲ့ ။ ပိတောက် ရွှေဝါ နဲ့ အရောင် တော့ ကွာတယ် ။ ပြီးတော့ ဘယ်သူကမှ လည်း တခုတ်တရ ပန်ဆင်တာ မရှိကြဘူး ။ လမ်းဘေးသစ်ပင် အနေနဲ့ပဲ အပွင့်တွေ ကြွေကြရတယ် ။ ဘယ်လိုပဲ ပြောပြော ကိုယ့်ပြည် ကိုယ့်ရွာက ပိတောက် ရွှေဝါ က ပိုလှ သလိုပဲ ။
အားနေတဲ့ အချိန်မှာ ကစားတာကို အားကစားလို့  ခေါ်ရမလားပဲ ။ ဒီကလေး လေးတွေ ဒီလိုအရွယ်လေးကတည်းက တခုခုကို အားကစားလုပ်ဖို့  ပျိုးထောင်ပေးကြတာ အတုယူစရာကောင်းပါတယ် ။ ရှပ်နီ နဲ့ အတန်းကြီးတဲ့ အကိုကြီး တွေက ရှပ်ဝါ အတန်းငယ်လေးတွေ ကို ပြန်ပြီး သင်ကြားလေ့ကျင့်ပေးကြတယ် ။ သူ့ အဖွဲ့ လေးတွေ နဲ့ သူ ၊ လေ့ကျင့်ရင်း ကစားနေကြတာ ပျော်စရာ ပါပဲ ။ မိဘတွေက လိုက်ပို့ပေးပြီး ထိုင်စောင့်ပေါ့ ။
မကြီးမငယ် ဒီလူကြီးကတော့ အလေ့အကျင့်မရှိသေးတော့ ချော်လဲ တာပါပဲ ။ လူကြီးရှက်တော့ ရယ်တယ် ဆိုတာ တကယ်ပါ ။ ဒီတော့ ပညာတခုဟာ အလေ့အကျင့် နဲ့သာဆိုင်ပါတယ် ။ ကြီးတာငယ်တာ နဲ့ မဆိုင်ဘူးပေါ့ ။
အားကစား လိုက်စားတဲ့ ကျောင်းသား အများအပြားလည်း ညဖက် ထိ အားကစားကွင်းထဲမှာ ဘတ်စကက်ဘော ကစားခြင်း၊ ပြေးခြင်း စတဲ့ လေ့ကျင့်ခန်းများ လုပ်ကြပါတယ် ။ ရိုးရိုးသာမန် နေ့ရက်တိုင်းမှာ ရှိပြီး၊ အောင်ဆန်းကွင်းမှာ ဘောလုံးပြိုင်ပွဲတွေ ရှိမှ ထွန်းလေ့ရှိတဲ့ ဆလိုက်မီးကြီးတွေကို ညတိုင်းထွန်းထားပေးပါတယ် ။ ကျွန်းနိုင်ငံလေးမို့  ရေအားလျှပ်စစ် ထုတ်ပေးနိုင်လောက်တဲ့ ရေတံခွန်ကြီးတွေ မရှိပေမဲ့ ၊ အနုမြူ ဓါတ်ပေါင်းဖိုကြီးတွေ ရှိနေလို့ ၊ တကျွန်းလုံးကို ၂၄ နာရီ မီးထိန်ထိန်ညီးအောင် လျှပ်စစ်မီးတွေ ပေးထားနိုင်ပါတယ် ။ လွန်ခဲ့တဲ့ ၁၀ နှစ်လောက်က ၉၂၁ နေ့ ရက်မှာ ရစ်ခ်ျတာ စကေး ၈.၂ ရှိတဲ့ ငလျှင်ကြီး အကြီးအကျယ် လှုပ်သွားလို့ ဓါတ်တိုင်ကြီး တွေ ပြိုလဲသွားတဲ့  အချိန် တနိုင်ငံလုံး လျှပ်စစ်မီး ပြတ်တောက်သွား ခဲ့ ရတာ ကလွဲလို့  ၊ မီးမပျက် တတ်ပါဘူး ။
ဘာအခါကြီးရက်ကြီးမှ မဟုတ်ပါဘူး ။ညတိုင်း ဒီလိုပဲ မီးတွေထ်ိန်လင်းနေတယ် ။ဒီဇင်ဘာ ၃၁ ရက်နေ့ ည၊ နှစ်ကူး လို အခါမျိုးဆို ပိုစည်တယ် ။ ဒီညတော့ ၊ည ၁၂ နာရီထိုးခါနီး လူတွေတော့ နဲနဲရှင်းနေပြီ ။ အဲ့လိုအချိန်မှ အေးအေးဆေးဆေး လမ်းလျှောက် ။ ဘာမှ စိုးရိမ်စရာ မရှိပါ ။(လွန်ခဲ့တဲ့နှစ်ထိ ကမ္ဘာ့  အမြင့်ဆုံးလို့  စံချိန်တင်ထားနိုင်ခဲ့ တဲ့ ၁၀၁ ထပ်တိုက် အဆောက်အဦး နားမှာ ပါ )
ကိုယ့်ပြည် ကိုယ့်ရွာမှာ လည်း အိမ်တိုင်း၊ အရပ်တိုင်း၊ မြို့ တိုင်း၊ ရွာတိုင်းမှာ မီးမှန် ရေမှန်စေချင်ပါတယ်။ ခုဆို နွေရာသီ ခေါင်ခေါင် ပူလောင်အိုက်စပ်နေတာ မို့  ရွှေပြည်ကြီးမှာ အညာ( မုံရွာ) အဲကွန်း လေးများ နဲ့ ကြံဖန်ပြီး အပူသက်သာအောင် နေရတယ် ဆိုတဲ့ အကြောင်း သိလိုက်ရလို့  ဝမ်းနည်းမိတယ် ။ အပူရှပ်လို့ အသက်ဘေး ဖြစ်ကြသူများ လည်း ရှိနေတယ်ဆိုလို့  စိတ်မကောင်းဖြစ်မိတယ် ။
ဒွေးဒေါ်လွမ်းတာ မဟုတ်ပေမဲ့ ၊ ဘာအကြောင်းတွေပဲ ရေးရေး၊ ရေးမိရေးရာ နဲ့  နောက်ဆုံးတော့လည်း ဒီဘူတာပဲ ဆိုက်တာပဲ ။
ကျုပ်ကတော့ အသက်လည်းကြီးလာပါပြီ ။ ဘဝနေဝင်ချိန်ရောက်တော့မှာ ဆိုတော့ နောက်ဘဝအတွက်ပါမဲ့  ကုသိုလ်ကောင်းမှု များလည်း ဆက်လုပ်နေခဲ့ တယ် ။ဒီကောင်တွေကတော့ ဆက်ပြီး မိုက်လုံးကြီး နေတော့တာ ။တရားမရှိသေးဘူး တဲ့ ဗျာ ။တနေ့  ထမင်း ၃ နပ်ပဲ စားကြတာ ။ ဘယ်လောက်မှလည်းပိုမစားနိုင်ကြပါဘူး ။ တဝမ်းတခါး ဝရင် တော်ပြီပေါ့ ။ ထမင်းနပ်မှန်အောင် မစားရတဲ့  သူတွေ ကျုပ်တို့ ပြည်မှာ ဘယ်လောက်ရှိနေ ကြလည်း ၊ လူတွေ ဘယ်လောက် ငတ်နေကြလည်း ဆိုတာ တွေ ဘာလို့များ မတွေးမိတာလည်း ဗျ ။ဘယ်သူသေသေ ငတေမာ ပြီးရော ဆိုတဲ့ကောင်တွေကြောင့် ကျုပ်တို့ စစ်သားတွေ သိက္ခာကျ ရတယ် ။ အရွံ အမုန်းခံကြရတယ်။ ငခုံးမတကောင်ကြောင့် တလှေလုံးပုပ်ကြရတယ် ဗျာ ။
စစ်သား ဆိုလို့  လူတွေ ကြားရုံ နဲ့ ၊ မြင်ယုံနဲ့ တင် အော့နှလုံးနာ ကုန်ကြပြီ ၊ အရင် က တပ် နဲ့  ပြည်သူ တွေကြားမှာ ရှိခဲ့ ကြတဲ့ လေးစားမှု ၊အားကိုးမှု ဆိုတာတွေလည်း ရှာ မတွေ့ နိုင်တော့ဘူး ။ ကျုပ်ဘဝ ခုနေချိန်မှာ အမြင်ချင်ဆုံးအရာ က အဲ့ဒီ ဟာတွေ ပျောက်ပျက်စေချင်တာ ပါဘဲ ။ အရင်လို တပ်နှင့် ပြည်သူ လွန်ကြည်ဖြူ ဆိုတာတွေ ပြန်ဖြစ်လာနိုင်လိမ့်မယ်လို့ မျှော်လင့်နေတယ်ဗျ ။
၁၉၉၅ စက်တင်ဘာလ ၂၂ ရက်နေ့  ။
ဒီနေ့ ကိုတော့ ကျုပ်တသက် လုံး မမေ့နိုင်တော့ပါဘူး ။ အဲဒီနေ့ မတိုင်ခင်ရက်တွေ ကျုပ် အတော်လေး ပင်ပန်းခဲ့ရတာဗျ ၊၊မထွက်ဖြစ်တာ အတော်ကြာ ခဲ့ပြီ ဖြစ်တဲ့  နိုင်ငံခြား ဆိုတာ ကို ထွက်ဖို့  ၊ နှစ်အတော်ကြာ ကွဲကွာနေတဲ့  ကျုပ်သမီးလေးဆီ သွားတွေ့ ဖို့  နိုင်ငံကူးလက်မှတ်ကိစ္စတွေ လိုက်လုပ်နေရတာ စိတ်ရော လူရော အတော်မောပါ့ ။ ကျုပ်ဆိုတဲ့ကောင်ကလည်း ခက်တာဘဲ ။ မိန်းမက ပြောပါတယ် ။ ပွဲစားလက်ထဲ အပ်လိုက်ပါတဲ့  ။ ပိုက်ဆံ နဲနဲ ပိုပေးလိုက်ရင် ဒီလောက် မပင်ပန်းဖူးပေါ့တဲ့  ။ ကိုယ်တိုင်လုပ်နိုင်ရဲ့  သား နဲ့  ဒီလို အပိုတွေ ကုန်မဲ့ ကိစ္စ ဆို နှမြောတယ် ဆိုတော့ ကိုယ်တိုင်ဘဲ အစ အဆုံးလိုက်လုပ်တာ ။ လဖက်ရည်ဘိုး နေရင်းထိုင်ရင်း တောင်းတဲ့ ကောင်မျိုး နဲ့ တွေ့ တော့ စိတ်တို ရသေးတယ် ။ ဒီစာရွက်လိုလို့ ၊ ဟိုထောက်ခံစာ လိုလို့ နဲ့ တနေရာတည်း ကိစ္စတခုတည်းကို အခေါက်ခေါက် အခါခါ ပြေးရသေးတယ် ။ တန်းစီ ရ၊ စောင့်ရ နဲ့ ဘဲ မြန်မာပြည်က လူတွေ ရဲ့  တန်ဖိုး ရှိတဲ့ အချိန်တွေ ကုန်ခဲ့ကြရတာပေါ့ ။ ဒီလို နဲ့ဘဲ နောက်ဆုံးတော့လည်း ပတ်စ်ပို့ ဆိုတာကြီး ကျုပ်လက်ထဲ ရတဲ့ နေ့ ပေါ့ ဗျ ။
ကျုပ်အတော်ကျေနပ်မိတယ် ။ ပင်ပန်းခံရကျိုးနပ်တယ်ပေါ့ဗျာ ။ ဘာလို့ လည်းဆိုတော့ ကျုပ်ရဲ့ ပြောမနာဆိုမနာ ဘဝတူ သူငယ်ချင်း တပ်ထွက် က ပြောဖူးတယ် ။" ဟေ့ကောင် မင်းပတ်စ်ပို့ က လျှောက်လို့  ကျလာမှာ မဟုတ်ဖူး ။ပင်ပန်းခံပြီးလုပ်မနေနဲ့ကွ " တဲ့ ။ သူပြောတာလည်း ဟုတ်ပါတယ် ။ ကျုပ်တို့ လို ရာဇဝင်ရှိတဲ့ကောင်တွေ ထွက်ဖို့ ကိစ္စက တကယ် မလွယ်တာ ဗျိုး ။ ဒါပေမဲ့  ဘယ်လိုက ဘယ်လို ဖြစ်တယ် မသိပါဘူး ။ ကျုပ်ကဘဲ ကံကောင်းချင်တာလား ၊ ကံဆိုးချင်တာလား ။ ကျုပ်ကိုယ်တိုင် လည်း မသိမိခဲ့ဘူး ။
ဒါနဲ့  ကျုပ်သူငယ်ချင်းကို ဒီအကြောင်း ပြောဖို့  ထွက်လာခဲ့တယ် ။ နေကလည်းပူပါ့ ။ ပြောချင်နေတော့လည်း နေပူတာလည်းဂရုမစိုက် ။ ကျုပ်မိန်းမက ပြောပါသေးတယ် ။ ရှင် အသက်လည်းကြီးပြီ ၊ ဒီနေ့ တနေ့ လုံး ပင်ပန်းလာတာ ခဏတဖြုတ် နားအုံး ၊ နေစောင်းမှ သွားပေါ့ ဆိုတာလည်း နားမထောင်ခဲ့ ဘူး ။ ဓါတ်ဆီချွေတာရေး အတွက် ဆိုင်ကယ်စုတ်လေး နဲ့ အိမ်က တခါ ထပ်ထွက်ခဲ့တယ် ။ မွန်းတဲ့ချိန်ကျော်လို့  ၃ နာရီ ခွဲနေပြီ ။ နေကတော့ အတော်ရှိန်နေသေးတာ ။ မနက်တည်းက ခေါင်းနဲနဲ ကိုက်နေတာ လည်း ဂရုမစိုက်အားဖူးဗျ ။ ကျုပ်က နှလုံးရောဂါ အခံရှိနေတာ ခုတလော ဆေးကို မှန်မှန် မသောက်ဖြစ်ဖူး ။ဆရာဝန်ကတော့ ပြောပါတယ် ။ ဆေးလိပ်ဖြတ်ဖို့  ။ အဆီ ၊ အငံတွေ မစားဖို့  ။ ဒါကြောင့် အိမ်မှာ ပေါ့ရွှတ်ရွှတ်တွေ ချက်ပေးတာ မကြိုက်တာနဲ့ မနေ့ က ဒီကိစ္စတွေလုပ်ရင်း မိန်းမ မသိအောင် အပြင်မှာ ဝက်ခြေထောက်စွတ်ပြုတ် သောက်လိုက်သေးတယ်။ ။ အဲဒီ အရှိန်တွေလား မပြောတတ်ဖူးဗျ ။ ဆိုင်ကယ်စီးရင် လမ်းတဝက် ကျတော့ ရင်ထဲ ကြပ်တပ်တပ် ၊ အသက်ရှူ မဝတော့ဘူး ။ ချွေးစေးတွေ ပြန်ပြီး ခေါင်းတွေ မူးလာလိုက်တာဗျ ။ အသက်ပြင်းပြင်းရှုလိုက်ရင် သက်သာမယ်ထင်လို့  ဆိုင်ကယ်ကို လမ်းဘေး ခဏထိုးရပ်လိုက် တယ် ။ ရင်ဘတ်ထဲ အတော်လေး နာလာတာဗျ ၊ ဒီလမ်းက သွားနေကျဆိုတော့ ရပ်လိုက်တဲ့နေရာ က ဆိုက်ကားဆရာ တချို့ နဲ့လည်း မျက်မှန်းတမ်း မိနေတယ် လေ ။ အဲဒီမှာ ရှိနေတဲ့ ဆိုက်ကားဆရာ လူရွယ်တယောက် က လှမ်းမေးလိုက် တာ တဝက်တပျက် ကြားမိလိုက်ပြီး .......တလောကလုံး အမှောင်ကျသွားတော့တာဘဲ ။ သတိလက်လွတ် မဖြစ်ခင် နောက်ဆုံး မြင်လိုက်ရတာတော့ ကျုပ်ရဲ့  သမီးအငယ်ဆုံးလေး ၊ ပြီးတော့ .... ဒီ မို က ရေ စီ ...........
ကျုပ် အိပ်မက် မက်နေသလားဗျ ။ တကိုယ်လုံးတော့ ပေါ့ပေါ့ ပါးပါး ဘဲ ။မြင်ကွင်းတွေကတော့ သိပ်မကြည်လင် လှဘုး ။ ကျုပ်ကို ဆိုက်ကားဆရာလေးက ပွေ့ ချီပြီး အနီးမှာ ရှိနေတဲ့  ရဲစခန်းဆီ ခေါ်သွားပေးတယ် ။သူကလည်းစေတနာ နဲ့ ပေါ့ဗျာ ။ လမ်းဘေးမှာ လဲကျနေတဲ့သူတယောက် အတွက် အလျင်အမြန်လာခေါ်ပေးမဲ့  အရေးပေါ်ကား ဆိုတာ မှ မရှိတဲ့ တိုင်းပြည်ကိုး ။ ရဲစခန်းရောက်တော့ ဟိုမေး ဒီမေးပေါ့ ။ဆိုက်ကားဆရာ က ကျုပ်ကို ဘယ်သိမတုံးဗျ ။ဒီလို နဲ့ ကျုပ်အိတ်ထဲ ပါလာတဲ့ ယာဉ်မောင်းလိုင်စင်နဲ့ ဖုံးနံပတ်ရေးထားတဲ့ စာရွက်ပိုင်းလေး တွေ့ တော့ အိမ်ကို ဖုံးဆက်တယ် ။ဖုံးတွေ ကလည်း သိကြတဲ့ အတိုင်း ချက်ချင်းမရကြတာ တွေက ခပ်များများ ။ နောက်တော့ အငှားကားတစီး နဲ့  ကျုပ်ကို ရန်ကုန်ပြည်သူ့ ဆေးရုံကြီး ပို့ ခဲ့ကြတယ် ။
ဆေးရုံရောက်တော့ ကျုပ်မိန်းမက အရင်ရောက်နှင့်နေပြီ ။သူ အတော် စိတ်ပူနေရှာတယ် ။ သူ့ ဆရာဝန်ကြီးနဲ့ အရေးပေါ်ခန်းက ဆရာမတွေလည်း ကျုပ်တွေ့ နေကြ ဆိုတော့ လှမ်းနှုတ်ဆက်လိုက်သေးတယ်ဗျ ။ ဒါပေမဲ့ သူတို့ ကျုပ်ကို စကားပြန်ပြောဖို့  အချိန်မရကြပါဘုး ၊သွေးပေါင်ချိန်တဲ့သူတွေနဲ့ ၊ အောက်စီဂျင်ဗူးတွေနဲ့ ၊ ဆေးပုလင်းချိတ်တဲ့သူတွေနဲ့၊အသက်ကယ်ဆေး ထိုးတဲ့ သူတွေ နဲ့ မအားကြဘုးလေ ၊ DOA လို့ တော့ ပြောနေသံတွေကြားတာဘဲ ။ ဘာလဲတော့ ကျုပ်လဲ နားမလည်လို့ ၊ စပ်စုတဲ့ ကျုပ်က မိန်းမ ကို လှမ်းမေးမိသေးတယ် ။ သူပဲ မကြားတာ လား မပြောတတ်ပါဘုး ။ ကျုပ် ကို ဘာမှ ပြန်မဖြေဘုး ။ သူ့ စကားနားမထောင်ဘဲ အပြင်ထပ်ထွက်လို့  ကျုပ်ကို စိတ်ဆိုး နေတာ များလား ။ နောက်တော့ အီးစီဂျီ နှလုံးစက်နဲ့ ရင်ဘတ်မှာသွယ် ။ ပြီးတော့ ရှော့တ်ရိုက်ကြ သေးတယ်ဗျ ။ ကျုပ်မှာတော့ မချိမဆန့် နဲ့ ပါဗျာ ။
ကျုပ်သမီးကြီးကတော့ ငိုနေတာ တွေ့ ပါရဲ့  ။ ဒီလိုနဲ့  အချိန် တစ်နာရီကျော်လောက် ဆရာဝန်၊ ဆရာမတွေ အလုပ်ရှုပ်သွားလိုက်ကြတာ အားတောင်နာမိသေး ။ ကျုပ်မိန်းမ ကတော့ မျက်ရည်တစက်မှ မကျတာ ၊တယ်စိတ်မာတဲ့ မိန်းမဘဲ လို့ တောင် စိတ်ဆိုးမိသေး ။နောက်မှ ပြန်စဉ်းစားမိပါတယ် ။ သူ တယောက်တည်းနဲ့  ကျန်ခဲ့တဲ့ သားသမီးတွေ တာဝန်ဆက်ယူဖို့  အားတင်းထားလိုက်ရမှန်း သဘောပေါက် တော့တယ် ။
အအေးကြောက်တဲ့  ကျုပ်ဗျာ ။အဝတ်မပါ ဗလာကျင်းပြီး အေးစက်စက် နေရာမှာ ကျုပ်ကိုထားလို့ နောက်တရက်ကျ ဟိုခွဲ ဒီခွဲ လုပ်ကြသေးတယ် ။ ထူးဆန်းတယ်ဗျ ။ ကျုပ်လေ ဘာထုံဆေး မေ့ဆေးမှ မပါဘဲ ခွဲ စိပ်ခံရတာ ၊ တချက်မှ ကို မနာမိဘူး ။ ပြီးတော့ ဦးခေါင်းရယ် ၊ ရင်ခေါင်းကနေ ဗိုက်ထိ တတောင်လောက်ရှည်တဲ့ ဒါဏ်ရာတွေ ပြန်ချုပ်ပြီး ပို့ ပေးလိုက်တဲ့နေရာကတော့ ဆေးရုံထဲက လူနာခန်း မဟုတ်ပါဘုး ။ကျုပ် အမေ နေ တဲ့ နေရာ မှာ ရှိတဲ့  အအေးခန်း၊ ဗီဒိုလို အကန့် လိုက်တွေဗျ ။ တခြား အဖေါ်တွေလည်း ရှိပါတယ် ။ ကျုပ်လည်း ဦးဆုံးတော့ စပ်စု အုံးမလို့ ပါဘဲ ။ နောက်မှ စဉ်းစားမိတာ ကျုပ်ဒီနေရာမှာ လာဇိမ်ကျ နေတော့ ကျုပ်ကားစုတ် တွေ ဘယ်သူ နို့ ညှစ်ပေး မလည်း ပေါ့ ။ ကျုပ်ဆိုင်ကယ်စုတ်လေး ကိုလည်း စိတ်မချ ဘူး ။ဒါကြောင့် အပြေးတပိုင်း အိမ်ပြန်လာတယ်ဗျာ ။
အိမ်ရောက်တော့ လူတွေ အတော်များများ ရောက်နေကြတယ် ။ ကျုပ်မိတ်ဆွေ သူငယ်ချင်းကြီးတွေ ၊ ကျုပ်ဆွေမျိုးတွေ ။ ဒီ ၃ ရက် အတွင်း ကျုပ်မိန်းမ မျက်နှာ တော်တော်ချောင်သွားလိုက်တာဗျာ ။ နယ်က သူ့  အမျိုး တွေလည်း ရောက်နေကြပါလား ။ ၅ရက်ထားမယ်လို့ တော့ ပြောသံကြားနေရတယ် ။ ကျုပ်မေးတော့လည်း ဘယ်သူမှ ဂရုတစိုက် ပြန်မဖြေကြဘုးဗျ ။ ကျုပ်ရဲ့ ခြံထိပ်မှာ ဟိုတကောင် ယောင်လည်လည် လုပ်ပြီး စောင့်နေတာ လည်း တွေ့ ခဲ့တယ် ။ သူတို့ ခမြာ မလည်း ဟို အိမ်ပေါက် ချောင်းလိုက် ။ ဒီ အိမ်ဝ စောင့်လိုက် ၊ သတင်းတွေ ပို့ လိုက်နဲ့  အထက်ကခိုင်းတာ လုပ်နေကြရှာတာပါ ။။သူ့ ဆန်စား ရဲမှ ဆိုတဲ့ စကား ကြောင့် ထင်ပါရဲ့  ။ အပေါ်စီးက နေတဲ့ သူတွေ ကလည်း ဘာကိုကြောက်နေကြတာလဲ မပြော တတ်ဖူးဗျို့  ။ အမြင့်ရောက်လေ အကျနာလေ ဆိုတာ သိလို့  ကြောက်ကန်ကန်နေကြရရှာတာ ။ ရွှေဘုံပေါ်စံ နေကြရပေမဲ့  စားလည်းကြောက် ၊ သွားလည်းကြောက် ၊ ဒီလို ဘဝတွေလည်း တယ်မလွယ်လှဘုး ။
၅ ရက်မြောက်တဲ့ နေ့  ။ ကျုပ်အတွက် အေးချမ်းသက်သာစွာ နေရတော့မယ့် အချိန်ရောက်ခဲ့ ပြီပေါ့ဗျာ ။ ဘဝတလျှောက်လုံး နေခဲ့ရ လုပ်ခဲ့ရတာ တွေလည်း အတော်လေး ပင်ပန်းလှပါပြီလေ ။ ရှိခဲ့သမျှ သံယောဇဉ်တွေ အကုန်ဖြတ်ပြီး ကျုပ်တယောက်တည်း နေဖို့ ၊ ကျောတနေရာ စရာ ချဖို့ ၊ ကျုပ်အမေ နဲ့ မနီးမဝေး တနေရာလေး ကျုပ်ရခဲ့ပါပြီ ။ အဲဒီ အချိန်တုံးက စိတ်မကောင်း မိတာ တခု ပဲ ရှိပါတယ် ။ ကျုပ်မိန်းမ နဲ့ သားသမီးတွေ အတွက် စိတ်ပူ တာတော့ မဟုတ်ဘူး ဗျ ။ သူတို့ လမ်း သူတို့  ရှေ့ဆက်ပြီး မှန်မှန်ကန်ကန် လျှောက်ကြလိမ့်မယ် ဆိုတာ ကျုပ်ယုံ တယ် ။
ကျုပ်ဘဝရဲ့  နောက်ဆုံးချိန်ထိအောင် စိတ်မချနိုင်ဖြစ်နေခဲ့ ရတဲ့ သူတို့ ကိုသာ ကျုပ်လှမ်းကြည့်နေမိရင်း ကျုပ်မိန်းမ နောက်ဆုံး စကားသံ
" ကဲ .... ကျွန်မယောကျာင်္း တကယ်သေတယ် ဆိုတာ ယုံကြပြီလား။ ရှင်တို့ ကြည့်ပြီးရင် အခေါင်းပိတ် လို့ ရပြီလား " ။
ကြားလိုက်ရတဲ့ အချိန် မတော့ ကျုပ် ဘာဆက်ပြောလို့  ဘာဆက်လုပ်ရမှန်းတောင် မသိတော့ပါဘူး ။ နောင်ဘဝဆက်တိုင်း ဒီလို လူတွေနဲ့  မတွေ့ ပါရစေနဲ တော့ လို့ဘဲ....
ကျုပ်စိတ်ထဲ တိုးတိုးလေး ပြောနေမိတာ က "မိန်းမရေ ။ စိတ်လျှော့ကွာ ။ ငါမင်းကို တယောက်တည်း ထားခဲ့ ပြီး ကိုယ်လွတ်ရုန်း ခဲ့ ရတာ မင်းစိတ် မဆိုးပါနဲ့ ။ ငါတို့ လိုချင်နေတဲ့  ဒီမိုကရေစီ ရဖို့  ငါတို့ သားသမီး မြေးမြစ်တွေ ရှိနေသေးတယ် လေ"
ယုံကြရဲ့ လားဗျာ ။ အရှင်ထွက် ထွက်သွား မစိုးလို့  ကျုပ် အခေါင်းပိတ်၊ အလောင်းမြေကျတဲ့  အချိန်ထိ ဂရုတစိုက် လိုက်လံစောင့်ရှောက် ပေးနေကြတဲ့  မောင်မင်းကြီးသားများ ကျန်းမာ ချမ်းသာကြ ပါစေ ဗျား ။
( ချစ်သော အဖေ သို့  အမှတ် တရ )
ကျုပ်ဘဝအကြောင်းလေးတချို့  ပြောပြချင်တယ်ဗျာ ။ ကျုပ်က စစ်သားဆိုတော့ စိတ်ကြမ်း လူကြမ်းလို့ အများက ထင်ကြမယ် ။ထင်လောက်အောင်လည်းကျုပ်က နေခဲ့  ပြောခဲ့ တာကိုးဗျ ။ကျုပ်သမီးတွေတောင် ကျုပ်ကို အမြင် သိပ်ကြည်ကြတာ မဟုတ်ဘူး ။ ဘာဘဲ ဖြစ်ဖြစ်ပေါ့ ဗျာ ကျုပ်ကတော့ ကျုပ်တာဝန် ကျုပ်ကျေခဲ့တယ် စစ်သားတယောက်ရဲ့ ဘဝ မှာ စစ်ပွဲဆိုတာတွေလည်းနွှဲခဲ့ဖူး တာပေါ့ ။ကျုပ်နိုင်ငံကို ထိပါးမဲ့ ရန်သူနဲ့ တွေ့ ရင် ကျုပ်တိုင်းပြည်၊ ကျုပ်လူမျိုး အတွက် ခုခံခဲ့ရတယ် ။ အဲ့ဒီ အတွက် ရခဲ့တဲ့ ဆုလဒ်တွေကတော့ ကျုပ်ရဲ့ ညာဖက်ခေါင်း နဲ့ ခြေထောက်မှာ ထိခဲ့ရတဲ့ သေရာပါမဲ့ ဒါဏ်ရာ ဒါဏ်ချက်တွေ ပါဘဲ ။ ဒါတွေ အတွက် ကျုပ်ဝမ်းမနည်းပါဘူး ။ စစ်သားတယောက် စစ်မြေမှာ ဒါဏ်ရာ ရတာ အဆန်းမှ မဟုတ်တာဘဲဗျ ။
ဒီလို ကြမ်းကြမ်းတမ်းတမ်းနေခဲ့ရပေမဲ့ ကျုပ်မှာ ကြင်နာတတ်တဲ့ နှလုံးသားရှိပါသေးတယ်ဗျာ ။ ကျုပ်လက်အောက်က အရာရှိ အကြပ် တပ်သားတွေ အပေါ် ကျုပ်ဘယ်တုန်းက မှ အနိုင့်ထက်စီး မလုပ်ခဲ့ဘူး ။ သူတို့  အဆင်မပြေရင် ကျုပ် မရှိ ရှိတာ တတ်နိုင်သလောက် ပေးခဲ့တယ် ။ ကျုပ်လဲ ဒီလို ဘဝက တဆင့် တဆင့်တက်လာခဲ့တာ ၊စစ်သားပေါက်စ ဘဝကို ကျုပ် နားလည်တယ် ၊ ဒါပေမဲ့ ဗျာ ကျုပ်နားမလည်တာက ကျုပ်အထက်က အကောင်တွေဘဲ ။ ဘာကြောင့်မှန်းမသိ သူတို့ထဲက အချင်းချင်းလဲ သိပ် တဲ့ကြတာ မဟုတ်ဖူးဗျ ။
တပ်ထဲမှာ နေရင်၊သက်ဆိုးရှည်ချင်ရင် ဖ သုံးလုံး ကျေကြရတယ် ။အထက် ကကောင်ကို ဖါး ၊အောက်ကကောင်ကို ဖိ ၊တန်းတူတဲ့ကောင်ကို ဖြုတ် ဖို့ လုပ်ကြတဲ့ လောကကြီးဗျို့  ။ ဒီလို ကောင်မျိုးတွေ တနေ့  တခြား များလာတဲ့  ကျုပ်တို့  တပ်လောကကြီး ထဲမှာ ခပ်မှန်မှန်နေတဲ့ကောင်တွေက ဂျောင်ထိုးခံရတယ် ၊မှန်ရုံတင်မက သူတို့ နဲ့ လိုက်လျောညီထွေ မရှိတဲ့ကောင်တွေ ဆို ဖြုတ်ထုတ်သတ် လမ်းစဉ် ပေါ့ဗျာ ။
ဒီလိုနဲ့ဘဲ ဂျစ်ကန်ကန်လုပ်တတ်တဲ့ ကျုပ် စောစောစီးစီးဘဲ ကျုပ်ချစ်တဲ့ တပ်ကို လမ်းခွဲခဲ့ရတယ် ။ အဲဒီအချိန်ကျမှ လူ့ လောကကြီး တပ်လောကကြီး အကြောင်းကောင်းကောင်း နားလည် သဘောပေါက်လာခဲ့တယ် ။ ဒါပေမဲ့  ကျုပ်က နဂိုတည်းက ခေါင်းမာတဲ့ အကောင်ဘဲဗျ ။ ဝမ်းမနည်းခဲ့ပါဘူး ။ ။ တကယ့် မိတ်ဆွေရင်း ဆိုတာ အဲ့ဒီ အချိန်မှာ မှခွဲခြား သိမြင်ခဲ့ရတာပေါ့ ။ အရင် ကျုပ်ရာထူးရှိတဲ့အချိန်တွေမှာ လာနေကြတဲ့ အပေါင်းအသင်းတွေ ထဲက တော်တော်များများ ဟာ ကြက်ပျောက် ငှက်ပျောက် သလိုဘဲ ပျောက်ကုန်ကြတာ ဗျ ။ ကျုပ်ကတော့ ဘာမှ အာဂတ မထားခဲ့ပါဘူး ။ သူတို့ လည်း သူတို့ ရှေ့ ရေး သူတို့ ကြည့်ရမှာဘဲလေ ဆိုတဲ့ အမြင်နဲ့  မြင်ပေးလိုက်ပါတယ်ဗျာ ။
အဲဒီ အချိန်တုံးက တပ်ထွက် ပင်စင်စားတွေ အတွက် ကပစ ကနေပြီး ထုတ်ပေးတဲ့  ကားတွေ ရှိတယ်ဗျ။ ကျုပ်နဲ့ တပတ်ထဲဆင်းတဲ့  အကောင်ဆီက လက်မှတ် တခုပါရင် အဲဒီကားတွေ ထုတ်လို့ရတယ် ။ဒီတော့ ကျုပ်မိန်းမက ပြောပါသေးတယ်ဗျာ ။ "ကားပါမစ်လျှောက်လွှာ သွားယူပြီး ရှင့်သူငယ်ချင်းဆီမှာ လက်မှတ်သွားထိုးခိုင်းပါလား "တဲ့ ။ ကျုပ်ဆိုတဲ့ကောင်ကလည်း ခက်သားဗျ ။ အဲလို အောက်ကျ နောက်ကျ ခံချင်တဲ့ကောင်မဟုတ်တော့ ကျုပ်မိန်းမကို ပြောပစ်လိုက်တယ် ။ " မင်းဆီမှာ စီးစရာ ကားမရှိလို့ လားကွ၊နောက်ဆို ဒီလို အောက်ကျို့ ရမဲ့အလုပ်တွေ ဘယ်တော့မှ လာမလုပ်ခိုင်းနဲ့ "လို့  ။ဒါကလည်း ကျုပ်မိန်းမကို အပြစ်မဆိုသာပါဘူး ။ သိတယ်မဟုတ်လား ၊ကိုယ်ရသင့်တဲ့ အခွင့်အရေး တော့ ယူသင့်တယ်လို့  သူယူဆ တာ မမှားပါဘူး ။ ကျုပ်သမီး အကြီးဆုံးဆို တက္ကသိုလ်ကျောင်းသူကြီး ဖြစ်နေပြီဗျာ ။သူလည်း ကားသစ်လေး စီးချင်ရှာမပေါ့ ။ ကျုပ်ရာထူးရှိတုံးက ကျုပ်အတွက်ပေးထားတဲ့ တပ်ကကားဆိုတာတွေတောင် သူတို့ တခါမှ စီးဖူးခဲ့တာ မဟုတ်ဖူး ၊ ဘုရားစူးရပါစေရဲ့ဗျာ ။ သူတို့ဟာသူတို့ ကျောင်းကားစီး ခိုင်းခဲ့တာ ။တခါတလေ ဘတ်စ်ကား စီးခိုင်း တယ်ဗျာ ။ ဘာဖြစ်သေးလဲ ။
ဒီလိုနဲ့ ပင်စင်စားဘဝ ရောက်တော့ ကျုပ်ပျော်ပါတယ် ၊ကျုပ် ဘယ်သူ့ ကိုမှ အောက်ကျို့ စရာမလိုတော့ဘုး ။ ကျုပ် ဝါသနာပါတဲ့ ကားစုတ်တွေ နဲ့ ကျုပ်အချိန်ကုန်ခဲ့တယ်။သမီးတွေကို မုန့်ဟင်းခါးစားခိုင်းလိုက် ၊ကားစုတ်တွေ နဲ့ နို့ ညှစ်လိုက် ဟန်ကျနေတာ ။ အသေးစိတ်တော့ မပြောပြတော့ဘူုးဗျာ ။ ကျုပ်သမီး ဟို အလတ်မ က ဖေါက်သည်ချထား ပြီးသားတွေဘဲ ။
ဒီလိုနဲ့ ဖ သုံးလုံးကျေ တဲ့ အကောင်တွေကြောင့် လူတွေ တဖြေးဖြေး စားဝတ်နေရေး ကျပ်တည်းလာလိုက် တာဗျာ ။ ၈၈ ခုနှစ်ရောက်တော့ အားလုံးသိကြတဲ့ အတိုင်း တိုင်းပြည်ကြီး ကမောက်ကမ ဖြစ်ခဲ့ ရတယ် ။ အဲဒီအချိန် မှာ ကျုပ် မျက်စိရှေ့ မှာ ကိုယ်တိုင်တွေ့ လိုက်ရတဲ့  မြင်ကွင်းတွေကြောင့် စိတ်ကြမ်းလူကြမ်း ကြီး ကျုပ်တယောက် မျက်ရည်ကျခဲ့ ရတယ် ။ ဘဲ့ နှယ်ဗျာ ကျုပ်တသက်လုံး ချစ်မြတ်နိုးခဲ့ရတဲ့ စစ်တပ် နဲ့ ဒီစစ်သားတွေ က အပြစ်မဲ့တဲ့  ကိုယ့်ပြည်သူတွေ ကို ပြန်ပစ်သတ် ရက်ကျတယ် လို့  ။ကျုပ်တို့ ဗိုလ်ချုပ်တည်ထောင်ခဲ့တဲ့ ဗမာ့တပ်မတော် ဆိုတာ ကျုပ်တို့ ပြည်သူတွေကို ပြန်သတ်ဖို့ မဟုတ်ဘူးဗျ ။ကျုပ်ဆိုလိုတဲ့ ဗိုလ်ချုပ်ဆိုတာ ခင်ဗျားတို့ သိကြမှာပါ ။ခုခေတ်လို ချီးပေါ သေးပေါ ပေါနေတဲ့၊ ကိုယ့်ဟာကိုယ် ရင်ဘတ်တံဆိပ်အပြည့်ဆွဲထားကြတဲ့ ရူးကြောင်ကြောင်ကောင်တွေကို ပြောနေတာ မဟုတ်ဘူး ။ သူတို့ အချင်းချင်းလည်း ကွဲကြ ပြဲကြ နှိပ်လိုက်ကြနဲ့  ပြည်သူတွေ မှာ ကြားက မြေဇာပင်ဖြစ်ခဲ့ ရတယ် ။ဘာမှ နားမလည်သေးတဲ့ နယ်ကစစ်သားပေါက်စအရိုင်းလေးတွေကို ဦးနှောက်ဆေး ၊ စည်းရုံးသိမ်းသွင်းခဲ့ ကြတယ် ။ မသေရုံတမယ် ရာရှင်လေးပေးပြီး ရန်ကုန်မြို့ ကြီး သူပုန်ဝင်စီးလို့  စစ်ပွဲကြီးနွှဲပြီး ကယ်တင်ရတဲ့ အသွင်ဖန်တီးခဲ့ကြတယ် ။စိတ်ကြွဆေးတွေကျွေး၊ လူစိတ်ပျောက်အောင် လုပ်ခဲ့ကြပြီး ငြိမ်းငြိမ်းချမ်းချမ်း ဆန္ဒပြနေကြတဲ့ အပြစ်မဲ့ တဲ့ ပြည်သူ တွေကိုသတ်ခိုင်းခဲ့တယ် ၊
အဲဒီမှာ တချို့ တပ်တွေလည်း ပြည်သူ့ ဖက်က ရဲရဲကြီးရပ်တည်ခဲ့ ပါ့ဗျာ ။ ဒီမှာတင် တပ်ပြေးဆိုတာတွေ ဖြစ်လာကြရတာ ။ စစ်သား ဆိုတာ ဟာလည်း နှလုံးသား ရှိတဲ့ လူတွေဘဲဗျ ။ အာဏာရူး ၊ ဥစ္စာရူးတွေ ရှိသလို တကဲ့  ပြည်ချစ် စစ်သားတွေ ရှိကြပါတယ်ဗျာ ။ အာဏာရူးတတွေကြောင့် ကျုပ်မြတ်နိုးတဲ့  စစ်တပ်ဆိုတာကြီး က အမဲစက် စွန်းထင်းခဲ့ ရတယ် ။ စစ်သားဆိုတဲ့  အသံကြားရယုံနဲ့  လူတော်တော်များများက အော်ဂလီ ဆန် ခဲ့ကြရတယ် ။ စစ်သားထဲမှာလည်း ဘုရား တရား သံ ဃာကို ယုံကြည်ကိုးကွယ်ကြ သူတွေ ရှိပါတယ်ဗျာ ။ငခုံးမ တကောင်ကြောင့် တလှေလုံး ပုတ်ခဲ့ ရတဲ့  အဖြစ်တွေ ကျုပ်ရင်နာသလို သူတို့လည်းရင်နာမိသူတွေ ရှိမှာဘဲ ။ခင်ဗျားတို့ စဉ်းစားကြည့်ကြပါအုံး ။ လူတွေ တယောက်နဲ့ တယောက် ဘီလူး သူရဲ စီးသလိုမျိုး အကြောင်းမဲ့  ခေါင်းဖြတ်သတ်ခဲ့  ကြတာ ၊ အဆိပ်ခတ်သတ်ကြတာ ။ဒေါသထွက်အောင်လုပ်ကြတာ ဘယ်သူတွေ က သတင်းဖြန့် ၊ ခြေထိုး ၊ တပတ်လှည့် ခဲ့ ကြလို့လဲ ဆိုတာ ။ အဲဒီအချိန်တွေကများဆို ရန်ကုန် မြို့  ကြီးက တကဲ့  လူသတ်ကွင်းဘဲဗျို့ ။ စစ်ပွဲတွေ နွှဲလာခဲ့ တဲ့  ကျုပ်လို လူတောင် မကြည့်ရက်ဖူးဗျာ ။
ဒီနောက်ပိုင်း ရွေးကောက်ပွဲကြီးလုပ်ပေးပြီး တိုင်းပြည်ငြိမ်သက်တာနဲ့ စစ်တန်းလျှားကို ပြန်ပါ့မယ် ဆိုတာ မျိုးလည်း အရှက်မရှိ ပြောခဲ့သေးတယ်ဗျို့  ။ ဖ သုံးလုံးကျေကြတဲ့ စစ်ဗိုလ်များကတော့ နေ့ချင်းညချင်း ချမ်းသာလာကြသလောက် မှန်တဲ့ကောင်တွေက အကန်ခံခဲ့ ကြရတယ်။ ကျုပ် ကိုယ်ချင်းစာပါတယ် ။ တချို့ ဟာ စစ်သားပေမဲ့  စိတ်ထားကောင်းသူတွေ တပုံကြီး ရှိသေးတယ်ဆိုတာ လည်းနားလည်တယ် ။ ဗိုလ်အုန်းကျော်မြင့်လို စစ်သား မျိုး လည်း နောက်တကြိမ် ပေါ်လာအုံးမယ်လို့  ယုံကြည်ရင်း ဒီမိုကရေ စီ ဆိုတာကြီးကို မျှော်လင့်လာလိုက်တာဗျာ ....
( ဆက်ပါဦးမည် ...) အဖေ့ ရဲ့  လေသံနှင့် ခံစားချက်များကို မှတ်မိသလောက် အမှတ်တရ အဖြစ် စုစည်းထားခြင်းသာ ဖြစ်ပါသည် ။
Subscribe to:
Posts (Atom)
