24 com
အိုး မိုင်ဂေါက် မှာ လူလည်းဂေါက်တောက်တောက်ဖြစ်သွားခဲ့တယ် ။ စကားလုံးဆင်းရဲတဲ့ ဖွားကိ တယောက် မြန်မာဖြစ်ပြီး မြန်မာလို မခေါ်တတ်တဲ့ ရောဂါ အများ အပြား ရှိနေသေးတာကို သိလိုက်မိလို့  ၊ ကိုယ့်လိုပဲ မသိသူများကို ရုပ်တည်ကြီး နဲ့  ရွှီးရင်ကောင်းမလား လို့  စဉ်းစား နေမိသေးတယ် ။ သေချာတာ ကတော့ ဂေါက် နဲ့ လေးဘက်နာ မတူဘူး ဆိုတာပါပဲ ။ ခြေလက် လေးချောင်းသာ ရှိတဲ့ လူတွေမို့  လေးဘက်နာ လို့ ခေါ်ကြတဲ့ rheumatic fever ကို
ခြေထောက် အများကြီးရှိတဲ့ ကင်းခြေများမှာ သာဆိုရင် ဘယ်နှစ်ဘက်နာ လို့ များ ခေါ်ကြအုံးမယ် မသိပါဘူး ။ ထားပါတော့ လူတွေမှာ ဖြစ်တဲ့ လေးဘက်နာ အကြောင်းပဲ ပြောကြရအောင် ။
လေးဘက်နာ ၊ဘာလည်း။ ဘာကြောင့်ဖြစ် ။
ဆေးစကားအရ Rheumatic Fever လို့ ခေါ်တဲ့ လေးဘက်နာ ဟာ Group A Beta Hemolytic Streptococci (GABHS) လို့ ခေါ်တဲ့ ဘက်တီးရီးယား ပိုးတမျိုးကြောင့် ဖြစ် တာပါ ။ { ဂေါက် ကတော့ ယူရစ်အက်ဆစ် တက်လို့  ဖြစ်တာပါ } ။
ဘယ်သူတွေမှာဖြစ် ။
အသက်အရွယ် အလိုက်ပြောရရင် များသော အားဖြင့် အသက် ၄ နှစ်မှ ၁၈ နှစ်အတွင်း အဖြစ်များပါတယ် ။ ကျားမ မရွေး ဖြစ်နိုင်ပါတယ် ။ ( ဒီလိုဆိုတော့ ၄ နှစ်အောက် နဲ့ ၁၈ နှစ်အထက် မှာ မဖြစ်ဖူး လို့  မဆိုလိုပါ) ။
ဖွံ့ ဖြိုး ဆဲ နိုင်ငံ တွေမှာ အဖြစ်များတယ် ။ အဟာရချို့ တဲ့သူများ မှာ အဖြစ်များတယ် ။
ပုံ အရ မြန်မာ နဲ့ အိန္ဒိယ တို့ မှာ လေးဘက်နာနှလုံးရောဂါ ( Rheumatic heart disease ) ဖြစ်နှုန်း ဟာ လူ တစ်သိန်း မှာ ၂၀၀ မှ ၃၃၀ ထိရှိတဲ့ အတွက် ဒုတိယ အဖြစ်အများဆုံး ပါပဲ ။
ဘယ်လိုဖြစ် ။ ဘယ်လိုနာ ။
ဒီ Group A Beta Hemolytic Streptococci (GABHS) လို့ ခေါ်တဲ့ ဘက်တီးရီးယား ပိုးတမျိုးကြောင့် ဖြစ် တဲ့ ရောဂါတွေထဲမှာ
-အရိုးဆစ်များ ယောင်ယမ်းကိုက်ခဲခြင်း ( Polyarthritis ) - ၉၂ % ခန့် ရှိ
- နှလုံးအတွင်းအမြှေးယောင်ရမ်းခြင်း ( Bacterial endocarditis )- ၃၃ % ခန့်  ရှိ
- ကျောက်ကပ်ယောင်ရမ်းခြင်း (Glomerulonephritis)
- လေးဘက်နာ အဖျားရှိခြင်း ( Rheumatic fever )
- စကားလက် အဖျား ( Scarlet fever )
- လည်ချောင်းနာခြင်း၊အာသီးယောင်ခြင်း ( Sore throat /Strep throat ) စ သဖြင့် ရှိကြပါတယ် ။
နာတဲ့  အဆစ်တွေ ကတော့ ..ဒူး ။ ခြေကျင်းဝတ် ။ တံတောင်ဆစ် ၊ လက်ကောက်ဝတ်၊ စတဲ့  အဆစ်ကြီးတွေ မှာ များသော အားဖြင့် ယောင်ရမ်း နာကျင်စေတတ်တယ် ။ ပုခုံး ၊တင်ပဆုံ ၊ ကျောရိုးဆစ် ၊ လက်ချောင်းအဆစ်ငယ် တွေမှာလည်း တခါတရံ နာကျင်တတ်တယ် ။ အဆစ်ယောင်တဲ့ ထုံးစံအတိုင်း နာ ၊ နီကျင် ၊ယောင်ရမ်း ၊ အပူချိန်မြင့် တဲ့ လက္ခဏာ တွေ တွေ့ ရမှာ ဖြစ်တယ် ။
တချို့ မှာ ဒီဘက်တီးရီးယားပိုးဝင်လာပြီး ဘာလက္ခဏာမှ မပြပဲ လေးဘက်နာ ဖြစ်သွားတတ်တာမျိုးလည်း ရှိပါတယ်။
ဘယ်လိုရှာ ။
လေးဘက်နာ လို့  သတ်မှတ်နိုင်ဖို့  အောက်ပါ အချက်များ လိုပါတယ် ။ ဂျုံးစ်ရဲ့  မှတ်ကျောက်တင် သတ်မှတ်ချက် (Jones criteria ) ထဲမှ သတ်မှတ်ချက် အကြီး ၂ ချက် ( သို့ မဟုတ် ) သတ်မှတ်ချက် အကြီး ၁ ချက် နဲ့  အငယ် ၂ချက် ပြည့်စုံမှ လေးဘက်နာ လို့  ခေါ်နိုင်ပါတယ် ။ 2 major criteria (or ) 1 major + 2 minor criteria
Major criteria ( ၅ ချက် ထဲမှ ၂ ချက် ရှိရင် လေးဘက်နာ လို့ သတ်မှတ်နိုင်ပါတယ် )
(1) Migratory polyarthritis: ( ဒူး ။ ခြေကျင်းဝတ် ။ တံတောင်ဆစ် ၊ လက်ကောက်ဝတ်၊ စတဲ့  အဆစ်ကြီးတွေ လှည့်ပတ်ပြီး ယောင်ရမ်း နာကျင်တတ် ခြင်း)
(2) Carditis: ( နှလုံး ကြွက်သား နဲ့ အမြှေးပါးများ ယောင်ရမ်း ခြင်း)
(3) Subcutaneous nodules ( အရေပြားအောက်မှာ နာကျင်မှု မရှိသော အဖုများ ထွက်လာခြင်း ။ များသောအားဖြင့် လက်ကောက်ဝတ် တံတောင်ဆစ် ၊ ဒူးဆစ် အပြင်ဘက် အရေပြားပေါ်တွင် ထွက်လာတတ်သည်)
(4) Erythema marginatum: ( ခန္ဓာ ကိုယ် နှင့် ခြေလက် အတွင်းသား အရေပြားပေါ်တွင် ပန်းနုရောင် အကွက်များ ရှိခြင်း)
(5) Sydenham's chorea ( မျက်နှာနှင့်ခြေလက်ရှိကြွက်သားများ အထိန်းအချုပ်မဲ့ တွန့် လိမ် လှုပ်ရှားခြင်း)
Minor criteria ( ဒီ အောက်က အချက် ၂ ချက် နဲ့ အထက် က ၁ ချက် ရှိရင်လည်း လေးဘက်နာ လို့ ဆိုနိုင်ပါတယ် )
(1) - Fever (ကိုယ်ပူချိန်တက်ခြင်း ၊အဖျားရှိခြင်း)
(2)- Arthralgia: Joint pain without swelling ( ကြီးမားမှု မရှိပဲ အဆစ် နာခြင်း )
(3)- Raised Erythrocyte sedimentation rate or C reactive protein ( ESR သို့ မဟုတ် CRP တက်နေခြင်း)
(4)- Leukocytosis ( သွေးဖြူဥ အရေအတွက် များနေခြင်း)
(5)- ECG showing features of heart block, such as a prolonged PR interval. ( အီးစီဂျီ ပုံ မမှန်ခြင်း ..အသေးစိတ် မဖေါ်ပြတော့ပါ )
(6)- Supporting evidence of Streptococcal infection: elevated or rising Antistreptolysin O titre ( ASO တက်နေခြင်း )
(7) -Previous episode of rheumatic fever or inactive heart disease ( ယခင်က လေးဘက်နာဖြစ်ဖူးခြင်း /နှလုံးရောဂါ မထင်မရှား ရှိခြင်း )
တချို့ မှာ ရင်ဘတ်အောင့်ခြင်း၊ ဗိုက်အောင့်ခြင်း ။နှလုံးခုန်မြန်ခြင်း၊အသက်ရှု ခက်ခြင်း၊ မောပန်းခြင်း၊ နှာခေါင်းသွေးယိုခြင်း စသဖြင့်လည်း ခံစားရတတ်ပါတယ် ။
အများကြားဘူး နေကြ (ASO) ဆိုတာကို စစ်ကြည့်ရင် လေးဘက်နာ ရှိ ၊မရှိ သိနိုင်ပါတယ် ။ ASO ဆိုတာ ကိုယ်ခံဓါတ် (Antibody) တမျိုးပါပဲ ။ ဒီလေးဘက်နာ ကို ဖြစ်စေတဲ့ ဘက်တီးရီးယားပိုး Group A Beta Hemolytic Streptococci ဟာ လူ့  ခန္ဓာကိုယ်ထဲ ဝင်လာပြီး streptolysin ဆိုတဲ့ အင်ဇိုင်းဓါတ်အဆိပ် ကို ထုတ်ပါတယ်။ အဲ့ဒီ အဆိပ်ဓါတ်ကို ခန္ဓာကိုယ်မှ ကိုယ်ခံဓါတ် antistreptolysin O (ASO) နဲ့ ပြန် တိုက်ခိုက် ထုတ်ပါတယ် ။ဒါကြောင့် တိုက်ခိုက်တဲ့ နေရာတွေ ဖြစ်တဲ့ လည်ချောင်း အာသီး ယောင်တတ်တယ် ။ အဆစ်တွေ ယောင်တတ်တယ် ။ ASO မြင့် နေတတ်တယ် ။ ဒီပိုးကြောင့် ASO တက်တာ ၇၅ မှ ၈၀ % မျှ ရှိပါတယ်။
ပုံမှန်ဆိုရင် ASO - ၁၆၀ ယူနစ်/မီလီ လီတာ ( 160 Todd units per milliliter ) အောက်မှာပဲ ရှိရတယ် ။ဒါကလည်း ဓါတ်ခွဲခန်းအလိုက် သတ်မှတ်ထားတဲ့ ကိန်းဂဏန်းဖြစ်ပြီး အနည်းငယ် ကွဲပြားမှု ရှိတတ်ပါတယ် ။ တချို့ ကလည်း ပုံမှန်ကို လူကြီးအတွက် ၂၀၀ အောက် ၊ ကလေး အတွက် ၃၀၀ အောက် ဆိုပြီး သတ်မှတ်ထားကြပါတယ် ။
ပိုးဝင်ပြီး ၁ ပါတ်မှ ၃ ပါတ် အတွင်း (ASO) စ တက် တတ်ပြီး ၃ပါတ်မှ ၅ ပါတ် အတွင်း အမြင့်ဆုံး ရှိနေတတ်တယ် ။ နောက် ၆လ အတွင်း မှာ ပုံမှန် နီးပါး ပြန်ကျ သွားလေ့ရှိပါတယ် ။
ဘယ်လိုကု ။ ဘယ်လောက်ကြာအောင်ကု ။
-အဆစ်တွေ ယောင်ယမ်းကိုက်ခဲတဲ့အတွက် high doses aspirin( 100 mg/kg/day ) နဲ့ corticosteroids အစရှိတဲ့ အကိုက်အခဲ ပျောက်ဆေး ၊ အယောင်ကျဆေး တွေ ပေးရပါတယ် ။
steroids ဆေးတွေကတော့ နှလုံးကြွက်သား အဆို့ ရှင်တွေမှာ ဒါဏ်ရာဖြစ်စေမှု နည်းပါးစေတယ် လို့  ယူဆထားကြပါတယ် ။
-လည်ချောင်းနာ တဲ့ အခါ ပိုမွေးကြည့်ပြီး ပဋိဇီဝ ပိုးသတ်ဆေး ( antibiotics ) များပေးရပါတယ် ။
ASO တက်နေသူတွေ အတွက် အများအားဖြင့် မြန်မာပြည်မှာ ပင်နီစလင်( benzyl penicillin ) ဆေးကို ပေးလေ့ရှိကြတယ် ။ တလတကြိမ် အသားဆေး ထိုးရပါတယ် ။ ရောဂါ ပြန် ဖြစ် နေတဲ့ အခြေအနေအလိုက် ၅ နှစ်ခန့် ထိုးရပြီး နှလုံး ကြွက်သားယောင် ခဲ့သူများ အတွက်ဆို နှစ် ၄၀ ထိအောင် ထိုးကြရပါတယ် ။ ထိုးဆေး ဆိုတော့ အသားနာ တာ ပိုမယ် ။ ဆေး မတည့် တာ ဖြစ်ရင်လည်း ရှော့ ရတတ်တဲ့ အထိ အန္တရာယ် များနိုင်ပါတယ်။
ဒါမှ မဟုတ် သောက်ဆေး အနေနဲ့ Pen-V ၂၅၀ မီလီဂရမ် ကို တနေ့  ၂ ကြိမ် နှုန်း နဲ့  နှစ်ရှည်လများ သောက်ဖို့ လိုအပ်ပါတယ် ။ တချို့ မှာ မကြာခဏ ဖျားပြီး၊ လည်ချောင်းနာ ။အဆစ်ယောင်၊ အကွက်ထွက် နေမယ်ဆိုရင် နှစ်ပေါင်းများစွာ ထိ ဆက်သောက်ဖို့ လိုအပ်တာမျိုးလည်း ဖြစ်တတ်ပါတယ် ။ တချို့နိူင်ငံတွေမှာတော့ sulfadiazine, or erythromycin စတဲ့ဆေးတွေ နဲ့ ရောဂါ ပြန်မဖြစ်အောင် ထိန်းထားကြပါတယ် ။
ဒီပုံကတော့ လေးဘက်နာကြောင့် နှလုံးထိခိုက်တာကိုပြတဲ့ ပုံပါ ။ နှလုံး ဘယ်ဘက်ခြမ်း သွေးပြန်ခန်းနဲ့ သွေးလွှတ်ခန်း ကြားရှိ အခင်၂ခုပါအဆို့ ရှင် ( Mitral Valve) ထူပြီး အပေါက်ဖွင့်ပိတ် မလုံခြင်း ( Mitral Regurgitation ) နဲ့ ၊ ဘယ်ဘက်ခြမ်းသွေးလွှတ်ခန်းရဲ့ ကြွက်သားတွေ ထူလာပါတယ် ။ တချို့ မှာတော့ ထို အဆို့ရှင် ကျဉ်းခြင်း (Mitral Stenosis ) ဖြစ်တတ်ပါတယ်။
နောက်တချက်ကတော့ ကလေးတွေမှာ နောက်ဆက်တွဲ ဖြစ်လာတတ်တဲ့ ပင်ဒါ ပါ ။ ပင်ဒါ ၊ အကောင်လေးတွေ ချစ်စရာကောင်းပေမဲ့ ဒီ - Pediatric Autoimmune Neuropsychiatric Disorder Associated with Streptococcal infections (PANDAS)- ပင်ဒါ ကတော့ ဖြစ်လာရင် မကောင်းပါဘူး။ ဒါက ဒီပိုးဝင်ဖူးတဲ့ ကလေးတွေမှာ အလိုအလျောက် ကိုယ်ခံစွမ်းအား အာရုံကြော၊ စိတ် ၊ နဲ့ပတ်သက်တဲ့ ရောဂါမျိုး မဖြစ်လာရအောင် ပင်နီစလင်ဆေးဖြင့် ကာကွယ်ပေးရပါတယ် ။
Pen-V က လွန်ခဲ့တဲ့ နှစ်ပေါင်းများစွာ တည်းက ပေါ်ပေါက်ခဲ့တဲ့ ဆေးဖြစ်ပေမဲ့ စရိတ်သက်သာ တဲ့ အတွက် မြန်မာနိုင်ငံမှာ ခုချိန်တိုင် အသုံးများနေဆဲပါပဲ ။ နိုင်ငံကြီးတွေ မှာတော့ ပင်နီဆလင် မျိုးကွဲ မျိ်ုးဆက်သစ်များစွာ ထုတ်လုပ်သုံးစွဲနေကြပါပြီင်္။
ဘာတွေရှောင် ။ ဘာတွေဆောင် ။
ဒီဘက်တီးရီးယားပိုးဟာ လူခန္ဓာကိုယ်ထဲ ကို အသက်ရှူ လမ်းကြောင်း၊ အရေပြား၊ အစာလမ်းကြောင်း စသဖြင့် မှ ဝင်ရောက်တတ် တဲ့ အတွက် တကိုယ်ရည် သန့် ရှင်းရေး ဟာ အရေးကြီးပါတယ် ။ အစာ မစားမီ လက်ကို စင်ကြယ်အောင်ဆေးဖို့ ၊ လူအများထူထပ်ရာ ၊ လေကောင်းလေသန့်  နည်းပါးရာ အရပ်ဒေသတွေကို ရှောင်ကြဖို့ ၊ မသွားမဖြစ် သွားရရင်လည်း နှာခေါင်းစည်း တပ်ကြဖို့  ။ အဲ့တာ လေးတွေကတော့ ဘယ်ကူးစက်ရောဂါကို မဆို ကာကွယ်ဖို့  အခြေခံ ကျပါတယ် ။
လေးဘက်နာ ၊ ရောဂါ များမှ လည်း ကင်းဝေးနိုင်ကြပါစေ ။
ကိုးကားစာရင်း ။ ။ဒီနေရာများမှ ရယူ ဖေါ်ပြပါတယ် ။ (၁) (၂) (၃)
ချစ်လိုက်ကြ မုန်းလိုက်ကြ ၊ ရယ်လိုက်ကြ ငိုလိုက်ကြ ၊ ဆော်လိုက်ကြ အော်လိုက်ကြ ၊ ပူလိုက်ကြ အူလိုက်ကြ ၊ဟောင်လိုက်ကြ ငေါင်လိုက်ကြ ။ ခုတမျိုး တော်ကြာတမျိုး ၊ တမျိုးပြီး တမျိုး မရိုးရအောင် ပြောင်းနေကြတဲ့ ဗလောင်းဗလဲ လူ့ စိတ်တွေ ၊အထွေထွေမို့  ပုထုဇနော မယ်ကိတကော လည်း ၊ ဟိုတွေးဒီတွေး ၊ ဟိုရေး ဒီရေး ၊ ဟိုခြစ် ဒီခြစ် လုပ်နေဖြစ်တာ မဆန်းဘူးလို့  ထင်ပါတယ် ။ရံဖန်ရံခါလည်း ပျော်စရာလေးတွေးပြီးခဏ တဖြုတ် ပျော်နေရတာလည်း ကောင်းပေသားပဲ ။ ဒါကြောင့်မို့  ကြားဖူးနားဝ ရယ်စရာ များကို မောစရာများ နဲ့  မရော စေပဲ ဖေါက်သည်ချလိုက်ပါရစေ ။ ဖတ်မိသူများလည်း ဟိုလို ဒီလို အတွေးလေးများ သန်ရာသန်ရာ တွေးယူနိုင်ကြပါတယ် ။
ဒီ ရယ်စရာ ကတော့ ခုတလော ကြက်ဋီကာ ချဲ့ နေတဲ့ ဘကျောက် ( ကြက်ပျံမကျ ) အား ရည်စူး၍ တင်ဆက်ပေးလိုက်တာပါ ။မူလ ရေးသူ မသိတဲ့ forward mail တခု ထဲက ပါပဲ ......
"ဒါကတော့ ရှင်တို့ယောကျာ်းတွေအမြင်နဲ့ပြောတာကိုး "
စိုက်ပျိုးရေးတက္ကသိုလ်တက်နေရာမှ ကျောင်းပိတ်ရက်တွင် အ်ိမ်ပြန်လာရာအိမ်နီးချင်း အမျိုးသမီး တစ်ယောက်က ကျွန်တော့်အား လာတွေ့ပြီးမေးလေသည်။ ကြက်မွေးချင်သဖြင့် အကြံဥာဏ်လာတောင်းခြင်းဖြစ်သည်။
ကြက်မွေးမြူရေးမှာ ကျွန်တော်သင်ယူသည့် ဘာသာရပ်မဟုတ်ကြောင်း၊ သို့သော် တစ်နိုင်မွေးလိုလျှင် ကြက်ဖတစ်ကောင်နှင့် ကြက်မ ၂၅ကောင်လောက် ဆိုရင် လုံလောက်ကြောင်း ကျွန်တော်ကပြောလိုက်ပါသည် ။
နွေရာသီကျောင်းပိတ်ရက်၌ အိမ်ပြန်လာရာ ထိုအမျိုးသမီး၏ ကြက်မွေးမြူရေးကို သွားကြည့်သည့်အခါ ကျွန်တော် အံ့အားသင့်သွားပါသည် ။ ကြက်မ ၂၅ ကောင်နှင့် ကြက်ဖအတော်တော်များများကို တွေ့ရသဖြင့်ဖြစ်သည်။
ကျွန်တော်ကရှင်းပြသည်။
"တကယ်ဆိုရင် ကြက်ဖတစ်ကောင်နှစ်ကောင်ဆိုလျှင် ဒီကြက်မတွေအတွက် လုံလောက်ပါတယ် "
ကျွန်တော့်ကို ထိုအမျိုးသမီးက မကျေမနပ်နဲ့ကြည့်ပြီး ပြန်ပြောလိုက်သည်မှာ . . .
"ဒါကတော့ ရှင်တို့ယောကျာ်းတွေအမြင်နဲ့ပြောတာကိုး ". . . တဲ့ ။
( ကြက်မွေးမြူရေး လုပ်လိုသော မိတ်ဆွေကြီး ကို သုနြေ္ဒ တယောက် တော့ ဘယ်လို ဆုံး ဖြတ်မယ် မသိပါဘူး ... )။
.................................................................................................................
ဒါကတော့ ကြက်နဲ့ ပတ်သက်တဲ့ မယ်ကိ ကိုယ်တွေ့  ဇာတ်လမ်းလေးပါ ။ ရှက်ရှက် နဲ့ ပြန်ပြောမဲ့ ပြန်မပြောချင်တဲ့ ရွှေအရှက်တော်ကွဲ ဇာတ်လမ်း မို့  ရှေ့ မျက်နှာ အောက်ထားပြီး ရေးလိုက်ပါ အုံးမယ် ။
မယ်ကိ တယောက် အူကြောင်ကြောင် နဲ့ လူမျိုးခြား တိုင်းပြည် ကို ရောက်ပြီးသကာလ စကားမတတ် စာမတတ် နဲ့  ငိုစရာ ရော ရယ်စရာတွေပါ ဖြစ်ခဲ့ရတာ မကြာခဏပါပဲ ။ ခုတော့ ငိုစရာတွေ မေ့ ကာထား လို့  ရယ်စရာတွေလောက်ပဲ မှတ်မိနေပါတော့တယ် ။
မယ်ကိ တယောက် ကိုယ်ပိုင် ကလေး မရှိပေမဲ့ ကလေးချစ်တတ်တယ် ။ ( ကလေး မိဘ အလစ်မှာ ကလေးလေးပါးကို ဆွဲဆိတ် တာတို့  ။ ကလေး ငိုအောင်စတာ တို့လည်း တခါတလေ လုပ်တတ်ပါတယ် ) ။ ဒီလိုနဲ့  အားလပ်ရက် တရက် မှာ သူငယ်ချင်းတယောက်ရဲ့  ၂ နှစ်အရွယ် သမီးပေါက်စလေး ကို ချီပြီး တိရစ္ဆာန်ရုံ သွားဖြစ်တယ် ။ ဒီက တိရစ္ဆာန်ရုံ က မနဲ မနော ကျယ်လွန်းတော့ အဝင်ပေါက်ကနေ ဟိုးဘက် ထွက်ပေါက်ထိ ကို ခြေတိုမတတ် လမ်းလျှောက်ရတာပေါ့ ။ ဒီကတိရစ္ဆာန်ရုံမှာ ကြံကြံဖန်ဖန် လှောင်အိမ် ထဲ ထဲ့ မွေးထားတဲ့ ကြက် လေးတွေ ငှက်လေးတွေ လည်း ရှိလေရဲ့  ။( မယ်ကိ တို့ ဆီက ရွှေကျီးကန်း တို့ ကိုများ တခမ်းတနား နဲ့ ကို သံဇကာ ခြံလှောင်အိမ်မှာ မွေးပြထားလေရဲ့ ၊ ကြက်လေးတွေလည်း ရှိပါ့ ) ။ တခြား ကွာလာ ဝက်ဝံလေးတွေ ၊ ပင်ဂွင်းငှက်လေးတွေ၊ ပင်ဒါဝက်ဝံလေးတွေ ကတော့ ရှားပါး သတ္တဝါ တွေမို့  သိန်းပေါင်းများစွာ အကုန်ခံဆောက်ထားတဲ့ ဗီအိုင်ပီ အ်ိမ်လေးတွေ နဲ့ သပ်သပ် ထားပေးတာပေါ့ လေ ။
ဒီလိုနဲ့ လမ်းလျှောက်ရတာ ညောင်းလာတော့ သမီးလေး က မယ်ကိကို ခဏ ခဏ ချီခိုင်းပါတော့တယ် ။ကလေး တွန်းလှည်းကလည်း မယူလာ မိတော့ ကိုယ့်အတတ် ကိုယ်စူး ၊ ကလေး မအေ လို ဗြုတ်စ ဗြင်းတောင်း ဆွဲပြီး ၊ကလေး တဖက် ၊ နို့ ဗူး ၊အနှီးထုတ် တထုတ် နဲ့ ၊ ကလေး တကောင် ခါးထစ်ခွင်ချီလို့  နေပူပူ မှာ လျှောက်ရင်း ၊ ငှက်အိမ် ကြက်အိမ် နားရောက်လာပါလေရော ။ ဒီ အချိန်မှာ အပူကြောက်တဲ့ ကလေးမှာတော့ ချွေးတရွှဲရွှဲ နဲ့  ဂျီတိုက်နေပြီမို့ 
ခြေညောင်း လက်ညောင်း နေတဲ့ မယ်ကိ ခမြာ ကလေး ဘေးချ ပြီး မြူရတာပေါ့လေ ။
“ ရှောင် ဖိန်ယို ၊ နီခန့်  နီခန့်  ရှောင်ကျီးကျီး၊ ရှောင်ရှောင်ညောင် ဖေးလိုင် ဖေးချွိ ။ ဟောင် ခန့်  ၊ဟောင်ခါအိုက် ရော ” ( 小朋友 . 你 看看 小 雞雞 跟 小小鳥 . 飛來 飛去. 好看 .好可愛 ) ..အိစံကွားလား.. ဘာ ညာ ..တတ်သမျှ လျှောက် မှုတ်ရတော့တာပေါ့ ။ ( ဘာသာ ပြန် .... ကလေးရေ . ကြည့်ပါ ..ကြည့်ပါ ။ ကြက်သေးသေးလေး ။ ငှက်သေးသေး လေး ။ ဟို ပျံ ဒီပျံ နဲ့  ။ကြည့်လို့ကောင်းတယ် ။ ချစ်စရာလေးတွေ ... စသဖြင့် ပေါ့လေ ..း)))
ဒီတော့ အနားက ဖြတ်သွားကြတဲ့ လူတွေ မှာ မယ်ကိ ကို ကြည့်ရင်း ပြုံးစိစိ နဲ့ ။ ခမြာ မတော့ ဘာမှန်းမသိ ပြန် ပြုံးပြ နေရတာကြာတော့ တခုခုတော့ လွဲနေပြီ လို့ ထင်မိသား ရယ် ။ ဟယ် တတ်နိုင်ပါဘူး ။ ဒါပဲ ပြောတတ်တာ လို့  စိတ်မှာ ထားပြီး ဒီစကားလုံးကိုပဲ ထပ်ခါ တလဲလဲ ရွတ်ပြီး ကလေးချော့တေး ဆိုသလို ဆိုလိုက် ၊ ပြုံး သွား တဲ့ သူ တွေ ကို ပြန်ပြုံးပြလိုက် နဲ့ ပဲ ကလေးလည်း မော ပြီးအိပ် ။ မယ်ကိလည်း ဟောဟဲဆိုက် နဲ့ အိမ်ပြန်လာခဲ့ကြတာပေါ့ ။
အိမ်ပြန်ရောက်ပြီး သူငယ်ချင်းနဲ့တွေ့ တော့မှ ဒီအကြောင်း ပြန်ပြောပြပြီး တဲ့နောက် အကြောင်းရင်းသိရတော့ မှ ပဲ ၊ အို့  ဟိုး ဒါ့ကြောင့်ကိုး လို့ ခွက်ခွက်လန် ရယ်လိုက်မိတော့တယ် ။
( ခက်ဆစ် အဓိပ္ပါယ် )...
小 雞雞 ၊ 小小鳥 .= ယောင်္ကျားလေးများ၏ ရွှေပြွန်က ရေသွန်သော ကရိယာ တန်ဆာပလာ အား ချစ်စဖွယ်ဆိုသော စကားစု ၊ ဖြစ်ပါကြောင်း...
ကြက်ကလေးတွေ၊ ငှက်ကလေးတွေ က သူ့ တို့ ဟာသူ တို့  နေကြတာ ကို လူတွေက ဘာလို့များ ဒီလို လာ လာ နှိုင်းကြမှန်းမသိပါဘူး ။
မြန်မာဘန်းစကား မှာတော့ ကြက် က အမ ပစ္စည်း ဖြစ်ရပြီး၊ တရုပ်မှာကျတော့ အထီးပစ္စည်း ဖြစ်ရပါသေးလားလို့ ။
အချက်မသိတော့ ဇရက်(ဆက်ရက်) ဂျိုးထင် ၊ မဟုတ်ပဲ အချက်မသိတော့ ကြက်နဲ့ ငှက် ကို “ဂျိုး” ထင် အောင် လွဲမှားရပါတော့တယ် လေ ။
ဒီတခါတော့ အဝါရောင် သန်းနေသော ရယ်စရာများ ဖြစ်နေတဲ့ အတွက် နားနဲ့  မနာ မျက်စိနဲ့သာ နာကြပါတော့ ။
သင်္ကြန်အခါရောက်ပြန်ပါပေါ့ ။ ဒီအချိန်ခါရောက်တိုင်း သင်္ကြန်ပိုးက ရိုးတိုးရွတ ထ နေတတ်သေးတယ် ။ တုံချမ်းချမ်း သံကြားရရင် စိတ်ထဲ ဘယ်လိုပျော်မှန်းမသိ ။ ဝီစီသံ တပီပီ နဲ့ ဟိုဟို ဒီဒီ သွားလာ ဆော့ကစားနေကြသူတွေ မြင်ရရင် အိမ်ထဲမှာ ဘယ်လိုမှနေလို့ မရ ။ ပြူတင်းပေါက်က ချောင်းကြည့်ရတာ အမော ။ သင်္ကြန်မတိုင်မီကတည်းက နို့ ဆီခွက်လွတ်ကို အပေါ်ဖုံးဖြုတ် ၊ အနားညီအောင် သံမံသလင်းနဲ့ ပွတ် ၊ လက်နဲ့ ကိုင်လို့ကောင်းအောင် လွတ်မထွက်သွားအောင် ရာဘာပြား နဲ့ချည်ပြီး အဆင်သင့်ပြင်ထားရတာလည်း အမော၊ နောက်တော့ ရေပြွတ်လေးတွေဝယ်ဖို့  မုန့်ဘိုးစုရတာလည်း အသည်းအသန်ပါပဲ ။ ခုတော့ .... ငယ်ငယ်ကလို ရေမကစားရတော့ပေမဲ့ နှစ်စဉ် ဒီအချိန်ရောက်တိုင်း ငယ်ငယ်တုန်းက သင်္ကြန် ကိုပဲ လွမ်းနေမိတယ်။ ဒီတော့ ..ဒီတော့ စိတ်ထဲရှိရာတွေးမိတာတွေ ရေးမိပြန်ပါတယ် ....
တို့ ငယ်စဉ် တာသင်္ကြန်ပွဲ ၊ ရေတွေရွှဲပေမဲ့ ၊သဲသဲမဲမဲကဲခဲ့ကြပေါ့ ၊
မဏ္ဍာပ်စုံလင် ရေသဘင်နဲ့ ၊ ဘဝင်ခိုက်ခိုက် ၊ ရှိုက်ကြီးဖိုငင် အသွင်သွင် ၊
ပျိုပျိုခင်များ ၊ လှပ ဝတ်ဆင် ရှိုးပြင် နေပြ အခါတွင်းဝယ်၊
ပိုက်ကြီးပိုက်ငယ် အသွယ်သွယ်နဲ့ သင်္ကြန်ရေဖျန်း လန်းနေကြတုံး ၊
အရွယ်ငယ်သေး ပိစိကွေးကွေး ကလေးများက ၊
ခွက်စုတ်လေးနဲ့  ပက်တာလောက်တော့ ရယ်တာပေါ့ လို့  အော်ခဲ့ကြတယ် ပျော်ကြတယ် ။
ဘူးဘောင်းမရှိ ရေကောင်းပါဘိ နဲ့ ၊ဘီယာမရောင်း ၊သေရည်စာ မရောင်း၊
အယူဟောင်း မပါယ် ချစ်စဖွယ်ဓလေ့ ပျော်ရွှင်မွေ့ စွာ ၊
သူငါ ယဉ်ကျေး ပြောဆိုပေးလို့  ကလေးလည်းပျော် ၊ ခွေးလည်းပျော်ပေါ့ ။
သင်္ကြန် ကြို ကျ ကြတ် တက် ဤ ၄ ရက် လုံး ၊
ပြုံးရွှင်ပျော်မြူး နှစ်သစ်ကူးတော့ ၊
တောရောမြို့ပါ နေရာအနှံ့ ရေကစားကြ ။
သင်္ကြန်ကြိုတေး လက်ဆေးမိုးအေး၊ ရွာချပါက ပိုပျော်ကြ၏ ။
ရိုးရာ တစ်မျိုး သင်္ကြန်တာအိုး အိမ်တိုင်းထိုးလို့ ၊ သိကြားမင်းကို ကြိုကြတယ် ၊
သက်ကြီးရွယ်အို ထိုထို လူအများ ကျောင်းကန်သွားလို့ ၊
ဥပုသ် သီလ ဆောက်တည်ကြပေါ့ ၊ ကုသိုလ်ရအောင် ဆိုကြတယ် ။
စတုဒီသာ ဟိုမှာဒီမှာ ၊ အလှူမဏ္ဍပ် တရစပ်မို့ ၊
မပြတ်လပ်အောင် ခပ်သွက်သွက်လွေး ရွှေရင်အေး ၊
ဟိုပေါ် ဒီပေါ် မုန့် လုံးရေ ပေါ် ၊ တော်သလိုလုံး တပြုံးပြုံး နဲ့ ၊ဖုံးဖိပြီးထဲ့ ငရုတ်သီးကွဲ့ ၊
ကြံသကာ ၊ ထန်းညက်ခဲ ၊အုန်းသီးနဲ့တွဲဖက် အလွန်မက်ပေါ့ ၊ဗိုက်ကွဲ မတတ် ဆွဲခဲ့ကြ ။
အသားများများ ကြာဇံဟင်းခါး ၊အလီလီစားပေါ့၊
ရခိုင်မုန့် တီ အစီအရီလဲ မအီလေတော့ တွယ်ပေပေါ့ ။
ရေစိုဝတ်နဲ့ တနေကုန် ဆော့ကစား မျောက်ရှုံးများတို့ ၊
ဖျားနာခြင်းလည်း အလျှဉ်းမရှိတာ ၊ သင်္ကြန်ရေရဲ့  အစွမ်းပါဗျ ၊ ညဥ့်နက်တဲ့ထိ ပွဲဆက်ကြည့်ပေါ့ ။
ဟောဗျ လာပြီ ၊ တန်းစီစောင့်ကြ ၊ ဆုပေးမဏ္ဍပ် အထပ်ထပ်မှာ ဝင်ကာကဖို့ ၊
အလှပြကား ဘော်ဒီဆန်းပြား၊ ဒီဇိုင်းအစုံမယ် လျှပ်စစ်မီးသွယ်၊
တူရိယာအမယ် စုံလင်ပါသား ၊ ပြင်ဆင်ထူးခြား သင်္ကြန်ကားများ ။
ညဘက် အလှပြ ၊ ဘဝ ၊ ဟာသ ၊ အက သံချပ် အစုံစပ်လို့ ၊
ကပ်သပ် ပြိုင်ဆိုင်၊ အော်ခဲ့ကြတယ် ။ ဆော်ကြတယ် ။
ခေတ်ကို သရော် ခပ်ပျော်ပျော်ပဲ၊ ဘယ်ငနဲမှ လာမဆွဲဘူး ။
ပွဲတိုင်း နွှဲတိုင်း ဆိုင်းဝိုင်းမြိုင်ပြီး လက်ခုပ်တီးပေါ့ ၊ ကြီးငယ်မရွေး ပျော်နိုင်သေး ။
နှစ်ဆန်း တစ်ရက် မပျက်ရောက်တော့ ၊ မျက်မှောက်ကုသိုလ် မျှဝေယူဖို့  ၊
ဘုရားသွား ကျောင်းတက် ဥပုသ်ဆက်ကာ ၊ ငှက် နွား ငါးများ ဘေးမဲ့ထားဖို့ ၊
နိုးနိုးကြားကြား ပြုကြတယ် ။
သက်ကြီးရွယ်အို ချေးညှော်ကင်းအောင် ကူဖေးသုတ်သင်ပေးကြတယ်၊
ရပ်ကွက် အတွင်း၊ ဘေးရန်ကင်းအောင် ၊
ကမ္မဝါအမှန်ဖတ် ၊ ပရိတ်ရေဖြန်း သန့် ကြတယ် ။
ခုခေတ် ခုခါ သင်္ကြန်မှာတော့ ၊ ဘယ်ပုံ ဘယ်ဝါ ရှိမယ် မသိ ၊
ခေတ်ပြောင်း စနစ်ပြောင်း လူတွေပြောင်းတော့ ၊
ရှေးဟောင်းအယူ သတိမူ ၊ သူသူငါငါ မနည်းသွားစေဖို့ ၊
ကမ္ဘာတည်သရွေ့  မြန်မာဟေ့လို့  ၊
အားမာန် ဟန်တင်း မြင်စမ်းချင်ပ ၊
တို့ ငယ်စဉ်ကနွှဲ ၊ သင်္ကြန်ပွဲ ။
( ယနေ့  သင်္ကြန် အကြို နေ့ တွင် ၊ ငယ်ငယ်တုန်းက ပျော်စရာ သင်္ကြန်သို့  အမှတ်တရ ရေးပါသည် ။ နှစ်သစ်မှာ မြန်မာပြည်သူ ပြည်သားများ ဘေးဘယာကင်းကွာ၍ လွတ်လပ်ပျော်ရွှင်ကြပါစေ )
ဘာလိုလို နဲ့ နှစ်ဟောင်းကုန်လို့ နှစ်သစ် တနှစ်ပြောင်းပြန်အုံးတော့မယ် ။ နှစ်တွေ ဘယ်လိုပြောင်းပြောင်း ခေတ်တွေ ဘယ်လိုပြောင်းပြောင်း လတန်ခူး မှာ ကြည်နူးရကြောင်း ကတော့ မြန်မာတို့ ရဲ့  နှစ်ကူး သင်္ကြန် ပွဲတော်ကြောင့် ဆိုရင် ပိုတယ် မထင်ကြစေလို ။ အညစ်အကြေးတွေ ဘယ်လိုပေပေ ၊ အတာရေ နဲ့ ဆေးပါ့မယ် ဆိုပြီးတော့ သင်္ကြန်ရေတွေ ပက်ကြလေသတဲ့ ။ရိုးရာ မပျက် ကောင်းမှု ကုသိုလ်တွေ ပြုကြလေသတဲ့ ။
သင်္ကြန်ကျရခြင်း ရာဇဝင်ကို မခင်းလိုတော့ပါ ။ ( မှတ်မှတ်မိမိ နဲ့ သိခဲ့ခြင်းတွေလည်း သိပ်မရှိတော့၍ မခင်းပြနိုင်ခြင်းပါဟု ရိုးသားချင်ယောင်ဆောင်ပြီး အမှတ်ယူလိုက်ခြင်းဖြစ်ပါသည် ) ။ မြန်မာဟာ မြန်မာ ပါပဲ ၊ မြန်မာလူမျိုးတွေ ဘယ်နေရာရောက်ရောက် တာသင်္ကြန်ပွဲကို တော့ အမှတ်ရနေကြမည်ဖြစ်ပါသည် ။ သို့ ဖြစ်၍ ဤနိင်ငံ ရောက် မြန်မာလူမျိုးများ နှင့် မြန်မာပြည်ဖွား တရုပ်နိုင်ငံသားများမှာလည်း သင်္ကြန်ပွဲကို ပြီးခဲ့သော နှစ်အနည်းငယ်အကြာမှ စတင်၍ နှစ်စဉ် အမှတ်တရ ကျင်းပကြလေသည် ။
ဤနိုင်ငံ အစိုးရမှလည်း ပင်လယ်ရပ်ခြား နိုင်ငံသားများအတွက် ပံ့ပိုးပေးသည် ။ မီးသတ် ၊ ရဲ ၊ ကျန်းမာရေးဝန်ထမ်းများ မြို့ နယ် ၊ ရပ်ကွက် မှ တာဝန်ရှိသူများ မှ အကူအညီ လည်းပေးသည် ။ဒီတော့ မြန်မာပြည်ဖွား တရုပ်အများစု နေထိုင်ရာ ထိုင်ပေ ၊ ကျုံးဟော် မြို့ မှာ ယနေ့  (၁၁ ရက် ဧပြီလ ၂၀၁၀ ) မနက်ပိုင်းမှ စပြီး ညနေ ၄ နာရီအချိန်ထိ မြန်မာ့ရိုးရာ သင်္ကြန်ပွဲကို ကျင်းပကြသည်။ လူကြီး လူငယ် မရွေး ၊ ကလေး ရော ခွေးပါ ပျော်ရွှင်စွာ ရေကစားကြသည် ။ ဗုဒ္ဓဘုန်းတော်ကြီးများမှငါးပါးသီလပေး၍ ဗုဒ္ဓဘုရားဆင်းတုတော်အား ရေသပ္ပါယ်ကြပြီး၊ အဆို အက ၊ မုန့်ဈေးတန်း ၊ မဲနှိုက်ပွဲ ။စသဖြင့် ပါဝင်သော သင်္ကြန်ပွဲ အကြောင်း မှတ်တမ်းတင် ဖေါ်ပြလိုက်ပါသည် ။
ဒါကတော့ မြန်မာအက နဲ့ နွေမ ။ သီဆိုပေးသူကတော့ ခုတလော Super Idol သီချင်းဆိုပြိုင်ပွဲမှာ နာမယ်ကြီးနေတဲ့ မြန်မာပြန်လူငယ် ကျောက်ထိုက်ရှန်ပါ ။
နှစ်သစ်မှာ မြန်မာ နိုင်ငံသားအားလုံး လွတ်လပ်စွာ ချမ်းမြေ့ ပျော်ရွှင်ပြီး မြန်မာပြည်ကြီး အေးချမ်းသာယာ တိုးတက်ပါစေကြောင်း ဆုမွန်တောင်းလိုက်ပါသည် ။
နိစ္စ ဓူဝ ကိစ္စ များမြောင် လူတို့ဘောင်ဝယ် ၊ တခါတရံ မှာတော့လည်း ဟုတ်သော်ရှိ မဟုတ်သော်ရှိ ရယ်စရာ အကြောင်းလေးတွေ ကြံဖန် ပြောကြရင်း၊နားထောင်ကြရင်း နဲ့  ဘဝ အမောတွေ ဖြေကြရတယ် ။ဒီတော့ လည်း အမောပြေ ရယ်စရာလေး များ ပြန်ပြောပြချင်တယ် ၊
တစ်နေ့မှာပေါ့ ကုလသမဂ္ဂ ငြိမ်းချမ်းရေး အစည်းအဝေးက ပြန်လာတဲ့ လေယာဉ်တစ်စင်းပေါ်မှာ ကျောင်းသားငယ်လေး တစ်ယောက်၊ ဘုန်းကြီးတစ်ပါးနဲ့ အမေရိကန်သမ္မတကြီး ရယ် ၊ တရုတ်နိူင်ငံ ခေါင်းဆောင်ကြီးရယ် ၊ရွှေနိုင်ငံက အကြီးအကဲဆိုသူ ရယ် အတူတူ စီးလာကြတယ်။
တစ်နေရာ အရောက်မှာ လေယာဉ် စက်ချို့ယွင်းပါလေရော ။ အဲဒီမှာ လေယာဉ်မှုးက ပြောတယ်
" လေထီးက ၅ ခုပဲပါတယ်ခင်ဗျား ၊ ကျနော့်မှာ အိမ်က ကလေးတွေနဲ့ မိန်းမကို စိတ်မချလို့ " ဆိုပြီး လေယာဉ်ပေါ်က ဦးဆုံး ခုန်ချသွားတယ် ။
အဲဒီမှာ အမေရိကန် သမ္မတကြီးက " ကျနော်က ကမ္ဘာ္ဘ္ဘကြီးငြိမ်းချမ်းရေးအတွက် လုပ်နေရတာ၊၊ ကျုပ်မရှိလို့ မဖြစ်ဘူး " ဆိုပြီး လေထီး ၁ ခု ယူပြီး ဆင်းသွားပြန်ရော ။
ဒီတခါကျတော့ တရုတ်ခေါင်းဆောင်ကြီး က ပြောတယ် " ကျုပ်မရှိတော့ရင် အရှေ့ တောင် အာရှရဲ့၊တိုးတက်မှုတွေ ရပ်တန့်သွားလိမ့်မယ် " ပြောပြီး လေထီးတခုနဲ့  ဆင်းသွားတယ် ။
တစ်ခါ ရွှေနိူင်ငံရဲ့  ရွှေ့အကြီးအကဲဆိုသူက လည်း၊ ကျုပ်က အရေးကြီးပုဂ္ဂိုလ် ဆိုတော့ ၊ ကျုပ်တိုင်းပြည်ကြီးမှာ ကျုပ်မရှိ်လို့ မဖြစ်ဘူးဆိုပြီး လေထီးအိတ်ဆွဲပြီး ဆင်းသွားတယ် ။
လေယာဉ်ပေါ်မှာ ဘုန်းကြီးနဲ့ ကလေးပဲ ကျန်ခဲ့တယ် ။ လေထီးက တစ်အိတ်ပဲ ကျန်တယ် ။အဲဒီမှာ ဘုန်းကြီးက ကျောင်းသားလေးကို “တကာလေး ၊ ကျန်တဲ့ဒီ လေထီး ကို ယူပြီးဆင်းပါ။ ဘုန်းကြီး အသေခံ မယ် ” လို့ ပြောတယ် ။
ဒီတော့ ကျောင်းသားလေးက ပြန်ပြောတယ်။
" ဟာ ....ဦဇင်းကလည်း ဦးဇင်းက ဘာလို့ အသေခံရမှာလဲ ၊ စောစောက သားတို့ ရွှေ အကြီးအကဲ ယူသွားတာ လေထီးမှ မဟုတ်တာ ။ အဲဒါ သား ကျောပိုးအိတ်ကြီး " .....တဲ့..။
forward mail ထဲမှ အခြေခံ ဖြည့်စွက်ထားခြင်းပါ ၊ မူလရေးသူအမည်ပါမလာတဲ့အတွက် ပြန်လည် ဖေါ်ပြပေးနိုင်ခြင်း မရှိတာကို နားလည်ပေးကြစေလိုပါတယ်။
ဒါနဲ့ ကိုယ့်ဟာကိုယ်လည်း တွေးကြည့်မိပါတယ် ။တွေးမိတွေးရာတွေပေါ့။
-ဟုတ်ပေလိမ့်မယ် ။ ရွှေအကြီးအကဲ က အသက်လည်းကြီးပြီပဲ ၊ အမြင်တွေ ဝေဝါးနေလောက်ရောပေါ့ ။
-ဒါမှ မဟုတ် လေထီးအိတ်နဲ့ ကျောပိုးအိတ် ကိုတောင် ခွဲခြားမသိသေးတာလား။ခက်လှချည်သေး ။ ဒါပေမဲ့ ခြေသွက် လက်သွက်တော့ ရှိနေပါသေးကလား ။ အရင်ရအောင်ခုန်နိုင်ပါပေ့ ။
-နောင်ဆို “ ကျောင်းသားများ၊ ကျောပိုးအိတ် မသုံးရ ” ဆိုတဲ့ ဥပဒေ တရပ်အသစ်ထွက်လာနိူင်တယ် ။ .....
-မောင်းသူမဲ့  နေတဲ့ ဒီ လေယာဉ်ကြီး ဘယ်လိုများ ရှေ့ ခရီးဆက်မှာ ပါလိမ့် ။ ဘုန်းကြီး နဲ့  ကျောင်းသား လေး တို့ လိုရာခရီး ချောချောမောမော ရောက်ပါ့မလား ။
-နောက်ဆုံးရတဲ့ အတွေး နဲ့  အသိတရားကတော့ “ စေတနာ အကျိုးပေး ” ဆိုတာ ဒီလိုပါလား လို့  ။
( စိတ်အပန်းပြေ ၊ ရယ်စရာ ပြုံးစရာ ..မျှသာ.... )
ပုံတွေကို photobucket မှ ရယူထားပါတယ်။
ခုတလော နည်းနည်းလုပ်ပြီး များများပြောနေသူများ ကို တွေ့ နေ ၊ မြင်နေရ လို့  ကြားရတာ နားဝမှာ မသက်သာလှပါ ။
သို့ ဖြစ်ပါ၍ အောက်ပါ စာကြောင်း လေး နဲ့ ကာတွန်းလေး ကို သတိရမိသည်။
နည်းနည်းပြောပြီး များများနားထောင်ပါ ။ ။
ပညာရှိများ ဆိုထားခဲ့ကြတဲ့ စကား ။မှန်ပါသည်။ တကယ်လုပ်နေကြသူတွေ များများပြောဖို့  အချိန်မရှိကြပါ ။ မိမိလုပ်နေသော အကြောင်းအရာ ကိစ္စတခု ၊အလုပ်တခုကို စိတ်ရောကိုယ်ပါ စူးစိုက်လုပ်ဆောင်နေသူတဦး ၊အာရုံ မထွေပြားပဲ အားသွန်ခွန်စိုက်ကြိုးစားလုပ်ဆောင်နေရပါလျှင် အခြား အသေးအဖွဲ မဆီမဆိုင် များကို တွေးတော ငေးမော တွေဝေ နေရန် အချိန်မရပါ ။ သူတပါးပြောစကားကို များများနားထောင်ဖို့ လိုသည် ဆိုပေမဲ့ မှန်၏ မမှန်၏ ၊ ယုံသင့် ၊ မယုံသင့် ကိုတော့ ကိုယ့်ဦးနှောက်ဖြင့် ချင့်ချိန်သုံးသပ်ရပေမည်။ ကိစ္စတခု အလုပ်တခုကို မပြုလုပ်မီ မှာတော့ ဤအလုပ်မှာ လုပ်သင့် မလုပ်ထိုက် ၊ မိမိအတွက်ရော အခြားသူများ အတွက်ပါ အကျိုး ရှိ မရှိ ။ အပြစ် ဖြစ်နိုင် မဖြစ်နိုင် စသည်တို့ ကိုတော့ အရင်ဦးဆုံး စဉ်းစား ရမည် ဖြစ်သည် ။ မှန်ကန်သောဦးတည်ချက်ဖြင့် ဆုံးဖြတ်ချက်တခု ချမှတ်ပြီး ဤအလုပ်ကို စ လုပ်ပြီဆိုပါက ၊ အခက်အခဲ များကို ရင်ဆိုင်ပြီး အောင်မြင်မှု ရသည်ထိ ကြိုးစားရပေတော့မည် ။
( ပုံ နဲ့ စာ များ သေချာ မမြင်ရရင် ထုံးစံအတိုင်း ကလစ်... ပေါ့ လေ .. သိပြီးသားတွေပဲ ထပ်ပြောနေတယ် .. )
များများပြောပြီး နည်းနည်း နားထောင် ...( အဆိုအမိန့် နဲ့ ဆန့်ကျင် တဲ့  မဆို မမိန့်  )
ဒါကတော့ ဘုဂလန့်  အော်ပီကျယ် ရဲ့  အယူအဆ ။ဘုဂလန့် ဆိုလို့  သူ့ အယူအဆများ မှားနေသည် လို့ တထစ်ချ ယူဆလို့ တော့မရနိုင် ။ ကိုယ့် အကြိ်ုက် ကိုယ့် အတွေးတွေနှင့် တူညီနေတာ တိုက်ဆိုင်နေတာ တွေ အများကြီး ရှိလို့  သူ့ အတွေးတွေကို နှစ်သက် မိတယ် ။ ခုခေတ်ကြီးထဲမှာ လူတွေအများအားဖြင့် ဒီလိုဖြစ်နေကြလို့  ဒီလိုတွေးလိုက်ရတာမို့  အတွေးချင်းတူညီသူများ လက်ခံနိုင်ကြပါလိမ့်မယ် ။ သရော်စာ satire လို့  ယူဆရင်လည်း မမှားပေဘူး ပေါ့ ။
(၁)နားနှစ်ဘက်ပါရှိခြင်းသည် ဒီဘက်နားမှဝင်ပြီး ဟိုဘက်နားမှ ထွက်သွားစေနိုင်ရန်ဖြစ်သည်။
ဟုတ်ပေသားပဲ ။ သူတို့ ပြောသမျှ မိုးလုံးပြည့် မုသား အားလုံးကိုနားဝင်နေပါက ဦးနှောက်စားပြီး ပေါက်ကွဲသွားနိုင်လို့  တဘက်ကဝင်ပြီး နောက်တဘက်က ထုတ်ပစ်ခြင်းသည် သာ အကောင်းဆုံးပါ ။
(၂)သူများစကားပြောနေလျှင် စိတ်ဝင်စားဟန် မပြပါနှင့် ။
အကြောင်းအရာတခုကို မပြီးနိုင်အောင် လေရှည်နေသော ဆရာ့ ဆရာကြီးများနှင့်တွေ့ ပါက ဤနည်းသည် အလွန်အသုံးဝင်ပါသည် ။
(၃) အရည်မရ အဖတ်မရ စကားကို များများပြောပါ ။
“နွားကနေပြီး လျှပ်စစ်ဓါတ်ထုတ်ယူရမယ် ကွ” ဒါက ဦးနှောက် ကောင်းသူကြီး ရဲ့ အယူ အဆ ။
“ စက်မှု နိုင်ငံတော်ကြီးဖြစ်အောင် လက်မှုအလုပ်တွေ အားလုံးဖျက်ပစ်ပါ ” ဒါက သူတို့ တွေးသလို လိုက်တွေးမိတာ။
လူပေါ်လူဇော်လုပ်လိုသူများ အတွက် ... အာမွှေးကွမ်းယာ များများစားပေးပါ ။ထွေးပြီးသား ကွမ်းတံတွေး ပြန်မြိုမရနိူင်တဲ့ အကြောင်းကိုတော့ သတိပြုပါ ။ အထွေးမတော်ပါက ဒါဏ်ငွေရိုက်ခံရကိန်းရှိနိုင်သည်ကိုလည်း မမေ့ပါနှင့် ။
(၄) သူများစကားကို ဖြတ်ပြောပါ ။ လုပြောပါ ။
လူ့ ယဉ်ကျေးမှု များစွာထဲမှ သူများစကားပြောစဉ် ဖြတ်ပြောခြင်းသည် ရိုင်းသည် ဟု ယူဆ မှုများ ယနေ့  ခေတ်မှာ ပျောက်ကွယ်ကုန်ကြလေပြီ ။ မျက်မှောက်လောကကြီးမှာ အသံကျယ်ကျယ်ပြောသူ အနိုင်ရဘို့  လမ်းများပါသည် ။ထို့ အတူ သူများစကားကို လုပြော ဖြတ်ပြောခြင်းဖြင့် လူအများ၏ အာရုံစူးစိုက်မှုကို မိမိထံသို့  ဆွဲငင်ယူဆောင်နိုင်ပါသည်။
(၅) ဤနည်းများ ဖြင့် ကိုယ့်ကိုယ်ကိုယ် ချီးမွမ်းထောပနာပြုသံများသိပ်သည်းစွာ အများသူငါ အထက်တွင် အသင် ရပ်တည်နိုင်ပါလိမ့်မည် ။
(မယုံလျှင် စမ်းကြည့်ကြပါ ။ { ချွင်းချက် ။ ကိုယ်ဖြစ် ကိုယ်ခံ }။ ပြောင်းပြန်တွေ ဇောက်ထိုးတွေ များနေကြတဲ့ ဒီခေတ်ကြီး ထဲ မှာ ၊ မိုက်တယ် ဆိုတာ လွယ်ပါတယ် ။ စိတ်ပေါက်ပေါက် နဲ့  ရေးချင်ရာ ရေးလိုက်ပါတယ် ။ အရည် မရ ၊ အဖတ်မရ တွေပါပဲ ။ အမြင်မတူသူများ မမြင်ချင်ယောင် ဆောင်သွားကြပါ ။ တုံးအောက်က ဖါး .. ပြားတဲ့ ဖါးရော ဖေါင်းတဲ့ ဖါးရော .. အားလုံး တုံး အောက်မှာပဲ ရှိနေကြ ပါသေးတယ် ။ တုံးကြီးဖယ်ဖို့  ဘယ်ဖါးပြားပြားမှ မတတ်နိုင် ၊ဒါမှ မဟုတ် ဖါးဖေါင်းဖေါင်းတွေက တုံးအောက်မှာ နေရတာပဲ၊ စား ကောင်း သောက်ကောင်း နဲ့  ဇိမ်တွေ့ နေကြလို့  မဖယ်ချင်ကြတော့ တာလား ။ ကိုယ်တိုင်ကတော့ ဒီ ၂၀၁၀ မှာ “ဘူးသီး” ကို ဘယ်လိုဓါတ်ကျနေမှန်းမသိ ။ဘူးသီးကြော် ၊ ဘူးသီးပြုတ် တို့ စရာ ။ ဘူးသီးချဉ်ရေဟင်း ၊ဘူးသီး ဟင်းခါး ၊ တနေ့  တနေ့  မရိုးရလေအောင် စားနေရလေရဲ့  ၊ )
ညည ဆို မအိပ် နဲ့ ကြာရင် ဂေါက်သွားမယ် တဲ့ ..ခုခေတ်သီချင်းတွေထဲမှာ ကြားမိတော့ ၊နားမလည်ဘူး၊ ဂေါက်တယ် ဆိုတာ ဘာလည်း ပေါ့ ။ ဒါ နဲ့  သူငယ်ချင်းတယောက်ကို မေးကြည့်ရတယ် ။ ဟာ.. နင်ကလည်း တုံး လိုက်တာတဲ့ ။ဒါလေးတောင် မသိဘူးလား ။ ဂေါက်တယ် ဆိုတာ ငါတို့ ခေတ်က လျှောဘရားသား ဆိုတဲ့ သဘောပဲ တဲ့လေ ။ဪ .. ခေတ်တွေလည်း မတူကြတော့ ဘန်းစကားတွေ လည်း ဘယ်တူကြတော့ မလည်းလေ ။ အရင် က သိခဲ့သမျှ ဂေါက်ဆိုတာ ပြန်စဉ်းစား မိလိုက်တယ် ။ ဂေါက်သီး ၊ ဂေါက်ရိုက် ၊ ကားလှည့်တဲ့  ဂေါက်တံ ၊ ရေနွေးကြို တဲ့ ဂေါက်တံ ။ ဒီလောက်ပဲ သိတော့တယ်။
ကားလှည့်တဲ့  ဂေါက်တံ ဆိုတာ ဒီခေတ် ကလေးတွေ သိတော့မယ် မထင်ဘူး ။ ဂျစ်ကားတွေ မှာ ကားစက်နှိုးလို့ မရရင် ရှေ့  ဘန်ပါ အပေါက် ထဲ ကဆင့် လက်နဲ့  ဆွဲ လှည့်ပေးရတဲ့ သံချောင်း တဆစ်ချိုး ကောက်ကောက်ကြီး ။တော်ရုံအား နဲ့  လှည့်နှိုး လို့မရဘူး ။ ထားပါတော့ ဒီဂေါက်တံ က ။ခုမှ သိပ်မသုံးကြတော့တာ ။ ဒီတော့ အသုံးတည့်မဲ့ ဂေါက် အကြောင်းပဲ ပြောတော့မယ် .
ဗမာလို လည်း ဂေါက် လို့ လိုက်ပြော လူသိများ နေတဲ့ ရောဂါတခု .. မြန်မာမှု ပြုထားတဲ့  အခေါ်အဝေါ်တော့ သေချာ မသိလို့  သိသူများရှိရင် ပြောသွားပေးကြပါ ။ ဒီဂေါက်ရောဂါ က အဆစ်တွေ ယောင်ရမ်းကိုက်ခဲ တဲ့  ရောဂါ တခု ။ ဆေးစကား အရ ( Gouty Arthritis ) လို့ ခေါ်ပါတယ် ။ အလွယ်တကူကတော့ ဂေါက် ( Gout ) ပေါ့ ။
ဂေါက် ဘာလည်း ။ ဘယ်မှာလည်း ။
-ဂေါက်ဆိုတာ ရုတ်တရက် ပြင်းထန်စွာ ယောင်ရမ်းနာကျင် စေသော အဆစ်ယောင် ရောဂါ ။
- ဖြစ်လေ့ရှိတဲ့ အဆစ်များမှာတော့ - ခြေမရဲ့  အရင်း အဆစ်(1st MP joint) မှာ အများဆုံးယောင်တတ်တယ် ။
ဒါ့အပြင် ခြေကျင်းဝတ် ။ ဒူးဆစ် ။ လက်ချောင်းများ ။ လက်ကောက်ဝတ် ၊ တံတောင်ဆစ် စတဲ့  အဆစ်တွေမှာ ယောင်ရမ်းတတ်တယ်။ ဒီအဆစ်ယောင်လိုက် ၊ ဟိုအဆစ်ယောင်လိုက်နဲ့ လှည့်ပတ်ပြီး ယောင်တတ်ပါတယ် ။
ဂေါက်တာကြာရင် အဆစ်တွေမှာ ယူရိတ်ပုံဆောင်ခဲတွေစုပုံ အနည်ထိုင်ပြီး ဖုလုံးပုံသဏ္ဍန် ဖြစ်လာတတ်တယ် ။ Tophi လို့ ခေါ်တယ် ။
ဆိုးရွားတဲ့ အခြေအနေဆို ဒီဘုလုံးကပေါက်ထွက်ပြီး အနာဖြစ်တတ်တယ် ၊ဒီိအနာမှာ မြေဖြုခဲစေးပျစ်ပျစ်နဲ့ တူတဲ့ အနှစ်တွေရှိတယ် ။
ဓါတ်မှန်ရိုက်ရင် ဒီလိုပုံမျိုး ၊ အရိုးအဆစ်တွေ ပျက်စီးနေတတ်တယ်။
ဘာကြောင့်ဖြစ် ။
သွေးထဲမှ Uric Acid များဟာ ၊ အဆစ်တွေထံမှာ ယူရိတ် ပုံဆောင်ခဲ{ Monosodium Urate (MSU)Crystal } များအနေနဲ့  အနည်ထိုင် များပြားလာလို့  အဆစ်ယောင် နာကျင်တာ ကို ဖြစ်စေတယ်။ ဒီ Uric Acid ဆိုတာကတော့ စားလိုက်တဲ့ အသားဓါတ်( Meat protein ) ဝမ်းတွင်းကလီစာ . . အူ ၊အသည်း၊ နှလုံး ၊ အဆုပ်၊ ကျောက်ကပ် (Internal organ )၊ မှို၊ ကညွတ် ။ ပဲ အမျိုးမျိုး အစရှိတာတွေကို အဆင့်ဆင့် ခြေဖျက်ရင်း ဓါတ်ပြုပစ္စည်းအဖြစ် ထွက်လာတဲ့  Purine ဓါတ်တွေပါပဲ ။ဒီဓါတ်တွေကို ပုံမှန်အတိုင်းဆိုရင် သူ့ ပမာဏ ရဲ့  ၃ပုံ၂ပုံကို ကျောက်ကပ်မှ တဆင့် ဆီးထဲကနေ ပြင်ပသို့  စွန့် ထုတ်ပစ်လိုက်ပါတယ် ။ကျန်တဲ့  ၃ပုံ၁ပုံ ကိုတော့ အသည်းမှ တဆင့် ချေဖျက် စွန့်ပစ်ပါတယ် ။
ဒါကြောင့်ဒီအစားအစာ တွေအလွန်အမင်းစားသုံးသူများမှာ၊ စွန့် ပစ်တာက မနိုင်တော့တဲ့အခါ ၊ ဂေါက် တတ်ပါတယ်။ ဂေါက်ရဲ့ အကြောင်းထဲမှာ ဒီအစားအစာကြောင့် ဖြစ်တာ ၁၂ % မျှ ရှိပါတယ်
ဘယ်သူတွေမှာ ဖြစ် ။
-ယောကျာင်္း တွေ မှာ မိန်းမ တွေထက် အဖြစ်များတယ် ။မိန်းမတွေ မဖြစ်ဖူးလို့ မဆိုလိုပါ ။
-မိန်းမ တွေ ထဲ မှာ လည်း ဓမ္မတာ သွေးဆုံးပြီးသူ ( Menopause ) အရွယ်နဲ့  အထက်တွေမှာ ပိုဖြစ် တတ်တယ် ။
-အရက်သောက်သူ တွေမှာ ပိုအဖြစ်များတယ် ။ ဘီယာ လည်း အကျုံးဝင်ပါတယ်။( တချို့ သောသူတွေက ဘီယာဆိုတာ ဆီးရွှင်စေလို့  မဂေါက်နိုင်ဘူးလို့ ထင်မြင်ယူဆနေတတ်ကြတယ်။ မှားပါတယ် ။ ဂေါက်မှာ ဘီယာလည်း မသောက်ရပါဘူး )
-တခြား ရောဂါ ရှိသူများ ဥပမာ - သွေးတိုး၊ ဆီးချို ၊ သွေးအဆီဓါတ်များသူများ ။မှာ ဂေါက်ဖြစ်ဖို့  လွယ်ပါတယ် ။
-မျိုးရိုးလိုက်ပြီးတော့လည်း ဖြစ်တတ်ပါတယ် ။
-တချို့ ဆေးဝါးတွေ သောက်သုံးမှုကြောင့်လည်း ယူရစ်အက်ဆစ် ( Uric Acid level )တက်တတ်ပါတယ် ။ ဥပမာ - နှလုံးသွေးကြောပိတ်ခြင်းမှ ကာကွယ်ရန် အတွက် ဆိုပြီး Aspirin ဆေးကို အနည်းငယ်မျှ (Low Dose- 60 မှ 100 mg မျှ ) သောက်သုံးသူတွေမှာ၊ Thiazide ဆီးဆေး သောက်သုံးနေရသူတွေမှာ Uric Acid level တက်တတ်ပါတယ် ။ ဒါကြောင့် ဂေါက်ဖြစ်တတ်တယ်လို့ လည်း ယူဆပါတယ်။
ဘယ်လို စစ် ။
အဆစ်တွေ ရုတ်တရက် အပြင်းအထန် နာကျင် ယောင်ရမ်းလာပြီဆိုရင် ၊ သူ့ ရဲ့ ဖြစ်ပုံဖြစ်နည်း ၊ လောလောဆယ် အစားအသောက် ၊အရက်သောက် /မသောက် စတဲ့ ရာဇဝင်လေးတွေ မေးလိုက်ခြင်းအားဖြင့် ဂေါက်/ မဂေါက် သိသာပါတယ်။
တိကျ တဲ့ အဖြေလိုချင်ရင်တော့-
- သွေးဖေါက်စစ်လို့ရပါတယ် ။ ပုံမှန် အနေနဲ့  Uric Acid level မှာ 120 to 420 μmol/L (2 to 7.0 mg/dL) ရှိရပါတယ်။ ဒါထက်များနေရင် hyperuricemia လို့ ခေါ်ပါတယ် ။ဂေါက်သမားတွေမှာ ယူရစ်အက်ဆစ်တက်တတ်သလို တခြားအခြေအနေတွေ ( ဥပမာ - ကင်ဆာရောဂါအတွက် ဆေးသွင်းကုသမှုယူနေရသူများ ၊ ဓါတ်ကင်နေရသူများမှာ)လည်း အဆမတန် တက်နေတတ်ပါတယ် ။
ဒါ့အပြင် ဒီ ပမာဏက ဂေါက်ယောင်နေတုံးအချိန်မှာ တက်ချင်မှ တက်နေမှာပါ ။ ဘာလို့ လဲဆိုတော့ ဒီလူနာမှာ Uric Acid ချ တဲ့ ဆေးတွေ သောက်ထားမယ်ဆိုရင် ဒီသွေးကိုစစ်ကြည့်ပေမဲ့ တက်မနေတတ်ပါဘူး ။
- အဆစ် ထဲ က Synovial fluid အရည်ကို အပ်နဲ့ စုတ်ထုတ်ပြီး မိုက်ခရိုစကုပ်အောက်မှာ ယူရိတ်ပုံဆောင်ခဲတွေ ရှိ/မရှိ စစ်လို့ရပါတယ် ။ ဒါကတော့ နာနေတဲ့ အဆစ်ကို အပ်နဲ့ ထိုးရဦးမယ်ဆိုတော့ သိပ်တော့ မကောင်းလှပါဘူး။
ဘယ်လိုကု ။
(၁) နာကျင် ယောင်ရမ်းနေတဲ့ အဆစ် နေရာတဝိုက်ကို ရေခဲ အုပ်ပေးပါ ။ ခြေထောက်ပိုင်းမှာ ဖြစ်နေရင်လည်း ထိုင်နေစဉ် ၊သို့ မဟုတ် အိပ်နေစဉ်မှာ ဒီနာနေတဲ့ အဆစ်ကို မြှင့်ထားပေးပါ ၊
(၂) ဆေးသောက်ရပါမယ် ။
ဆေးတွေက အမျိုးမျိုးပေါ့ ။
- စတီးရွိူက် မပါဝင်တဲ့  အကိုက် အယောင်ပျောက်ဆေးများ ( NSAID - Volteran , Ponstan , Ibuprofen , Motrin , Indocin စသဖြင့် )
- ကိုချီဆင် - (ကိုချစ်စိန် မဟုတ်ပါ ) - Colchicine - သူကတော့ ရုတ်တရက် ဖြစ်လာတဲ့ ဂေါက် Acute Attack မှာ အသုံးများပါတယ် ။ နာကျင်တာ ဆိုးရင်တော့ ဒီဆေး နဲ့ တခြား ဆေးတမျိုးမျိုးကို တွဲသုံးကြပါတယ်။
- ယူရစ်အက်ဆစ် ထုတ်လုပ်မှုကို တားဆီးပေးတဲ့ ဆေးများ ( Allopurinol - Zyloprim, Aloprim) နဲ့ ( febuxostat - Uloric) စသည်များ
-သွေးထဲရှိ ယူရစ်အက်ဆစ် ကို စွန့်ထုတ်ပေး တဲ့ ဆေးများ ( Probenecid - Probalan)
-စတီးရွိုက်ပါတဲ့ဆေးများ ( Corticosteroid - သူ့ ကိုတော့ ပမာဏ အနည်းငယ် နဲ့ အချိန် တို တို သာ သုံးရပါတယ် )
ဘာတွေ ရှောင် ။
ဂေါက်နဲ့ မတည့်တာတွေ အတော်များပါတယ် ။ပြူရင်းဓါတ် ( Purine )များတဲ့ အစားအစာ- အဓိက ကတော့ ဝမ်းတွင်း ကလီစာ များ ဖြစ်တဲ့ အူ ၊အသည်း၊ နှလုံး ၊ အဆုပ်၊ ကျောက်ကပ် အစရှိသည်များ ၊ အသား နဲ့ ပဲ အမျိုးမျိုး ၊ မှို ၊ ကညွတ် ။ မျှစ် ။ အသားပြုတ်ရည် ။ chicken broth အစရှိတာတွေ ရှောင်ရပါမယ် ။ လူတယောက် အတွက် တနေ့ စာ အသားဓါတ်က ၄ မှ ၆ အောင်စ (၁၁၄ မှ ၁၇၀ ဂရမ်) လောက်ဆို လုံလောက်ပါပြီ ။
ခုခေတ်လူတွေ အင်မတန်စားလေ့ ရှိကြတဲ့ ဟော့ပေါ့ ( Hot pot ) ဆိုရင် အသားစုံ၊ ကလီစာစုံ ၊ပဲစုံ ၊ မှိုစုံ နဲ့ ဆိုတော့ ၊ စားရင်းနဲ့ အသောက်ကလေးပါ တွဲဘက်လိုက်တဲ့ အခါ ဂေါက်သမားများ နောက်တရက် ကျ အလွန်ဂေါက်မြန်ပါတယ် ။
ဘာတွေဆောင် ။
- ရေများများသောက်ရပါမယ် ။ တနေ့ ကို ၂ လီတာမှ ၄ လီတာ ထိ သောက်ဖို့  လိုအပ်ပါတယ်။
- အသီး အရွက် တွေ များများစားပေးရပါမယ် ။
- မတည့်စာတွေ ရှောင်ရပါမယ် ။ အရက် ၊ ဘီယာ အပါအဝင် မတည့်စာများ အထက်မှာ ဖေါ်ပြပြီးဖြစ်ပါတယ် ။
- တနေ့ မှာ ကော်ဖီ ၄ ခွက်မှ ၆ ခွက်လောက်သောက်ပေးရင်လည်း အမျိုးသားတွေဂေါက်တာကို အကျိုးရှိစေတယ် လို့  ယူဆချက် များလည်း ရှိနေပါတယ် ။( ကဖင်းဓါတ် အလွန်အကျွံဆိုရင်တော့ နှလုံးအတွက် မသင့်တော်တာကို သတိပြုကြစေလိုပါတယ် ၊
- အဆီနှုတ်ထားတဲ့  နို့  နဲ့  ဒိန်ချဉ် တို့ သောက်ရင်လည်း ဂေါက် နဲပါးစေတယ် လို့ ယူဆကြပါတယ် ။ဒါ့အပြင် ဗီတာမင်စီဓါတ် ပါသောဆေးများ ၊သစ်သီးများ လုံလောက်စွာ စားသုံးပေးရင် ဂေါက်ဖြစ်ဖို့ အခွင့်အရေး နဲပါတယ် ။ တနေ့မှာ ဗီတာမင်စီ 1,500 mg စားသုံးပေးသူ က ၊ တနေ့မှာ 250 mg သာ စားသုံးသူထက် ဂေါက်ဖြစ်ဖို့  ၄၅ % နည်းပါးတယ်လို့  သိရပါတယ် ။
- အချိုဓါတ် လျှော့စားပြီး ၊ သင့်တော်တဲ့ လေ့ကျင့်ခန်းများ ပြုလုပ်ပြီး အဝမလွန်စေအောင် ထိန်းထားရပါမယ် ။
ကိုယ်အလေးချိန် ချ ရာမှာလည်း တဖြေးဖြေးချင်းသာ ချပေးရမယ် ။ အချိန်တို အတွင်း ဝိတ်လျှော့ရင် ယူရစ်အက်ဆစ်များ တက်လာတတ်လိ်ု့  ဂေါက်ပိုဖြစ်စေတတ်တယ် ။
ဆင်တူရိုးမှား ယောင်ပုံများ။
septic arthritis ၊ chondrocalcinosis ( Pseudogout )အစရှိတဲ့ အဆစ်ယောင်ရောဂါများနဲ့ ဆင်တူရိုးမှားရှိတတ်တဲ့ အတွက် ကျွမ်းကျင်သူဆရာဝန်များနဲ့  ပြသ စစ်ဆေး မှု ခံယူသင့်ပါတယ် ။
အချက်အလက်တွေကို ဒီနေရာများ ၁ ၊ ၂ မှ ရယူပါတယ်
ဆလိုက်ရှိုးပုံများ ကြည့်လိုရင် ဒီမှာ ရှိပါတယ် ။
ဂေါက်တောက်တောက် ဖြစ်ခြင်းမှ ကင်းဝေးနေနိုင်ကြပါစေ ။
ဒီမနက် ဖတ်လိုက်ရတဲ့ သတင်း တပုဒ်ကြောင့် အတွေးတွေ ပွားဖြစ်လို့  ပြန်ပြီးဖေါက်သည်ချချင်မိ ပါတယ်။ သူတစ်ပါးအသက်သတ်သူ (သူသတ်သမား) ၊ တစ်ပါးလူ အသက်သတ်သူ အား ( လူသတ်သမား) လို့ ခေါ်ကြရင် ၊ ဒီလူကိုတော့ ကြောင်သတ်သမား လို့  ခေါ်ရမယ်ထင်တယ် ။ ဒါများ အဆန်းလုပ်လို့  ဆိုချင်ဆိုကြပါလိမ့်မယ်။ လူတွေက တိရစ္ဆာန် တကောင်ကောင်ကိုသတ်တာ မပြောနဲ့ လူ လူချင်းသတ်နေ ဖြတ်နေကြတဲ့ သတင်းတွေ အများကြီးမို့  ဒီကြောင်သတ်သတင်းက ဘာမှ မထူးဆန်းလှပါဘူး ။ဒါပေမဲ့ သူ့ နောက်ဆက်တွဲ သတင်းက ထူးဆန်းနေလို့ ပါ...
ဒီလိုပါ ။ ဒီသတင်းလေးကို ဦးဆုံးပြောပြချင်တယ် ။ ထိုင်ဝမ်နိုင်ငံမှာ လူကြိုက်အများဆုံး တက္ကသိုလ် Taiwan University 台大 ဆိုတဲ့ ကျောင်းတော်ကြီးမှာ ပညာသင်ကြသူတွေ အင်မတန်မှ မျက်နှာပွင့်ကြပါတယ် ။ ဒီအထဲမှာ မှ ဘွဲ့ လွန် ပညာသင် သူတွေဆို ပိုပြီး လူအထင်ကြီးကြတယ်ပေါ့ ။ ( ဒါပေမဲ့ ခုခေတ် ခုအခါမတော့ ဘွဲ့ လွန်တက်သူတွေ လည်း အင်မတန်ပေါများ လာနေကြပြီဖြစ်လို့  သူသူငါငါ လိုပါပဲ ၊ ဘွဲ့ ရ အလုပ်လက်မဲ့  ဖြစ်တဲ့ သူတွေ တနေ့ တခြား ကမ္ဘာနဲ့  အဝှမ်း တိုးပွားနေကြပြီပေါ့ ) ။ ဒီဇာတ်လမ်းထဲက ကြောင်သတ်သမားကလည်း ဒီတက္ကသိုလ်ကြီးရဲ့  ဘွဲ့ လွန်အင်ဂျင်နီယာတန်းက ကျောင်းသားတယောက်ပါ ၊ ပြီးခဲ့တဲ့ နှစ်ဦးပိုင်းမှာ သူနေတဲ့ ကျောင်းပတ်ဝန်းကျင် နဲ့ ညဈေးတဝိုက်မှာ ရုပ်ပျက်ဆင်းပျက် သေနေတဲ့ ကြောင်များကို တွေ့ ခဲ့ကြရတယ် ။ ဒါကြောင့် ကြောင်ချစ်သူတွေ က တိရစ္ဆာန်စောင့်ရှောက်ရေးအဖွဲ့ ကို အကြောင်းကြားခဲ့ကြပြီး ရဲအကူအညီနဲ့ တရားခံ ကြောင်သတ်သမား ကို ဖေါ်ထုတ်နိုင်ခဲ့ပါတယ် ။( ရဲတွေက လူသတ်သမား ရာဇဝတ်သားတွေကို ဖေါ်ထုတ်ဖို့ ရန် တာဝန်ကျေရုံမျှမက ကြောင်သတ်သမားကို ပါ ဖေါ်ထုတ်ပေးတဲ့  တာဝန်ကျေပါတယ် ။ဒါပေမဲ့ နိုင်ငံရေးနဲ့ ဆက်နွယ်နေတဲ့ လူသတ်မှု အချို့  ကို ခုချိန်ထိ မဖေါ်ထုတ်နိုင်သေးတဲ့ သာဓက တချို့  ရှိနေပါသေးတယ် )
Mr.Lee ( 李念龍 ) ဟာ အသက် ၃၄ နှစ် ရှိပြီး ကြောင်ချစ်သူများ ဆက်သွယ်ကြတဲ့ အင်တာနက်လိုင်းတခုမှ တဆင့် ကြောင်တွေကို မွေးချင်လို့ ဆိုပြီး လိမ်ညာ ယူခဲ့ပါတယ် ။ သူ့ ရဲ့ ချစ်သူ ကိုယ်တိုင်လည်း ကြောင်ချစ်သူ မို့ ကြောင်ကလေး တစ်ကောင် မွေးထားရာမှာ ပြီးခဲ့တဲ့  နှစ်ဦးပိုင်းမှာ ရည်းစားဖြစ်သူ ဒီကျောင်းသားထံ သူမ ရဲ့ ကြောင်ကို ခဏပေးမွေးထားပါတယ် ။ ဒီလိုနဲ့ တနေ့ကျ သူ မရဲ့ ရှေ့ မှောက်မှာပဲ ကြောင်ကလေးကို သတ်ပြပါတယ် ။အဝတ်လျှော် အခြောက်လှမ်းတဲ့ စက်ကြီးထဲ ကြောင်လေးကို ထဲ့မွှေပြီး ချားရဟတ်စီးခိုင်းတာ ဖြစ်တဲ့အကြောင်း သူ့ ရည်းစား မိန်းကလေးကိုပြောသေးတယ် ဆိုပဲ ။ ပြီးတော့ မူးဝေ မလှုပ်ရှားနိုင်တဲ့ကြောင်လေးဗိုက်ကို လက်နဲ့ ဖိညှစ်သတ်လိုက်တယ်တဲ့ ။ဒီတော့ ရည်းစားကောင်မလေး က ဒီလို မလုပ်သင့်ကြောင်းပြောရာမှ ကတောက်ကဆဖြစ်တော့ ၊တိရစ္ဆာန် သတ်တာဘာမှ အပြစ်မရှိကြောင်း၊ ဖြစ်ရင်လည်း အလွန်ဆုံး ဒါဏ်ငွေ ဆောင်တဲ့ အဆင့်လောက်သာ ရှိကြောင်း ပြောခဲ့သေးတယ်တဲ့ ။ နောက်ဆုံးတော့ ရည်းစားကောင်မလေး က သူနဲ့ လမ်းခွဲခဲ့ပါတယ် ။ သူဟာ ကြောင် အကောင်များစွာကို နည်းမျိုးစုံနဲ့  ရက်စက်စွာ သတ်ခဲ့ပါတယ် ၊ခု လက်ရှိအချိန်ထိ နောက်ထပ် ကြောင် ၁၀ ကောင်ကျော် အသတ်ခံထားရတဲ့  အကြောင်းအရာ နဲ့ ပတ်သက်ပြီး သူ့ ကို ဆက်လက်စစ်ဆေးနေဆဲ ရှိပါသေးတယ် ။
ဒီနေရာက ရတဲ့ သတင်းပါ ။
ပညာတတ်ကြောင်သတ်သမား
ခုတော့ တိရစ္ဆာန် ညှင်းဆဲ နှိ်ပ်စက် သတ်ဖြတ်မှု နဲ့  ဒီကြောင်သတ်သမားကို ထောင်ဒါဏ် တစ်နှစ်ခွဲ ချမှတ်လိုက်ပါပြီ ။
ဒါဟာ ထိုင်ဝမ်နိုင်ငံရဲ့  တရားရုံးမှ - တိရစ္ဆာန် ညှင်းဆဲ နှိ်ပ်စက် သတ်ဖြတ်မှု နဲ့ လူကို ထောင်ဒါဏ် ပေးလိုက်တဲ့ ပထမဦးဆုံး တရားစီရင်မှု ပါပဲ ။ ဒါ့အပြင် ဒါဏ်ငွေ သုံးသောင်းလည်း ချထားပါသေးတယ် ။
ငါးပါးသီလ လုံခြုံကြဖို့ ဘုရားရှင် ဟောကြားခဲ့တဲ့ အထဲ “ပါဏာတိပါတာ ဝေရမဏိသိက္ခာပဒံ သမာဒိယာမိ ”ဟူ၍ သူတစ်ပါးအသက်သတ်ခြင်းမှ ရှောင်ကျဉ်ပါမည် ဆိုတဲ့ အချက် ကို ဗုဒ္ဓဘာသာဝင်တိုင်း နားလည် သဘောပေါက် ကြပါလိမ့်မယ် ။ ဒီိလိုမှ မဟုတ် သူတစ်ပါးအသက်ကို သတ်မိရင် အပြစ်ရှိပါတယ်။ အပြစ်တစ်ခု ကျူးလွန်မိရင် ကိုယ်ပြုခဲ့တဲ့ ပြစ်မှူဒါဏ်ကို ကိုယ်တိုင်ပြန်ခံရမှာပါ။ ဒါ့အပြင် သူ့ ပတ်ဝန်းကျင်က သတ်မှတ်ထားတဲ့ တရားဥပဒေနဲ့ အညီ စီရင်တဲ့ ပြစ်ဒါဏ်ကိုလည်း ခံရမယ် ။ ရာဇဝတ်ကြွေးကို ပြန်ပေးဆပ်ရမယ် ။
ဥပဒေ ထက်မှာ ဘာမှ မရှိစေရတဲ့  ဥပဒေကို လိုက်နာကြတဲ့ နိုင်ငံတွေမှာ ၊ လူ့ အခွင့် အရေးကို ထိန်းသိမ်း လိုက်နာကြတဲ့ နိုင်ငံတွေမှာ ။ ခုဆိုရင် လူတွေ အတွက်တင်မဟုတ်ပဲ တိရစ္ဆာန်တွေရဲ့  အခွင့်အရေးတွေကိုပါ ကာကွယ်ပေးနေကြပါပြီ ။ ခုလို တိရစ္ဆာန်တွေကို မတရား ညှင်းဆဲ သတ်ဖြတ်တာကို အထောက်အထား ပြည့်စုံရင် ငွေ ဒါဏ် ၊ ထောင်ဒါဏ်တွေ ချလို့ ရနေပါပြီ ။ ဒီလိုဆိုတော့ လူတချို့ ကလည်း အထွန့် တက်ပြောကြသေးတယ် ။ ပရွက်ဆိတ် သတ်ရင်ရော ထောင်ကျမလားပေါ့ ။ ခွေးသားရောင်းတဲ့ ဆိုင်တွေ၊ ခွေးသတ်ရောင်းသူတွေကျတော့ရော ဘယ်လို ဘယ်ဝါပေါ့ ။( လွန်ခဲ့တဲ့ နှစ်ပေါင်းများစွာတွေက ကမ္ဘာလှည့် ခရီးသည်တွေ အများဆုံး သွားရောက်လေ့ရှိကြတဲ့  ညဈေး တခုမှာ သတ်လေ့ သတ်ထ ရှိတဲ့  မြွေ ၊ မျောက် ၊ လိပ် ။ အစရှိတဲ့ သတ္တဝါ များကို ခုဆိုရင် အများသူငါရှေ့ မှာ စီးပွားဖြစ် သတ်ဖြတ်ရောင်းချမှုကို ပိတ်ပင်ထားတာတောင် နှစ်အနည်းငယ်ကြာခဲ့ ပါပြီ )။
ကြောင်သတ်ရင်တောင်ထောင်ကျတယ် ဆိုတဲ့  ဒီသတင်းကို ဖတ်ပြီး အတွေးပွားမိတာကတော့ ...တိရစ္ဆာန်တွေမှာတောင် .တိရစ္ဆာန် အခွင့်အရေး အပြည့်ရနေကြတဲ့ နိုင်ငံတွေရဲ့  တရားဥပဒေ စိုးမိုးမှု မျိုးတွေ နဲ့ ၊ လူ့ အခွင့် အရေး ဆိတ်သုဉ်းနေတဲ့  နိုင်ငံ တချို့ ရဲ့  တရားဥပဒေ စိုးမိုးမှု တွေ ကို နှိုင်းယှဉ်ကြည့်လိုက်တော့ ၊ မိုး နဲ့  မြေ ဆိုတဲ့ စကားတစ်လုံးတည်းသာ ......
Subscribe to:
Posts (Atom)
